خدعة التجار الجديدة (( 25 ريال للمندوب 50 ريال للمندوب )) [الأرشيف]

مشاهدة النسخة كاملة : خدعة التجار الجديدة (( 25 ريال للمندوب 50 ريال للمندوب ))

نسيم الغربي

10-10-2013, 01:44 AM

السلام عليكم ورحمة الله

حبيت اتطرق الى موظوع مهم ومنتشر
هذه الفترة بزيادة عند (( بعض التجار ))

الا وهي :

موظوع : التوصيل او ان صح التعبير (( المندوب ))

يعني تلاقي بعض التجار يعرض لك اكسسوارات او اكل او غيرها من الاشياء

مثلا قطعة ب 70 ريال ويقولك والمندوب 35 :rolleyes2: طيب واذا كانت اصلا القطعة حدها 70 اجي احط عليها 35 تصير 105 على شغلة بسيطة

والبعض عندة المندوب يحط فايدت لين 50 و 100 ريال :anger1:

وللاسف ان الغالبية منهم عندة سواقة الخاص او هو يقدر يوصل الطلبات ومع ذلك يتعذر لك بالمندوب :telephone:

المفروض اني اذا شريت منك شي توصلة لي او اتواعد معاك واخذه (( هذا المتعارف علية ))

والبعض لما تقولة طيب انا بجيك باخذه ولابطرش لك السايق يتهرب :omen2:

اتمنى البعض يتقي الله شوي في تجارتة.

الا اذا كانت السالفة مالت المندوب عشان يزيد السعر بصورة غير مباشره او بطريقة التوائية هذا شي اخررر وللاسف البعض مثل ماذكرت :victory:

ام السعف

10-10-2013, 06:23 AM

لا تلومهم ،، التوصيلة لها حقها حتى لو اللي يوصل دريول البيت

كل شي بحسابه في عالم التجارة ،،

ما يصير يعطل مشاوير عياله علشان يفيد الناس ،،

إما لو انه امأجر سايق بسيارته فذا حقه من التوصيلة ،،

قطريه22

10-10-2013, 06:42 AM

صحيح كلامك المشكله بعض التاجرات يرفعون اسعارهم بشكل مش طبيعي

وبعض المندوبين يقولك ماقدر اجي يصير مكان قريب وانا اروح المكان الي اتفقنا عليه وبعد ياخذ مبلغ التوصيل كامل، وازيدك اغلبية المندوبين يكونون من معارف التاجر او التاجره او سواقهم ويحلفون ويقسمون انهم مايعرفونه

من فتره شفت وحده تبيع كيس تيد بيكر الحجم الصغير وكان الاصلي
سألتها بكم سعره قالت ٤٥٠
ماخذته ويوم الجمعه الي طاف كنت في دبي رحت محل تيد بيكر الاصلي ويوم شفت الكيس سالت عن السعر الا ب١٥٠ ريال
تخيل فرق السعر علي شنو مرفعه سعرها اشتريه من محلهم الاصلي ابرك من الي يقصون علي الناس
وغير هاي في اسفنجه التاجرات يبيعونها للمكياج سالت وحده قالت ب١٥٠ ريال وثانيه قالت ب٩٠ ريالالمهم يوم كنت في فرنسا شفتها ويوم شفت سعرها انصدمت سعرها كان ١٥ ريال قطري

اسمحلي ذكرت الي صار وموضوعك عن التوصيل

رهج السنابك

10-10-2013, 06:59 AM

بنت مريخ

10-10-2013, 08:55 AM

صح كلامك
مرات اقولهم دريولي فاضي بيمر ياخذ الطلب ترفض
الاسعار المبالغ فيها موضوع ثاني

يحفظك ربي

10-10-2013, 09:20 AM

خشوف

10-10-2013, 10:43 AM

مب كل التاجرات سواقينهم الخاص

انا تعبت لين لقيت مندوب يوصل لي الطلبات ب50 ريال كلهم يقولون زحمه الدوحه والمشكلة بعض الزباين مايعطونا ولا ريال للمندوب ويخليني ادفع له

وعادي عندي الي يبي يستلم من البيت ارتاح اكثر ماعندي استغلال

أم هشام

10-10-2013, 12:11 PM

يا اخواني لان المندوب عنده سيارته الخاصة شلون بيغطي مصاريفها ب الخمس ريالات
وبصراحة اغلب الزبائن بحكم خبرتي بالتجارة بخييرهم ((بتحبي تستلمي الطلب ولا ارسلك مندوب والمندوب راح ياخذ عمولته 30 او 40 حسب منطقتك))
فالزبونه بالاغلب بتختار المندوب
لو تلاحظو يا جماعة الخير الزحمة الخانقة والعطلة وتعب الاعصاب اللي بتعرض لها المندوبين الله يعينهم عليها والله

اما بخصوص بعض ما ذكرتوه من ان بعض التاجرات ترفض ان ترسليلها السائق فهذا امر اخر وغريب ومو من حقها هالشي
مع اني بستبعد ان في نفسيات طماعة لهدرجة

لان الزبونه حرة هي بتختار ترسل سائقها الخاص تستلم الطلب او نرسلها مندوب وهي تحاسبة على عمولته

اتمنى بعض الاخوان يتقوا الله وما يبالغو كتير بالكلام

abdo222

10-10-2013, 12:30 PM

يارجال !! مرة جاء لي مندوب لكيك على البيت سعر الكيك 300 ريال -- طلب مني 90 ريال للتوصيل على قولته "جيت من الوكرة" !!!

اتصلت في البائعة في لحظتها سألتها كم سعر المندوب ,, قالت لي 25 ريال او 20 ريال -- زفيته واعطيته 10 ريال وقلت له لو كنت صادق وياي كنت عطيتك 90 ,,

بخصوص السعر غالي وياكم غالي ,,اعرف مندوب كان يوصل ب 30 ريال (ياخذ الاغراض من بيتنا ويوديها اي مكان في الدوحه)

بس بعضهم طماعين

رهج السنابك

10-10-2013, 01:17 PM

ام هشام بس ٥٠ ريال على توصيله وحده هذا اسمه طمع واستغلال وغالبا ياخذون اكثر من طلب ويطلعون بمشوار واحد

احسبيها لو يوصل اربع طلبات يوميا معناها ٢٠٠ ريال في اليوم بالشهر مش اقل من ٦٠٠٠ ريال لمجرد توصيل!!! هل على قولتك التعب والاعصاب بقيمه ٦الالاف ريال؟!!

لو يطلبون ١٠ او ١٥ معقوله نقول قيمه البترول بس ٥٠ و ٦٠ وبعضهم ٩٠ مثل ماقال الاخ هذا اسمه جشع

وما شجع المندوبين على الاستغلال الا انتو التاجرات

بوحارب

10-10-2013, 01:43 PM

مره شريت من احد التاجرات

وقالت لي بطرش لك المندوب وعمولته 30 ريال

قلت لها يا انا أخذ الغرض بنفسي ولا مابي بضاعتج

وبالفعل كسبت القضية وآل 30 شربت فيها كرك حتى النخاع *•*

fhd4

10-10-2013, 01:44 PM

دام فيه احد يدفع … حط السعر اللي يعجبك

ام السعف

10-10-2013, 01:53 PM

ام السعف

المطاعم واي مكان في توصيل طلبات اغلبهم ماياخذون شي وان خذوا مايتعدا ٦ او ٧ ريال وهذا جدا معقول كقيمة بترول

اما التاجرات لما يطلبون ٤٠ و ٥٠ ريال لقيمة توصيل جدا مبالغ فيه

اذا حتى مشوار التاكسي رايح ٢٥ ريال وجاي ٢٥
وانتي معاه

مب مجرد توصيل طلب مايكلف شي واغلبهم يكون زوجها واخوها او حد تعرفه عشان تضمن فلوسها تجيها

ًواسعارهم مبالغين فيها

عن نفسي احب اعرف كل شي لكن مااشتري منهم بسبة حركة المندوب و اسعارهم المبالغ فيها

المطاعم يا الارستقراطية يحطون واحد متخصص لتوصيل الطلبات
ياخذ حقه منج ياللي تطلبين الطلب ومن اللي يروح له لين عنده عند باب المطعم ،،

يعني اليوم لو طلبت من الخيمة مثلا بمية ريال بييبها لي وهو اساسا
ماخذ حق التوصيلة من سعر الطلب في كل الحالات ،،

فالتجار يحسب اللي له واللي عليه من توصيل وفواتير الكهربة ووالماي
والجوال والانترنت اجور العمال يفصل راس المال وعقب يشوف
اربحاه ،،

لكن حسب تجار البيوت ،، سائق التوصيلة يحدد سعره بناء على المنطقة
وخمسين ريال مرات كثيرة ما تدخل في جيب التاجر او التاجرة
هي تدخل في جيب المندوب اللي مرات كثيرة يحط سعره ،،

فعلشان نوفر على نفوسنا ونفوسهم ،، نحاول نروح لأقرب منطقة
من سكن التاجر ويسملنا البضاعة بعشر ريالات فوفرنا المشوار عليهم
وحفظنا فلوسنا عندنا ........> اشكثر ممكن يوافقون ؟

رهج السنابك

10-10-2013, 02:04 PM

امممم تدرين يا ام السعف ان وايد من التاجرات تتقاسم اجره التوصيل مع المندوب؟! ٢٥ لها و ٢٥ له وهي اوردي ماخذه قيمه كل شي في بضاعتها واسعارهم اغلى من المحلات
اتذكر وحده كانت تبيع مقص الفتله ب٩٠ وقيمته في زون ١٥ ريال
ووحده تبيع قالب الحواجب ب١٥٠ وقيمته ٣ ريال!! وياخذون فوقها عموله توصيل
انا اكره ماعندي الغش واني احس نفسي مقصه فكلش ماخذ منهم

بس فكرتج الاخيره ذكيه
بجربها مع وحده من التاجرات واشوف شنو ردها

الي يقهر شنو

انج تشترين سمج في بحر يعني مجرد صوره وتقولج التاجره ترا مالي خص ان ماعجبج سعر التوصيل مدفوع مدفوع خذتي او ماخذتي!!
وقد صارت مع اختي طلبت غرض والتاجره طرشت لها المندوب مع غرض ثاني غير طلبها والمندوب قال خلاص دام انا وصلت للبيت اذفعي الخمسين خذتي الغرض او ماخذتيه تدفعين
واحيانا كثيره الصوره غير والواقع غير فغصب بتدفعين على شي ماخذتيه ولا عجبج في الواقع

خزامئ

10-10-2013, 02:06 PM

بحكم اني اتعامل مع مندوب
الفكره اني ماخلي حد يطرش سايقه
اول شي مابي حد يزعجني كل شوي يتوصف من البيت
ويربطني هو بوقته اما تخر او حصل زحمه
ولا هوب كل الناس يدلون بيتي محد له حاجه يعرف من انا ولا بيتي ويت مكانه
واني اخلي سايقي الخاص ينطره في مكان قريب بعد نفس الشي هو بيربطني بوقته ويظيع وقتي وقت السايق معاناته لازم يكون فيه سايق خاص حق الطلابات
بعد كذا انا باكون خسرانه
مرات اواعد حوالي في محطه او مجمع بس كنسلت لني يروح الوقت وانا ادله واعرفه بسياره السايق
وهو يتخر علي
اما سعر المندوب انا ماتحكم فيه هو الي يشوف المسافه والي اشتغل معه مهوب لي بروحه من الشارع عنده غيره واجد

ام السعف

10-10-2013, 02:09 PM

OM_OMAR_QATAR

10-10-2013, 02:17 PM

احم .. بأرد رد مفصل ها ... انتظروني هههههههه
وياريت الكل يخف علينا بالكلام لان الامر جدا معقد واكبر مما يظنه البعض..

نجيكم ...

OM_OMAR_QATAR

10-10-2013, 02:25 PM

بسم الله
اولا... احنا اجباراً نتعامل مع اكثر من مندوب بين فترة وفترة ونشوف كل شي..
واحيانا زين واحيانا مو زين .. واحنا هذا رزقنا.. والمندوب هذا رزقه ...

مرات يجينا يقول، انا اخذ حسب المنطقة 30 الدوحة .. 50 برة الدوحة.. والبعيد اكثر
طبعا شنو.. انا ماعرف بس بلكي حد يفسر لي.. الوكرة ياخذون عليها 70 و80 ليش انا نفسي ماعرف

واحنا نسألهم شنو تكلفتكم .. ويبينون لنا .. وانا شفت الي سعره ثابت بالمشوار
50 ريال للتوصيلة .. هذا احسن شي ويفك من عوار الراس .. نجي
هالـ 50 اهل الدوحة مرح يرضوها ..
والـ 50 اذا كانت المناطق خور وفوق المندوب مرح يرضيه

تعالي توقع براس منو ؟ التاجرة.. ومو مشكلة لازم نتعامل مع جميع القضايا بالرضى
وهذه بعض من الضوابط الي اتبعها ..

اخوي اذا للدوحة خذ 30 وانا اكمل لك ..
اخوي اذا للخور خذ 50 وانا اكمل لك ..

/
امر ماذكرتوه .. العربون للطلبات المسبقة ..
انا لما المندوب يروح يستلم عربون من البنت .. فأوصيها ما تدفع له .. انا احاسبه
بعض البنات يعتقدون ماياخذ .. لا يابة ياخذ وهذا حقه وجزاه الله خير ورح ابين شنو الامور الي يتعرض لها المندوب

فالعربون انا احاسبه ،، التسليم انتي تحاسبيه ..
ويا حليلهم راضين وحلوين ..

بعد ؟؟ شنو ممكن نفرح بيه الزبونة

اذا كان طلبها اكثر من .... واي مبلغ مرات 2000 او 3000 او طلباتها مكررة خلال فترة بسيطة

اقولها لاتحاسبين المندوب ... انا احاسبه ..

وجي؟؟ الكل راضي ومستانس ان شاء الله .

هاي اول فقرة بما يخص المندوب .. ارجع لكم بالفقرة الثانية
بسالفة المندوب ليش ياخذ حقه حتى لو الزبونة ما اخذت شي

،

OM_OMAR_QATAR

10-10-2013, 02:40 PM

ليش ياخذ حقه حتى لو الزبونة ما اخذت شي

اولا عالم التجارة مو شي سهل.. والا هو ( 1+1=2 )

تعرفون كم مرة المندوب ممكن يطلع للطلب .. حتى الزبونة يناسبها ان تستلمه ؟
تعرفون كم يكلفه تلفونات للتاجرة وتلفونات للزبونة ؟؟

تعرفون ان السالفة مو سالفة بترول؟؟ لآنه مو راكب بنتلي والا روز رايز عساس انها ما تتأثر
بعوامل الأرض والاحوال الجوية وهيئة الطرق ؟؟

هذه كلها، الي يسوق او تسوق تحسبها واخص الرجال لان يعرفون شنو الخرابات الي ممكن تواجه السايق

تعرفون والله شاهد لما يكون ضغط طلبات ان المندوب 10-12 ساعة برة ؟؟

والله العظيم لما يرجع وجهه مقلوب شعثين غبرين اكلهم ع الماشي حوايجهم ع الماشي

هذه كلها بعين الاعتبار..

زين ... الزبونات الحبابات ؟؟
تعرفون كم زبونة من اصل 10 تكون جدية بالطلب؟؟

الي تتعامل مع تاجرات الأون لاين لازم تبدأ تعرف تقيم البضاعة من الصورة ..
ولازم لازم تطلب صورة من تصوير التاجرة الشخصي..
مو صور مصنع او الاصلي .. وهذا مسؤولية الزبونة

مع هذا .. ادري احد منكم بيقول هل احنا ما نخطأ ؟؟
بلي نخطأ ونتعرض لخطأ الطلبات .. ونتعرض لبهذلة الصين واهلها
والي الله لا يوريكم وما رح اتطرق لهالسالفة الطويلة

اول مابديت التجارة سويت طلبات العيد .. مباشرة بلا عربون ..
استقبلت اكثر من 70 طلب ..
كم تتوقعون منها تكنسلت ؟؟

تعتقدون الحريم عالمهم سهل ؟؟؟

يعني لو فتحنا الـ رؤية الشرعية ههههههههه ببلاش.. ثقوا بالله
باليوم اكثر من 5 يطلبون يشوفون

زين .. زين

تخيلوا ؟؟؟ الطلبات تلف ؟؟؟؟؟؟؟؟؟ بذمتكم كم بيت من اصل 10
بيرجع الطلبات نفس ماهي؟؟ بدون مايبهذلها ؟؟
بدون مايشتتها
والا يخربها ؟؟

زين والمندوب الي تعنى لهناك وراح .. وتالي يرد خالي الوفاض ككفي حنين
فوق ما الزبونة ما اخذت .. تتضرر التاجرة بأجرة المندوب ؟؟

تعتقدون هذا انصاف ؟

وبالنسبة لسالفة احنا نجي... انا بالنسبة لي ارحب جداً بسالفة ان تتقرب او نلتقي بمكان او جنب البيت وهل السوالف
ليش لا ؟؟ موفرة مشوار للمندوب ولوعة جبد و احتمالية يتم التوصيل اولا
تعالي حياج ..

علماً.. من ضمن الضوابط ..
اذا الزبون هو الي جاه .. او التقوا بنقطة اقرب للمندوب او وسيطة ..
فأيضا المندوب ماياخذ توصيل ..

اذا المندوب راح له بمشوار قصير احنا نتحمل الدفع
اما اذا الزبون هو الي جاه تماماً..
فوالله ما مرني مندوب ابد يقول ادفعيلي لانه جاه او قال له ادفعلي حتى لو ماجيتك
ابداً والعكس هو الصحيح

والآمر الأهم .. انا كل مندوب ابدأ معاه انبهه
اي جدال ما تدخل مع اي حد لا زبون لازبونة لا اي شي..
اي حد بخل عليك بحقك .. او جادلك تاخذ المقسوم وتطلع
حقك واصل من عندي..
ولاتنزل نفسك للجدال .. وارتقي ......

اما سالفة التاجرة تتقاسم مع المندوب التوصيل ! اسمحولي !!!
الا ان كان دريولها الخاص

يا خواتي.. وانتوا ادرى بالحريم من غيركم
عالم الحريم صعب صعب صعب ..
وكل وحدة مزاج ولون وشخصية
وتعالي تعاملي مع الكل ..

انا اكره ما عندي الي تتم تقولي باخذ الطلب لا تكنسليه
وتجيني بعد شهر ، ولا شهر ونص تقول خلاص مابيه !
او بعد مايظهر مع المندوب.. تقول مابيه !

والله في بنت مرة طلبت 6 شوزات و 4 شنط
( ام عمر مقاسي 36 ماحصل الي ابيه جيبيلي امانة )
نصهم بعدهم على قلبي ..
مارضت تستلمهم ..
( مو شافتهم وماعجبوها انما مارضت )

في بنات كثير يقولون لي عادي يا ام عمر نشوف واذا ما اعجبنا نردهم؟
عادي يابنات .. هذا حقهم محد مجبور بشيء

ولما امور بسيطة او اسعارهم بسيطه احدد العدد الادنى للطلب
او اني اخليها مع الطلبات الكبيرة ويلف ويشووفوها

( الحين عندي خلاخل واساور نيون للي تبي ههههههههه )

ولا احد متوقف رزقه على احد..

وعليهٍِ
الحين انا بدون مندوب :( الي عنده يدلني..

وعليه ام السعف وارستقراطية :telephone: استقبل طلباتكم

:telephone:

نسيم الغربي

10-10-2013, 03:14 PM

المشكلة التوصيل ب ٥٠ لو جايني في مرسدس ولا رنج معلية ههههه عالاقل نوع من الترقيع

بونووف

10-10-2013, 04:29 PM

اخر شي " المندوب" يا اخوها ولا دريولهم

بوخالد911

10-10-2013, 04:49 PM

رسوم مقابل خدمة توصيل

بس لو يخفضوونها لين 20 - 25 ريال

بوخالد911

10-10-2013, 04:50 PM

المطاعم واي مكان في توصيل طلبات اغلبهم ماياخذون شي وان خذوا مايتعدا ٦ او ٧ ريال وهذا جدا معقول كقيمة بترول

الهوووم ديليفرررررري فررررررررررررررررري

بلااااااااااااااااااش

Free of charge
:nice::nice::nice:
مجانا

:victory:

MaRuKoO

10-10-2013, 05:49 PM

في تاجرات كثير يسوون حركات من هالنوع بعد ما يوصل عندك يغيرون مبلغ توصيل المندوب وبحكم انه احنا حريم يستغلون هالشي انه ماراح نطلع نصرخ ولا نتهاوش مع الريال

بوعلاوي

10-10-2013, 05:52 PM

لو 15 او 20 ريال مقبول .. لكن يرفعه 35 او 50 او 100 مبالغين الصراحه

Riku3

10-10-2013, 07:12 PM

شدعوه عاد مين يرضى يطلع من منطقه ويجي مكان ثاني وياخذ طلب ويوصله لمكان ثالث وهذا غير المكالمات وياخذ اقل من 30 ريال !!..

احنا تعاملنا مع مندوب واخوه لمدة طويلة ولله الحمد كانوا يخافون ربهم .. كان توانسه متدينين يشتغلون سواقين الصباح ويوصلونلنا المساء بـ 30 ريال واحنا من عندنا قلناله ان البعيد 50 ومرتين وصلوا للشمال بـ 100 وهذا اتفاق بينا وبين الشاري وهم مساكين عمرهم ما اعترضوا .. الله يوفقهم الحين في سوريا ادعولهم الله يرزقهم التوفيق والشهاده.

نسيم الغربي

10-10-2013, 09:04 PM

اخر شي " المندوب" يا اخوها ولا دريولهم

صارت معنا فالمجلس يوم كنا طالبين اكل و فطاير اخر شي اخوها طلع عنده موتر يوصل طلبات اختة وب 50

هههههه شكلها قاصة علية عدل بدل المصروف حطتة مندوب وكروتة منة وفية :eek5:

نسيم الغربي

10-10-2013, 09:06 PM

الهوووم ديليفرررررري فررررررررررررررررري

بلااااااااااااااااااش

Free of charge
:nice::nice::nice:
مجانا

:victory:

هذا الي اعرفة ولو ارقى مطعم في قطر ماياخذ اكثر من 5 ريال توصيل

حتى معصرة حمود التوصيل ببلاش :anger1:

أم هشام

10-10-2013, 10:05 PM

على العموم اللي يبحث عن مندوب مجرب ومحترم
انا اتعامل مع مندوب جدا امين ومحترم وحليو وسيارته حلوة جدا وحديثة يوصل طلبات ب 30 ريال فقط ولو بعيد 40 ريال بس
ويوصل الاشخاص بالمشوار وبالعقود الشهرية
هو معيل لاسرة وهذه دخل اضافي ليقدر يدفع مصاريف مدرسة طفله
وربك يعين الناس
كل واحد وهمه على قده

خفيف الروح

10-10-2013, 10:18 PM

موضوع مهم يستحق المتابعه ,,,

OM_OMAR_QATAR

10-10-2013, 10:40 PM

اصلا محد قرا شي

marwa2005

11-10-2013, 01:20 AM

بحكماني تاجرةوعندي مندوبة بالدوحة مندوب ياخد 40 على التوصيل وفي مرات زباين يكنسلون بسبب هالسعر توصيل وفي يطلبون انهم هما يجون يستلمون بس مندوبة صار لها مشاكل من تحت راس بعض الحريم وخلاص ماعادت تستقبل اي وحدة بالبيت مانقول غير الله المستعان

بووسالم

11-10-2013, 02:09 AM

موضوع انتظره من زمان
الواحد مايعرف يأخذها من أسعار البضائع اللي مدبلينها 3 أضعاف ؤلا من المندوب

OREO

11-10-2013, 03:30 AM

خاطري في محاشي ممكن تعطوني رقم تاجر او تاجره يسوون محاشي كوسى و باذنجان ...

موفقين ان شاءالله ،،

نتفـه

11-10-2013, 10:30 AM

سعر المندوب مبالغ فيه من قلب لكن انا ما اجادلهم فيه ..
وادري ان في منهم مناديبهم دريوليتهم او حد من اهلهم بس عادي بعد .. ما اقول شي لان لي الحاجه..
لكن اناا اشوف انهم مبالغين بالسعر هالمناديب ..

اخت السهم

11-10-2013, 11:03 AM

في خوات ثنتين عندنا في المنتدى اذا قلت لهم ارسل اخوي او اختي ياخذون البضاعة منهم مايعارضون

وفي خوات يصرون على تصريف البضاعة عن طريق المندوب بمبالغ تتراوح من 40 ــــ70 ريال

علما ان المشوار داخل الدوحة لاكن انا مااتعامل معهم اذا عن طريق المندوب لانة استغلال في السعر
وبعد اخذ وعطا يتم خفض سعر المندوب الى عشرين او خمسة عشر ريال وتتم الموافقة

اكثر من مرة حصل معي ذالك..

الزعفراني

11-10-2013, 01:42 PM

التاجر او التاجرة الذكية واللي فاهم في التسويق المفروض يقول حق الزبائن التوصيل مجانا .. والتاجر بنفسه يدفع للمندوب من سعر السلعه :)

OM_OMAR_QATAR

22-10-2013, 11:37 PM

" أستغفر الله الذي لا إله إلا هو الحيُّ القيّوم وأتوب إليه "

aminasalam

22-10-2013, 11:48 PM

والله التاجرات مايخافون ربهم يرفعون الاسعار على شنو ماادري لا في محل للايجار ولا شي طمع وجشع اللهم اكفينا الحمدلله انا ما اشتري اي شي من الدوحة كله من امازون الله يخلي لنا اياه

بومحمد المطاوعه

23-10-2013, 12:05 AM

توشيبا

23-10-2013, 12:09 AM

انصح كل تاجر وتاجره ترفع سعر البضاعه ب 50 ريال

ويكون التوصيل مجانآ
لان 50 ريال سعر التوصيل تطلعها من البضاعه

لان البعض الله يهديهم يحبون المحلات يقصون عليهم

لو فالمحل بيدفع 200 ريال زياده عادي بس المندوب ياخذ 45 ريال حرام عليه

يكفي يوصل لك الغرض لين باب بيتك وبعد تستخسر عليه 45 ريال

ترى محد ملزوم يشتري من التجار روحو المجمعات واشترو

التاجر يتعب نفسه ماتبونه ياخذ فايده
مايصير هالكلام ياجماعه

تحياتي لكم

لا وابشرك فسه بعضهم يقول التاجره انا باجي لج البيت مابي مندوب يوصله لي

علي اساس انها رجال مب بنت ناس علي شان يطلب انه يجي لها البيت ياخذ الاغراض

الجوكر90

23-10-2013, 12:16 AM

انصح كل تاجر وتاجره ترفع سعر البضاعه ب 50 ريال

ويكون التوصيل مجانآ
لان 50 ريال سعر التوصيل تطلعها من البضاعه

لان البعض الله يهديهم يحبون المحلات يقصون عليهم

لو فالمحل بيدفع 200 ريال زياده عادي بس المندوب ياخذ 45 ريال حرام عليه

يكفي يوصل لك الغرض لين باب بيتك وبعد تستخسر عليه 45 ريال

ترى محد ملزوم يشتري من التجار روحو المجمعات واشترو

التاجر يتعب نفسه ماتبونه ياخذ فايده
مايصير هالكلام ياجماعه

تحياتي لكم
بس الشيخ شي قيمته 50 ريال ادفع للتوصيل 50 ريال ثانيه
وﻻ المندوب يتشرط يقولك قرب لي انا ماقدر اجيك او مادل البيت
شكثر وصلت الخريطيات ومعيذر والريان ماطلبت فلوس التوصيل وﻻ كنت لين باب البيت اروح

الجوكر90

23-10-2013, 12:20 AM

لا وابشرك فسه بعضهم يقول التاجره انا باجي لج البيت مابي مندوب يوصله لي

علي اساس انها رجال مب بنت ناس علي شان يطلب انه يجي لها البيت ياخذ الاغراض

شالمشكله الشيخ
هاي شغلها ع الاقل تشتغل مب تقعد اتطر
شالفرق بين اني اروح اخذ منها طلب او اوصلها طلب ﻻن وايد وصلت حق حريم وتاجرات
واتوقع كل تاجره ريلها راضي فشغلها
وهم رضوا اوصلهم لين باب البيت ومايرضون اروح استلم من باب البيت

توشيبا

23-10-2013, 01:28 AM

شالمشكله الشيخ
هاي شغلها ع الاقل تشتغل مب تقعد اتطر
شالفرق بين اني اروح اخذ منها طلب او اوصلها طلب ﻻن وايد وصلت حق حريم وتاجرات
واتوقع كل تاجره ريلها راضي فشغلها
وهم رضوا اوصلهم لين باب البيت ومايرضون اروح استلم من باب البيت

حتئ ولو اخوي اذا كل واحد بيجيها البيت بيصير بيتها مثل وقت الشاي هذا رايح وهذا جاي تعتقد حلوه قدام الجيران والناس؟

توشيبا

23-10-2013, 01:31 AM

بس الشيخ شي قيمته 50 ريال ادفع للتوصيل 50 ريال ثانيه
وﻻ المندوب يتشرط يقولك قرب لي انا ماقدر اجيك او مادل البيت
شكثر وصلت الخريطيات ومعيذر والريان ماطلبت فلوس التوصيل وﻻ كنت لين باب البيت اروح

علي حسب الاتفاق اذا قالت يوصله لين باب البيت مب مجبور اجي المندوب اي مكان يبغي

واذا باجيه باعطي التاجره خبر يانها تخصم لي من قيمت البضاعه او قيمت توصيل المندوب

الجوكر90

23-10-2013, 05:47 AM

علي حسب الاتفاق اذا قالت يوصله لين باب البيت مب مجبور اجي المندوب اي مكان يبغي

واذا باجيه باعطي التاجره خبر يانها تخصم لي من قيمت البضاعه او قيمت توصيل المندوب

بس التاجره مالها ذنب
المندوب مايدل
الشيخ المشكله انك تتكلم ومب مجرب
انا بقولك وشو نظام البعض منهم
اذا تبي تطلب شي ب1000 ريال ﻻزم المندوب يجي ياخذ منك عربون واذا اخذ منك عربون تدفع له قيمه التوصيل 45 ريال
ويوم الطلب يوصل ويجيب لك هم تدفع له بعد مره 45 ريال

والله هاي حلفه ان كنت اروح اودي اغراض حق بنات عادي بعد مايختارون واوصلهم الطلب يقولون طيب عطنا كل بضاعتك واحنا بنختار
واخر شي السموحه خلاص مانبي
ومره وحده قالت مابي ويوم حركت ووصلت نص الدرب اتصلت قالت ارجع نسيت ارجع لك كم شغله
يعني الدرب صار دربين وابلاش وﻻ كنت اقول شي

شوف انا تعاملت مع سبيشل مان معانا فالمنتدى
تروح توقف فمكان والدريول يجيك يعطيك الغرض ويحرك وماياخذ فلوس الا اذا انت بتعطيه بطيب خاطر
وفي وايد تاجرات وتجار يشغلون دريولهم ويدفعون الزبون

وزهرة البنفسج جنه او ماذكر اسمها معانا فالمنتدى تبيع فوندو تقولك تبي مندوب او تجي البيت ابلاش

وايد شغلات تعجبني بس ماشتريها اذا اعرف السالفه فيها مندوب اروح اشتريها من برع حتى لو اغلى ع الاقل اشوف البضاعه قبل ﻻ اشتريها وعليها ضمان واي وقت ابي
مب يجيني ويقولي انا بكره الساعه 5 بكون عندك ويتصلي 3 يقولي وين اجيك وانا اكون بعيد يقولي خلاص بكره بجيب لك

ﻻن شغلة المندوب قبل ماكنت اسمع عنها قبل توها ماصار لها كم سنه

بومحمد المطاوعه

23-10-2013, 12:26 PM

لا وابشرك فسه بعضهم يقول التاجره انا باجي لج البيت مابي مندوب يوصله لي

علي اساس انها رجال مب بنت ناس علي شان يطلب انه يجي لها البيت ياخذ الاغراض

وجود المندوب احسن من اروح بيوت الناس واوقف عند باب بيتهم

انا شريت من كم تاجر وتاجره فالمنتدى

اذا اروح البيت يطلع طفل صغير واستلم البضاعه
او المندوب يوصل لي لين البيت
واذا قال ما ادل اخليه يوصل لين المحطه قريب بيتي وادليه ع التلفون
لانه بياخذ فلوس

بومحمد المطاوعه

23-10-2013, 12:30 PM

بس الشيخ شي قيمته 50 ريال ادفع للتوصيل 50 ريال ثانيه
وﻻ المندوب يتشرط يقولك قرب لي انا ماقدر اجيك او مادل البيت
شكثر وصلت الخريطيات ومعيذر والريان ماطلبت فلوس التوصيل وﻻ كنت لين باب البيت اروح

يالغالي
صحيح في اشياء ماتستاهل
بً50 ريال والتوصيل 50 ليش

انزين تخيل انت تبي الغرض حلو
وانت ساكن ف الخريطيات والتاجر او التاجره ف الوكره

بتتعنى للغرض ؟
ولا بتدفع 50 وانت قاعد ومرتاح

اكيد عن نفسي بدفع 50
ولا بعني دريولي وموتري

لاني لو رحت الوكره جدامي زحمه واتعب نفسي ويمكن اصب بترول

يعني ماستفدت اي شي

غاردينيا

23-10-2013, 10:12 PM

موضوع مهم

المندوبين صاروا استغلالين وما اشوف للتجار دخل في قيمة التوصيل

رفيجتي تاجره تعرضت لموقف المندوب طلب منها 20٪ من قيمة الطلب غير حساب توصيله الطماع

وواحد كان ياخذ 10 منها على كل طلب ومن الزبون 30 ريال داخل قطر وبرع قطر 50
من الصوبين يستفيد

موضوع ان الزبون يجي لين بيت الزبونه مو كل تاجره ترضاها والسبب ماتعرف اللي تتعامل معاهم ويمكن ناس اعيال حرام يضرونها او انها ماتبي حد يعرف عنها شي وهذا من حقها

افضل حل الاتفاق على مكان مناسب للطرفين للتسليم

وانا اللي اشوف سعره مايسوى مع التوصيل مافكر اخذه

بس للامانه المندوبين اللي يوصلون الاكل يريحون في المناسبات:shy:

توشيبا

23-10-2013, 11:57 PM

بس التاجره مالها ذنب
المندوب مايدل
الشيخ المشكله انك تتكلم ومب مجرب
انا بقولك وشو نظام البعض منهم
اذا تبي تطلب شي ب1000 ريال ﻻزم المندوب يجي ياخذ منك عربون واذا اخذ منك عربون تدفع له قيمه التوصيل 45 ريال
ويوم الطلب يوصل ويجيب لك هم تدفع له بعد مره 45 ريال

والله هاي حلفه ان كنت اروح اودي اغراض حق بنات عادي بعد مايختارون واوصلهم الطلب يقولون طيب عطنا كل بضاعتك واحنا بنختار
واخر شي السموحه خلاص مانبي
ومره وحده قالت مابي ويوم حركت ووصلت نص الدرب اتصلت قالت ارجع نسيت ارجع لك كم شغله
يعني الدرب صار دربين وابلاش وﻻ كنت اقول شي

شوف انا تعاملت مع سبيشل مان معانا فالمنتدى
تروح توقف فمكان والدريول يجيك يعطيك الغرض ويحرك وماياخذ فلوس الا اذا انت بتعطيه بطيب خاطر
وفي وايد تاجرات وتجار يشغلون دريولهم ويدفعون الزبون

وزهرة البنفسج جنه او ماذكر اسمها معانا فالمنتدى تبيع فوندو تقولك تبي مندوب او تجي البيت ابلاش

وايد شغلات تعجبني بس ماشتريها اذا اعرف السالفه فيها مندوب اروح اشتريها من برع حتى لو اغلى ع الاقل اشوف البضاعه قبل ﻻ اشتريها وعليها ضمان واي وقت ابي
مب يجيني ويقولي انا بكره الساعه 5 بكون عندك ويتصلي 3 يقولي وين اجيك وانا اكون بعيد يقولي خلاص بكره بجيب لك

ﻻن شغلة المندوب قبل ماكنت اسمع عنها قبل توها ماصار لها كم سنه

الخطاء يكون من التاجره مب منك اًو من المندوب

مدام صار اتفاق بينك وبينها بالسعر والوقت والمكان

انا مب مجبور اغير وقتي كمثل الاتفاق الساعه 5 يتصل فيني الساعه 3

او يقولي مادل قرب لي

والله اتصل في التاجره والغي الاتفاق وماخذ شي منها

انا انسان يهمني الشخص اللي يحترم مواعيده واالاتفاقه

المندوب شغلته يتصل في الوقت اللي التاجره تعطيه فيه رقمي وتقول اتصله الساعه 4 يتصل لي الساعه4

مب تعطيه رقمي الظهر تقوله كلمه العصر يتصلي المغرب او العشاء

بوغانم995

24-10-2013, 01:20 AM

شكرًا على طر هذا الموضوع ....بس حبيت اعرض عليكم تجربه حصلت للغاليه ...هي وجدت في الانيستقرام ...وحده حاطه عن عطر لا يوجد في البلد ...فتواصلت مع العارضة ...وكان سعر البظاعه 600 ريال و المندوب 35 ريال .
استلمت البظاعه .... الله يحفضها ....وبعد عودتي من العمل عرضت علي العطر ...وإذ آفا جاء بن العطر مثل الماء ...والريحه حدها ثواني و تذهب إدراج الرياح ....نظرت إلى الغالية ....واللبيب بالإشارة يفهموا ...... قلت لها هذا غش واحتيال عيني عينك .....ولا تعورين قلبك محد أقصبج على الشراء ....وبسسسسسسس
أكيد كلكم عندكم رد شافي للموضوع ....إلى أي جهه ....سلامتكم غنيمه

OM_OMAR_QATAR

03-11-2013, 09:56 AM

والله ناس ماتعرف شتتكلم ..

المندوب لما يطلع ومعا توصيلات من تاجرة او يمكن عدة تاجرات
يعني في يده 10 والا 15 والا حتى 20 طلب لازم يوصله خلال يوم ولا يومين
هو بشر وانسان .. يتعرض للظروف وتأخيرات الطريق والتوصيلات الي في بنات ماتعرف تدل يتم ساعة لين يوصل لها الطلب
والا ماتعطي احداثية صحيحة تقوله اول الوكرة وتطلع عند مسيعيد
وتعال بدل زحمة تصيدك الف زحمة

وهذا هو لو ما انه مجبور وظروفه تحده كان ما اضطر يجلس ورة السكان
بهالزحمة والاخلاق العالية الي تطلع الواحد من ثوبه الي يصادفها بالشارع
ولا ينجبر يجلس 8 -10 ساعات عشان يوصل طلبات

هو مو سايق خاص هو والا طيارة عساس لو قال 3 يلتزم او شي
عشان جي صنعوا التلفونات

وترة لا المندوب ولا التاجر او التاجرة .. متوقف رزقهم ع اللي يعني يتفلسفون والا يمنّون
الرزق ماشي

والي يطلب ويطنش ولا ما يحكم ضميره او ذمته ويااااااااما تعرضنا لهم ولازال نتعرض لهم
فدوماً اقول

" وَتَحْسَبُونَهُ هَيِّناً وَهُوَ عِنْدَ اللَّهِ عَظِيمٌ "
الي ماجرب شي لا يحكم فيه

دااانة قطر

03-11-2013, 10:57 AM

امممم تدرين يا ام السعف ان وايد من التاجرات تتقاسم اجره التوصيل مع المندوب؟! 25 لها و 25 له وهي اوردي ماخذه قيمه كل شي في بضاعتها واسعارهم اغلى من المحلات
اتذكر وحده كانت تبيع مقص الفتله ب90 وقيمته في زون 15 ريال
ووحده تبيع قالب الحواجب ب150 وقيمته 3 ريال!! وياخذون فوقها عموله توصيل
انا اكره ماعندي الغش واني احس نفسي مقصه فكلش ماخذ منهم

بس فكرتج الاخيره ذكيه
بجربها مع وحده من التاجرات واشوف شنو ردها

الي يقهر شنو

انج تشترين سمج في بحر يعني مجرد صوره وتقولج التاجره ترا مالي خص ان ماعجبج سعر التوصيل مدفوع مدفوع خذتي او ماخذتي!!
وقد صارت مع اختي طلبت غرض والتاجره طرشت لها المندوب مع غرض ثاني غير طلبها والمندوب قال خلاص دام انا وصلت للبيت اذفعي الخمسين خذتي الغرض او ماخذتيه تدفعين
واحيانا كثيره الصوره غير والواقع غير فغصب بتدفعين على شي ماخذتيه ولا عجبج في الواقع

في أحد بيشتكي عليهم ؟؟

حسبي الله عليهم صاارت معااي كم مره وبصراحه مادفع اذا اللي طلبته مختلف حتى في الجوده

sweet qatar

03-11-2013, 11:12 AM

هذا سوق

والسالفة عرض وطلب

اعجبتك الصفقة توكل على الله .. ما اقتنعت فيها لأي سبب محد يجبرك عليها

ما اشوف فيها خدعة .. بس الموضوع محتاج تنظيم

عاشق العديد

03-11-2013, 11:24 AM

انا صارت معاي قالو لي لازم المندوب قلت المندوب مابيه انا بجي باخذ ااغراضي بيدي .. وانا مش مسوول اعطي المندوب فايدته انت المسول لا المندوب قلت روح نام وصور اغراضك جنبـك سلاموعليكم

الماريّة

03-11-2013, 12:28 PM

انا كرهت اتعامل مع التجار والسبب الططططططمع في بعضهم

اشتري شي بقييييييمة وبعد ايام اتفاجأ بقيمته الاصليه

وللاسف بعض التاجرات تحط صور شنط اصليه وتقول انها كوبي 1 ولما نطلبها تططططلع غير بالمره
اتضح انهم يحطون صور الاصليه ويقولون كوبي 1

يععععععععععععععععععععني غش x غغغغغغغغغغش الله

خزامئ

03-11-2013, 01:04 PM

للاسف شريت جواتي عساس انها
كوبي ون
وكان لازم ادفع نص المبلغ قبل ماتطلبها والنص الثاني بعد الاستلام
وكانت ماتسوا ربع الي اندفع فيها

وفيه وحده ثانيه شريت منها شنطه بيض الله وجها صدق كانت ممتازه نفس الصوره
ىنفس الشي نص المبلغ وقت الطلب والنص ثاني عند الاستلام
الله يوفق كل مجتهد ويبارك له في رزقه

طموحي عالي

04-02-2014, 08:43 AM

صح كلامك
مرات اقولهم دريولي فاضي بيمر ياخذ الطلب ترفض
الاسعار المبالغ فيها موضوع ثاني

انا تاجره ومارفض صراحه
لكن في زباين مايحسون اطرش لي دريول مايعرف شي واقعد ادليه واخلي دريولي يكلمه وتلوع جبدي
شرطي الوحيد يادريول فهيم او تجي هي معاه

النقطه الثانيه اولا لاتحطون بذمتكم ان التاجره تكون تعرف المندوب للامانه انا ماعرف المناديب اللي اتعامل معاهم فقط عندي نسخ من جوزاتهم لان دايما الاوردرات تكون اسعارها عاليه
ثانيا: في زباين يلوعون جبد المندوب تقوله 7 عقب يكون في منطقتها 7 الا تقول لا مب بالبيت تعال بكره يعني مالهم حل غير جي التاخير والا ماترد عالفون والله مندوبي يقعد بالنص ساعه وساعه الا ربع ينتظر الاخت ترد

دايموند

04-02-2014, 08:57 AM

انا صارت معاي قالو لي لازم المندوب قلت المندوب مابيه انا بجي باخذ ااغراضي بيدي .. وانا مش مسوول اعطي المندوب فايدته انت المسول لا المندوب قلت روح نام وصور اغراضك جنبـك سلاموعليكم

نفس الحاله

وحده تبيع محاشي وفطاير قلت لها باخذ من عندج محاشي وانا بجي. وبستلم الطلبيه

قالت لي لا لازم تستخدمين مندوبي !!!!!!

قلت لها عيل كنسلي الطلب

الصراحه جشع مب طبيعي في البعض

المحاميه

04-02-2014, 09:09 AM

المشكله لو طالبه شي ب 25 والمندوب بياخذ 50

مافي نسبه وتناسب ابد

من هذا المنطلق انا ماعدت اتعامل مع تجار ولا مندوبين والحمدلله

المحاميه

04-02-2014, 09:10 AM

نفس الحاله

وحده تبيع محاشي وفطاير قلت لها باخذ من عندج محاشي وانا بجي. وبستلم الطلبيه

قالت لي لا لازم تستخدمين مندوبي !!!!!!

قلت لها عيل كنسلي الطلب

الصراحه جشع مب طبيعي في البعض

ويه
لا انا ماتعرضت لهالموقف لاني بالعكس دايما اختار اللي عندهم مندوب :nice:

QTR-1978

04-02-2014, 11:00 AM

مانختلف وياكم ياتجار وتاجرات على موضوع المندوب هذا رزقه ويحط السعر اللي يبيه بس اللي عنده سايق او بيجي بنفسه يستلم بعض التجار يرفضون الا عن طريق المندوب ؟؟؟ ليش فلوس التوصيل للتاجر والا المندوب ؟؟ ليش الاصرار المفروض اللي الشاري يكون مخير مب تجبرونه

بومحمد المطاوعه

04-02-2014, 11:04 AM

مساكين هالتجار الي يبيعون شنط وقلامه ومادري شنو

تحاسبونهم ونسيتو التجار الحراميه المعروفين فالبلد

الكبار والي ينصبون عليكم وساكتين

بس تتكلمون على هالفقراء الي يترزقون

البعض حرامي والبعض مب حرامي
البعض يغش والبعض مايعرف يغش
البعض يطمع والبعض مايطمع

في الزين وفي الشين

لاتعمون عليهم

أم هشام

04-02-2014, 03:32 PM

تحياتي لكم جميعا
اخواني وخواتي انا حاسة بالموضوع في شوية مبالغة يمكن لاني تاجرة ;)
يعني لما اتفق مع زبوناتي على بيع قطعي المعروضة دائما اخير زبوناتي اذا بتحب تستلم اغراضها وتوفر على نفسها توصيلة المندوب او ارسلها مندوب وياخذ عمولته ,,
واغلب اللي تعاملو معاي بطلبو المندوب يوصلهم
وحتى ما بتوصل اجرة المندوب 35 ريال لأبعد مكان
خصوصا انه تجارتي بالاكسسوارات والملابس يعني قطع صغيرة واسعار قليلة مش محتاجة اجرة توصيل عالية

والله يهدي بعض الناس لو فعلا هذا الشئ موجود عند بعض التجار والتاجرات لانه يسئ بسمعة جميع التجار