اقتراح .. شارع النصر (او المرقاب)

[شنب]

السلام عليكم ورحمة الله وبركاته


عندي اقتراح و يمكن يكون اقتراحي حل للزحمه اللي تصير في شارع النصر في بعض الأوقات


وهو تحويل الشارع مسارين بإتجاه واحد

http://img13.imageshack.us/img13/3829/dorv.jpg


اتمنى انه يوصل للمسؤولين


**عطوني من افكاركم و رايكم بالإقتراح**
*

[مشهور]

اتفق معك حتى زحمة الأبراج مفروض مسارين دخول مثلا من دوار التلفزيون الي دوار البريد مسار وأحد
اذكر شارع الكورنيش بالاسكندرية يكون مسار واحد الصبح الين الساعة ١٠ صباح باتجاه العجمي وهاذا حل لهم اشكالية الزحمة

[همر]

خلهم يخلصون المجمع الضخم اللي في نص الشارع

عشان يعرفون اي اتجاه يناسب مداخله ومخارجه :nice:




السؤال اللي ينطح نفسه..



اما آن الاوان لتحويل معظم شوراع الدوحه الى

طرق باتجاه واحد على غرار شارع السد الداخلي

مش بس شارع النصر ؟!!


أم لازالت اشغال في طور البيضه"الدوار" ام الدجاجه "الاشاره" ؟!!

[كلاسيك قطر]

انزين اذا سوو شارعين في اتجاه واحد

والمحلات الجديده شنو بيسون فيها

[بوخالد911]

والأهم هل هناك امكانية للتوسعة؟!

[معماري قطري]

شارع باتجاه واحد هو آخر الحلول وهو حل مر بسبب إن بيكون التكدس في نهاية الشارع سواءً جهة شارع 22 فبراير أو جهة شارع سحيم .. والظاهر الخطط تحاك لتحويله لإتجاه واحد مع انتهاء المجمع .. بس الوضع صعب في كل الشوارع الداخلية في هذه المنطقة وغيرها من ذات الكثافة السكانية أو ذات الجذب السكاني للترفيه أو التسوق.

في دبي نشوف بوضوح كيف شبكة الطرق تنفذ وتوسع حول أي مشروع قبل أن يكتمل، وإحنا نعرف إن الفترة الحرجة لعمل هذه الترتيبات تكون بعد إنشاء البناء الأساسي، والذي يتطلب آليات ضخمة وشغل مدني كبير، وقبل التشطيبات الخفيفة فيتم إنجاز كل المراحل قبل افتتاح المشروع الخدمي.

ههههههه هذا هو المضحك المبكي .. أشغال ما تدري للحين عن هذا الشارع هم يقدرون يركزون على شيء واحد كل سنه بس.

[هجمة مرتدة]

الحل الوحيد أن يبنون فوق الدوحة طابق ثاني . .
لعل وعسى تخف الزحمة !

[كلاسيك قطر]

الحل الوحيد أن يبنون فوق الدوحة طابق ثاني . .
لعل وعسى تخف الزحمة !

ياريت يسون هاي الشي

وان شاءالله اتشوف كاس العالم 2022 شوف الشوارع تتوسع وكل شي غير

[khaldoon]

يا اخوي شارع النصر ايام الثمانينات و التسعينات كان هالشكل.... معقول يعني بعد اكثر من عقد نرجع للمربع الاول ....معناته بالصل كان صح و الحين هو غلط

[يوسف0]

الحل يوقفون مشاريع فالدوحه (غير المشاريع الضرورية)

ويزحفون لدخان مع تفكير وخطط مستقبلية ل 100 سنه مع التنفيذ والمراقبة الجاده

ارخص اسرع اسهل لهم من ترقيع فمخططات الدوحه الي تكلف اموال طائلة ووقت طويييل بسبب كثرت الاخطاء

وينقلون مسببات الزحمة فالشارع هم ادرى بها الى دخان

ويرقعون فشوارع الوكره من الحين لان مأساه

ويجهزون الخور ومسيعيد من الحين