نفس السؤال في كل عيد ( أين نذهب؟ )

[(محمد)]

السلام عليكم ورحمة الله وبركاته


عندي اسرة مكونة من عدد من الأفراد

كما هي باقي الأسر


وقطر لمن لا يريد او يستطيع السفر قمة في الملل

حقيقة لا ينكرها سوى من لديه شاليهات ومنتجعات شخصية :tease:

مالحل؟

انا الآن ابحث عن جدول رحلة - او لو احد يتبرع لي بعنة ولا شاليه ليوم واحد فقط (صدقة لوجه الله:shy:) مستعد ادفع من ريال - لألف :telephone:

وجزاكم الله خير :nice:

[ضوى]

ايه والله صار السؤال السنوي المتكرر وين نروح في العيد

مافي غير زيارات الاهل والمطاعم يعني اكل في اكل

بس ان شاء الله أنا ناوية اوسع صدور البنات برحلات بحرية خاصة الجو هالايام خيال وان شاء الله نرتب جدول حلو ونجهز العدة من الان

[عاشق العديد]

ايه والله صار السؤال السنوي المتكرر وين نروح في العيد

مافي غير زيارات الاهل والمطاعم يعني اكل في اكل

بس ان شاء الله أنا ناوية اوسع صدور البنات برحلات بحرية خاصة الجو هالايام خيال وان شاء الله نرتب جدول حلو ونجهز العدة من الان

بتنزلين بطراد يعني ولا سباحه على السسيف ..

طراد ماينفعشي الحين
على تقلب الجو والهواء والجو يبرد اكثر فا اكثر

[ضوى]

بتنزلين بطراد يعني ولا سباحه على السسيف ..

طراد ماينفعشي الحين
على تقلب الجو والهواء والجو يبرد اكثر فا اكثر


لا ياخوي مب طراد ، سمبوك ، والله اتمنى يطيح الهوا شوي خلال فترة العيد على الاقل

[(محمد)]

ايه والله صار السؤال السنوي المتكرر وين نروح في العيد

مافي غير زيارات الاهل والمطاعم يعني اكل في اكل

بس ان شاء الله أنا ناوية اوسع صدور البنات برحلات بحرية خاصة الجو هالايام خيال وان شاء الله نرتب جدول حلو ونجهز العدة من الان

اذا رتبتي لرحلة لاتنسين اخوج بوخالد بالجدول يمكن اسوي منه كوبي و عقبها بيست

انا امس جبت للعيال قطوة تونسهم في العيد

شفتوا لوين وصلنا بالافكار؟ :rolleyes2:

[عبدالإله]

افا!

وانا اللي كنت ناوي اهج بأهلي من الرياض ونعيد عندكم


:rolleyes2:

[(محمد)]

افا!

وانا اللي كنت ناوي اهج بأهلي من الرياض ونعيد عندكم


:rolleyes2:

وقفني أخ ملتزم من بلاد الحرمين في اجازة عيد الفطر ... وسألني عن اماكن يروحها مع اهله في قطر

والله يالربع .... تميت ساكت وماعرفت اجاوبه

قلت له بشكل عفوي عطني رقمك واذا تذكرت مكان اتصل لك

:rolleyes2:

[عبدالإله]

وقفني أخ ملتزم من بلاد الحرمين في اجازة عيد الفطر ... وسألني عن اماكن يروحها مع اهله في قطر

والله يالربع .... تميت ساكت وماعرفت اجاوبه

قلت له بشكل عفوي عطني رقمك واذا تذكرت مكان اتصل لك

:rolleyes2:

كان وديته لمحل بيع القطاوة ههههه

[(محمد)]

كان وديته لمحل بيع القطاوة ههههه

ذكرتني بحديقة الحيوان

كانت متنفس للأطفال ... ولكنها تسكرت


قطر الآن ليس بها متوجه سياحي مقبول وعام

نصيحه ... لا تجي قطر الا بعد عام 2066 :tease:

[Dmy Enabi]

شهالتشاؤم أخوي مب لهالدرجة

في وايد أماكن توديهم


1- تتغدى أو تتعشى معاهم في أي مطعم
2- تركب مركب في الكورنيش أو في اللؤلؤة
3- مدينة المرح والتسلية في منطقة لوعيب محيرجه
4- سوق واقف وفعالياته المختلفة هالسنة يايبين السنافر
5- تحجز في في فندق أو شاليه
6 - ألعاب البحر هذي بروحها يبي لها كم يوم ( السكوتر - البنانا بوت - الدونت )وكلها متوفره في الغارية ولا سيلين ولا كتارا
7-الألعاب النارية في كتارا
8- القرية الثقافية - البدع
9- أكوا بارك
10 - تجربة ركوب طائرة أنصح فيها وبشدة

[Dmy Enabi]

وسينما بعد

[Dmy Enabi]

ورياضة الفلاي بوردنغ روعه خاصة في كتارا

[(محمد)]

اووووه السنافر جايين الدوحة


مررررررة عجيب
وندرفل
اوووسم
فانتاستك

:tease:

[زبرجد]

العيد بحد ذاته سياحة و من غير ما تسافر وتطلع وكفاية تبادل الزيارات ما اعتقد الملل له مكان في العيد

[بوعلاوي]

انا مسكين من ثاني العيد دوام ... بس اول يوم اجازه رسميه

[المحاميه]

نفس ماقالت دمي عنابي

وعندك سيرك اعتقد ف سباير
والثاني عند نادي قطر
وكتارا عندهم اكثر من فعاليه فالعيد فالمسرح وفالقريه الثقافيه تبعهم

وعندك صوب الخور يقولون مسوين مهرجان للاطفال
ودهم صوب البحر بعد بما ان الجو حلو
وﻻتنسى العاب المجمعات
والحدايق

كل يوم ودهم مكان بالاضافه للغدا او العشا وبجذي يكون جدولك فل

[المحاميه]

شهالتشاؤم أخوي مب لهالدرجة

في وايد أماكن توديهم


1- تتغدى أو تتعشى معاهم في أي مطعم
2- تركب مركب في الكورنيش أو في اللؤلؤة
3- مدينة المرح والتسلية في منطقة لوعيب محيرجه
4- سوق واقف وفعالياته المختلفة هالسنة يايبين السنافر
5- تحجز في في فندق أو شاليه
6 - ألعاب البحر هذي بروحها يبي لها كم يوم ( السكوتر - البنانا بوت - الدونت )وكلها متوفره في الغارية ولا سيلين ولا كتارا
7-الألعاب النارية في كتارا
8- القرية الثقافية - البدع
9- أكوا بارك
10 - تجربة ركوب طائرة أنصح فيها وبشدة


عفوا اختي مدينة المرح والتسليه ف وين؟

[Dmy Enabi]

عفوا اختي مدينة المرح والتسليه ف وين؟

إختي هي في منطقة لوعيب
يعني إذا كنتي يايه من السد عندج إشارة الوعب تعدينها وعقب الإشارة الثانية تروحين يمين مع الإشارة تمشين تقريبا 600 متر بتلقين خيمة على يدج اليمين كبيرة هذا هو المكان

[شـــوق]

افا!

وانا اللي كنت ناوي اهج بأهلي من الرياض ونعيد عندكم


:rolleyes2:

حياكم الله .. اهلك بيستانسون في الدوحه
فيها اماكن عائليه كثيره

[(محمد)]

حياكم الله .. اهلك بيستانسون في الدوحه
فيها اماكن عائليه كثيره

ايه ولا يفوتونك السنافر. :tease:

[عبدالإله]

دمي عنابي والمحامية ... مشكورين الله يعطيكم العافية على الاقتراحات




حياكم الله .. اهلك بيستانسون في الدوحه
فيها اماكن عائليه كثيره

الله يحييك ويبقيك .. والدوحة عامرة بأهلهاالكرام



بالأمس بحثت وقريت تقارير جميلة عن قطر .. قريت عن اللؤلؤة وكاتارا وسوق واقف وغيره .. فأتخذت القرار النهائي وانا مرتاح .. بإذن الله عيدنا هالسنة بقطر


عندي كم سؤال عن اماكن السكن ومكاتب حجوزات الفنادق .. راح اكتبها بموضوع مستقل عشان مايخرب الموضوع هذا



تحياتي للجميع :))

[عبدالإله]

ايه ولا يفوتونك السنافر. :tease:

الشيخ محمد .. شكلك مبسوط عشان سنفور غضبان راح يجي :app2:

السنافر يمكن ماتعني للكبار شيء .. لكن للصغار شي ثاني .. اذكر ايام طفولتي كنت متشقق وانا اصور جنب ميكي ماوس مع ان اللي لابس الكستوم واحد بنغالي :shy:

وقبل فترة بسيطة كان فيه عرض لخرفان شون (شون ذا شيب) بالرياض .. وصلت فيه اسعار التذاكر لألف ريال بسبب اقبال الاطفال عليه.. وانا بنفسي مودي عيالنا لرغبتهم وشاري لهم التذاكر رغم اني مو مقتنع ابدا


وكل عام وانت والجميع بخير

[المحاميه]

إختي هي في منطقة لوعيب
يعني إذا كنتي يايه من السد عندج إشارة الوعب تعدينها وعقب الإشارة الثانية تروحين يمين مع الإشارة تمشين تقريبا 600 متر بتلقين خيمة على يدج اليمين كبيرة هذا هو المكان

تسلمين عالوصف ماقصرتي :nice:

[R 7 A L]

كان وديته لمحل بيع القطاوة ههههه

مرحباً بك والله يحفظك وعيدك مبارك
مرحباً بك في بلادك وبين أهل

للأمانة
ردك أحزني