بصراحة عمرك حسيت بالظلم من اقرب إنسان لك؟

[تأملات]

بصراحة عمرك حسيت بالظلم من إنسان قريب لك !
من وكيف كانت الصدمة ؟
هل خسرت هذا الانسان. او ما زالت مستمر في هذه العلاقة .
الشعور بالظلم اصعب كثيراً من الوقوع به ، كيف تستطيع تجاوزه هذا الشعور
أرجو المشاركة من خلال تجارب مرت عليكم

[كازانوفا]

الظلم انواع كثيره ومن اشخاص عده اوقات يكون من الزوج بقصد ومن غير قصد وقيسي هالشي على البقيه
مش حابه اكتب تجاربي حتى ما ازعجكم ساكتفى بالمتابعه وقراءة الردود

:)

[+abc]

دايما يكون ظلم الناس والاقارب بسبب تقريبهم الزائد عن الحد

يعني

اشوف الشخص الي دايما راسم خطوط للناس مهما كانت قرابتهم له ومايخليهم يتعدونها هو الي مرتاح في حياته

لان الناس من تصير قريبه منك وبدون حدود وحواجز تبدا هنا المشاكل ومايجيك منهم الا عوار الراس والاذية

[نور الحور]

نعم للأسف حسيت بالظلم من ناس كانوا قريبين مني وايد .. كانت تجربة قاسية ..

لكن للأمانة ..أنا كان لي دور في وقوع هالظلم علي ..ما اعد نفسي ضحية ..
لي دور بأني سمحت لهالظلم يقع علي ..
ولي دور لأن فيني صفات شخصية شجعت اللي ظلمني ..
اعدت حساباتي مع نفسي ..
وحاولت احط يدي على الأسباب الرئيسية وبديت بالفعل بالتغيير تدريجياً ..

سامحت وعفوت ..لكن التجربة موجودة بعقلي وروحي لكن أثرها بس عبارة عن (ذكرى) في العقل .. الحمدلله الألم تلاشى كلياً ..
وبقيت (تجربة) تعلمت منها الكثير .. على مستوى نفسي وعلى مستوى تعاملي مع الغير ..

بالنسبة لي ..أشوف أهم شي في مثل هالمواقف هو تجنب عيش دور (الضحية) المسلوب الإرداة .. (المسكين ) .. (المغلوب على أمره) ...لأنه دور بششششع ..لن يؤثر إلا على الإنسان نفسه وبيخليه يعيش في دوامه ..كلها قهر وندم وشعور بالضعف والانكسار ..وللأسف في ناس تتلذذ بممارسة هالدور !

[رهج السنابك]

اي

عادي مانصدمت لاني متوقعه

[نتفـه]

انا طبعي يشجع الغير على ظلمي للاسف .. وشوي شوي اتعلم اكون احسن في التعامل مع الظالم بالحقران والتهميش لان الناس نادر ما تلقى ناس فيهم خير واهل الخير يستغلونهم ويظلمونهم وايد بحجة طيبين وعلى نياتهم وما بيقولون شي حتى لو ظلمناهم لكن زهقت من هالشي .. ووايد انظلمت لكن الحمدلله على كل حال .. الله يتولى كل ظالم ان شاء الله .. :)

[البرونزي]

نعم
واقرب مما تتصور

[تغلبية]

عيدكم مبارك ياجماعة ....

........... وتستمر الحياة :)



عِشْ راضيًا واهجر دواعي الألم
واعدل مع الظالم مهما ظلم
نهاية الدنيا فناء فعش فيها طليقًا واعتبرها عدم..

[romoz]

الشعور بالظلم اصعب كثيراً من الوقوع به ،

لم افهم العبارة هذي ؟ شلون الشعور باظلم اصعب من الوقوع فيه .



لا اعتقد اني مررت بتجربة هذي ، يمكن لان حياتي بسيطة جدا و اختلاطي بالناس قليل

او يمكن جربت و انا سامحت و نسيت !



كل عام و انتو بخير و الناس جمعيا في صلح و محبة

[elders]

أكيد. ..بس برايي التسامح اول علاج وبعديها نقعد مع حالنا ونطبطب عليها ونستنتج معها الدرس ونقلب الصفحه
الحياة جميلة. .وبالاخير هدول خلق الله. .يعني مشان الله بنعاملهم بالحسنى ويمكن نظلم بيوم من الايام من غير مانحس. .سامح بسامحوك

[بوخالد911]

متااااااااابع