مساعدة واستفسار أخر

[الغرناس]

ابي اعرف كم متر تبليط الحوش اذا البلاط علي وباقي الشغل علية؟

وبغيت حد يدلني على مبلط شغلة زين وايضاً وش النوعية الممتازة من البلاط للحوش شكرًا لكم

[معماري قطري]

بغض النظر عن السعر اللي مؤكد يختلف من شخص لآخر .. أهم شيء تعمل صبية بعد الدك وعمل سلوب مناسب وهذا بعد عمل تمديدات ماي للزراعة وكهرباء احتياطية للحوش لو محتاج وللباب ممكن تركب نظام فتح كهربي .. الصبية تقدر تسويها بفايبر وبدون حديد نهائياً وبأقل فواصل بسبب إن الفايبر يمنع تشققها ويعطيها قوة .. شوف إسم الفايبر مسجل في العقود عندي وسعره أرخص وايد من الحديد .. وصبية 10 سم بتكفي وفوقها يتركب البلاط اللي يعجبك وفيه نوعيات كثيرة بس يمكن المناسب الاماراتي ولا السعودي الشعبي العريض الخاص بالحوش.

أعرف واحد مركب بورسلان محصله بسعر زين للحوش بس لممرات للمشي مب للسيارة .. وانت بعد صبية الخرسانة وبعد عمل أحواض الزراعة تقدر تحدد وين الممرات اللي مب دايستها السيارة وتسويها غير لو حبيت.