بخصوص نيسان باترول وارد الامارات ..

[Anas_G]

...
حبيت استفسر بخصوص النيسان وارد الامارات

حصلت واحد معروض le 400hp كاميرا وحدة اصفار 2013 ب 185 والسعر قابل

ويقول ان في ضمان لشركة اسمها aaa 5 سنوات شامل

السعر غريب لان هالسعر سعر ال se فل ابشن 320

سمعت ان في اكثر من نوع في وارد الامارات وفي منهم وارد اليمن والعراق ما ادري شالفرق وهل في فرق بالاسعار علما ان وارد وكيل الامرات او وارد العراق الثنين بدون ضمان

وهل فالبيع لو حبيت ابيعه بعدين راح ينباع والا مش مرغوب

[qatari 111]

اخوي ماعليك من الوارد اهم شي البليته مكتوب عليها مواصفات الخليج والسعوديه كلهم نفس الشي ولا برغي يفرق بينهم
والضمان نفس ضمان الوكيل وشركه معروفه والسووق كله واارد والعالم تشتري

وانا عندي واحد نفس المواصفات اللي ذكرته 400 بدون فتحه وجامبينات عاديه ورنجات 18 فيه عزم ماشاءالله احسن من بو رنجات 20 واخف بوايد وبصلح للبر

بس الا اس اي الفل مب اقل من 205 الاف تقريبا

[Qa10]

دفتر الضمان فالمانع ٢٥ الف !

يعني تشتري بدون ضمان الوكيل في قطر
ياريت اللي عنده خبره يفيدنا هل يسوى ولا مايسوى

[qatari 111]

في شركة فالصناعيه بعد وكالة الهوندا والفولفو اسمها اوتوزي شركه كبيره بنفس مستوى الوكاله وافضل بعد عندهم نيااسين اصفاار واسعارهم رخيصه + ضمات 5سنوات من الصدام لصدام طبعا هالشركة شاملة الخدماات من ورشة صيانه وصبغ وميكانيكا وخدمة محترمه وراقيه ومكيفه

[المحافظ]

السعر ممتاز ، والضمان من شركة aaa ضمان جيد وهو يجي نوعين ، واللي تتكلم عنه هو ضمان خمس سنوات من الصدام للصدام .. توكل على الله ولا تحاتي ... السعر نازل لان 2014 عليه بعض التعديلات وايضا نزول الين الياباني سبب في التنافس ..

[برشلوني قطر]

سعر طيب جداً

انا نفسك مستغرب من السعر 400le 185 وقابل

ياليت معلومات اكثر. وشنوو hp ؟؟

[بوخالد1001]

السلام عليكم
اخوي الي بالدوحه ويقولون لك وارد الامارات هذا كذب هو واصل الامارات من كردستان هذا على كلام واحد اعرفه وطلع عنده معرض الوحيد وارد الامارات الي يجيك وارد وكالة الامارات واعتقد مسماه وراد العربيه والدليل خذ رقم الشاصي وده الوكاله بردون عليك بعد اسبوع بقولون لك وارد العراق وبالضبط كردستان
دور لك واحد وارد العربيه لاسمح الله صار شي اطرشه الوكاله هناك او يوم تروح الامارات تقدر تسوي له سيرفس هناك وتبدل كل شي على الضمان وترى مايمنع ان وارد العراق زين لاكن عيبه بدون ضمان وانا اخوي خذ موتر من عند معرض بطريق سلوى هو الوحيد الي اسعاره ١٨٨ الي ٢٥٤ في ال٤٠٠ حصان والموتر ماشي عنده عسل ومافي شي اتمنى اني وضحت المعلومه وعلى فكره الوكاله عندنا كانت تقبل بوارد الامارات الي يجيك من الوكيل واما وارد الامارات الي من المعارضماتقبله لان مش من الامارات لاكن الحين وقفوا الاثنين لان المعارض ذبحت الوكاله




اخوك بوخالد

[المحافظ]

مادام مكتوب عليه بالعربي في البليته معناه انه مواصفات خليجية ، وبعدين ضمان شركة aaa يصلح لك في الوكالة او في غير الوكالة ، اللي خلاها تمشي ان سعرها وايد ارخص من الوكالة .. لو فيها الوكالة خير كان تنافس بالاسعار مش تستغل السوق وتطلع كلام على السيارات ..

[Anas_G]

الله يعطيكم العافيه جميعا على المعلومات القيمة بسس للاسف انا لسا ضايع وفرق الاسعار في السوق مضيعني اكثر يوم احصل 400 ب 230 مستعمل ويوم احصل اصفار ب 185 اخاف اشتري وارد الدوحة اتوهق فيه لان سعره غالي واخاف اشتري وارد الخارج بسعر 185 واتوهق فيه في حالة البيع او التصليح

[وحيد-الشوق]

هذي مشاركة لي نسختها من موضوع سبق ورديت عليه

نيسان حاطين تعليمات المواتر الي يشملها الضمان وارد الامارات العربية والمسعود وعمان وارد بهوان مب البريمي ووارد قطر والمؤيد البحرين والسعودية مب متذكر وكيلهم الحمراني او العيسى اعتقد ووارد البريمي واليمن والعراق ماينفتح لهم ضمان

وشرط دخول السيارة عالضمان يكون معاك كتيب او ممكن التحقق من رقم الشاصي اما المعروض في المعارض بأسعار طايحه الناس تقارنه مع الخليجي ويطيحون اسعار العالم يأخي اذا عاجبك وارد البريمي بدون ضمان اخذه

[وحيد-الشوق]

دفتر الضمان فالمانع 25 الف !

يعني تشتري بدون ضمان الوكيل في قطر
ياريت اللي عنده خبره يفيدنا هل يسوى ولا مايسوى


25 الف !!!!!!

اخوي من قالك هالكلام اذا حد من الموظفين لا تصدقه انا سألت الاخ احسان الكيالي مدير قسم الصيانة في الصناعية من سنة هالكلام قالي اذا شريت موتر من الخليج بس بشرط مايكون وارد البريمي او العراق او اليمن والخ جيبه عندي وبفتح لك الضمان بدون ماتدفع ريال واحد

[بوخالد1001]

25 الف !!!!!!

اخوي من قالك هالكلام اذا حد من الموظفين لا تصدقه انا سألت الاخ احسان الكيالي مدير قسم الصيانة في الصناعية من سنة هالكلام قالي اذا شريت موتر من الخليج بس بشرط مايكون وارد البريمي او العراق او اليمن والخ جيبه عندي وبفتح لك الضمان بدون ماتدفع ريال واحد

اخوي انا موتري وارد الامارات من الوكيل واتصلت الوكاله وقلت لهم ان المفروض يشملني الضمان قالي لا مايصير الضمان بس وارد الدوحه
سؤال تقدر تفيدني وتقولي اكلم من علشان اتاكد اكثر

[qatari 111]

اخوي انا موتري وارد الامارات من الوكيل واتصلت الوكاله وقلت لهم ان المفروض يشملني الضمان قالي لا مايصير الضمان بس وارد الدوحه
سؤال تقدر تفيدني وتقولي اكلم من علشان اتاكد اكثر

يارجال ماعليكمنهم نفس الكلام اللي قالولي الموظفين وعقب اشتكيت عليهم بالشرق الوسط الموزع وشرشحووهم واتصل فيني احسان الكيالي بنفس يوم الشكوى وقال لي من اللي قال لك ان موتر مايشمل الضمان وعلمته بالموظف وافتحولي الضمان والامور طيبه

[وبشرالصابرين]

ياجماعه الحين بالمعرض بقطر نيسان 300 حصان بسعار منافسه بصراحه من 165 الف وطالع

والفل ابشن 400 حصان تقريبا 245 الف

بس مثل مايقلون وارد اليمن والله اعلم .. وانا اشوف 165 حلو حتى لو بدون ضمان والسيارات جديده ماعتقد بفيد الضمان كثير

[BoFahed]

ياجماعه الحين بالمعرض بقطر نيسان 300 حصان بسعار منافسه بصراحه من 165 الف وطالع

والفل ابشن 400 حصان تقريبا 245 الف

بس مثل مايقلون وارد اليمن والله اعلم .. وانا اشوف 165 حلو حتى لو بدون ضمان والسيارات جديده ماعتقد بفيد الضمان كثير

اخوي الكل يعرف بانه النسيان الجديد صج فخم واقوي واكشخ بس مب موتر كرف ومكدة مثل اول اعرف راعي كراج من اكبر الكراجات في قطر ورواني اربع نياسين جداد صافين عنده مخترب فيهم مضخة البترول وواحدة الظفيرة ويقولو هاي مشكلة بالنيسان الجديد المضخة ووايرات الظفيرة ويقولو الفيول بامب بالوكالة علا 7000 ريال !!!!!!

فإذا الفرق كم الف ما يسوى يروح الضمان بس اذا فوق ال٢٠ أتوقع انه مناسب

[الكاسر99]

إذا على كلام أخوي بو فهد أن مشكلة النيسان الجديد أنه مب مال مكده

وسعر القطع غيار غالية جداً

أتم على موتري الجي اكس أر 8 سلندر 2009 أبرك لي

[qatari 111]

اخوي الكل يعرف بانه النسيان الجديد صج فخم واقوي واكشخ بس مب موتر كرف ومكدة مثل اول اعرف راعي كراج من اكبر الكراجات في قطر ورواني اربع نياسين جداد صافين عنده مخترب فيهم مضخة البترول وواحدة الظفيرة ويقولو هاي مشكلة بالنيسان الجديد المضخة ووايرات الظفيرة ويقولو الفيول بامب بالوكالة علا 7000 ريال !!!!!!

فإذا الفرق كم الف ما يسوى يروح الضمان بس اذا فوق ال20 أتوقع انه مناسب

عيدكم مبارك وكل عام وانتوا بخير

اخوي ترى عندنا نيسان 2010 ماشي فوق ال100 الف وغيره 2 نياسين والحمدلله ماشتكينا منهم شي واستخدام مكده بر وبحر وعنف فالسواقه ولله الحمد الامور طيبه

والظفيره ماتخترب الا اذا طاب فالبحر بالراحه او تعبث فكمبوتر السياره

ومضخة البترول موضوعها ماتعطيك الرقم الصحيح بالكيلو بعضها هالمشكله فقط اما موأشر البترول شغال ويعطيك كم فيه بترول

[ابوجارالله]

واحد من شباب بايع نيسان ٤٠٠ موديل ٢٠١٠ لعن خيره بر وخطوط وباعه وماشتكي من شي بس راعيه يقول لي انصحك بالتيوتاء افضل من نيسان

[مزيون الدوحه]

اقرب شركة تأمين تأمن لك المكينه والجير والدفريشن
ب 1000 ريال في السنه وهالمعلومه جديده يمكن حق الشباب
وكل عام وانت بخير

[وبشرالصابرين]

اقرب شركة تأمين تأمن لك المكينه والجير والدفريشن
ب 1000 ريال في السنه وهالمعلومه جديده يمكن حق الشباب
وكل عام وانت بخير

اخوي يعني تامين المكينه يصلحونها في الوكاله

[مزيون الدوحه]

اخوي يعني تامين المكينه يصلحونها في الوكاله

اي نعم تصليح في الوكاله على حساب التأمين
سنة 2009 شريت موتر من السعودية وأمنت
في شركة الخليج للتأمين اسمها سابقا وحاليأ
شركة التكافل طبعا بعد مانصحني زميل لي يشتغل
في نفس الشركة ولا أنا كنت اجهل هالطريقه مثل اغلب الشباب
واعتقد 1000 ريال للسنه مناسبه جدا يعني 3000 ل ثلاث سنوات تكفي
وخلكم من موضوع فتح ملف وكلم المدير وكلم وكيل الشرق الاوسط