المساعد الشخصي الرقمي

مشاهدة النسخة كاملة : هل يستطيع العامل دخول البلاد بعد انتهاء اقامته


واقعية
12-10-2013, 07:23 PM
السلام عليكم و رحمة الله

عندي استفسار اذا تكرمتو

( وحدة على كفالة شركة ) و محتاجة تسافر ضروري و للحين لم يتم تجديد الاقامة لها

اقامتها انتهت اليوم

و بما اننا اجازة ف ما راح تقدر تجدد الاقامة الا بعد العيد - ان شاء الله تعالى

تقدر هي تسافر شهر واحد و ترجع بعدها و تجدد الاقامة

ارجو من عنده علم يرد علينا

تحياتي
alsoq
12-10-2013, 07:57 PM
حسب علمي لازم اقامة
الى اذا فيه استثناء الله اعلم

اللي اعرفه لازم الاقامه تكون موجوده وساريه المفعول
وليف الشوق
12-10-2013, 08:10 PM
والله يااختي اتمنى من الاعضاء اللي عنده فكرة يوضح لنا عن هالشي لكن بأعتقادي وفي هالامور هذي والناس اجازات مااعتقد ادارة الجوازات وشئون الوافدين تغلق ابوابها خلال فترة العيد ولازم تستفسرون وين اقرب فرع مفتوح طيلة ايام الاعياد والعطلات واعتقد ان وزارة الداخليه حاطه في اعتبارها مثل هالمواقف هذي وان في ناس يبون يسافرون ايام العطلات الرسمية والمناسبات
وحيد-الشوق
13-10-2013, 09:03 AM
اكيد في فروع مفتوحة وخصوصا الرئيسي مستحيل الداخلية تسكر فروع الجوازات وتعطل مصالح الناس
بومحمد المطاوعه
13-10-2013, 10:13 AM
الجوازات عندهم قانون مايدخل العقل

انا عندي خادمه هنديه قالت بابا ماما في موت وانا يبي يروح بس واحد شهر

مع العلم كانت منتهيه اقامتها وجددتها وسويت لها اقامه
على اساس ترجع المهم

سافرت وصار لها شهر اتصلها تصرفني اي بعد يومين بيي

خليتها لين سبوعين وانا شبه يوميا اتصلها وام العيال تكلمها ولا في فايده

قلت بروح الجوازات وبقدم على فيزا ثانيه يوم رحت ولا يقولون لازم بعد ٦ شهور تتكنسل هذي

اقولهم انا مابيها خلاص كنسلوها يقولون لا بعد ٦ شهور

قلت لهم من المسؤول اذا دخلت البلاد وانا مادري عنها
قالو هالقانون ههههههه
ضحكت عليهم ورحت للضابط علشان يعطيني فيزا للجديده

وقلت له انا الموضوع كامل قالي بعد ٦ شهور

قلت له خلاص انا ماعندي اي مشاكل
بكتب افاده عندي فالبيت بتاريخ اليوم
وبرفق صوره من الفيزا الجديده
وورقه الدفع واسمك الكامل والتاريخ والوقت

وبخليه عندي فالبيت فالملف لين بعد ٦ شهور بشوف
علشان لو ادخلت انا ماتحمل اي مسؤوليه

سكت ولاقال شي
قال لا ياريال مايرجعون ذيله قلت له مب مشكله عندي انا اهم شي اطلع من المسؤوليه

وحركت عنهم


شيئ غريب يعني انا مابيها خلاص غصب ارجعها عندي

قانون تعبان
@north_star@
13-10-2013, 04:24 PM
ما تقدر تسافر باقامة منتهية وبالنسبه للتجديد شوفي جوازات المطار وحاولوا تكلمون الظابط وهم يداومون بالعيد باوقات معينة
كود نمبر
13-10-2013, 04:51 PM
الجوزات شغاله اليوم انا مجدد الاقامه حق عامل عندي
بكره شغالين بعد لكن يوم العيد مسكرين تروح بكره وتجدد اقامتها
وتسافر اما اذا منتهيه الاقامه ماتقدر تسافر الا في حالتين يا ان كفيلها يكنسلها
او يجدد اقامتها