{ مبدأ العيـديــة وتطورهـآ مع الوقــت }

[أم محمد 90]

السلام عليكم ورحمة الله وبركاته


كل عام وأنتم بخير

::

موضوعي اليوم للتناقش عن العيدية

- مبدأ العيدية ( هل لازم تكون فلوس ومبلغ كبير) !

- اليهال قبل ياخذون نص ريال وريالين والحين الـ 10 ريال ماتعجبهم (لماذا) ؟

- مبالغة البعض بالعيدية وصرف مبالغ خيالية وتصوير العيدية (للفشخرة لا أكثر)

- أنتو شنو مبدأ العيدية عندكم ؟
- كم تعطون ؟!
والعيدية هل هي لازم نعطي كل العائلة ولا الاطفال فقط

موضوع مفتوح للحوار للاستفادة وتبادل المعلومات ~
نشوف مواقفكم وأفكاركم وعاداتكم مع العيدية ~ :shy:

[شبح الصمت]

عن نفسي صرفت لي 1500 ريال


500 = 5 ريالات
500 = 10 ريالات
500 = one ريال

الحين لو تعطين الياهل ريال يعطيج النظره شاقول لج يعني وده يفلت الريال في وجهك ويقولك من صجك يبه ريال وعااادي يسمووونج بيت بوريال ..

تعالي عقب فججي يوم يلصق الاسم في بيتكم بيت بوريال

وطبعا في مبلغ بعد على جمب من الحمر الـ 50 ريال هذولي حق المقربين من عيال الحبايب الناس القراب على القلب الي تعطي ولده 50 ريال يعطي ولدك 100 ريال


هههههههههههههههههههههههههههههههاي

وين عيديتي ابي العيديه

[طرف محايد]

بما أن الرواتب ارتفعت

وكل شي في ارتفاع


أعتقد العيدية لازم ترتفع


ولدي الصغير يسألني


أبوي كم راتبك؟

أسأله ليش تسأل

يضحك وما يرد علي !!


تتوقعين سؤاله له علاقة بالعيدية ؟!!

[شبح الصمت]

بما أن الرواتب ارتفعت

وكل شي في ارتفاع


أعتقد العيدية لازم ترتفع


ولدي الصغير يسألني


أبوي كم راتبك؟

أسأله ليش تسأل

يضحك وما يرد علي !!


تتوقعين سؤاله له علاقة بالعيدية ؟!!




لا الله يسلمك

بقولك شكلها المره الله يحفظها مب قايل لها كم راتبك ..

فدزت عليك الياهل يسالك لاجل تعرف كم ..

حركات حركات ياخوي ..

:shy:

[طرف محايد]

لا الله يسلمك

بقولك شكلها المره الله يحفظها مب قايل لها كم راتب ..

فدزت عليك الياهل يسالك لاجل تعرف كم ..

حركات حركات ياخوي ..

:shy:


خطير ي شبح

:):)


هههههههههههههه

[شبح الصمت]

خطير ي شبح

:):)


هههههههههههههه






المهم كم صرفت فلوس نبي نعرف

اذا الزرقه حولك بجيب اليهال عندك

واذا النوط بوريال عادي نمر عليك من بعيد دعس

:shy:

[الـقـاسـي]

ما ادري بس احس صارت العيديه معاد لها لزمة لان العيال معاد يعجبهم الريال ولا العشرة ولا الخمسين بعدين مب معقوله كل عيد اصرف 3 الالف ولا 5 الالف عيديه

[أم محمد 90]

عن نفسي صرفت لي 1500 ريال


500 = 5 ريالات
500 = 10 ريالات
500 = one ريال

الحين لو تعطين الياهل ريال يعطيج النظره شاقول لج يعني وده يفلت الريال في وجهك ويقولك من صجك يبه ريال وعااادي يسمووونج بيت بوريال ..

تعالي عقب فججي يوم يلصق الاسم في بيتكم بيت بوريال

وطبعا في مبلغ بعد على جمب من الحمر الـ 50 ريال هذولي حق المقربين من عيال الحبايب الناس القراب على القلب الي تعطي ولده 50 ريال يعطي ولدك 100 ريال


هههههههههههههههههههههههههههههههاي

وين عيديتي ابي العيديه

:shy: هههههههههههههههههههههههههههه
احم شي الحمر


بس ع الأقل انت حمر البعض يطلع من ثوبه الزرق :omg:
وجان زين وحدة ثنتين صوبي
حق البزران والمفوشر :weeping:

[شبح الصمت]

في ناس لاجل ما يعايدون واعرف كمن واحد يسافرون يقول احسن من اني اجلس فالدوحة واصرف على فالت البيت واصرف على عيادي اليهال وعلى فلان وفلان وعلان يعني يحسبها تطلع له قريب الـ 5 آلاف اذا مهب اكثر لين 10 آلاف يقول اروح اسافر مع عيالي استانس وياهم ورد مستانس ومفرفش ..

تفكير البعض والبعض يحب الجمعه والزيارات

[أم محمد 90]

بما أن الرواتب ارتفعت

وكل شي في ارتفاع


أعتقد العيدية لازم ترتفع


ولدي الصغير يسألني


أبوي كم راتبك؟

أسأله ليش تسأل

يضحك وما يرد علي !!


تتوقعين سؤاله له علاقة بالعيدية ؟!!

ممكن له علاقة بالعيدية وممكن لا

ومثل ماقال لك شبح

المرة مطرشته تجيس النبض كم عيديتها :shy:

[أسير الاسهم]

الحين صج تعطي الياهل خمس ريال والا عشره يطالعك بنظره وده يصكك كف .. من صجك شنو عشره ما تييب شي

[أم محمد 90]

في ناس لاجل ما يعايدون واعرف كمن واحد يسافرون يقول احسن من اني اجلس فالدوحة واصرف على فالت البيت واصرف على عيادي اليهال وعلى فلان وفلان وعلان يعني يحسبها تطلع له قريب الـ 5 آلاف اذا مهب اكثر لين 10 آلاف يقول اروح اسافر مع عيالي استانس وياهم ورد مستانس ومفرفش ..

تفكير البعض والبعض يحب الجمعه والزيارات

طيب ماتحس كلامه صحيح لان صرف العيادي بمبالغ 10 و 15 الف
يروح دبي فيهم احسن

لان بالعقل هالمبالغ الخيالية ع اليهال وكل ياهل يحصل فوق الالفين والثلاثة وين يصرفونهم
كله فالاند وفيلاجيو

[أم محمد 90]

ما ادري بس احس صارت العيديه معاد لها لزمة لان العيال معاد يعجبهم الريال ولا العشرة ولا الخمسين بعدين مب معقوله كل عيد اصرف 3 الالف ولا 5 الالف عيديه

انا صار لي 4 سنين موظفة وماعمري صرفت عيادي الا حق اخواني

والبعض قام يحش فيني (ماتعطي عيادي لا تسلمون عليها هههههههههههههه صج بزران) :tease:

[غير البشر]

أي والله راحت ايام الطيبين

بقولج شي ام محمد
قبل كنا نتاخبر عن البيوت الي تعطونا ريالين
ونروح لهم اول الصبح هههههه نستانس :secret:
واخبر مره دخلنا بيت كبير قلنا بنحصل همجه
عطونا كل واحد نص ريال هههههههههههه

الحين 100 ريال ماتعجبهم :weeping:

[أم محمد 90]

أي والله راحت ايام الطيبين

بقولج شي ام محمد
قبل كنا نتاخبر عن البيوت الي تعطونا ريالين
ونروح لهم اول الصبح هههههه نستانس :secret:
واخبر مره دخلنا بيت كبير قلنا بنحصل همجه
عطونا كل واحد نص ريال هههههههههههه

الحين 100 ريال ماتعجبهم :weeping:

آه يا يا ايام قبل

انا اخواني متحلفين فيني غير ال 500 مايبووون :weeping:

[قطريه22]

عيال اختي اعطي كل واحد فيهم 500 ريال
بنات خالي كل وحده 100 ريال للصغار
واوقات اعطي الكبار واوقات لا على حسب اذا ماطيرت الفلوس قبل العيد هههههههههههههه

اما اليهال امي تعطيهم 5
وصح كلامج يقولون اشدعوه 5 نبي زياده هههههههههههههههههه

والي من الاهل تعطيهم 100 ريال
واعيال اختي 500 للواحد
وانا تعطيني 100 ريال :shy:
هههههههههههههههههههههههههههههه

[قطريه22]

اقول حق امي بتعطيني عيديه والا ابوق خردة اليهال
هههههههههههههه تشيلها وتخشها عني

[ضوى]

ماتزيد العيدية عن 100 ولا تقل عن 30 ريال للمقربين

حلوة العيدية احب اعادي اي حد يمر علي من الاطفال .

[مضارب دوسري]

ماحب اعطي اكثر من 100
ولا اقل من 10

واحلى شي عندي اليهال فالشارع لما اوقف لهم واوزع عليهم لها طعم خاص

[مشاكل]

المشكلة بعض الجهال لصغار تعطيهم عيديه وتجيهم اخر الوقت ماعندهم ولا ريال ،،، وين راحت ؟!

الاسباب كالتالي :

- يمشون والفلوس اتنثر منهم وهم الله بالخير

- بعض لعيال لكبار شغالين تجمرك وقطع طريق ،،، يعطونهم ريالين وياخذون 50 ،،، يقصون عليهم يقولون لهم باعطيك ورقتين وعطني ورقه :anger1:
شغل لصوص :spider:

[تهامي باشا]

نسبة وتناسب
اللي يوزع عيدية على 50 ياهل غير اللي يوزعهه على 5 يهال

[حياة]

احنا نخرد من الثلاثه الاف للخمسه الاف كل عيد
بين ريالات للاطفال اللي مش من الاهل من الجيران المقيمين..
وعشرات وخمسات حق عيال العايله ..
وخمسينات وميات وخمسميات حق عيال اخواتي واخواني وعيال عم اعيالي

واللي يتبقى منهم يتحول صوب مصرف العيال للمدرسه حق المقصف
عيديه عيالي غير مش من ضمن الحسبه

[storm..]

المشكلة بعض الجهال لصغار تعطيهم عيديه وتجيهم اخر الوقت ماعندهم ولا ريال ،،، وين راحت ؟!

الاسباب كالتالي :

- يمشون والفلوس اتنثر منهم وهم الله بالخير

- بعض لعيال لكبار شغالين تجمرك وقطع طريق ،،، يعطونهم ريالين وياخذون 50 ،،، يقصون عليهم يقولون لهم باعطيك ورقتين وعطني ورقه :anger1:
شغل لصوص :spider:

هههههههههههههههه حركاتي حق اخواني الصغار قبل :shy:

[ام السعف]

حبيبي ولدي الصغير من كم سنة ،، كان يجمع فلوسه مالت العيادي
واييني يركض يقول لي تبادلين اعطيج كل هذااااا وتعطيني فايف زيرو زيرو ،،

فكان يطير من الفرحة في الفايف زيرو زيرو محصول كل العيدية ،،

اليوم طبعا الوضع اختلف ابوه بروحه يعطيه فايف زيرو زيرو
ويحن علي طول ايام العيد وين عيديتي وكل شي فيه يقول ابي فايف زيرو زيرو،

وغير اخوانه الله يحفظهم يعطونه ،،

فشي أكيد العيدية بتختلف قيمتها باختلاف الحالة المادية ،،

وعني ما اتنازل عن عشر ريالات عيدية امي
ولا عن 50 ريالا عيدية ابوي
وعيدية اخوي الكبير للحين كلنا يعطينا 100 ريال
احن وازن مثل الياهل علشان يعطيني وان شفته ماطل
دعيت عليه ،،يخاف ويطلعها لي وهو مرتعد ،،

فالعيدية لها وقع حلو على قلبي ،، ومرات كثيرة احط على نفسي
علشان اطبع هالفرحة في قلوب عيالنا
فاعطي 50 حق كل واحد من عيال بيت ابوي ،، والصبيان
من تبتدي تبان عليهم ملامح البلوغ بشكل واضح
اميزهم 100 ريال ومرات 200 حسب الميزانية ،،

الا ولد اختي اذا يانا مع اخته الكبيرة لازم 500 ريال
حق كل واحد منهم ،، تعويض عن الغربة اللي عايشينها ،،

واهلا بالعيد مرحب بالعيد
http://www.pic4ever.com/images/greenstars.gif

[رهج السنابك]

طبعا لازم نعطي عيادي

بس انا من صار عمري ١٨ ماعاد شميت ريحة عيديه :(

[طلعة الروح]

ما ادري بس احس صارت العيديه معاد لها لزمة لان العيال معاد يعجبهم الريال ولا العشرة ولا الخمسين بعدين مب معقوله كل عيد اصرف 3 الالف ولا 5 الالف عيديه

ياريال دافعة بلا !!! راس مالك عيدين في السنة:shy:

[طلعة الروح]

العيدية بالنسبة لي حق الناس اللي تفرح بالعيديه مثل الخدم واليهال الصغار واخواني اللي لا زالوا طلاب ، فتوزيعي يكون كما يلي :

- عيال اخواني الصغار اعطي كل واحد 100 ريال ،
- اخواني الكبار اعطي كل واحد 500 ريال ،
- الخدم كل واحد على 15 أو 20 ريال ،

[قوت القلوب]

أفضل الأعمال سرور تدخله على مسلم

عن ابن عباس أن رسول الله صلى الله عليه وسلم قال : إن أحب الأعمال إلى الله تعالى بعد الفرائض إدخال السرور على المسلم . رواه الطبراني

العيديه احتسبوها صدقه ستطيبوا بها نفساً

[الوثيقة]

انا صار لي موقف مع عيال رفيجي ...
في العيد لما عطيتهم على 10 ريال ردوا لي 10 وقالوا لي شكرا
يبون 100 ريال :|

صج " راحوا الطيبين "

[نتفـه]

انا حتى اليهال الصغار ف بيتنا ما ياخذون اقول من 50 ومب عاجبهم
وعندي مراهقين وبعضهم عدى ال18 ويشتغلون ما شاء الله وبعد لهم عيادي فوق ال500 -_- ..
العيد فرحتهم وفقر لنا ههههه

[نوار قطر]

ممممم عيد الفطر خردت 5000 صرفت منها والباقي حق هالعيد ،،، احب العيادي الي اوزعها تكون مميزه وخاصة حق البنات لازم اسوي لهم حركه فيها مثلا مره عطيت كل بنوته من بناتنا البوك الصغير وفي وسطه العيديه ،،، مره لفيت لهم كل عيديه بشريطه وفيونكه ،،، عيد الفطر وزعت عليهم اظرف العيد ،، ويعني جذي هالحركات احب اسوي لهم ،،،،