ماهي افضل شركة شحن للطلب من النت؟!!!

[رهج السنابك]

من تجاربكم


شنو افضل شركة ممكن اتعامل معها للشراء من النت من ناحيه الثقه والتوصيل والسعر. ؟!

اذكر موضوع قديم مدري للعضو غير البشر او حد ثاني كان يمدح شركة

افيدوني ولكم العيديه *_*

[سليمان احمد]

ارامكس كسمعه بس انا ماجربتها بصراحه

فتحت حساب وللحين ماجربتهم

[قلب صادق]

السلام عليكم ورحمة الله وبركاته

كل عام وانت بخير اختي الكريمة
انا فتحت حساب امريكي وبريطاني مجانا وللان ما جربت هذه الشركة واظنها تابعة DHL

https://www.borderlinx.com/

[الـخـور]

ارمكس ولهم مكتب في قطر وميزته انهم يعطونك اكثر من ٦ عنواين
امريكا + بريطانيا + تركيا + دبي + الصين + الهند ..

[alsoq]

على حسب الموقع اللي بتشترين منه كل موقع وله طريقته في الشحن

ملاحظه قبل الشراء تاكدي انهم يشحنون لقطر لان البعض يتوهق يدفع وفي الاخير ما يرسلون لان قطر غير مدرجة عندهم

[H H]

على حسب , اذا على الرخص فارامكس ممتازة واسم الخدمه عندهم shop and ship
لكن هالشركة ماعندها خدمة تجميع الشحنات , يعني تشترين اربع اغراض مختلفه من امازون بتوصلك على ارامكس
على شكل اربع شحنات متفرقه, في حين ان خدمة ال worldship عندهم خدمة تجميع الشحنات واسعارهم جيدة
لكن عندهم مشكله , يتاخرون بعض الاحيان وتعاملهم موب ذاك الزود

عندك شركة MyUs وعندهم خدمة تجميع الشحنات ومحترفين جداً وسريعين جداً جداً جداً لكن مشكلتهم ان اسعارهم
اعلى من الشركتين الي فوق , فنفس الوقت اذا طلبتي شحنه وزنها عالي انصحك تستخدمين هالشركه لانها بتطلع عليك ارخص من البقيه

تفاصيل اكثر فهالموضوع

http://www.qatarshares.com/vb/showthread.php?t=565562



بالتوفيق ..

[ولد العلي]

جزاكم الله خير

[رهج السنابك]

انا طلبياتي اغراض شخصيه بسيطه واغلبها امازون واي باي فهل ارامكس توصل طلبات من هالموقعين لقطر؟!

وهل طريقه الاشتراك شهريه ام على كل بضاعه!

فيه شركات سمعت انهم ياخذون ١٠٠ ريال سعر ثابت مهما كان وزن الغرض سواء ريشه ولا تلفزيون
هل صحيح؟

[نتفـه]

ارامكس يعطونج صندوق بريد امريكي بس تشترين من امريكا تعطينهم صندوق بريدج الامريكي اللي بيعطونج اياه ارامكس وبس يوصل لهم يشحنونه تلقائي على مكتب ارامكس اللي بالدوحه ويوصلج الطلب ..
تعاملت معاهم واشتريت من الصين وبريطانيا وامريكا اون لاين ووصلت .. وفعلا مشكلتهم الوحيده ان مافي تجميع للشحنات يعني اغلب مشترياتي من امريكا من اكثر من تاجر .. لو اشتريت 4 طلبات من امريكا بيشحنونهم 4 منفصلين مو ف طلبية وحده .. واظن اخف سلعه في الوزن ياخذون عليها وزن 43 ريال شي جذي !!! في موقعهم شوب اند شيب تكتبين الوزن ويطلع لج بكم بيشحنونه لج ..

[بصمة قطرية]

جربنا شركات شحن كثيرة كلهم تقريباً السعر على حسب الوزن
مافي شي إسمه السعر ثابت
و كلهم عندهم توصيل هوم ديليفري ،،

[alsoq]

تاكدي هل الشحن داخل امريكا او خارجها

المهم لو طلبوا عنوان داخل امريكا روحي ارمكس اخذي عنوان عندهم اعتقد ب 100 ريال يطرشونها على العنوان داخل امريكا وارمكس تستقبله وتجيبه لك الدوحة

[H H]

انا طلبياتي اغراض شخصيه بسيطه واغلبها امازون واي باي فهل ارامكس توصل طلبات من هالموقعين لقطر؟!

وهل طريقه الاشتراك شهريه ام على كل بضاعه!

فيه شركات سمعت انهم ياخذون 100 ريال سعر ثابت مهما كان وزن الغرض سواء ريشه ولا تلفزيون
هل صحيح؟



فكرة الشحن بهالطريقه هي باختصار, اغلب البائعين في امازون واي بي واغلب المواقع ماتشحن
دولي! تقولك مانشحن الا لعناوين داخل امريكا او داخل بريطانيا او الصين او اي دوله غيرها على حسب الموقع
فشركات الشحن عشان يحلون لنا هالمشكله اخترعو فكرة صناديق البريد الوهمية! يعطونك عنوان صندوق بريد
في امريكا مثلاً ويقولونلك اذا جيت تشتري غرضك وقالولك ادخل العنوان حط العنوان الي عطيناك اياه!
اول ماتحطين العنوان الي عطوك اياه فامازون او اي موقع للشراء يروحون يشحنونه لك على هالعنوان واول
ماتجي الشحنه لعنوان صندوق البريد الي عطوك اياه يروحون هم يرسلونه لك لعنوانك الاصلي , يعني قطر او السعودية او اي دوله!

طريقة الاشتراك, عشان يعطونك عناوين صناديق بريد تدفعين 175 ريال تقريبا, والدفع يكون مره وحده مدى الحياة!
بعد كذا اذا شحنتي مثلاً ساعه , اول ماتوصلهم يرسلونها لك للدوحة ويحسبون وزنها ويحطون سعر الشحن!

ارامكس سعر الشحن عندهم على اول نص كيلو 35 ريال , يعني الساعه وزنها نص كيلو بيكون الشحن عليك
بخمس وثلاثين ريال, وكل نص كيلو بعدها بيكون بثلاثين ريال , يعني انتي طلبتي شحنه كيلو ونص!
اول نص كيلو بيكون بخمس وثلاثين والنص كيلو الي بعده بثلاثين ريال والي بعده بثلاثين!!

يعني بيطلع عليك الثلاثه كيلو ب 95 ريال!


تاكدي من موقعهم يمكن غيرو الاسعار بس هذي اخر اسعار كانو معلنين عنها!
لو شيكتي على الروابط الي حطيتلك اياها كنتي بتفهمين هالشي اكثر واكثر



بالتوفيق ...

[H H]

اتمنى من المراقبين دمج هالمواضيع فموضوع واحد واذا اي احد بعد كذا سال عن نفس الموضوع نحط له الرابط

[المعنى88]

الحل موجود و متوفر من ردود الاعضاء
لكن اذا الشراء من امازون راح ينذكر طريقة الشحن اللي تبغينه حسب التاجر او الشخص اللي بيطرش يعني ممكن يطرش قطر على صندوق البريد العام مع قيمة الشحن لقطر او يتطلب ذكر عنوان داخل امريكا او بريطانيا فا الحل عند الارامكس بالتسجيل اون لاين على موقعهم برسوم مرة وحدة فقط 135 ريال عشان تحصلين عنوان لامريكا وبريطانيا والصين واستراليا والهند والامارات .

[فيصـــل]

اختي دام طلباتج خفيفه ومافيها اوزان، توكلي على الله وافتحي لج حساب في ارامكس

انا من سنين وياهم وافضل تسعيره عندهم بخصوص الشحنات الخفيفه

بتحصلين تفاصيل اكثر فهالرابط، واي استفسار ثاني انا حاضر

http://www.qatarshares.com/vb/showthread.php?t=565562