ليش اتخاف اتروح للدكتور النفساني ؟!؟!

[بن خالدي]

السلام عليكم ياجماعة الخير ،،، قبل فتره كتبت موضوع عن حالة الخوف الي تجيني من اتفه الاسباب ومن الطياره والطرق الطويله خاصه :omg: واني كنت اعاني من اكتئاب وتخوف لدرجه كرهت اطلع من البيت:( ،،، ولاحظت تفاعل الناس معاي في الموضوع والغريب من هذا كله اني اكتشفت انه وايد ناس مثلي يعانون بس يخافون يتعالجون عند دكتور نفساني !! انا مستغرب ليش الخوف ؟؟ :eek5: ترى الطبيب النفساني حاله حال طبيب العيون والاسنان والباطني وغيره وغيره بس حسيت من معظمهم يخاف من نظرة المجتمع له انه مجنون او انه يتعالج عند الطب النفسي ،، عاد انا اليوم كتبت هالموضوع عشان انثقف الناس والي عنده اي تجربه سابقه له او احد اصدقائه ياليت يذكرها لعل وعسى نقدر انغير نظرة المجتمع للعلاج النفسي وبالنسبه لي ابشركم تعالجت عن دكتور نفساني في قطر من فترة شهر تقريبا ولله الحمد وايد وايد تحسنت حالتي وبنفس الوقت ندمت عالوقت الي ضيعته بدون ماراجع دكتور ،،، واحب اشكر الناس الي انصحتني في موضوعي السابق لانه هم الي شجعوني ... وهذا رابط موضوعي السابق الي خلاني اروح للدكتور ،، وللي يبغي اي استفسار او خدمه انا حاضر ولحد يستحي ومابغي منكم الا الدعاء لي بالشفاء التام الله يجزاكم خير
http://www.qatarshares.com/vb/showthread.php?t=561111&highlight=%D3%C7%DA%CF%E6%E4%ED

[سـ ع ـود]

شيك علی الخاص اخوي

[alsoq]

الحمدلله انك تشجعت ورحت
انا سبق وذكرت لك في موضوعك على ما اعتقد

الحمدلله انك زلت الخوف ونظره الناس صحتك اهم من نظره الناس لك فا انت اللي تعاني وليس الناس

[حسن]

فعلا مشكله الكثير يخاف يروح للطبيب النفساني
يجوز النظره المغلوطه رغم اني اشوف المرضى في كل مكان واعداهم مخيفه
الى درجه مره وصلت معلومه لوزير بان يكون في الوزاره هناك دكتور نفسي من ضمن الكادر الوظيفي
ويجب ان يعمم على جميع وازارات الدوله

[بوعلاوي]

انا مرتين رحت عادي مافي احراج .. الطبيب النفسي وجوده مهم لا يقل عن طبيب العيون والاسنان والقلب
ودوره اكبر يعيد الثقه للانسان ويزرع فيه التفاؤل والسعاده ونسيان الهموم

[التميمي 3]

الحمد الله على السلامه وماتشوف الشر

زين ماسويت وتعالجت والله يديمها عليك العافيه

[الزعفراني]

هل ركبت الطيارة من عقب مراجعة الدكتور والا لا ؟

[رهج السنابك]

انا ماخاف عادي

وبصراحه ودي اروح لطبيب نفسي مع اني مب محتاجه ولله الحمد لكن فضول ابي اعرف كيف اساليبهم في العلاج هل يقدمون نصايح ام سيده يكتبون ادويه!!

[بوعلاوي]

انا ماخاف عادي

وبصراحه ودي اروح لطبيب نفسي مع اني مب محتاجه ولله الحمد لكن فضول ابي اعرف كيف اساليبهم في العلاج هل يقدمون نصايح ام سيده يكتبون ادويه!!

اسلوبهم حلو ومريح يسالونك عده اساله يحلل شخصيتك
وبعدين يقدم نصائح .. اخر شي يكتب لك ادويه
ويعطيك موعد ثاني تروح له مره ثانيه يشوف ايش النتيجه

[Seattle]

أخوي بن خالدي ممكن تقول لنا من الدكتور اللي رحت له وكم خذت مدة العلاج وهل استخدم عقاقير ولا لا ....وشكرن...وعيدكم مبارك جميع

[بطران متملل]

الله يعينك الصراحه صج كان يبيلك اعلاج :weeping:
بس اذا الواحد على اي شي بينقز حق دكتور نفسي بكون صج في عقله شي :secret:
لان الانسان بكثير من الامور لازم يعالج نفسه ويقوي قلبه ويكون عنده ايمان

[نور الحور]

الحمدلله على سلامتك وما تشوف شر ..
ترى مثل هالمشاكل (الجدية) تحتاج اللجوء لمختصين لأنها تحولت لـ (عقبة) في حياتك ..

بس حبيت أوضح إن في فرق بين (الأخصائي النفسي) وهو اللي درس تخصص علم النفس ويعالج بدون أدوية ..فقط جلسات

وبين (الطبيب النفسي) وهو دارس طب تخصص طب نفسي .. دوره المعالجة بالعقاقير والأدوية لبعض الأمراض اللي تحتاج ..

ومو كل الأمراض النفسية تحتاج عقاقير ..وفي بعضها يخطئون في تشخصيها ..يصنفونها إنها مرض نفسي وهي في الأصل مرض عقلي ...

المقصد ..إن اللي يبي يراجع لازم يعرف الفرق بينهم ويعرف كل واحد وين ممكن يساعده بالضبط في مشكلته ..
والله يسعد الجميع ويفرحهم ويخلصهم من الهموم والأمراض بانواعها .. ويجعل الصحة الجسدية والنفسية والعقلية دوم نصيبهم :victory:

[البيت القديم]

الله يعينك الصراحه صج كان يبيلك اعلاج :weeping:
بس اذا الواحد على اي شي بينقز حق دكتور نفسي بكون صج في عقله شي :secret:
لان الانسان بكثير من الامور لازم يعالج نفسه ويقوي قلبه ويكون عنده ايمان



الله يسلمك ياخوي بطران ومتملل ترى المرض النفسي نفس أي مرض عضوي في جسم الانسان
ويكون على شكل خلل في وضائف احد الغدد او المواد الكيميائية الي يفرزها جسم الانسان تختلف من الانسان المريض عن الانسان السليم.. وهذا الخلل ممكن يحدث في أي وقت من حياة الانسان..

ولا تفتكر ان المرضى النفسيين انولدو وهم على هالحال ولكن هذا قدر وابتلاء من الله لهم..

وهذا الكلام مذكور في القران الكريم..

قال تعالى (( وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ))

[تغلبية]

الله يتمم شفاك .. واتجينا في يوم اتحط تجربتك وانت راكب منطاد !:nice:

[شروووق]

ﻻ مو صحيح الواحد يروح للطبيب النفسانى في القديم لما الشخص يخاف امه جدته اخته تمسح على قلبه وتسمى عليه بالرحمن وتهدى النفوس من زين اﻻطباء النفسيين الى بقطر يظيعونك اكثر من ما يعالجونك

[المحاميه]

مشكور
على نقل التجربه :)

[بن خالدي]

الله يشفي كل مريض يارب والي حاب يستفسر عن التفاصيل خل يراسلني عالخاص

[نتفـه]

ممكن اسم الدكتور ؟

[زبرجد]

لأن الناس ما ترحم ولا تخلي حد في حاله ولا عمرهم بينسون
وبعدين مب على أقل سبب نتوجه للطبيب النفسي في حلول بيد الإنسان من بعد الله سبحانه

[بصمة قطرية]

بعض الأطباء النفسيين محتاجين أطباء ...!!!
أذكر مرة رحت لدكتور عشان ولدي
الدكتور سألني أسئلة كثير
و ما قعد مع الولد و لا سأله اي شي ..!!!
يوم كان يسألني الولد كان برع

قال لي الموعد الجاي لا تجيبين الولد تعالي بروحج ..!!!
طلعت قلت للممرضة كنسلي الموعد
أول مرة أشوف طبيب نفسي يكتب دوا لمريض
بدون لا يقعد معاه
و يطلب أني أجي بدون الولد
حسسني أني أنا المريضة .. :rolleyes2:






المشكلة مش في ان الشخص يروح لطبيب نفسي
بالعكس مرات الواحد يحتاج
و مش غلط حاله حال اي طبيب
المشكلة وين الطبيب الجيد ،،

[بن خالدي]

اللهم لك الحمد على والشكر

[pink dream]

انا اعاني من حاله خوف واكتاب رحت لدكتور نفسي في عياده الدوحه طبعا عطاني نصائح وعلاج عباره عن كبسولات اسمها بروزاك والحمدالله تحسنت حالتي وصرت احس بالسعاده الي كنت افتقدها لفتره بالعكس انا اشوف ان الدكتور النفسي يساعد بعض الحالات

[حسن]

انا اعاني من حاله خوف واكتاب رحت لدكتور نفسي في عياده الدوحه طبعا عطاني نصائح وعلاج عباره عن كبسولات اسمها بروزاك والحمدالله تحسنت حالتي وصرت احس بالسعاده الي كنت افتقدها لفتره بالعكس انا اشوف ان الدكتور النفسي يساعد بعض الحالات

الله يشافيك ان شاء الله

الصراحه انا اشوف الكثير من البشر يعاني من امراض نفسيه لكن للاسف الكثير يهملها ولا يتعالج مما يشكل خطر على المجتمع بكبره
والمفروض من الدوله اساسا تنشاءمستشفي اكبر من حمد بمرتين لان العدد كبير جدا
والله يشافي كل مريض

[بن خالدي]

انا اعاني من حاله خوف واكتاب رحت لدكتور نفسي في عياده الدوحه طبعا عطاني نصائح وعلاج عباره عن كبسولات اسمها بروزاك والحمدالله تحسنت حالتي وصرت احس بالسعاده الي كنت افتقدها لفتره بالعكس انا اشوف ان الدكتور النفسي يساعد بعض الحالات

الحمدلله رب العالمين وبالنسبة للعلاج هذا ممتاز جدا ويسمونه في اوروبا حبوب السعاده ،،، للعلم هالحبوب تنصرف للحريم بعد سن اليأس يعني عاديه مافيها خطوره

[بن خالدي]

الله يشافيك ان شاء الله

الصراحه انا اشوف الكثير من البشر يعاني من امراض نفسيه لكن للاسف الكثير يهملها ولا يتعالج مما يشكل خطر على المجتمع بكبره
والمفروض من الدوله اساسا تنشاءمستشفي اكبر من حمد بمرتين لان العدد كبير جدا
والله يشافي كل مريض

اي والله صدقت ياخوي ،، من كذا انا كتبت تجربتي عشان الناس تعترف بالطبيب النفساني واهميته