مفاجئة لطيفة ومبتكرة من أسباير بمناسبة العيد

[شيخ الديرة]

دق جرس الباب حوالي الساعة العاشرة ليلا وتساءل الجميع من قد يكون الطارق الغير متوقع.

فتح أبني الباب وعاد حاملا معه سلتين من الفواكه قائلا أن أسباير يوزعونها على البيوت في الفريج

مع السلة ورقة صغيرة تدعو الى الأحتفال بالعيد بأكل الأغذية الصحية مثل الفواكه بدل الحلويات

مشكورين الأخوة المسؤولين في أسباير وفكرة لزيــ أوي ــزة :nice:

http://oi44.tinypic.com/3359oit.jpg

[الحاقول]

فكره حلوه من اسباير

[SOUD.QA]

الله يعطيهم الصحه والعافيه ما يقصرون بكل طريقه اسباير يحاولون يزرعون فينا ثقافة الرياضه والاكل الصحي وإن شاء الله يشوفون النتايج قريب مو بعيد

ليت كل الاماكن الحيويه تسعى سعيهم وتكون بهمتهم قواهم الله وإن شاء الله يتمون بهالنشاط والافكار على طول

[طلعة الروح]

بادرة طيبة وايجابية

[مشاكل]

روعة وفكرة جميلة تشكر عليها ادارة سباير

[كلمة المرور]

الفكرة حلوة

بس الي مب حلو انهم ما مروا علينا:tease::funny:

[وليف الشوق]

الله الله عليكم ياسباير وافكاركم الجهنمية واللي ابيه من اسباير افكار جديدة وشبة يوميه ونشاطات كثيرة ومساعدة الكثير من الرجال والنساء للمشي بأي طريقة كانت وكما تعلمون بان هناك اعداد كبيرة من المواطنين والمقيمين لديهم احجاك كبيرة تتعدى اوزانهم الـ 170 كيلو جرام بالاضافه الى تنوع الامراض مثل السكري ولماذا لاتقومون بعمل برامج ونصائح وارشادات للجميع بدلا من اللجوء لبعض الاندية الخاصه او الاماكن الخاصه لعمل الدايت والتي تهلك المقيم والمواطن بمصاريف تلك المحال التجارية والتي هما الاكبر هو المادة

[kitmat]

روعة بس ليش مايجون صوبنا ههههههههه احنا قريبين وايد من سباير

[شيخ الديرة]

روعة بس ليش مايجون صوبنا ههههههههه احنا قريبين وايد من سباير

والله بيتنا ليس بالقريب جدا منهم

[السيف500]

اوكي بادره حلوه من اسباير
ومشكوريين عليها
لكن ودك ان الوقت بدري موب الساعه عشر
ولا ايش رايكم

[بوحارب]

اوكي بادره حلوه من اسباير
ومشكوريين عليها
لكن ودك ان الوقت بدري موب الساعه عشر
ولا ايش رايكم

الساعة عشر للحين تو الناس :nice:

وبادرة حلوة وانا في انتظارهم ابي عنب :tease:

[ام السعف]

الفكرة حلوة

بس الي مب حلو انهم ما مروا علينا:tease::funny:

هذا اللي زعلني في الموضوع :(

[عضو قديم]

انا بيتي جدام حديقة اسباير ماجاني شي
يمكن بيبول اند بيبول

[ام السعف]

انا بيتي جدام حديقة اسباير ماجاني شي
يمكن بيبول اند بيبول

هاهاها

اعجبتني بيبول اند بيبول

[العنيده]

بادره حلوه وتشجيع حلوو للاغذيه الصحيه مشكوووووورين ..

[راشد محمد]

فكره حلوه من اسباير

[وطن]

فكرة حلوة

[شيخ الديرة]

انا بيتي جدام حديقة اسباير ماجاني شي
يمكن بيبول اند بيبول

فعلاً، بيبول فريجنا غير عن بيبولكم

[moonبنتnight]

فكرة جميلة وبادرة طيبة 00
الله يعطيهم العافية 00

[R 7 A L]

روعة بس ليش مايجون صوبنا ههههههههه احنا قريبين وايد من سباير


انا بيتي جدام حديقة اسباير ماجاني شي
يمكن بيبول اند بيبول



عين عذاري :tease:

[شيخ الديرة]

الساعة عشر للحين تو الناس :nice:

وبادرة حلوة وانا في انتظارهم ابي عنب :tease:

من حقك تطالب بالعنب. بصراحة نوعية الفاكهة درجة أولى ، ورمان بعد

[OM_OMAR_QATAR]

روعة ماشاء الله هاي الناس الي تشتغل عدل ..
بس يارب الرسالة توصل لنا عاد !

[Salmaqtr]

ان شاء الله توصلنا وفكرتهم حلوة الله يعطيهم العافيه..

[جرح الزمان]

فكرة ممتازة

بس ليش ما وزعوا سلال صغيرة على رواد الحديقة

الجو جو اسباير

[مهرة]

فكرة حلوة وخطوة أحلى ..

والأحلى من هذا كله لو جايين الصبح ..

الواحد يحلي فيها بعد الغدا ..:nice:

[بـــــدوي]

اقووول اخوي ما تخبر شي من البيوت حولكم ، للتأجير أو للبيع :p

[عصير بو نص]

فكرة حلوة وإن شاء الله يوصلون الوكير :nice:

[شيخ الديرة]

فكرة ممتازة

بس ليش ما وزعوا سلال صغيرة على رواد الحديقة

الجو جو اسباير

لأن يعرفون أن الكثير راح ياخذون الفواكه ويتركون العلب تتطاير في الحديقة.

مع الأسف بعض الناس ما يعرفون ينظرون خلفهم ويتأكدون من أنهم تركوا المكان أنظف مما وجدوه

أما علب مكدونالدز وزجاجات العصير في ساحة المواقف فتلك قصة يطول سردها

[شيخ الديرة]

اقووول اخوي ما تخبر شي من البيوت حولكم ، للتأجير أو للبيع :p

العيد عيدين لو تسكن حولنا أخي بدوي

[شيخ الديرة]

فكرة حلوة وخطوة أحلى ..

والأحلى من هذا كله لو جايين الصبح ..

الواحد يحلي فيها بعد الغدا ..:nice:

وعد لاعضاء المنتدى كلهم اذا دق الجرس مرة ثانية وأسباير يوزعون سلال فواكه, أخذ لكل واحد سلة.

هذا درس أذا دق الجرس أفتح الباب بنفسك :omen2:

[وليف الشوق]

ياحبكم للنقد والفضايح وكثرة الكلام اللي مالها داعي صراحه
ياانكم تشكرون هالجه ولا اسكتوا احسن !! وربي احس انكم ومن كثر الكلام الزايد انكم ماكليتم في بيتوكم واللي يبي فواكه ترى من اللحظه هذي اترس بيته وثلاجته بعد ومن عيوني


لاحول ولاقوة الا بالله العلي العظيم

[نوار قطر]

اي يحليهم فكرتهم وااايد حلوه احنا امس يابو لنا ماقصرو على هالفواكه الحلوه

[MAZEN37]

والله انا اقول بالعشرين الف الي وزعوها اناناس يجيبون كم ثلاجة ماي ثابته في الحديقه لمستخدميين الحديقه افضل

[بوعلاوي]

فكرتهم جدا حلوه .. بس يكون احلى اذا جاو عند بيتنا

[شيخ الديرة]

والله انا اقول بالعشرين الف الي وزعوها اناناس يجيبون كم ثلاجة ماي ثابته في الحديقه لمستخدميين الحديقه افضل

حتى تتحول الى مغاسل ووحلة :omen2:

وعلى كل حال قناني الماء توزع مجانا لمن يمشى أو يركض

[المحاميه]

من قدكم
عليكم بالعافيه

واحنا مالنا نصيب :(