المساعد الشخصي الرقمي

مشاهدة النسخة كاملة : من جرب الطريق الجديد من سلوى الى الدمام يختصر 200 ك


فريج النجادة
11-10-2013, 09:07 PM
من جرب الطريق الجديد من سلوى الى الدمام يختصر 200 ك

يمر على البحر الى هافمون الخبر

بعد كم كيلو المفرق وهل يوجد لوحات وعلامات وخدمات
خفيف الروح
11-10-2013, 09:10 PM
اول مره اسمع عنه ؟؟؟؟؟؟؟
خزامئ
11-10-2013, 09:44 PM
شاارع مشالله جديد وزين واحسن من زحمه الحساء
مشكلته لو في ليل تخاف يكون فيه ابل
احسن تروح في نهار
خفيف الروح
11-10-2013, 09:55 PM
شاارع مشالله جديد وزين واحسن من زحمه الحساء
مشكلته لو في ليل تخاف يكون فيه ابل
احسن تروح في نهار



اخوي ليكون طريق العقير المتجه الى محافظه العيون للى قبل الاحساء بحولى 30 كيلوا
فريج النجادة
11-10-2013, 09:58 PM
اخوي ليكون طريق العقير المتجه الى محافظه العيون للى قبل الاحساء بحولى 30 كيلوا

لا بعد مركز سلوى ب 10 كيلو فقط

والخط على البحر مباشر حتى الخبر هافمون
وليف الشوق
11-10-2013, 10:06 PM
اول مرة اسمع فيه وعلى كلامك ماراح نمشي طريق الاحساء 145 كيلو ؟ هل اهو جديد ولا قديم ؟ وان كان جديد او قديم فيه شارع معبد ولا كنكره
عاشق الشهادة
11-10-2013, 10:26 PM
اول مرة اسمع فيه وعلى كلامك ماراح نمشي طريق الاحساء 145 كيلو ؟ هل اهو جديد ولا قديم ؟ وان كان جديد او قديم فيه شارع معبد ولا كنكره





على ماعتقد الشارع الي تقصده بعد هجره خشم الزينه
خفيف الروح
11-10-2013, 10:32 PM
على ماعتقد الشارع الي تقصده بعد هجره خشم الزينه



ممكن يكون جديد.......:nice::nice:



بس ماعتقد فيه شارع


ننتظر



يمق ايه يمقن لا ههههه قديم :omg:
خزامئ
12-10-2013, 02:51 PM
لا الي اقصده يمكن يكون خط العقير
هو قبل الحساء بشوي
الي تقوله على الشط
اول مره اسمع عنه
ولد العرب
12-10-2013, 03:37 PM
الطريق اللي تقصده خاص بهجرة خشم الزينه وينقطع بالهجرة والطريق اللي يوصلك لهاف مون هو من قبل الاحساء العقير عوذ بالله منه ومن عبالته مطباته اكثر من انفاسك :(بحكم المقناص ورايح وراد عليه واذا بتقول لا مهب انا بقولك مافيه الا هو يمر الطريق على السيف لين هاف مووون تمر على منتجع ارمكوا ومحطات تحليه ومحطات كهرباء وتبدا تكره حياتك خط مهب مستقيم :( اتمنى اني افدتك
alsoq
12-10-2013, 07:23 PM
اخوي انتبه ولا تروح الى في نهار خط السعوديه من سلوى الى الحسا صار خطر وسبه المناطق اللي على الطريق والشاحنات التي لا تبالي بسيارت الصغيره

الله يسهل دربك
فريج النجادة
13-10-2013, 04:35 PM
الطريق اللي تقصده خاص بهجرة خشم الزينه وينقطع بالهجرة والطريق اللي يوصلك لهاف مون هو من قبل الاحساء العقير عوذ بالله منه ومن عبالته مطباته اكثر من انفاسك :(بحكم المقناص ورايح وراد عليه واذا بتقول لا مهب انا بقولك مافيه الا هو يمر الطريق على السيف لين هاف مووون تمر على منتجع ارمكوا ومحطات تحليه ومحطات كهرباء وتبدا تكره حياتك خط مهب مستقيم :( اتمنى اني افدتك

اخوي متى اخر مرة مريت على الشارع
كود نمبر
13-10-2013, 04:48 PM
من جرب الطريق الجديد من سلوى الى الدمام يختصر 200 ك

يمر على البحر الى هافمون الخبر

بعد كم كيلو المفرق وهل يوجد لوحات وعلامات وخدمات

السلام عليكم

اخوي الطريق الي تقصده للحين ماخلص
تقريبآ من طريق الدمام حتى ماقبل طريق سلوى ب 50 كيلو الشارع جاهز
ولكن فيه مسافة 50 كيلو من نهاية الشارع حتى شارع سلوى لحد الان ماشتغلو فيها ومتوقف العمل فيها صار له فتره اما باقي الطريق جاهز

اذا تبي تطلع عليه من لفة هجرة خشم الزينه تاخذ الفه كنك رايح للهجره
قبل الهجره بيكون البيب حق ارامكو على يدك اليسار تنزل مع الرمل وتمشي
مع البيب مسافة 50 كيلو وراح تشوف الشارع على يمينك يعني مسافة ساعه
تقريبآ
ANONYMOUS
14-10-2013, 07:42 PM
سمعت عنه بس يختصر ٢٠٠ كيلوا هذا أقوى شي

وزي ماقالوا الشباب لسى ماجهز كامل
رحال
15-10-2013, 01:42 AM
اول مره اسمع عنه
ابوعلي
15-10-2013, 01:59 AM
سمعت عن الطريق وان بيرصفونه ولكن بما ان ما كلموا الطريج فالانتظار افضل وعدم المغامرة
فريج النجادة
15-10-2013, 01:24 PM
واحد من اهل السعودية يقول الطريق جاهز

من ياكد الخبر؟
كود نمبر
15-10-2013, 06:16 PM
واحد من اهل السعودية يقول الطريق جاهز

من ياكد الخبر؟

اخوي مثل ماقلت لك الطريق 80٪ جاهز
اخر 50 كيلو العمل متوقف فيها يعني لو تطلع من هاف مون على الطريق
راح ينقطع الخط ولو عندك نفقيشن وتشغله راح يعطيك طريق سلوى يبعد
50 كيلو المسافة هذي كلها رمله يمكن يقصد طريق العقير او الطرف وهذا الطريقين راح يطلعونك على الطريق الي قبل الحساء على العيون غير
ها الطريقين مافيه
فريج النجادة
21-10-2013, 08:03 AM
طريق يربط سلوى بالظهران بطول 177 كيلومتراً



2010-08-25

الدمام - عبدالسلام الخالدي

تنفذ وزارة النقل السعودية طريقاً برياً يربط منفذ سلوى الحدودي بمدينة الظهران بالمنطقة الشرقية بطول 177 كيلو متراً، بقيمة إجمالية تصل إلى 160 مليون ريال؛ لاختصار المسافة أمام المسافرين القادمين من قطر والإمارات وعمان والمتجهين للبحرين والكويت، بعد أن انتهى العمل بطريق (أبوحدرية) الذي يربط مدينة الدمام بدولة الكويت.

وقال المتحدث باسم وزارة النقل السعودية خالد الغامدي لـ«العرب»: إن الفترة الحالية تشهد تنفيذ مرحلتين من الطريق، الأولى بطول (48) كيلو متراً، والثانية بطول (52) كيلو متراً، وسينتهي العمل بالمرحلتين في الربع الأخير من العام المقبل.

وأضاف أن المرحلة الأخيرة بطول (77) كيلو متراً ستكون ضمن مشروع ميزانية الوزارة للعام المالي القادم.
Dana’1
21-10-2013, 08:27 AM
الطريق إلي تقول عنه فية ناس يسافرون من عندة ومن زمان خصوصا الشباب..بس مش معبد عدل..للحين ماخلص حسب ما أعرفه للحين..والله أعلم
وإلي خلص من زمان وهو شغال تمام إلي قبل الأحساء بكم كيلو لين العيون تقريبا ممكن ٣٠ كم أكثر شوي ممكن
وهذا الطريق زين ويفكك من دخول الأحساء

وبالتوفيق للجميع
كلاسيك قطر
21-10-2013, 02:11 PM
الطريق قالولي عقب محطه ساسكو وفي لفه ع اليمين اشوف الشباب اكثرهم يلفون يمين

مادري يقصد هاي الشارع وله
البحار00
21-10-2013, 02:25 PM
من عند خشم الزينه فيه لفه تطلع عليها وبينقطع الشارع وبعدها تمشي في حدود 50 كيلو لين مايجيك الشارع

تطلع عليه سيده يوصلك لين العزيزية بالخبر
كلاسيك قطر
21-10-2013, 02:34 PM
انا كنت بادهل قلت يمكن اضيع ويمكن ويمكن قلت استفسر