الأنثى والديون والسجن

[لمت اب]

خطوه مباركه التي قامت بها جمعية راف لتفريج كربه
واخيرا انتبهت الجمعيات الخيرية للمحتاجين القطرين
قرأت اليوم في الجريدة 45 حاله تم سداد دين حوالي 25 حاله
ونسأل الله ان يفرج هم جميع المسلمين ويفك كربتهم

الحالات 45 التي ذكرت في الجريدة منها 37 انثى
السؤال المزعج
كيف وصل الحال بتلك القطريات ان تراكمت عليهن الديون
الى ان تم سجنهن ؟
هل هذا نتيجة دخول المرأة العمل والاستدانة من البنوك دون رقابه من المصرف المركزي ؟
ام هل نتيجة دخولها التجارة دون سابق معرفه ؟
ام ماذا؟
بصراحه لم اتوقع ان تسجن قطريه بسبب ديون
هذا ودمتم سالمين

[عاهد بن علي]

الله يجزاهم خير

[7llo]

الحريم ماياخذون ديون الا وهم صح محتاجين ممكن تكون ماخذه قرض حق ريلها حق اخوها حق ابوها حق امها حق علاج عكس الشباب الي ياخذون قروض حق سفره ومصخره ، اتمنى من الجمعيات تساعد الحريم الله يجزاهم خير

[رهج السنابك]

اي عادي

كنت بنسجن على سبعه مليون

لكن انفرجت من رب العالمين

يعني عشان مره وقطريه خلاص يطيح عنها القانون!!!


الغريب اني شفت حالات الاختلاسات من القطريات مايسجنونهم يكتفون بتفنيشهم من العمل مع استرجاع الاختلاس وبس!

[عاهد بن علي]

تحت السواهي دواهي:anger1::anger1:

[بوحارب]

هذي مشكلة قليلة العقل إذا جات الفلوس في يدها

ونفس الحال قليل العقل :)

جزاهم الله خير الجماعة في راف

[basma222]

الله يجزاهم خير

[أسد الجزيرة]

جزاهم الله خير و ان جائت متاخرة

سبب ديون المرة

1- لبناني او سوري او مصري نصب عليها و قال لها بتدخلين ملايين و سحب عليها و هي تدبست
2-زوجها اخذ قرض عليها و طلقها و صارت من بعض القطريين الدنيئين للأسف

[راس مشعاب]

^^^^^^^^^^^^^^^^^^
قوية بسبة لبناني ولا مصري تاخذ قرض يدخلها السجن !!
ولو جاها ولد بلدها بمشروع قالت شيبي ذي ؟!!
:anger1::anger1:

[بـومحمد]

الله اعلم بحالهم وضروفهم والبيوت اسرار الله يفرجه على كل مسلم

[الزعفراني]

جزاهم الله خير

[رهج السنابك]

لا يا اسد الجزيره لا تحصرها في نطاق ضيق


فيه من اخذت ديون عشان اهلها
فيه من خذت ديون عشان زوجها
فيه من خذت ديون عشان مشاريع خسرانه وحتى الرجل ممكن يخسر

فيه من خذت ديون عشان قضايا محاكم
فيه من تراكمت عليها مديونيات بسبب شركة او مشروع فاشل
فيه من خذت ديون وتورطت بالاسهم

فيه وايد اسباب غير الي ببالك

[نتفـه]

الله يجزاهم خير ..

[ام السعف]

مرات الأخ يتسبب في ادخال الاخت في السجن

مرات الزوج ،،

يعني مب شرط تكون المرأة هي السبب،،

وحدة وكلت زوجها ما ادري اخوها ما ادري ولد عمها
نهبها وفوقه عليها ديون ................> الحين من اللي يسنجن؟

اكيد صاحبة الملك مب وكيلها ،،

[بوحارب]

^^^^^^^^^^^^^^^^^^
قوية بسبة لبناني ولا مصري تاخذ قرض يدخلها السجن !!
ولو جاها ولد بلدها بمشروع قالت شيبي ذي ؟!!
:anger1::anger1:

انا سمعت مره ان الزوجة اللي تشارك زوجها في التجارة

يعتبر هذا من علامات الساعة

والله اعلم

[v_h3]

الله يفرج عليهم فه الايام المباركة امس اقرا الجريدة وانصدمت انة الحريم عددهم مش قليل

[ام السعف]

انا سمعت مره ان الزوجة اللي تشارك زوجها في التجارة

يعتبر هذا من علامات الساعة

والله اعلم

بو حارب يوز عن هالسوالف

الحين السيدة خديجة ام المؤمنين رضي الله عنها وارضاها امنت رسولنا الكريم على تجارتها
وتزوجته بعد ،، فكل مالها صار له ووضعته في خدمتها ،، اشلون انت تقول هالكلام ؟

[الزعفراني]

انا سمعت مره ان الزوجة اللي تشارك زوجها في التجارة

يعتبر هذا من علامات الساعة

والله اعلم

ههههههههههه رفقا بالقوارير ياحنش

[بوحارب]

بو حارب يوز عن هالسوالف

الحين السيدة خديجة ام المؤمنين رضي الله عنها وارضاها امنت رسولنا الكريم على تجارتها
وتزوجته بعد ،، فكل مالها صار له ووضعته في خدمتها ،، اشلون انت تقول هالكلام ؟

ترى الكلام هذا مب من عندي خالتوا

انا قاري وسامع هالمعلومة بس مب متأكد :discuss:

[بوحارب]

ههههههههههه رفقا بالقوارير ياحنش

ما قلت شي يا حنيش :omg:

[ولد العرب]

اي عادي

كنت بنسجن على سبعه مليون

لكن انفرجت من رب العالمين

يعني عشان مره وقطريه خلاص يطيح عنها القانون!!!


الغريب اني شفت حالات الاختلاسات من القطريات مايسجنونهم يكتفون بتفنيشهم من العمل مع استرجاع الاختلاس وبس!

متب هينه 7 مليووون ماشاء الله بشري اهم شي تباركت:(

[رحال]

الله يعينهم ويفك دين المديونيين ان شاء الله

[الكنترول]

الله يفرج كربة كل مسلم

[ام ناصر1]

أحس الموضوع يبي يقول شوفوا شلون الحريم غبيات ....وتتراكم عليهن الديون ....ما ادري إذا احساسي صح او لا
بس انا اعرف وحده رضت بالدين لتنقذ زوجها .......وهي حاليا تطلقت منه بس هي كلتها ...
يعني ممكن نرجع سبب الدين لحسب الحالة ولايمكن نحط سبب يشمل كل الحالات ....
بس في خانة الدافع النفسي ..ممكن نقول عنه ...يسهل التأثير على النساء واقناعهن ...بالاستدانة ...من قبل زيد وعبيد
وزيد وعبيد ( ممكن يكون قريب أو بعيد ) ...

نبي حد يحفر بالموضوع ويطلع اعداد المديونات لاسباب شخصية لاعلاقة لها بالرجل ...علشان نخمن صح

[تغلبية]

أكثر الحالات بسبة أزواجهم

حسب ماجاء مرة في تقرير تلفزيوني عن السجينات القطريات !




وتبقى المراة ناقصة عقل ودين :secret:

[أسد الجزيرة]

وتبقى المراة ناقصة عقل ودين :secret:

يعني تستهزئين بحديث الرسول عليه الصلاة و السلام و لا ايش ؟

[تغلبية]

^


والا إيش :waiting:



أحسن الظن ياخي ... !!


هذا كلامكم ... تستشهدون بهذالحديث عند اي تصرف خاطيء للمراة

في حين انه اطراء من الرسول عليه الصلاة والسلام لها

[رهج السنابك]

يعني الي تتحمل ديون عشان ابوها ولا زوجها بدال لا تكون باره وفيه ينقال عنها ناقصه عقل ودين؟! :)


كم انتم قساة

[ya3coub]

يعني الي تتحمل ديون عشان ابوها ولا زوجها بدال لا تكون باره وفيه ينقال عنها ناقصه عقل ودين؟! :)


كم انتم قساة

:nice:

[فلتة زمانها]

يعني الي تتحمل ديون عشان ابوها ولا زوجها بدال لا تكون باره وفيه ينقال عنها ناقصه عقل ودين؟! :)


كم انتم قساة

وحده تساعد زوجها وهو في امس الحاجه وعقب يسحب عليها
ينقال عنها ناقصه !!!
حرام والله :(

[khalid525]

بالنسبة للرجل او المراه لا تاخذ دين ياخذ اكثر من 50٪ من دخلك ويزيد مدته عن 60 شهر باقصى الاحوال .

بالنسبة لديون التجارة لازم تحسبها صح بحيث انه ادا خسرت الصفقة او الشركة يكون راس المال مغطي وما تدخل اصولك الشخصية من راتب او بيت او اسهم باصول الشركة ، عموما لازم تحط في بالك خط رجعة واضح .

[qatara]

هذا نتيجة دخول المرأة العمل والاستدانة من البنوك
من ملكه في بيتها لتكون عامله في خارجه

[رهج السنابك]

وحده تساعد زوجها وهو في امس الحاجه وعقب يسحب عليها
ينقال عنها ناقصه !!!
حرام والله :(


عرفتوا يابنات لا وحده فيكم تساعد زوجها وتفك كربته

لان بالنهايه بينقال عنكم غبيات
بينقال ناقصات عقل
بينقال مخفات

محد بيقول كلمة حلوه في حقكم :)


انتو تتلتهون محاكم وقضايا وسجون وهو يتزوج ويدلع عمره والناس تقول عنكم غبيات



مجتمع مجرم مايرحم
ولا يعطي للمعروف قدره
مجتمع الطيبه فيه غباء
والتضحيه سذاجه


لا بقاء الا للانذال
كونوا انذال تنحطون فوق الراس

:)

[مشـــــاعر]

.

ترى بعضهم يستاهلون قسم بالله
أعرف بنات في دوامنا ماخذين سلف من الدوام والبنك عشان تسافر وتسوي عمليات و... إلخ
هالنوعيات ذي ودي أسجنهم سجن مؤبد :anger1::anger1:

واللي تتسلف عشان تجارة وهي ماعندها خبرة بعد تستاهل السجن :anger1:

واللي تتسلف حق زوج أو أخ أو أب ممممممممممم مادري
عن نفسي مستحيل أسويها (خلهم يعتمدون على نفسهم) هو رجال ويدبر نفسه ..

يعني كذا كذا أنا ضد السلف بشتى أنواعه وعساني ماجربه يارب :shy:

[سهم عتيج]

عرفتوا يابنات لا وحده فيكم تساعد زوجها وتفك كربته

لان بالنهايه بينقال عنكم غبيات
بينقال ناقصات عقل
بينقال مخفات

محد بيقول كلمة حلوه في حقكم :)


انتو تتلتهون محاكم وقضايا وسجون وهو يتزوج ويدلع عمره والناس تقول عنكم غبيات



مجتمع مجرم مايرحم
ولا يعطي للمعروف قدره
مجتمع الطيبه فيه غباء
والتضحيه سذاجه


لا بقاء الا للانذال
كونوا انذال تنحطون فوق الراس

:)

عيل خلهم يقعدون في البيت ويتشرطون على الريال انه يصرف عليهن افضل من المرمطة :)

[معماري قطري]

وحده تساعد زوجها وهو في امس الحاجه وعقب يسحب عليها
ينقال عنها ناقصه !!!
حرام والله :(

مشكلة أمس الحاجة بعض الأوقات شيء كمالي وكمالي جداً مب من الضروريات .. بس زين جمعياتنا الخيرة يدرسون الحالات ويساعدون المستحق .. وأهم شيء يكون فيه توثيق لهذي الحالات ولو عادت لما سبق يكونون مسؤولين عن نفسهم .. مثلاً واحد ياخذ أقساط بمبلغ كبير علشان يأثث بيت، وبعد كم يوم يشتري سيارة مثلاً رنج ب 750 ألف وأقساط، ويتورط وينسجن هل هذا له أولوية في إنه يُساعَد ويطلع؟

[qatara]

.

ترى بعضهم يستاهلون قسم بالله
أعرف بنات في دوامنا ماخذين سلف من الدوام والبنك عشان تسافر وتسوي عمليات و... إلخ
هالنوعيات ذي ودي أسجنهم سجن مؤبد :anger1::anger1:

واللي تتسلف عشان تجارة وهي ماعندها خبرة بعد تستاهل السجن :anger1:

واللي تتسلف حق زوج أو أخ أو أب ممممممممممم مادري
عن نفسي مستحيل أسويها (خلهم يعتمدون على نفسهم) هو رجال ويدبر نفسه ..

يعني كذا كذا أنا ضد السلف بشتى أنواعه وعساني ماجربه يارب :shy:

بعضنهن تدخل بديون لولد حرام ضاحك عليها الهبلا وهي مبسوطه
وصلت ببعضهم لحفلات طلاق الله لا يعاقبنا

الي تدخل بدين لمساعده زوج او اخ او اب بيض الله ويها دنيا واخره
والله تستاهل كل خير وتستاهل كل مساعده

[زبرجد]

بو حارب يوز عن هالسوالف

الحين السيدة خديجة ام المؤمنين رضي الله عنها وارضاها امنت رسولنا الكريم على تجارتها
وتزوجته بعد ،، فكل مالها صار له ووضعته في خدمتها ،، اشلون انت تقول هالكلام ؟

مب شرط كل علامات الساعة تكون مُنْكٓرة ومستهجنة .. بعض العلامات تدل على قرب الساعة مثل التطاول في البنيان وبعض العلامات الي ما تكون محرمة

[بوحارب]

عرفتوا يابنات لا وحده فيكم تساعد زوجها وتفك كربته

لان بالنهايه بينقال عنكم غبيات
بينقال ناقصات عقل
بينقال مخفات

محد بيقول كلمة حلوه في حقكم :)


انتو تتلتهون محاكم وقضايا وسجون وهو يتزوج ويدلع عمره والناس تقول عنكم غبيات



مجتمع مجرم مايرحم
ولا يعطي للمعروف قدره
مجتمع الطيبه فيه غباء
والتضحيه سذاجه


لا بقاء الا للانذال
كونوا انذال تنحطون فوق الراس

:)

والله بالقسطنطينية ان هذا الرد هو أكبر دليل على ان المرأة ناقصة عقل

الصراحة راحة :)

[qatara]

والله بالقسطنطينية ان هذا الرد هو أكبر دليل على ان المرأة ناقصة عقل

الصراحة راحة :)

اعوذ بالله من نقص العقل والدين والتحريض والفتنه بين الزوج وزوجته فاحب ابناء ابليس لابليس المفرق بين الزوجين وزارع الفتنه بينهم

[رهج السنابك]

والله يابو حارب تابع الموضوع من اوله بتفهم معنى ردي


ردي على كل واحد قال عن اللي تساعد اهلها وتضحي عشانهم وعشان زوجها بانها ناقصه عقل!!

بدال لا ينقال كلمة طيبه في حقهم

[فلتة زمانها]

عيل خلهم يقعدون في البيت ويتشرطون على الريال انه يصرف عليهن افضل من المرمطة :)

اي مرمطه ؟؟
عمل المراه هو خدمة للوطن والمساهمة في التنمية الاقتصادية
صار مرمطه :waiting:

[حسن]

اختلف الموازين

[ANONYMOUS]

اي مرمطه ؟؟
عمل المراه هو خدمة للوطن والمساهمة في التنمية الاقتصادية
صار مرمطه :waiting:



كفو

أنا على بالي المرأه تشتغل عشان الراتب :shy:

مادري وش فيني قمت افكر غلط

[aziz4z]

مسكينة المرأة , كل ماتسوي شيء عن حسن نية , يتكلمون عليها بسوء
مسكينة , أنا أتذكر وحدة مسكينة أول ما اشتغلت , جمعت فلوس للحج حقها و أمها , و بعد فترة بعدما تنكس أخوه في التجارة , أخذ دين منها و ما رجع لها
ياناس أنتم تستغلون عطف المرأة لتحقيق مآربكم , و هي مسكينة تصدق فيك , بترجع له , بس تطلع حرامي
و الله مسكينة هاي الحواء

[توشيبا]

جزاهم الله جمعيه راف

والله ان بعض هالحريم عن 70 رجال يطقطق علي الكيبورد

[رهج السنابك]

مسكينة المرأة , كل ماتسوي شيء عن حسن نية , يتكلمون عليها بسوء
مسكينة , أنا أتذكر وحدة مسكينة أول ما اشتغلت , جمعت فلوس للحج حقها و أمها , و بعد فترة بعدما تنكس أخوه في التجارة , أخذ دين منها و ما رجع لها
ياناس أنتم تستغلون عطف المرأة لتحقيق مآربكم , و هي مسكينة تصدق فيك , بترجع له , بس تطلع حرامي
و الله مسكينة هاي الحواء



ولانها تساعد بحسن نيه قالوا عنها غبيه وناقصه عقل :)



عيل لا تساعدون صيروا نذلات عشان يقولون عنكم اذكياء!

ان عاونت قالوا ناقصة عقل
وان رفضت صارت نذله

مسكينه حواء

اعرف بنت بين سبع اخوان كلهم موظفين
مستغلينها ابشع استغلال كل مصاريف البيت عليها وان قصر شيء ابوها قالها هاتي وحطي وادفعي
مايصفى من راتبها شيء

بعدين الناس تتهامس عنها انها غبيه !

انتم قساة جدا

[aziz4z]

ولانها تساعد بحسن نيه قالوا عنها غبيه وناقصه عقل :)



عيل لا تساعدون صيروا نذلات عشان يقولون عنكم اذكياء!

ان عاونت قالوا ناقصة عقل
وان رفضت صارت نذله

مسكينه حواء

اعرف بنت بين سبع اخوان كلهم موظفين
مستغلينها ابشع استغلال كل مصاريف البيت عليها وان قصر شيء ابوها قالها هاتي وحطي وادفعي
مايصفى من راتبها شيء

بعدين الناس تتهامس عنها انها غبيه !

انتم قساة جدا

بس في ناس تعز المرأة و تحترمها
بس العالم تغير، كثرة السرقات، الرجل يدور على قرض فربعه مايساعدونه . أقرب واحد يلجأله زوجته أو أخته
العالم ما في أمانة:anger1:
و الله مسكينات بعضهم عليهم ديون ، و مطلقات، ليش؟؟؟؟؟. الزوج بنى البيت بفلوسي و طلقني
حرام، اتقوا الله فيهن

[meme-93]

بس في ناس تعز المرأة و تحترمها
بس العالم تغير، كثرة السرقات، الرجل يدور على قرض فربعه مايساعدونه . أقرب واحد يلجأله زوجته أو أخته
العالم ما في أمانة:anger1:
و الله مسكينات بعضهم عليهم ديون ، و مطلقات، ليش؟؟؟؟؟. الزوج بنى البيت بفلوسي و طلقني
حرام، اتقوا الله فيهن

مافيهم خير
الدور ع الجيل الجديد يتعلمون مايسلفون حد
عن نفسي لو بشل حد امي وابوي وبس
تفداهم الفلوس لو ماردوها ،، والزوج ماضمنه

[شـــوق]

كفو

أنا على بالي المرأه تشتغل عشان الراتب :shy:

مادري وش فيني قمت افكر غلط

صفي النيه الله يهديك .. لاتفهم غلط..
يعني انا كنت اظن يشتغلون حق الوناسه وتغيير جو :shy:

[شـــوق]

الله يفك دين المديونين و كربة المكروبين..
ماكنت افكر مجرد التفكير ان في قطريه في السجون بسبب الديون ..
يعني اذا كلش كبرت مخيلتي بتكون ذابحه زوجها مثلاً. وخذت فيه سجن والعياذ بالله :/

[سهم عتيج]

اي مرمطه ؟؟
عمل المراه هو خدمة للوطن والمساهمة في التنمية الاقتصادية
صار مرمطه :waiting:

انه عندي ان اكبر خدمة للوطن تؤديها المرأة واللي عندها اولاد هو الاهتمام بتربيتهم حتى يصبحوا صالحين بدلا من ترك الخدم ليقوموا بهذا الدور

انتي ماسمعتي البيت اللي يقول
الام مدرسة ان اعددتها اعددت شعبا طيب الاعراق

عيل ليش تخلت عن هذا الدور العظيم 😢

[بوحارب]

انه عندي ان اكبر خدمة للوطن تؤديها المرأة واللي عندها اولاد هو الاهتمام بتربيتهم حتى يصبحوا صالحين بدلا من ترك الخدم ليقوموا بهذا الدور

انتي ماسمعتي البيت اللي يقول
الام مدرسة ان اعددتها اعددت شعبا طيب الاعراق

عيل ليش تخلت عن هذا الدور العظيم 😢

مافيه أمل يفهمون هالكلام

[ضوى]

جزاهم الله الف خير ،

تصدقين يا الاستقراطية انه الحريم رواتبهم هي اللي فاتحة بيوت سبع البرمبع اللي يتشدق برجولته بكل مكان وزمان وفارد عضلاته ، طبعا اتكلم عن البعض

[سهم عتيج]

مافيه أمل يفهمون هالكلام

بالعكس يابوحارب،، حريمنا فاهمين وفاهمين عدل ،، وبعضهن حاسة بالذنب من هالناحية لانها تقوم بدورها ودور الاب في نفس الوقت او لانها حاسة بانها تقوم باداء ادوار غير دورها اللي فطرها الله عليه..

شوف حريم اول كانوا يساعدون رياييلهم اذا راحوا الغوص،، فتقوم باعمال زوجها تقريبا حتى عودته،، بس يوم تقوم بهالاعمال لاتتنازل عن دورها الرئيسي اللي كل وحدة من الحريم عارفته عدل :telephone:

[بوحارب]

بالعكس يابوحارب،، حريمنا فاهمين وفاهمين عدل ،، وبعضهن حاسة بالذنب من هالناحية لانها تقوم بدورها ودور الاب في نفس الوقت او لانها حاسة بانها تقوم باداء ادوار غير دورها اللي فطرها الله عليه..

شوف حريم اول كانوا يساعدون رياييلهم اذا راحوا الغوص،، فتقوم باعمال زوجها تقريبا حتى عودته،، بس يوم تقوم بهالاعمال لاتتنازل عن دورها الرئيسي اللي كل وحدة من الحريم عارفته عدل :telephone:

حنا نبي الحريم يعطون عيالهم نفس الوقت اللي يقضونه في الدوام

ومشكورين ما نبي منهم شي زيادة

خذ هذي السالفة

اعرف طفلين حولنا وحوالينا عايدين السنه

مع العلم ام الأول خريجة جامعة ولكن موظفة

وأم الثاني مديرة مدرسة لكن مافيها خير حق ولدها !!

والله حريم اول بركة خرجوا أجيال ترفع الراس وهم أميين :)

هذي ضريبة شغل المرأة إهمال الأبناء

[معماري قطري]

ولانها تساعد بحسن نيه قالوا عنها غبيه وناقصه عقل :)



عيل لا تساعدون صيروا نذلات عشان يقولون عنكم اذكياء!

ان عاونت قالوا ناقصة عقل
وان رفضت صارت نذله

مسكينه حواء

اعرف بنت بين سبع اخوان كلهم موظفين
مستغلينها ابشع استغلال كل مصاريف البيت عليها وان قصر شيء ابوها قالها هاتي وحطي وادفعي
مايصفى من راتبها شيء

بعدين الناس تتهامس عنها انها غبيه !

انتم قساة جدا

كثير يا أُخت الاستقراطية من الرجال كما هو الكثير من النساء ناقصين حسن تصرف ودبرة في الأُمور المالية، ولا أقول ناقصين عقل، وحسن التصرف والبركة بأمر الله عز وجل وليست في يد بني آدم فهذا رزق يؤتيه الله من يشاء وبغير حساب .. ما ننسى أن الكثيرون من الأغنياء عاشوا حياة فقر وجهل .. مثل بيل غيتس طُرد من الجامعة وفتح مختبر لبرمجة الكمبيوتر ونجح نجاح جره إلى نجاحات متواصلة ليتربع على عرش أغنى أغنياء العالم.

والمرأه المسجونة بسبب محاولتها مساعدة أهلها أو زوجها وهو تنكر لها حقيقةً هذا الأخير هو من نقص عقله ودينه ومروئته.

[romoz]

توي كنت اتصفح الجريدة و انصدمت من عدد النساء في السجن بسبب الدين

اصلا شلون المرة تنسجن :(

تُعاقب اي عقوبة غير السجن ، مثلا أعمال إجبارة تخدم في إلى ان يتم سداد على الاقل بعض الدين

يا ليت فيه بعض الدوائر و المؤسسات تقبل هذه الفكرة ، على الاقل يحفظ للمرأة حرمتها .

و الله تقطع قلبي عليهم
حتى الرجال ، و يا شينها اذا اعتاز الرجال


اللهم إني أعوذ بك من غلبة الدين و قهر الرجال

[رهج السنابك]

ولكن يا معماري من يقدر تضحية المسجونه بسبب قضية دين ضحت بحريتها من اجل سلامة زوجها او احد من اهلها؟؟

قول لي من يقدر تضحيتها؟


شوف ردود الاعضاء مثل السم القاتل

قالوا عنها غبيه

قالوا ناقصة عقل

محد قال كفو او بطله!!


انا تضايقت جدا من قسوة هالمجتمع! الي يعتبر قيام المرأة بالتضحيه ومساعدة اهلها نوع من الغباء ونقصان العقل


اوه تباً وتباً وتباً
صرنا بزمان
تعير المرأه في وقفتها الرجوليه من اجل اهلها

[رهج السنابك]

جزاهم الله الف خير ،

تصدقين يا الاستقراطية انه الحريم رواتبهم هي اللي فاتحة بيوت سبع البرمبع اللي يتشدق برجولته بكل مكان وزمان وفارد عضلاته ، طبعا اتكلم عن البعض



واخرتها قالوا غبيه ومافيها مخ ليش تدفع وتحط

ناس مايثمر في عينها شي

[بريق الحق]

الله يعينهم يارب
انا ابي اعرف كل واحد فاهم الحديث على هواه الله يهديكم ياجماعه

[حسن]

خطوه مباركه التي قامت بها جمعية راف لتفريج كربه
واخيرا انتبهت الجمعيات الخيرية للمحتاجين القطرين
قرأت اليوم في الجريدة 45 حاله تم سداد دين حوالي 25 حاله
ونسأل الله ان يفرج هم جميع المسلمين ويفك كربتهم

الحالات 45 التي ذكرت في الجريدة منها 37 انثى
السؤال المزعج
كيف وصل الحال بتلك القطريات ان تراكمت عليهن الديون
الى ان تم سجنهن ؟
هل هذا نتيجة دخول المرأة العمل والاستدانة من البنوك دون رقابه من المصرف المركزي ؟
ام هل نتيجة دخولها التجارة دون سابق معرفه ؟
ام ماذا؟
بصراحه لم اتوقع ان تسجن قطريه بسبب ديون
هذا ودمتم سالمين

والله اسئلتك محد يعرف اجابتها الى هم انفسهم اصحاب الدعوه
ولا مدير السجون ويعطينا لماذا هم عليهم التزامات ماليه

اما غير ذالك محد يعلم الاجابه
وكلن بيفتي على كيفه

[ريم الشمال]

الله يفرج على كل مديون ... السلف تلف

بالنسبة للحالات المذكورة العدد كبير وهذا يدل على عدم وعي الاشخاص الذين يضعون انفسهم في حالة الدين
قبل أن اتعرض للدين لابد للشخص يسئل نفسه هل الدين الذي سوف اضعه على نفسي ضروري ولا يوجد بديل لتغطيته إلا بالدين طيب هذا الدين ما الكيفية التي من خلالها سوف اغطي ديني
لو كل انسان استخدم الحذر في التعاملات التي يقوم بها في حياته لما واجه الكثير منا المشاكل

بالنسبة للحديث عن عمل المرأة فالحقيقة أن عملها انقذ الكثير من البيوت سواء كانت زوجة أو اخت والكل لا يستطيع أن ينكر ذلك
اما تأثير عملها على بيتها فاعتقد أن العمل جزء من الاسباب وليس كلها هناك نساء غير عاملات ولا يدون بهواء دارهم ولا البيت ولا الاولاد وحياتهم قمة في الفوضى وهناك نساء عاملات انشأت جيل واعي يعرف كيفية تدبير حياته

ومن تحدث عن هناك اسر تكون سبب في سجن المرأة سواء اب أو اخ أو زوج فأيضا هناك اباء كانوا يمنعون بناتهم رغم عملهم من تستخدم اموالهم في الصرف ويقوم هو بصرف عليها وايضا من الاخوة من عمل ذلك ليس كل البيوت تتشابه
هناك من الآباء لم يترك ورث لبناته ولكن ترك لهم شهادة تعيل نفسها وتكون ثروتها حتى تكون سند لها في الدنيا
لا تنظر فقط للجزء الفارغ من الكأس ... فهناك جزء لم تنظر إليه صالح من المجتمع ينبغي أن ننظر له

[معماري قطري]

ولكن يا معماري من يقدر تضحية المسجونه بسبب قضية دين ضحت بحريتها من اجل سلامة زوجها او احد من اهلها؟؟

قول لي من يقدر تضحيتها؟


شوف ردود الاعضاء مثل السم القاتل

قالوا عنها غبيه

قالوا ناقصة عقل

محد قال كفو او بطله!!


انا تضايقت جدا من قسوة هالمجتمع! الي يعتبر قيام المرأة بالتضحيه ومساعدة اهلها نوع من الغباء ونقصان العقل


اوه تباً وتباً وتباً
صرنا بزمان
تعير المرأه في وقفتها الرجوليه من اجل اهلها

كثيرين يقدرون وفيهم خير وما يرضون تنضر وحدة من أهلهم أو حتى واحد.

صراحة ما ادري ولا يدخل عقلي عدد الحريم مقارنة بعدد الرجال، والله يعين الكل على أُمور الحياة ويبعد الدين عن الكل.

انا عني وأهل بيتي نحتاج وايد وفي أوقات عديدة لكن الحمد لله مبتعد ومبعد كل أهل بيتي عن الدين الا القروض الحسنة من الحكومة .. ولا عمري شريت سيارة أقساط وأشتري على قدي وتتم عندي السيارة فترة طويلة ما ابيعها الا كثرت خراباتها .. هالأيام احتديت أشتري سيارة أقساط وبربح بسيط لأني دفعت دفعات كبيرة .. وذنبي في هالمره اني مسكت الكاش للإكتتاب اللي من فترة وثانية ينتشر خبره ولا حد ينفي من المسؤولين .. إستوى الإكتتاب لتنزيل سوق الأسهم ولعدم شراء سيارات وعدم الدخول في مشاريع، وفي النهاية يطلع إشاعة أو خبر غير مؤكد من شخص غير مسؤول.

ما اتوقع الكل فكر صح وحط نفسه في موقف الإنسان المحتاج واللي زوجته أو بنته تشتغل وتبرعت بانها تتسلف، وصار ما صار ودخلت السجن لهذا السبب .. ولو الرقم صحيح والخبر صحيح 100% معناه إن كثيرات وكثيرين يسددون مبالغ بسيطة كأقساط لديون أو لكفالات بأمر المحكمة .. وبعدين الاستدانة من البنوك تكون باحتياطات قوية والبنك ضامن حقه حتى لو تقاعد أو مات المستدين .. أتوقع أكثر النساء المسجونات مثل ما ذكر أحد الإخوان عليهم أحكام بسبب إختلاسات وسرقات وكفالات من ناس ما اتوقع من أهلهم أو قطريين حتى.

المفروض ينبهون العامة بأحكام وقضايا المسجونات حتى ما يتكرر الخطأ .. انا مثلاً كثيرين حاولوا فيني في فتح مشروع ورفضت لأن كل شيء بيكون علي.

[aziz4z]

المشكلة في الطمع اللي موجود عندنا سواء للرجال أو الحريم , قبل فترة في وحدة من دول الخليج , ماشاء الله عليها , عندها فلوس كثيرة , بس عايشة في أمريكا , و عندها عقارات و تجارة في أمريكا , تزوجت من رجل آخر أمريكي أصول مكسيكية , و رجل أعمال, و حبت تشاركه في المشاريع , و آخر شيء هي خططت كيف تقتله و تستولي على فلوسه :o :o :o
و في العكس , يتزوج وياخذ أرض و قرض من البنك للبيت , و يطلب من زوجته تطلب القرض , و المسكينة تفكر نبني بيت الزوجية , بيت حلو و كشخة , المسكينة ماتدري ايش بيصير في الموضوع بعدين
و في ناس تاخذ قروض و تفكر إنها بتسوي مشاريع , و تدخل في عقود مع ناس آخرين , بس لم يكتب للمشروع النجاح بسبب الاختلاسات و آخر شيء يتوهق مع القرض و الطرف الثاني يشرد من البلد , و مسكين المواطن أو المواطنة يواجهون مصير مجهول مع المحاكم

العالم غير الحين , تغير, تعامل مع الناس بخلق حسن , سوي اللي تقدر عليه, تصدق , بس لاتجيب طاري الفلوس , ياما شفت ناس بينهم صداقة حميمية , بس لين دشوا في طاري الفلوس صارت عداوة
النبي صلى الله عليه و سلم قال: أول ماينزع من أمتي الامانة , فلاتكاد تجد رجلا أمينا , و يقال إنه في القرية الفلانية رجلا أمينا , لقلتهم .

[سـ ع ـود]

للاسف كثروا الذكور ولم يبقى في هالزمن الا القليل من الرجال
المرهـ ازيدها ما انقصها سواء امي او اختي او زوجتي او بنتي واكون لها عون وسند
مهما كان هذولا شعره من شعر وجهي
واللي يقول خلها تقعد في بيتها ولا تشتغل ،
من تبيه يكشف على امك ولا اختك ولا زوجتك فالمستشفى؟
بناتك وخواتك من بيدرسهم في المدرسه؟

يدي تحكني ابي اكتب بس اخاف اجيب العيد
اللهم اني صائم
:)

[ضوى]

للاسف كثروا الذكور ولم يبقى في هالزمن الا القليل من الرجال
المرهـ ازيدها ما انقصها سواء امي او اختي او زوجتي او بنتي واكون لها عون وسند
مهما كان هذولا شعره من شعر وجهي
واللي يقول خلها تقعد في بيتها ولا تشتغل ،
من تبيه يكشف على امك ولا اختك ولا زوجتك فالمستشفى؟
بناتك وخواتك من بيدرسهم في المدرسه؟

يدي تحكني ابي اكتب بس اخاف اجيب العيد
اللهم اني صائم
:)

بارك الله فيك وفي اهلك اللهم امين

[لاجل QT]

للاسف كثروا الذكور ولم يبقى في هالزمن الا القليل من الرجال
المرهـ ازيدها ما انقصها سواء امي او اختي او زوجتي او بنتي واكون لها عون وسند
مهما كان هذولا شعره من شعر وجهي
واللي يقول خلها تقعد في بيتها ولا تشتغل ،
من تبيه يكشف على امك ولا اختك ولا زوجتك فالمستشفى؟
بناتك وخواتك من بيدرسهم في المدرسه؟

يدي تحكني ابي اكتب بس اخاف اجيب العيد
اللهم اني صائم
:)

شدتني جملتك اعلاه رائعة بمعنى الكلمة

في زمن قل فية الرجال

[معماري قطري]

[QUOTE=aziz4z;9192275]المشكلة في الطمع اللي موجود عندنا سواء للرجال أو الحريم , قبل فترة في وحدة من دول الخليج , ماشاء الله عليها , عندها فلوس كثيرة , بس عايشة في أمريكا , و عندها عقارات و تجارة في أمريكا , تزوجت من رجل آخر أمريكي أصول مكسيكية , و رجل أعمال, و حبت تشاركه في المشاريع , و آخر شيء هي خططت كيف تقتله و تستولي على فلوسه :o :o :o

أخ عزيز انا همتني بس أول فقرة شصار بعدين وأي تفاصيل زيادة .. هشكل ذي رفعت راسنا أخبر المكسيكيين يقتلون بس.

[aziz4z]

[quote=aziz4z;9192275]المشكلة في الطمع اللي موجود عندنا سواء للرجال أو الحريم , قبل فترة في وحدة من دول الخليج , ماشاء الله عليها , عندها فلوس كثيرة , بس عايشة في أمريكا , و عندها عقارات و تجارة في أمريكا , تزوجت من رجل آخر أمريكي أصول مكسيكية , و رجل أعمال, و حبت تشاركه في المشاريع , و آخر شيء هي خططت كيف تقتله و تستولي على فلوسه :o :o :o

أخ عزيز انا همتني بس أول فقرة شصار بعدين وأي تفاصيل زيادة .. هشكل ذي رفعت راسنا أخبر المكسيكيين يقتلون بس.

هلا أخوي معماري قطر , نعم أغلب المكسيكيين مجرمين , بس هاي رجل أعمال كبير , و عنده عقارات ضخمة جدا في لوس أنجلوس , هي حاولت محاولات سرية كثيرة لانهاء حياته , و بعد فشل كل المحاولات , استأجرت مجموعة لقتله لاستيلاء على ماله. في الولايات المتحدة أي واحد عنده أكثر من 100000 دولار, لازم يخاف على حياته .
أي رفعت راسنا , أعوذ بالله , بس تشوف شكلها
الحمد لله على نعمة الامن

[معماري قطري]

[quote=معماري قطري;9192946]

هلا أخوي معماري قطر , نعم أغلب المكسيكيين مجرمين , بس هاي رجل أعمال كبير , و عنده عقارات ضخمة جدا في لوس أنجلوس , هي حاولت محاولات سرية كثيرة لانهاء حياته , و بعد فشل كل المحاولات , استأجرت مجموعة لقتله لاستيلاء على ماله. في الولايات المتحدة أي واحد عنده أكثر من 100000 دولار, لازم يخاف على حياته .
أي رفعت راسنا , أعوذ بالله , بس تشوف شكلها
الحمد لله على نعمة الامن

مسكينه ما تستاهل الا مكسيكي ثورو أو تورو مثل ما يسمون الثور هم .. وإذا مجرمه بسبب الطمع بس أكيد بتكون حصلت جزاها.

زين شكلك من سكان لوس أنجلوس .. انا العام رحت سياحة ونوعاً ما عجبتني بس كبيرة وكل مكان يبي له مشوار غير عن ميامي .. حبيت أسئل عن قبول الجامعات هناك ودراسة ماستر الإدارة الهندسية أو إدارة المشاريع في أحد الكليات هناك .. هل الدراسة ممتعة وسهلة والقبول سهل أو لا؟

[Riku3]

ترى الحريم هالايام صاروا مثل الشباب في الديون فلاتستغربون .. بالعكس البنت ما بتدخل السجن الا لو تخلوا عنها اهلها واكيد في حالات كثيره انقذوهم رجالهم بعكس الي قاله الكثير منكم .

احد معارف زوجتي قطريه وتشتغل بمدرسه مستقله وكانت على وشك تنسجن لانها كانت تتحدى البنك وماتعطيه الاقساط المستحقه له !! كانت تقول للحريم في الدوام حامض على بوزهم وكل هذا علشان لكزس!.. وطبعا مع مرور الوقت زاد المبلغ كثييييير ويوم طلع حكم بالسجن تخلى عنها زوجها ومسكها الشيبه ابوها وباع سياراته علشانها وكلها شهرين وتصالحت مع زوجها وتركت ابوها بحسرته.

[ضوى]

ترى الحريم هالايام صاروا مثل الشباب في الديون فلاتستغربون .. بالعكس البنت ما بتدخل السجن الا لو تخلوا عنها اهلها واكيد في حالات كثيره انقذوهم رجالهم بعكس الي قاله الكثير منكم .

احد معارف زوجتي قطريه وتشتغل بمدرسه مستقله وكانت على وشك تنسجن لانها كانت تتحدى البنك وماتعطيه الاقساط المستحقه له !! كانت تقول للحريم في الدوام حامض على بوزهم وكل هذا علشان لكزس!.. وطبعا مع مرور الوقت زاد المبلغ كثييييير ويوم طلع حكم بالسجن تخلى عنها زوجها ومسكها الشيبه ابوها وباع سياراته علشانها وكلها شهرين وتصالحت مع زوجها وتركت ابوها بحسرته.



قصة غريبه جدا

[Roo7MooT]

حالات سجن المراة أشبه عند بالعار


سؤال : كيف الواحد يقدر يرقد أذا عنده أم / أخت / زوجة مسجونة بسبب دين ؟

كيف أهلها تاركين الامر وكأن الموضوع جد عادي

ترى بالأول والأخير هي شرفك وعارك

للأسف وصل بنا الحال بأن انعدمت الغيرة عند البعض وشاعت الدياثة عند

من يحملون لقب ( رجل )

[عنيــــد]

ما اظن فيه انسان مسلم عنده مروءة يقدر ينام الليل و زوجته و لا اخته ولا بنته بايته في السجن ،، حتى و ان كانت على خطأ و كانت ديونها بدون ضرورة ،،

الا في شي ما يقدر عليه و لا بيده شي ،،

الله يفرج عليهم و يعجل بفك كربتهم ،،

[ولد الوزير]

الله يجزاهم خير

[qatara]

ما اظن فيه انسان مسلم عنده مروءة يقدر ينام الليل و زوجته و لا اخته ولا بنته بايته في السجن ،، حتى و ان كانت على خطأ و كانت ديونها بدون ضرورة ،،

الا في شي ما يقدر عليه و لا بيده شي ،،

الله يفرج عليهم و يعجل بفك كربتهم ،،

صدقت لاكن
كذالك لا اعتقد في زوجه او اخت او ام مسلمات ويخافون الله واليوم الاخر
وبعضهن هم سبب سجن ازواجهم او ابنائهم او الشكوى على ابائهم
ليكونو احرار في الطلعه والدخله او لامور تافه سالفه الف ولا الفين ريال
والصحيح والواجب هم اول من يحمل همه اذا وقع في اي مصيبه
اللهم لاحول ولا قوة الا بالله كيف ينامون مرتاحين

[qatara]

اي مرمطه ؟؟
عمل المراه هو خدمة للوطن والمساهمة في التنمية الاقتصادية
صار مرمطه :waiting:

اكبر خدمها توديها وماجوره ومحاسبه
عليها دنيا واخره
تنميه بيتها والاهتمام بنفسها وزوجها وابنائها
وبذالك تنجح التنميه الحقيقيه بالمجتمع اليس كذالك ؟

[بنت شرق]

اكبر خدمها توديها وماجوره ومحاسبه
عليها دنيا واخره
تنميه بيتها والاهتمام بنفسها وزوجها وابنائها
وبذالك تنجح التنميه الحقيقيه بالمجتمع اليس كذالك ؟

الله يسلمك لاتخلي الحل دايم شي واحد في عدة عدة حلول لأي مشكلة ، الأصل لازم يكون
حد في البيت مسؤولين اليهال منه إما الأم أو الجدة أو اقارب للمرة وجيران يتعاونون فإذا خليت خربت والا اذا بنشوف الاسرة بصورة مثالية ماراح تحل شي فيه شي اسمه تعاون
وتراحم بين الأهل والناس

[qatara]

الله يسلمك لاتخلي الحل دايم شي واحد في عدة عدة حلول لأي مشكلة ، الأصل لازم يكون
حد في البيت مسؤولين اليهال منه إما الأم أو الجدة أو اقارب للمرة وجيران يتعاونون فإذا خليت خربت والا اذا بنشوف الاسرة بصورة مثالية ماراح تحل شي فيه شي اسمه تعاون
وتراحم بين الأهل والناس

لازم يكون
حد في البيت مسؤولين اليهال

جلستها في البيت اولها ستر
وثانيها تاديه واجب
وثالثها اهتمام بكل شئون البيت وواجباته الكثيره التي
هي مسئوله عنها قبل غيرها قبل الجيران او الخدامات او الاقارب
وليس مسك الاطفال فقط
فاكبر مصيبه تركت فروض البيت والعمل في الخارج !
كان الذي رزق النمل سينسى الانسانه الطائعه لله ولزوجها وقايمه بواجبها
سبحان الله

تركن الفرض وصلين السنه ؟!!!!!!

[cavok]

والله حالات تقطع القلب
الله يكون في عونهم

[Princess-style]

بكل بساطه الفلوس وما تسوي
تبي تكون اكشخ وحده بالعالم ما تمشي الا بوتيك متحرك
وما تركب اي سياره برستيجها ما يسمح
واكيد عندها خدامتين او ثلاث وكل 3 شهور خدامه تشرد وعتدي تجيب بدالها خدامه
طبعا واهم من الدريول مافيه
طبعا غير الزيارات لازمتشوف انواع المفوشر تصرف بزياره الوحده اقل شي 5000
وطبعا غير الهدايا لصديقاتي
وغير فرنسا ولندن سنويا محضره هناك


وين الزوج ... اصلا هو مستانس انها موظفه اكثر منها .. لا وهو بعد يقول لها محتاج قرض وانا علي قرض وهي من وناستها تاخذ قرض

عشانه
واشلون ما تبينها مديونه لين قمه راسها

[شبح الصمت]

واحد من الشباب يذكر لي سالفة

يقول وحده معاهم في الدوام مطلعه لها موتر آخر موديل قيمته قريب الـ 350 ألف

جاءت وقالت له ببيع موتري ماليت منه ...


قالها وش تبين قالت ابي اخذ لي نمبرقيني !!

قال لها مره وحده فلوسك ترى بتحاسبين عليها قالت يا رجال اش ماخذين من الدنيا خلنا نستانس ..

ملاحظة النمبرقيني قيمتها تبدأ في الشركة من 850 الف لفوق المليون ..

وتقوله ربعي مفتلين ابي افتل مثلهم ..

[ANONYMOUS]

اما سالفة النبرقيني توحفه

نمبر ون :p

[فلتة زمانها]

اكبر خدمها توديها وماجوره ومحاسبه
عليها دنيا واخره
تنميه بيتها والاهتمام بنفسها وزوجها وابنائها
وبذالك تنجح التنميه الحقيقيه بالمجتمع اليس كذالك ؟

نعم يا كتارا
ولكن بعض النساء عندهم جهود وطموح جبارة وتستطيع
ان تخدم وتنمي الاسرة والوطن معا :nice:

[qatara]

واحد من الشباب يذكر لي سالفة

يقول وحده معاهم في الدوام مطلعه لها موتر آخر موديل قيمته قريب الـ 350 ألف

جاءت وقالت له ببيع موتري ماليت منه ...


قالها وش تبين قالت ابي اخذ لي نمبرقيني !!

قال لها مره وحده فلوسك ترى بتحاسبين عليها قالت يا رجال اش ماخذين من الدنيا خلنا نستانس ..

ملاحظة النمبرقيني قيمتها تبدأ في الشركة من 850 الف لفوق المليون ..

وتقوله ربعي مفتلين ابي افتل مثلهم ..

نقلبو ريايل
اللهم ام لا شماته
مصيبه لما يكون الباب مفتوح غصب بستين حجه والخارج
غير عاقل كل شي عنده عادي

[عيون الدوحة]

واحد من الشباب يذكر لي سالفة

يقول وحده معاهم في الدوام مطلعه لها موتر آخر موديل قيمته قريب الـ 350 ألف

جاءت وقالت له ببيع موتري ماليت منه ...


قالها وش تبين قالت ابي اخذ لي نمبرقيني !!

قال لها مره وحده فلوسك ترى بتحاسبين عليها قالت يا رجال اش ماخذين من الدنيا خلنا نستانس ..

ملاحظة النمبرقيني قيمتها تبدأ في الشركة من 850 الف لفوق المليون ..

وتقوله ربعي مفتلين ابي افتل مثلهم ..

وش فيه الكورفت ولا الزد أقصاها 230 الف
اذا تبي سبورت تاخذ سبوت رخيصة
أما نمبرغيني اخاف تدوس ًماتقدر تتحكم بالسيارة وتخلف ضحايا ورآها

[بوخالد911]

الله يسهل ع كل مديون ومديونة

[الرويـس]

ويطلع ايه ده سبع البرمبعععع ؟!!!

http://4.bp.blogspot.com/__dRVZ3R1lss/TTQv7HgUDpI/AAAAAAAACz4/pN1a5Astak8/s640/23641_1214389043479_1341399847_30502119_3445267_n. jpg

[العنيده]

الله يجزا من ساعدهم خير ان شاء الله ويسخر لهم عيال الحلال يارب ..
انثى او ذكر كلهم عيالنا بعد مانتمنى لهم الا كل خير ..

[تحداني]

اما سياره سبورت يا اخوي شبح
وين تبي اتسوقها في اي داعوس
او يمكن تبي تاخذ خط من سلوى الين بوسمره هههههههههههه


حالتها صعبه

[الفا برافو]

الله يفك عوقهم وعوق كل مديون وقع بالدين بسبب سؤ تصرف او نية طيبه...

[alfarasha]

جزاهم الله ألف خير ........ ربكم هو اللي عالم بحالهم وما أظن أنهم تدينو وتراكمت عليهم الديون ونسجنو الا أنهم كانو مضطرين يتدينون

[دااانة قطر]

ترى الحريم هالايام صاروا مثل الشباب في الديون فلاتستغربون .. بالعكس البنت ما بتدخل السجن الا لو تخلوا عنها اهلها واكيد في حالات كثيره انقذوهم رجالهم بعكس الي قاله الكثير منكم .

احد معارف زوجتي قطريه وتشتغل بمدرسه مستقله وكانت على وشك تنسجن لانها كانت تتحدى البنك وماتعطيه الاقساط المستحقه له !! كانت تقول للحريم في الدوام حامض على بوزهم وكل هذا علشان لكزس!.. وطبعا مع مرور الوقت زاد المبلغ كثييييير ويوم طلع حكم بالسجن تخلى عنها زوجها ومسكها الشيبه ابوها وباع سياراته علشانها وكلها شهرين وتصالحت مع زوجها وتركت ابوها بحسرته.



:eek5::eek5::eek5:

[دااانة قطر]

بكل بساطه الفلوس وما تسوي
تبي تكون اكشخ وحده بالعالم ما تمشي الا بوتيك متحرك
وما تركب اي سياره برستيجها ما يسمح
واكيد عندها خدامتين او ثلاث وكل 3 شهور خدامه تشرد وعتدي تجيب بدالها خدامه
طبعا واهم من الدريول مافيه
طبعا غير الزيارات لازمتشوف انواع المفوشر تصرف بزياره الوحده اقل شي 5000
وطبعا غير الهدايا لصديقاتي
وغير فرنسا ولندن سنويا محضره هناك


وين الزوج ... اصلا هو مستانس انها موظفه اكثر منها .. لا وهو بعد يقول لها محتاج قرض وانا علي قرض وهي من وناستها تاخذ قرض

عشانه
واشلون ما تبينها مديونه لين قمه راسها



الله المستعااان
كل اللي اقدر اقوله اللي بتاخذ قرض فوق طااقتها تتحمل اللي يجيها

[qatara]

نعم يا كتارا
ولكن بعض النساء عندهم جهود وطموح جبارة وتستطيع
ان تخدم وتنمي الاسرة والوطن معا :nice:

راعي بالين كذاب

( كل امرئ ميسر لما خُلق له )

وهي خلقت لتعبد الله ومن ضمن عبادتها بيتها وحسن تبعلها
ولما تنمي اسره صالحه بذالك تكون حقيقة نمت وطن