الخروف المدعوم من الدولة ؟

[وحيد-الشوق]

السلام عليكم

استفسار هل توجد خرفان سورية مدعومة من الدولة وهل تنباع في مكان معين في سوق الغنم ولا عند كل التجار لأني سمعت موحدين السعر للقطري ب1150 واليوم اشوف في الجريدة وصل سعر الخروف السوري ل2200 :rolleyes2:

اخيرا شلون اشتري بالسعر المدعوم ؟ :shy:

[رضى]

اي موجودة الخرفان السورية المدعومة والسعر ثابت 1150 ريال ..
بنفس مكان الدعم في شهر رمضان..

[بـومحمد]

المدعوم تاخذه من شركة ودام اخوي

[رُفق المجنّا]

موجودة ومتوفرة ولكن اليوم الصبح 6 الا كان المكان زحمة ولا فيه الا كاونتر والعجيب يجيك الصبي ومعه 20 بطاقة لا وبعضهم عوائل قرقنقش ( تجار) ، يعني حتى دعم الدولة لذوي الدخل المحدود خاشروهم فيه

نقاط مهمة :

تصلي الفجر في مسجد السوق المركزي او تبكر قبل الزحمة
بعض الخرفان لك عليها
كل ما تفضى الحوطة تجي دينا جديدة

موفق

[ولد العلي]

المدعوم تاخذه من شركة ودام اخوي

وين مكانها؟ :anger1:

وين خاشينها :telephone:

[وحيد-الشوق]

الحمدلله تم شراء الخروف بنجاح وبسعر 1150 :)

الي يسأل عن المكان اسأل اي حد في السوق وبيدلك ان شاء الله لأني مب انا الي رحت

ماقصرتوا ياخوان الله يرحم والديكم

[ANONYMOUS]

واحد من الشباب خذ من الحوطه مب من الشبك

الحوطه فيها سمان وحتى يقول كوبونها غير مش نفس الكوبون العادي


عاد مادري شالفرق

[الزعفراني]

موجوده في السوق .. وكل شخص له خروف واحد فقط .. ولازم يكون عمر الشخص 20 سنه وفوق .. وبالبطاقة الشخصية