حملة (راتب الشؤون مايسد الحاجه) [الأرشيف] - منتديات شبكة الأسهم القطرية

ضوى

12-10-2013, 05:26 AM

معاج بهالحملة ، هالفئة والله اولى بأي زيادة ، واولى بالفلوس من التماثيل والاصنام اللي ناصبينها في بلادنا ، الله يفك عوق اهل الشؤون ويحنن قلب المسؤولين عليهم ياااارب

jassim69

12-10-2013, 05:28 AM

:secret: في سر

بنت مريخ

12-10-2013, 06:02 AM

الله يرزقهم من واسع كرمه
ويصخر لهم

MASOUD80

12-10-2013, 10:48 AM

فريج النجادة

12-10-2013, 11:11 AM

على كثر ما نسمع عن معاناتهم مع الشوون والجمعيات الخيرية

نادر ما تسمع عن تكاتف الناس معاهم

اعرف شخص واحد كل سنة يوزع عليهم قبل رمضان

500 ريال ولا يوجد احد ثاني يساعدهم مع الاسف الشديد

بدل هذة الحملة نناشد وزارة الشوون تحدد حساب

لتحويل علية مبلغ شهريآ والجميع يساهم

من يشاركني

طلعة الروح

12-10-2013, 11:33 AM

مساكين والله اهل الشؤون

2250 ريال وين يكفي الحاجه

الدريول راتبه 1200
والخادمه 800

كم يبقى للكفيل :weeping::weeping::weeping::weeping::weeping:

واذا مازدت رواتبهم انحاشوا :(

250 ريال هل للاكل او للملبس او للبترول ؟؟؟

يارب افرح قلوبهم هل الضمان الاجتماعي

أنا مادري شنهي الظروف اللي قاعد تعيشها ، لكن بدل رواتب الخدامة والسايق تقدر تشوف لك حلول بديلة، انت وشطارتك بالموضوع!

كود نمبر

12-10-2013, 12:56 PM

لاوزير ولا وكيل يقدر يسوي لهم شي
اذا جاتهم الاوامر غصب عليهم التنفيذ

كود نمبر

12-10-2013, 12:59 PM

أنا مادري شنهي الظروف اللي قاعد تعيشها ، لكن بدل رواتب الخدامة والسايق تقدر تشوف لك حلول بديلة، انت وشطارتك بالموضوع!

معليش اخوي ياليت تساعدهم في الحل مدام لك في الشطاره
اذا انت ماعندك ظروف ولكن عاجز لاسمح الله او عندك عيال
تقدر تقول لنا كيف تقدر تتكيف مع 2250

ياليت تساعدهم بالحل اذا تقدر ولك الاجر في ها الايام المباركه

شموخ دائم

12-10-2013, 01:00 PM

,

,

مرحبا

شكرا على الموضوع المهم

في هذه الايام المباركه يارب

ان شاء الله يستجيب لهم رب العالمين

وتتحسن اوضاعهم

والله قادر على كل شي

اللهم زد وبارك وابسط لهم في ارزاقهم و في الرواتب وفي كل حياتهم

,

,

اخوك

شموخ دائم

ضوى

12-10-2013, 01:12 PM

أنا مادري شنهي الظروف اللي قاعد تعيشها ، لكن بدل رواتب الخدامة والسايق تقدر تشوف لك حلول بديلة، انت وشطارتك بالموضوع!

اطرحي حلول بديله اذا عندج بدل التنهزر على ظروفهم ،. يارب لاتبلي احد ويارب لا تحوجهم الا لك

الدمعه

12-10-2013, 01:22 PM

أنا مادري شنهي الظروف اللي قاعد تعيشها ، لكن بدل رواتب الخدامة والسايق تقدر تشوف لك حلول بديلة، انت وشطارتك بالموضوع!

اذكري الحلول البديله ،،، اذا عندج ،،،
،،،،،،

في ناس سبحانك ياربي مادري قلوبهم حجر ؟؟؟ او عايشين في كهف مايدرون باللي صاير حولهم ،،،

طلعة الروح

12-10-2013, 01:27 PM

معليش اخوي ياليت تساعدهم في الحل مدام لك في الشطاره
اذا انت ماعندك ظروف ولكن عاجز لاسمح الله او عندك عيال
تقدر تقول لنا كيف تقدر تتكيف مع 2250

ياليت تساعدهم بالحل اذا تقدر ولك الاجر في ها الايام المباركه

انا ما تكلمت عن راتب الشؤون اللي هو ضعيف اساسا ومحد مختلف بهالشي وتمنينا يزيدونهم وتكلمنا من قبل ،،

انا تكلمت عن خيارات العمالة الوافدة ومحاولة التقليل منها فقط ،،

طلعة الروح

12-10-2013, 01:28 PM

اذكري الحلول البديله ،،، اذا عندج ،،،
،،،،،،

في ناس سبحانك ياربي مادري قلوبهم حجر ؟؟؟ او عايشين في كهف مايدرون باللي صاير حولهم ،،،

أنا رديت ع الأخ فقط من ناحية ان راتب الشؤون اللي رايح كله على رواتب الخدم، وبعدين اللي قلبه حجر هم المسؤولين وكل من له سلطة وقرار في الأمر، احنا الشعب نوصل صوت هالفئة ونحاول نوجد حلول مادام الدولة شالت يدها أو عطلت الزياده واتمنى تطولهم الزياده لأنهم أولى فيها من غيرهم..

طلعة الروح

12-10-2013, 01:30 PM

اطرحي حلول بديله اذا عندج بدل التنهزر على ظروفهم ،. يارب لاتبلي احد ويارب لا تحوجهم الا لك

انا قلت ماعرف شنهي ظروفهم وعشان جذي ما قدر احدد الخيارات البديلة ، يقدرون يقللون لو يقدرون يستغنون بخادمات بالساعه على حسب الحاجه أو سواقين بالأجره مثلا ع حسب مشاويرهم، وانا قلت هالكلام من باب التوفير في ظل الظروف الحالية والراتب الضعيف وليس لأني قاعده اتهنزر على قولتج،،

تقبلي مروري

طرف محايد

12-10-2013, 01:40 PM

يحتاج اولا نشر الموضوع هنا

ثم نقله لتويتر

التفاعل في تويتر اقوى

اهم شي يبدا بالحملة شخص من الاسماء المشهورة والمعروفة

كالاخ حسن الساعي او غيره

بيكون التفاعل في تويتر قوي

نحن معكم بكل أحاسيسنا ومشاعرنا

طلعة الروح

12-10-2013, 01:44 PM

كلامج واضح ومفهوم ،،،،

يعني من اللي ياخذ الشوون غير العجايز والشيبان ،،، بتنفعهم بشنو الخادمه بالساعه ،،

وسيارة كروه ،،،
وهل في ظنج ان بيطلع لهم ارخص من السايق والخادمه المتواجده في البيت على طول معاهم ،،،

انتي فهمي اول وبعدين كتبي تعليقج ،،، كلنا غلط وانتي صح ،،،

أول مرة ادري ان فئة الشؤون محصورين بالعجايز والشيبان ، يمكن انا اللي فاهمه غلط عيل!

الدمعه

12-10-2013, 02:17 PM

أول مرة ادري ان فئة الشؤون محصورين بالعجايز والشيبان ، يمكن انا اللي فاهمه غلط عيل!

مب محصورين بس اكثرهم ،،، بتحسبين بعض الارامل والمطلقات ومن بعد نسيته ،،، كلهم حتى لو استغنوا عن الخدم والسواقين ،،، هل هالمبلغ يكفي بذمتج طول الشهر ،،، تقدرين تعيشين عيشه كريمه بدون ماتترددين في شي تبغين تشترينه ،،، حتى لو اقتصر بس على الاكل والشرب والحاجات الشخصيه جدا ،،

الله يهدينا ويهديكم ،،

خزامئ

12-10-2013, 02:35 PM

حسبي الله ونعم الوكيل
ملايين تصرف هنا وهنا
وذولا الساكين على ذي الطفسه

نور الحور

12-10-2013, 02:40 PM

معاكم قلباً وقالباً ..شالمطلوب وممكن نساعد فيه؟

بوحارب

12-10-2013, 02:44 PM

معاكم حتى النخاع

انا علي الكرك

alsoq

12-10-2013, 03:35 PM

الحملة تعني عدم التوقف حتى تلبيه المطالب

حمله في منتدى لا تكفي ولازم كما ذكر احد الاخوه لازم يمسك هذي الحمله شخصيه معروفه ومتمكن من الرد على من يجدون الذرائع

اهل الشؤن فئه مظلومه من الجهات المعنيه وكما ظهر علينا احدهم في السابق وقال الشؤن الحالي يكفي

والكل يعرف ان 2250 ريال لا تكفي بل يزيدون عليها اكثر من المبلغ المذكور ليسد القليل من حاجتهم

اين ولاة الامر اين دوله من شيبان وعجايز اهل قطر بدل هذي الاهانه للشيبانا وعجايزنا وفوق هذا يسحب كل سنه الى مقر الشؤن لتجديد دون ان يكلفوا اشخاص يجونهم في بيوتهم البعض يا كود يمشي او على كرسي متحرك

والله ان من بيدهم القرار مسؤلون يوم الحساب الذي لا ينفع فيه منصب ولا غيره امام الله سواسيه ويسأل على شخص عن صغيره وكبيره

ايام الصحابه لا ينام الواحد منهم وهو يدري ان فيه مسلم محتاج وهم اكرم منا

واقعية

12-10-2013, 07:08 PM

الله المستعان

الغريبة انهم ( مطنشين ) حتى ما في اي رد منهم موجه لهذه الفئة

وليف الشوق

12-10-2013, 09:31 PM

انا والله تكلمت مع المسؤولين جزاهم الله خير واهم عارفين الوضع وحاسين بهالشي وخبروني ان الامور ان شاءالله بتكون طيبة واهما رفعوا كتاب ونداء للجهات المختصه بزيادة رواتب الشؤون وواعدوني خير ان شاءالله في القريب العاجل

بس انتم تأملوا خير وقولو يارب

السيف5

12-10-2013, 11:15 PM

ان اشهد ان اهل الشئوون يستحقون الزيادة

يارب نطلبك بالدعاء ان تسهل امورهم

متواصل

12-10-2013, 11:27 PM

افتحوا حساب في تويتر
باسم
راتب الشؤون مايسد الحاجة
والكل يشارك ويدعم وراح ينتشر الخبر
من خلال دخول المتابعين ومن يتبعهم

ام_عيالي

13-10-2013, 12:45 AM

تسلمون كلكم ولا قصرتوا واللي يعرف يسوي الحمله في التويتر اكون شاكره له وجزاه على الله سبحانه

ضوى

13-10-2013, 12:47 AM

:telephone:
تسلمون كلكم ولا قصرتوا واللي يعرف يسوي الحمله في التويتر اكون شاكره له وجزاه على الله سبحانه

باسأل لج بنتي ان شاء الله بكرة واعلمج

Sari

13-10-2013, 12:54 AM

معاج بهالحملة ، هالفئة والله اولى بأي زيادة ، واولى بالفلوس من التماثيل والاصنام اللي ناصبينها في بلادنا ، الله يفك عوق اهل الشؤون ويحنن قلب المسؤولين عليهم ياااارب

والله أنا للحين منصدم من سالفة صنم زيدان ابي استوعب ما قدر

خاطري اعرف صاحب الفكرة قطري ولا اجنبي

او أيش الهدف منها.

حتى رياضيا ماراح تخدمنا لان فيها عنصرية والحركة غير مقبولة اصلا
والكل يعرف قصة الحركة البذيئه

بوخالد911

13-10-2013, 01:21 AM

الله يسهل عليهم

فريج النجادة

13-10-2013, 02:43 PM

سما الوطن

13-10-2013, 02:58 PM

معاكم بتلك الحمله
فالراتب لتلك الفئه جداجدا قليل ولا يكفي
يجب ان يضاعف لعده مرات

alsoq

13-10-2013, 04:11 PM

حتى لو تبون تسون موقع حاظر

بنت الشمال

13-10-2013, 04:54 PM

قديم.. د. محمد علي الكبيسي:
رواتب الشؤون الاجتماعية
http://bit.ly/1hNLIIL

قديم . د. ربيعة بن صباح الكواري..
لماذا تأخرت زيادة رواتب الشؤون وأصحاب الضمان الاجتماعي حتى الآن ؟!
http://bit.ly/18aENbo

رواتب الضمان الاجتماعي لا تكفي لعشرة أيام
http://www.alarab.qa/mobile/details.php?issueId=1690&artid=200607 …

نتفـه

13-10-2013, 06:52 PM

يارب ينظرون في امرهم ويزيدونهم ترى يستاهلون :(

فلتة زمانها

13-10-2013, 07:01 PM

الله يزيدكم من فضله ويفرح قلوبكم في هالايام المباركة =)

السيلاوي

13-10-2013, 08:26 PM

كاريكاتير الفنان المبدع محمد عبداللطيف في جريدة الراية اليوم بخصوص هذا الموضوع

ام_عيالي

13-10-2013, 09:28 PM

أي والله اللي بيقدر يساعد لا يقصر مانبي الحملة تنتهي بدون فايدة بالاخص اللي يقدر يكلم الاستاذ الكبير حسن الساعي لما له من وقفات مشرفة في مواضيع مشابة

Aljans

13-10-2013, 09:45 PM

فالغرب عموماً يؤمن بان كبار السن الذين تقاعدوا من النساء والرجال قدموا خدمات جليلة لاوطانهم وللاجيال التي تلتهم، وبالتالي فهذه الاوطان معنية بتوفير الراحة و تهيئة اسباب السعادة لهم.

ام_عيالي

15-10-2013, 10:36 PM

اخواني خواتي وين الدعم ؟؟؟ ابي احد يوصل الموضوح للاستاذ حسن الساعي

مو مهم

16-10-2013, 05:20 AM

لرفع
والله يجبر بخاطركم

خزامئ

16-10-2013, 08:03 PM

الله يرزقهم

السامـي

17-10-2013, 01:17 AM

هل الشؤون ما لهم إلا الله سبحانه.
ولا حد يرفع الصوت لأن "عمك أصمخ".

ام_عيالي

17-10-2013, 04:14 PM

نداء لخوي حسن الساعي لتبني هذي الحملة لما له من مواقف مشرفه في هذا الموضوع ومواضيع اخرى جعلها في موازينك ان شالله

technical

17-10-2013, 05:53 PM

بسم الله الرحمن الرحيم ، مسئلة ان الناس تنظر الى السيد حسن الساعي ولا تنظر الى القيادة كارثة ، والسلام.

STAR2012

17-10-2013, 11:07 PM

راتب الشؤن او ( الضمان الاجتماعي ) يصير هناك خلط بين الناس لعدم المامهم بحقوقهم حيث يشمل ( العاجزين وكبار السن والمطلقات والارامل) لايتعارض مع اي مساعدات اخرى سوى كانت من جمعيات خيرية او مساعدات مقطوعة او غيرها من المساعدات الاخرى

basma222

20-10-2013, 07:15 AM

الله يرزقهم

OM_OMAR_QATAR

20-10-2013, 11:09 AM

هو من ناحية القليل فهو قليل ..
اظن عملية الحسبة هنا، يحسبوها ان الأب او الأم مفترض ان يعيشون مع اولادهم او بناتهم ..
مايكونون لوحدهم بالبيت

وبهذا ما محتاجين لا مصاريف بيت ولا خدم ولا دريولية
فيفترضون ان الـ 2250 كافية لسد نواقصهم والي بمرور الزمن تقل.. من ملبس ومشرب ومأكل

ناهيك عن التكاليف الصحية مدعومة من الدولة

لكن ينسون او يتناسون ان الحمد لله نص الاولاد مايرضون والديهم يتمون معاهم
ونص الابهات والامهات يبون يتمون في البيت العود وتبقى استقلاليتهم

المرحب

20-10-2013, 01:08 PM

يارب افرح قلوبهم هل الضمان الاجتماعي

آميـــــــــــــــن يــارب

شبح الصمت

20-10-2013, 01:16 PM

الله يرزقهم ويزيدهم ..

بس الحلول ..

ليس تقليل من شأن المنتدى ولكن عطونا حلول بديلة ..

الشؤون الاجتماعية

تتكفل برواتب الخادمه والسائق وكوبونات شراء من الميره بمبلغ 1500 ريال شهرياً

ويتم صرف مبلغ / 5 آلاف بدل معيشة شهرياً نقدية في حسباتهم ..

لانه الـ 5 راح ينصرف منها في اقساط سيارة وفواتير تلفون وأشياء أخرى يعني خلنا نقول راح يصفى له ويمكن ما يصفى له منها شيء على الغلاء في المعيشة ..

طبعاً هذا الكلام للي ما عندهم عيال واحد يصرف عليهم

والي عندهم عيال اجباري الدولة لازم تفرض على كل رجال والا مرة تشتغل انه يصرف على والدينه اقل شيء يحط في حسابه 3 آلاف ريال مصروفه في يده ..

والله يسهل امورهم ويوفقهم