علاج عن طريق الديون [الأرشيف] - منتديات شبكة الأسهم القطرية

مشاهدة النسخة كاملة : علاج عن طريق الديون

سليمان احمد

13-10-2013, 01:13 PM

السلام عليكم

من يعرف طريقه التقديم للديوان للعلاج

لاني مقدم عاللجنه وعندي تقرير من الدكتور لمواصله العلاج

بالخارج ويفيد بانه الحاله مالها علاج في قطر ويماطلون معاي

وللحين ماردو شكلهم يبون وااسطه كل ما ارجعهم يقولون انتضر رساله

من يعرف وين اقدم في الديوان في اي مكان

وايش الاوراق المطلوبه غير التقرير وهل لازم التقرير بالعربي لانه مكتوب

بالانجليزي وكم يوم عشان يردون علي لان الحاله تعبانه والجماعه احر

ماعندي ابرد ماعندهم

وهل الكتاب ينكتب باسم سمو الامير ولا فقط اقدم التقرير

من يساعدني من خلا التجارب

وحيد-الشوق

13-10-2013, 09:17 PM

مابي احبطك بس حتى الديوان لازم واسطة انا رحت لهم وقدمت تقرير امي وسمعت جملة مب حلوة وحسيتها نغزه عشان انسى الموضوع بس انت روح وجرب نفس الديوان الي يقدمون فيه الشرهات والمساعدات وفي الاخير رجعنا للجنة ووافقوا بعد عذاب

اخبر انا قدمت كتاب طويل اشرح فيه حالة الوالدة مع تقرير المستشفى وصورة البطاقة الشخصية

نصيحة لاتصدق موضوع المسج يا ما قصوا علي ونقعوني مره شهرين وكانوا مسجلين موعد لي وماطرشوا المسج تخيل مالت على نظامهم الجديد مسج ومسج والله ماشفت حرف منهم دايما اروح وانشب لهم

سليمان احمد

14-10-2013, 07:10 AM

وحيد الشوق : بيض الله وجهك اولا على الرد

انا الله يسسلمك صار لي اسبوعين كل ما اراجع الموظف اللي عالكاونتر

يرفض يدخلني عليهم يقول لازم يوصلك مسج

اخذ رقم واسال الموظف يقول للحين ما بتو فيها اللجنه

بس بصراحه حبطتني حتى الديوان يبي له واسطه

انا فكرت في الديوان هروبا من موضوع الواسطه يطلع الديوان

بواسطه بعد لا حول ولا قوه الا بالله

انا ابغي اعرف كيف ادخل على اللجنه واتكلم معاهم

الله المستعان

آنــه

22-10-2013, 09:40 AM

أنا عن نفسي جربت الديوان بواسطه وبدون واسطه ولين الحين اموري معلقه للاسف من سنتين
الشيخ تميم ما يقصر في اهل قطر لكن البطانه اللي تحته هي اللي ما توصل الا اللي تبي
والا قبل كفايه انك تدخل الجلسه اللي كان فاتحها لاستقبال الشعب ويوافق لك على العلاج و تتيسر لك امورك

الله ييسر لكم اموركم ان شاء الله ويسخر لكم عيال الحلال اللي يساعدونكم

New Vision

22-10-2013, 09:44 AM

حبيبي الله يسهل امورك انشاءالله بس لو ماعندك واسطه لاتحاول سواء الديوان او اللجنه

طموحي عالي

22-10-2013, 10:00 AM

برشلوني قطر

22-10-2013, 10:46 AM

الحمدلله قدمنا عالديوان شهر 6 و قبل عيد الاضحىطلعت الموافقه للوالد بارسال مسج(بدون واسطه)
بالنهاية انت ونصيبك بس انت اسعى وعساه خير

التقرير عادي بالانجليزي
بس تكتب كتاب مرفوع للامير في شرح بشكل عام للحاله وللمشكله

ماتشوفون شر ان شاء الله

اخوي انا مكلم واحد راحلهم قبل العيد وقالو له

لازم التقرير مترجم بالعربي. والمشكله انا مسافر

الله المستعان

الله يعينك اخوي سليمان ويشفي مريضكم

رشدان

24-10-2013, 11:57 AM

صل ركعتين الحاجه واطلب الرحمن وتوجه للمكان اللي بيتراجع فيه واذا في أمر سفر العلاج خير سهله الرحمن لو الجن وألأنس يبون يمنعون الخير مقسوم لمخلوق ماقدروا
والله يشافي مرضانا ومرضاك والمسلمين

عاشق العديد

24-10-2013, 11:59 AM

لو تبي محل يترجم اسيا .. الي شارع الكهرباء المكان الي كله محلات كمبيوترات .. ترجمتهم موثوقه .. والله يشفي مريضكم ياخوي ..