ماذا تفطـر " تتريق " ؟!!

[رهج السنابك]

وجبه الفطور هي اهم وجبه في اليوم

حتى بالامثال يقولون افطر فطور ملوك وتغدا غدا تجار وتعشى عشا فقراء

انا دايما عندي مشكله بهالوجبه ماعرف شنو اتريق وطبعي ملوله ماحب نظام نفس اغلب الناس يوميا كوب قهوه بنفس الطعم ونفس المكونات مع مثلا ساندويتش جبنه بشكل يومي


طبعا اتكلم وقت الدوام والواحد ماعنده قت يحضر شي محترم شغل سريع سريع

نظامي كل اسبوع امر كارفور اخذ علبه كروسان بالجبنه تكفيني خمس ايام الاسبوع الي وراه اخذ كب كيك بالتشوكليت او فانيلا
الي وراه اخذ توست وجبنه
بعدين مايخلص الشهر الا زهقت من هذا كله

ابي شي جديد ماحصل شي سريع وما يملل :(
صرت اروح ايام من غير فطور لان لاعت جبدي من مخبوزات كارفور الي مايغيرونها
وماعندنا مخابز عدله قريبه

انتو شنو فطوركم يمكن اقتبس افكارك ملهمه :)

[ضوى]

ممممم موضوع جديد وحلو

بصراحة هالريوق قصة ماتنتهي خاصة بالداوم ، احنا بالداوم مرة فطاير مرة فلافل مرة كرواسون ، احيانا اخلي شغالتي تنوع لي بين البيض والزعتر والبطاطا والجبن واحيانا سبانخ ، بصراحة انوع في الريوق وايد حتى لعيالي كنت بذاك الزمان ابتكر لهم وايد اشياء الحين بس كوب حليب بالشوكولاته وسندويتش زعتر بشكل يومي لانه يزيد الذكاء وانا ابي مخهم يتفتح اول الصبح

[بريق الحق]

على حسب
مرات ٥ بيضات
عسل
فواكه
تصبير
حليب

[H H]

انا من النوع الي ماعنده مشكله يفطر ذبيحة ههههههههههههه
فطوري يكون على جزئين, اول مااصحى اخذ معي شي اكله فالسياره سواءاً فطيره كيك او غيره
وفالدوام عالعشر فطور ثاني, فلافل كبدة بيض جبن لبنه وبعض الاحيان من تيك اوي شاورما ولحم وغيره ههههههه

[elders]

كورن فليكس

اجبان

زبدة وعسل او زبدة ومربى

بان كيك وعسل

بيض اومليت

فطوري المفضل بدون منازع سندويش زعتر على التوستر بالخبز اللبناني وشاي بالنعنع وخيارة وشوي زيتون

[رهج السنابك]

ممممم موضوع جديد وحلو

بصراحة هالريوق قصة ماتنتهي خاصة بالداوم ، احنا بالداوم مرة فطاير مرة فلافل مرة كرواسون ، احيانا اخلي شغالتي تنوع لي بين البيض والزعتر والبطاطا والجبن واحيانا سبانخ ، بصراحة انوع في الريوق وايد حتى لعيالي كنت بذاك الزمان ابتكر لهم وايد اشياء الحين بس كوب حليب بالشوكولاته وسندويتش زعتر بشكل يومي لانه يزيد الذكاء وانا ابي مخهم يتفتح اول الصبح


ماشاء الله اعزميني عيل هههه

بالدوام ماحب اعور راسي واتصل على المطاعم كلش :(

انزين عيالج ما يملون زعتر كل يوم

[رهج السنابك]

على حسب
مرات 5 بيضات
عسل
فواكه
تصبير
حليب


خمس بيضات:omg:

[حمد 2002]

اكثر شيء تمر ولا ارطب وقهوه

[فلتة زمانها]

ريوقي عبارة عن دايجستف وكوفي
ومرات 7 حبات تمر باللوز وحليب مراعي وإذا قدرت اخذ
معاي موزه هالريوق يحافظ على الرشاقه

[مشـــــاعر]

.


وآيد أشيآء حمدلله

http://www6.mashy.com/uploads/QL/th/QLthT6aPgGsitVyHN9njJA/stack-of-pancakes-1.jpg

البان كيك أهمّ شي بالنسبة لي والمركز الأول :victory:

أكثر شي (وصفات التووست) خفيفة وسهلة
وأحب أغير مرات آكل كيك ودايجستيف ..
كورن فليكس
بيض بأنواعه ( مفيوح ومقلي )
أجبآن وأكثر شي بالدنيا الأجبااان . .

لو كنتي جارتنا كل يوم بسويلج معآإي :nice::nice:

[النهار]

على حسب
مرات ٥ بيضات
عسل
فواكه
تصبير
حليب

بااااااااااااااااااااااااال كل هذي ريوق :eek5:
عيل ايش تهبب على الغداء :(

[مشـــــاعر]

بااااااااااااااااااااااااال كل هذي ريوق :eek5:
عيل ايش تهبب على الغداء :(

هههههههههههههههه
ههههههههههههههههههههههه
قول ماشاء الله لاتصكّه عين :anger1:

[النهار]

انا اشكل كل يوم شكل
مره سبزي مره كيمه مره صالونة لحم مره شكوكه مره بيض مسلا ووووو
طبعا مع خبز جباتي وشاي كرك
لازم الواحد يحافظ على صحته :nice:

[النهار]

هههههههههههههههه
ههههههههههههههههههههههه
قول ماشاء الله لاتصكّه عين :anger1:

يستاهل 5 بيضات الضالم يتريق كل يوم لا ومعها اشياء ثانيه بااااااااااااااااال مهب جبد عليه من الصبح :eek5:

[وطن]

سيريلاك :)
ما اتغشمر

شوفي
انا اجهز من الليل
لان الصبح مستحيل أدش المطبخ
النفسية ما تساعد

تيركي ساندويش او
ساندويش جبن، زعتر، لبنه ونعناع، بيض مسلوق وجبن ،،، الخ

ممكن خضار مقطعة
جزر، خيار، خس

عادة كنت أخذ معاي حبة فاكهه و ساندويش
بس لاني ما احب الفواكه واجبر نفسي عليها عشان الفائدة
ما قمت اوديها

ممكن تاخذين معاج علبة حليب صغيرة و كورن فليكس

[بريق الحق]

بااااااااااااااااااااااااال كل هذي ريوق :eek5:
عيل ايش تهبب على الغداء :(

انا وصلت لمرحلة اكل 9 وجبات فاليوم ( ماشاءالله )
بس الحين وقفت لانه قاعد انشف :)

[رهج السنابك]

انا من النوع الي ماعنده مشكله يفطر ذبيحة ههههههههههههه
فطوري يكون على جزئين, اول مااصحى اخذ معي شي اكله فالسياره سواءاً فطيره كيك او غيره
وفالدوام عالعشر فطور ثاني, فلافل كبدة بيض جبن لبنه وبعض الاحيان من تيك اوي شاورما ولحم وغيره ههههههه



ياويلي شاورما لحم على الصبح

وحوووش :tease:

[رهج السنابك]

كورن فليكس

اجبان

زبدة وعسل او زبدة ومربى

بان كيك وعسل

بيض اومليت

فطوري المفضل بدون منازع سندويش زعتر على التوستر بالخبز اللبناني وشاي بالنعنع وخيارة وشوي زيتون


متى يمدي الصبح اومليت بيض او بان كيك :(

احب الزعتر نفسج لكن معدتي الصبح ماتستحمل لو اكلت زعتر احس بحموضه

[R 7 A L]

على حسب
مرات 5 بيضات
عسل
فواكه
تصبير
حليب

يالله
هذا الي يخلص عليكم البيض
في المجمعات
عليكم به :tease:

[المحاميه]

كوفي
بسكوت دايجستف
او
بسكوت ماصخ

مرات
توست مع جبن

بس
واذا يعت فالدوام حبة كافي

في حل لج
اشتركي في دايت سنتر وهم بيعطونج ريوق متنوع حق كل يوم وخﻻص

[خليفـة]

روتي بيض .. وشوية فلفل
وشاي كرك
:shy:

في البيت طبعا

خليفــة

[بريق الحق]

يالله
هذا الي يخلص عليكم البيض
في المجمعات
عليكم به :tease:

بدايت الايام كنت اشربه ني مع الحليب وحياتك اليوم الثاني عيوني اطلعت

[البحار00]

فطوري المفضل البلاااااااااليط بس مب كل يوم يسوونه لي

احس بطاقه ونشاط بعد ما اكله

وفي الغالب روتي سلايس وجبن سلايس وبيضه مفيوحه

مع شاي ليبتون حليب

[بنت مريخ]

حليب مراعي خالي من الدسم مع كابتشينو لتعديل المزاج
نص خبزه اسمر مع جبنه في البيت
في الشغل مسئولتنا ما تقصر كل يوم سندويجات وكل يوم نوع( فول او بيض مع جبن او تونه او بيتزا جبن) حزات اكل حبه
الضحى شاي او نعناع

[رحال]

الشاي الحليب ولازم بالرينبو .. " مدمن "

زبدة وعسل او زبدة ومربى

بان كيك وعسل

بيض اومليت مع جبن بووووك

[حليتان*]

باجه ولحمة راس وشاي حمر

[elders]

متى يمدي الصبح اومليت بيض او بان كيك :(

احب الزعتر نفسج لكن معدتي الصبح ماتستحمل لو اكلت زعتر احس بحموضه

الخيارة بتعادل الحموضه :victory:

[التميمي 3]

الصراحه كل يوم لي فطور

يوم كبده ،، بيض ،، لبنه ،، زعتر ،، فلاااافل ،، جبن مع عسل

أحياناً شابوره مع الشاهي :victory:

[راشد محمد]

فطاير صيدا وبس

[نور الحور]

موضوعج حلو يالاستقراطية ..

بالنسبة لي كنت في العادة أفطر خفيف ..شاي بالحليب أو نسكافيه وشوية لبنة وعسل ..او كورن فليكس بالحليب

لكن أغلب الأحيان هالفترة مايكفي الوقت الصبح وتكون شهيتي مسدودة ..فأفطر في الشغل .. زعتر وعصير ..أو سندويتش جبنة ونسكافيه ..
للأسف ما اشتهي الفواكه ولا الخضراوات الصبح مالي مزاج لهم :secret:

البيض ما احبه للأسف :( مع انه مفيد وايد لو كلتيه مرة او مرتين في الأسبوع ..
بعد ما احب شغلات البان كيك والاكلات الدسمة مثل البلاليط ..أحسها ثقيلة وايد على الصبح .. ممكن تكون مناسبة لجو رحلات أما وجبة صباحية أحسها ثقيلة وايد ..



بوعابد الله يحفظك من عيونهم .. ماشاء الله تبارك الله..
اللي يتمرن حديد اعتقد يحتاج بروتين وايد .. ووجبات صغيرة متنوعة على مدى اليوم ..أعتقد إنك تتمرن صح؟

[نور الحور]

فطاير صيدا وبس


ههههههههه .. أحلى دعاية ..
بس يستاهلون صراحة .. شغلاتهم حلوة :victory:

[بريق الحق]

موضوعج حلو يالاستقراطية ..

بالنسبة لي كنت في العادة أفطر خفيف ..شاي بالحليب أو نسكافيه وشوية لبنة وعسل ..او كورن فليكس بالحليب

لكن أغلب الأحيان هالفترة مايكفي الوقت الصبح وتكون شهيتي مسدودة ..فأفطر في الشغل .. زعتر وعصير ..أو سندويتش جبنة ونسكافيه ..
للأسف ما اشتهي الفواكه ولا الخضراوات الصبح مالي مزاج لهم :secret:

البيض ما احبه للأسف :( مع انه مفيد وايد لو كلتيه مرة او مرتين في الأسبوع ..
بعد ما احب شغلات البان كيك والاكلات الدسمة مثل البلاليط ..أحسها ثقيلة وايد على الصبح .. ممكن تكون مناسبة لجو رحلات أما وجبة صباحية أحسها ثقيلة وايد ..



بوعابد الله يحفظك من عيونهم .. ماشاء الله تبارك الله..
اللي يتمرن حديد اعتقد يحتاج بروتين وايد .. ووجبات صغيرة متنوعة على مدى اليوم ..أعتقد إنك تتمرن صح؟

صحيح كلامج
تقريبا كل ساعتين كنت اكل وارقد بدري بس الحين عندي استراحة

[qatarman8008]

اثنين تركش كوفي يعطيك ليييييييين يفتح الكانتين عالظهر..

[ابوعلي]

بالنسبة لفطوري

حليب بالزنجبيل مع عسل

وبعد مدة تفاح اخضر

بعد مدة شابورة

وعقب مدة خيار

وقبل ما اطلع من الدوام زبادي اكتيفيا

وارجع البيت انام وما اتغدا



ماعدا يوم الخميس نطلب حمص وفول من بيروت

[رهج السنابك]

ريوقي عبارة عن دايجستف وكوفي
ومرات 7 حبات تمر باللوز وحليب مراعي وإذا قدرت اخذ
معاي موزه هالريوق يحافظ على الرشاقه

الدايجستيف سمعت انه مب صحي :(

اما ريوقج الثاني تمر ولوز وموز وحليب جذي :nice: بسرق منج فكرة اللوز

[رهج السنابك]

.


وآيد أشيآء حمدلله

http://www6.mashy.com/uploads/ql/th/qltht6apggsitvyhn9njja/stack-of-pancakes-1.jpg

البان كيك أهمّ شي بالنسبة لي والمركز الأول :victory:

أكثر شي (وصفات التووست) خفيفة وسهلة
وأحب أغير مرات آكل كيك ودايجستيف ..
كورن فليكس
بيض بأنواعه ( مفيوح ومقلي )
أجبآن وأكثر شي بالدنيا الأجبااان . .

لو كنتي جارتنا كل يوم بسويلج معآإي :nice::nice:


فدييتج كان زين جارتكم

بس البان كيك متى يمدي الواحد يحضره اذا مستعجل على الدوام

[الزعفراني]

كل يوم من ايام الاسبوع فطور غير شكل يوم فرنسي يوم امريكي يوم مصري يوم شامي يوم ايطالي ويوم يمني ويوم اوووف ما اتريق

لحد يصدق بس :shy:

[مهرة]

افضل وجبة بس للدوام مافيه وقت للأسف..

بس أحلى الأبداعات الفطورية الصباحية تكون بالويكند ولااااااااااااااازم يوم الجمعة ( فول) اشتاق له من جمعة لي جمعة .. والسبت لازم بان كيك ويكون منوع كلن وما يحب .. طبعاً هذا غير الفطاير والأجبان والبيض

اقترح عليج تاخذين لج كذا نوع من السيريلز وحليب طويل الأجل اذا عندكم ثلاجة بالدوام وحطي بعد فيها كذا حبة منوعة للزبادي وعصير بالحليب وجبن ولبنة وزيتون ومرتدلا وقشطة وجام وعسل يعني شوية شوية وعلب صغيرة وكل يوم جيبي الخبز او الروتي او الكرواسون يكون كل يوم بيومه فرش وبكمية مناسبة وتنويع كل يوم.. ومافيها شي فطور برع مرة بالشهر طبعاً فطور عمل انتي ومجموعتج المفضلة:shy:

وحق السناكس تقدرين اتحطين مكسرات منوعة ومش محمصة افضل تعطيج شبع لفترة ساعتين حلوين قبل الغدا مثل جوز ولوز وكاجو وبيكان وشوية فواكة مجففة حطيهم بعلبة صغيرة وملونة ومسكرة تعطيج جو فرايحي وتنشط الدماغ انه يفتح العلبة وياخذ ومن فترة لفترة غيري العلبة احسن لج من الملل والروتين وبتاكلين وبتتعودين على هالشغلات

وبس انتي دليني على دوامج واجييج بفطوري الزين وبدلالي السنعة:nice:

ونفك عقدة الفطور الملل كل يوم:victory:

[ام ناصر1]

حلو الموضوع ...بس لي عتب على المشاركات ..وين راح الخبز الجباتي
نوعي في الدوام ...اطلبي دايما المعصرة ...ارخص
مرة اناناس وكيوي مقطعين كبار ..يوم صحي
مره ساندويش جريل شيكن مع عصيرج المفضل
يوم جباتي سادة ....يوم يغث
يوم جباتي ساندويشات ...بيض مفوح وبيض بوطماطووجبن ...يوم نصف مغثه
يوم من كافتيريا الشغل ..
يوم فطاير ومقبلات ....
ويوم الاجازة ...سوي رجيم
فواكه وروب وماي ...
اهم شي بالشغل ...
دلة القهوة والكرك والحليب جاهزة ...
ووالكل يتعاونون يجبون شي مرة بالشهر او الاسبوع
من كيكات لقرص الطابي لخبيص لبلاليط ..لحليب بالحسو ..لحسو
من سلاطات اجبان مختلفه ...وبيكون ريقوكم الجماعي مميز

[ام ناصر1]

كل يوم من ايام الاسبوع فطور غير شكل يوم فرنسي يوم امريكي يوم مصري يوم شامي يوم ايطالي ويوم يمني ويوم اوووف ما اتريق

لحد يصدق بس :shy:

تقهرني هالنوعية من الردود ...:(
خاطري اعرف شالفرق بين الريوق الفرنسي والايطالي
وكيف نتاكد من صحة الفروقات ...

[توشيبا]

انتظر تجي الساعه ٩ ونص ادق سلف مطعم اليازي
احلئ ريوق مجبوس دجاج او لحم

[قطريه22]

انتظر تجي الساعه ٩ ونص ادق سلف مطعم اليازي
احلئ ريوق مجبوس دجاج او لحم

:swoon::swoon::swoon:

[عاشق العديد]

انا عن نفسي ما اترق واخر مره تريقت يمكن قبل شهر ونص شهرين ..

اخذلي اي شي فسياره عصير بونص ومعاه كافي ولا اي شي هاي ريوقي خبركم كل مايقوم سكره نازل <<

انا اتغدا مره وحده وعشاء ما اكل الا هااا فالشهر مره مرتين

[قنديلة]

الواحد مع هزحمات والدوامات وازمة الشوارع مايمدي يتريق ولا يفتح ريقه الا بماي وهو طاير

وساعتين في الزحمه عالق

الله يستر عليه من الهبوط

[بو خليفه 123]

الله يجزيهم خير البيت كل يوم يحطون لي فطوري في علبه بلاستك نفس الطلاب الشطار

الاكل متنوع لكن بالنسبه لي اهم شي يكون موجود معه سلطة فواكه اكلها بعد صلاة الظهر . خليط من الحمضيات والبروتينات

بالنهايه هو يعتمد على مدة الدوام و جدول الغداء في كل منزل .

بالنسبه لي انا آكل وجبتين في الدوام .. و اتغدى :shy:


http://download.mrkzy.com/u/2113_084a91843c271.jpg (http://up.mrkzy.com/)

[طموحي عالي]

المهم انا يوعانه الحين

عن نفسي

جنب دوامي جست فلافل ( فلافلهم خفيفه وعندهم نكهات) اطلب منهم احيانا
عندنا مطبخ في احدى الادوار خاص بالنساء اسويلي توست احيانا
احيانا بسكوتي المفضل
احيانا البنات يطلبون فطاير او يجيبون توست

يعني على حسب

المهم بو خليفه بالعافيه الفواكه حبيت الطريقه لان مغريه

[دااانة قطر]

في البيت كرك وسندويش جبن




في الدوام بعد 9 فطاير سندويشاات فول وفلافل من البتيل اوبرا صباح ومسا الصيدا جبل لبنان تيك اوي ....الخ

[مهرة]

اوووف جاني مغص من الــــ..!! لا من العلبة ولا من السلطة ولا من الشطاااااار:swoon2:

[بو خليفه 123]

اوووف جاني مغص من الــــ..!! لا من العلبة ولا من السلطة ولا من الشطاااااار:swoon2:



يبيلك صاعق كهربائي يمشي المغص

[مهرة]

يبيلك صاعق كهربائي يمشي المغص


هههههههههههه مايضحك !!:taunt:

[elders]

الله يجزيهم خير البيت كل يوم يحطون لي فطوري في علبه بلاستك نفس الطلاب الشطار

الاكل متنوع لكن بالنسبه لي اهم شي يكون موجود معه سلطة فواكه اكلها بعد صلاة الظهر . خليط من الحمضيات والبروتينات

بالنهايه هو يعتمد على مدة الدوام و جدول الغداء في كل منزل .

بالنسبه لي انا آكل وجبتين في الدوام .. و اتغدى :shy:


http://download.mrkzy.com/u/2113_084a91843c271.jpg (http://up.mrkzy.com/)


ما شاء الله هذا احسن شي يتاكل قبل الغدا :victory:

شو بالنسبة حسب جدول الغذاء في كل منزل ؟ :nice::secret:

[elders]

هههههههههههه مايضحك !!:taunt:

ههههههههه كل هذا وما يضحك :taunt:

[تاجر كشخة]

كورن فليكس

اجبان

زبدة وعسل او زبدة ومربى

بان كيك وعسل

بيض اومليت

فطوري المفضل بدون منازع سندويش زعتر على التوستر بالخبز اللبناني وشاي بالنعنع وخيارة وشوي زيتون

ههه ما خليتي شي

[تاجر كشخة]

وجبه الفطور هي اهم وجبه في اليوم

حتى بالامثال يقولون افطر فطور ملوك وتغدا غدا تجار وتعشى عشا فقراء

انا دايما عندي مشكله بهالوجبه ماعرف شنو اتريق وطبعي ملوله ماحب نظام نفس اغلب الناس يوميا كوب قهوه بنفس الطعم ونفس المكونات مع مثلا ساندويتش جبنه بشكل يومي


طبعا اتكلم وقت الدوام والواحد ماعنده قت يحضر شي محترم شغل سريع سريع

نظامي كل اسبوع امر كارفور اخذ علبه كروسان بالجبنه تكفيني خمس ايام الاسبوع الي وراه اخذ كب كيك بالتشوكليت او فانيلا
الي وراه اخذ توست وجبنه
بعدين مايخلص الشهر الا زهقت من هذا كله

ابي شي جديد ماحصل شي سريع وما يملل :(
صرت اروح ايام من غير فطور لان لاعت جبدي من مخبوزات كارفور الي مايغيرونها
وماعندنا مخابز عدله قريبه

انتو شنو فطوركم يمكن اقتبس افكارك ملهمه :)

جربي كيمة وكرك :nice:

انا عن نفسي ما أحصل وقت أفطر اشرب شاي وعلى طول الدوام لين الظهر ارجع البيت اتغدى والامور طيبة :victory:

[elders]

ههه ما خليتي شي

ههههههههههههههه
في بين كل سطر وسطر
أو أو أو

[تاجر كشخة]

انا عن نفسي ما اترق واخر مره تريقت يمكن قبل شهر ونص شهرين ..

اخذلي اي شي فسياره عصير بونص ومعاه كافي ولا اي شي هاي ريوقي خبركم كل مايقوم سكره نازل <<

انا اتغدا مره وحده وعشاء ما اكل الا هااا فالشهر مره مرتين

الله يستر من السكر ويبعدنا عنه

[توشيبا]

ههههههههههههههه
في بين كل سطر وسطر
أو أو أو

بل :eek5:

قال او مكرره بس مرتين:)

زط زط زط

[مستر بن]

ككل مرةة شيءءء بس اهمم شيءء

شاي حليـــب بيد آلوالدةةة ^
الفطوور فـ السكول << اقصد الدوااممم :shy:

[elders]

بل :eek5:

قال او مكرره بس مرتين:)

زط زط زط

لول
وحتى او كان زط زط زط
صحة وهنا يا انا