انصحوني بلاب توب للدراسة

[al_jo0ory]

السلام عليكم ورحمة الله وبركاته

انا ان شاء الله ناوية هالاسبوع اشتري لي لاب توب جديد للدراسه والصراحه وايد محتاره لان كل لاب توب يميزه شي ><

أهم المواصفات اللي ابيها:

انه خفيف وسهل التنقل فيه ، سريع ويتحمل برامج وايد مثل المالتي سيم والمات لاب ... الخ


فكرت في الماك لانه خفيف وسريع بس خفت انه ماتنزل عليه هالبرامج واتوهق !


وايد محتاره ><

[يوسف0]

اخذي الماك ونزلي عليه الوندوز

او جوفي هذول فاليوتيوب

Samsung Series 5 UltraTouch

Acer Aspire S7

والسوني عندهم مجموعة من الكمبيوترات الخفاف

[المبرمج صلاح]

sony vaio
core i5
او
corei7

ويفضل تكون الشاشة 14 انش او اكبر حتى لا تتعب عنيكي من الدراسة على لاب توب

[al_jo0ory]

مشكورين على اقتراحاتكم

بس تقريبا انا قررت أخذ ماك برو بنسبة 90% =)

بس خايفه من شي واحد هو أن أقدر انزل عليه برامج الويندوز اللي ماتدعم الماك ؟ لأن سمعت ان في بعض البرامج تسمح بتنزيل البرامج اللي تشتغل عالويندوز بس بدون ما انزل الويندوز على الجهاز ... اتمنى اني عرفت اوصل الاستفسار عدل -_-

اممم وبعد هل برامج iwork تغنيني عن برامج الأوفيس ولا تنصحوني انزل الاوفيس احسن ؟

و آخر سؤال: لو نزلت الويندوز على الماك بيشتغل بنفس الكفاءة لو يكون على اي لاب توب ثاني ولا ؟

ياريت لو تجاوبوني لان محاتجه اشتريه هاليومين ومحتارة كثير =(

[theShaik]

لا أختي ماراح يكون بنفس الكفاءه بيكون متعب شوي لاختلاف الأزره
iwork لا يغني عن الأوفس الا اذا كان طباعتج كلها بالانجليزي اما اذا عربي في برنامج آخر للماك اسمه neoffice
البرامج الي تشغل برامج الوندوز على الماك بدون ماتنزلين وندوز مش عمليه ابداً تنفع لبعض البرامج البسيطه

[المحاميه]

سوني او اتش بي

موفقه

[Q0T0R]

Sony . . . .

[Al Basha]

مرحبا .. اختي ..
نفس الكفاءه وأفضل ..
زر كنترول في الماك هو نفسه زر كنترول بالويندوز .. وزر الت نفس الشي .. وزر كوماند هو يعادل زر ويندوز ..
الجهاز قوي جداً جداً .. وانا مشغل عليه ماك وويندوز .. وهذاني منزل موضوع لأني ابي اشتري نسخة ويندوز أصلية وافتك :)

بالتوفيق .. وحاولي تاخذين شاشة ريتنا ..

[airbus]

اكيد الماك وبخصوص الiwork صار احسن من الاوفيس

لما تشتري الجهاز iwork بينزل مجانا عندك

[Aaziz]

بما انج اتجهتي للماك فهذا شي شجعني اقترح عليج افضل جهاز للطلبه

MacBook Air 11-inch

افضل من البرو و الفرق السيدي و حاليا محد يستخدم السيدي ،، اكثر شي فلاش
جهاز سريع و خفيف و ينحط في شنطة اليد و بطاريته تطول

ولكن فيه نقطه بخصوص ال اي وورك اذا كانت دراستج بالعربي
سابقا كان فيه شوي اشكاليه مع العربي ولا ادري انحلت ولا للحين

تقدرين تطلبينه من موقعهم و تختارين كي بورد عربي

طبعا هالنصيحه من باب تجربه

http://store.apple.com/us/buy-mac/macbook-air?product=MD712LL/A&step=config

[CH Engineer]

على حسب نوعية التخصص والبرامج الي بتنزلينها

ما انصح بالماك لاني ماجربته بس اكثر البرامج ماتنزل عليه ومتعب ويكلفج وقت تنزيل البرامج
واذا بتاخذينه وبتنزلين عليه الويندوز شالفايده ماسويتي شي.. سر الماك بنظام التشغيل الي فيه


بالنسبه لانه صعب الحين العالم يشتغلون على ويندوز 8 وتقريبا فكرته جديده



انا عن نفسي انصح بالسوني وعندهم نوعيات كثيرة..
عندهم العادي الي عليه مشغل DVD وسعره 4000-5000.. ممتاز ويعيش معاج
وعندج الي نفس الابل بطاريته منه وفيه وتستمر 8 ساعات ووزنه 900 غرام شاشته 13.3 وتتش سكرين الكفر كاربون مايتشمخ
i7 سعره 6599 ريال والi5 ارخص بشوي.. ممتاز قوي ويعيش معاج

[حبوب1]

والله على حسب تجربه التوشيبا يتحمل وحق كرف
لاكن بما اننا في ثوره تقنيه عشان ماتتحسف خذ تابلت مقاس الشاشه 10
ويكون فيه كيبور خارجي

[لبيبة]

macbook air
ممتاز
iWork صار يدعم اللغة العربية بشكل رائع
وبالامكان الحصول عليه مجانا عند شراء جهاز جديد
وحتى اللي ما عنده جهاز جديد، يقدر يركب نسخة مكركة قديمة ويدخل ابستور ويسوي ابديت، ابل تدري بهالثغرة وما تبي تسكرها. :)

[لبيبة]

طريقه الحصول على iWork مجانا: - ثبت النسخة التجريبية من هنا: https://thepiratebay.sx/torrent/4627720 - غير لغه الجهاز للانجليزية - ادخل الستور وحدث بحسابك

[Aaziz]

شكرا على التوضيح لبيه

[لبيبة]

شكرا على التوضيح لبيه
العفو

[al_jo0ory]

مشكووووورين كلكم عالنصايح

شجعتوني عالماك ... وزن وشكل الاير عجيييييب بس مشكلته حجمه وااايد صغير وانا ابيه حق برامج وكرف خصوصا برنامج المات لاب حجمه وايد كبير -.-

[لبيبة]

مشكووووورين كلكم عالنصايح

شجعتوني عالماك ... وزن وشكل الاير عجيييييب بس مشكلته حجمه وااايد صغير وانا ابيه حق برامج وكرف خصوصا برنامج المات لاب حجمه وايد كبير -.-
الحجم اعتقد يكفي، كم حجم المات لاب؟

شوفي المواصفات

http://i.imgur.com/adhfUqZ.png?1

والتخزين بتقنية الفلاش، غير عن الهاردسكات العادية الاكثر بطئا، هالتقنية جدا سريعة وبتلاحظين الاداء

[Al Basha]

ما انصح بالماك لاني ماجربته بس اكثر البرامج ماتنزل عليه ومتعب ويكلفج وقت تنزيل البرامج
واذا بتاخذينه وبتنزلين عليه الويندوز شالفايده ماسويتي شي.. سر الماك بنظام التشغيل الي فيه



تنزل الاثنين وتتنقل بينهم .. الموضوع سهل جداً ..
وبتكون جمعت بين سرعة وخفة الماك .. وحزمة الـ iWork
وبيكون معاها الويندوز باداء عالي جداً ولو بتنزلين ويندوز سواء 7 أو 8 خذي نسخه الـ 64bit .. وتقدر تغير بينهم بس بضغطة زر عند بداية التشغيل :)