سؤال لمتخدمي ايفون 5s

[gouda2000]

السلام عليكم ورحمة الله وبركاته
لدي سؤال لمستخدمي ايفون 5s
هل فعلا يوجد فارق في سرعه و جودة الصورة فعلي في الايفون الجديد عن القديم؟
و هل يستحق الترقية فعلا ؟

[fhd4]

إذا عندك أيفون 4 .... أنصحك وبقوة
إذا عندك أيفون 4s ... أنصحك
إذا عندك أيفون 5 ... مافي داعي ... لأن الفروقات ما تسوى

[asulaiti]

شخصياً كان عندي iPhone 4S .. طبعاً في فرق في السرعة لا شك ..

لكن محيث المميزات .. هناك مميزات تشجع على الشراء بالنسبة لمستخدمي iPhone 5 السابق ..
مثل البصمة وتحسن التصوير في الكاميرا بالإضافة إلى التصوير البطئ ..
بالنسبة للسرعة .. نعم ستلاحظ الفرق .. لكن ليس بشكل كبير ..

وفي النهاية إذا هاتفك لم يمضي على شراءه فترة طويلة .. انصحك بالإبقاء عليه حتى لا تخسر القيمة التي دفعتها في الهاتف ..

[وحيد-الشوق]

انا اشوف الجهاز اسرع من 5 والكاميرا افضل بس مب ذاك الفرق الي يخلي الواحد يبدل تلفونه او يشتري جهاز من السوق السوده بقيمة 5000 ريال على شان لون !!!

اذا ماكان عندك ايفون 5 انصحك بال5s

[مشـــــاعر]

لكن محيث المميزات .. هناك مميزات تشجع على الشراء بالنسبة لمستخدمي iphone 5 السابق ..
مثل البصمة وتحسن التصوير في الكاميرا بالإضافة إلى التصوير البطئ ..




إنزين أخوي ولآ عليك امر حبيت أسأل بخصوص البصمة
هل يصير نخلي التلفون عادي جي بدون بصمة ؟؟

يعني نكتفي بالباسوورد ؟؟

[.:: القيصر ::.]

السلام عليكم

اخوي لو عندك 5 ما اعتقد في تغيير كبير غير البصمة و التصوير البطيء

انا عندي 5 و شريت 5s لان جهازي الــ 5متلخلخ ولا كان ماغيرته و طالبه من امريكا





إنزين أخوي ولآ عليك امر حبيت أسأل بخصوص البصمة
هل يصير نخلي التلفون عادي جي بدون بصمة ؟؟

يعني نكتفي بالباسوورد ؟؟

أي اختي عادي بس الرقم يكفي مب ضروري تستعملين البصمة

[مشـــــاعر]

أي اختي عادي بس الرقم يكفي مب ضروري تستعملين البصمة

إي أشوا الله يبشرك بالجنة
جزاك الله خير أخوي القيصر ماااقصررت :shy::shy:

[.:: القيصر ::.]

إي أشوا الله يبشرك بالجنة
جزاك الله خير أخوي القيصر ماااقصررت :shy::shy:

اللهم امين اجمعين

قصر عن عمرج الشر

[7llo]

الشيخ شفته عنده رفيجي , رفيجي عنده 5 اس وانا عندي 5 نفس الشي مافي فرق يمكن ال5 اس اسرع منه بشوي والكاميرا ماحسيت فيه فرق عادي بس اللهم في البصمه نظام البصمه حلو حق الملاقيف الي يقعدون احذاك ووراك الي يقطون ويوهم عشان يشوفون الرقم السري اما في البصمه بس تحط صبعك الجوال يفتح اذا عندك 5 خلك على الفايف واذا عندك 4 او 4 اس اشترلك 5 اس

[fhd4]

الشيخ شفته عنده رفيجي , رفيجي عنده 5 اس وانا عندي 5 نفس الشي مافي فرق يمكن ال5 اس اسرع منه بشوي والكاميرا ماحسيت فيه فرق عادي بس اللهم في البصمه نظام البصمه حلو حق الملاقيف الي يقعدون احذاك ووراك الي يقطون ويوهم عشان يشوفون الرقم السري اما في البصمه بس تحط صبعك الجوال يفتح اذا عندك 5 خلك على الفايف واذا عندك 4 او 4 اس اشترلك 5 اس

لكن إذا رقدت ... يقدرون الملاقيف يفتحون جوالك بصبعك ... :nice:

[بوخالد911]

ومنكم نستفيد