&& مستشفى الرميله رسالة ألم وأمل &&

[شبح الصمت]

بسم الله والصلاة والسلام على أفضل المرسلين سيدنا محمد صلى الله عليه وسلم ..




سؤال هل مب قايل شيبان وعجيز ( آبائنا وآمهاتنا ) الي في مستشفى الارميلة لهم حق على عيالهم وإلا لا ..

سؤالي واضح وابي اجوبه

وهل مستشفى الرميلة متأهل من داخل ومهيئة نفسياً لهم ..

انا برد على هالسؤال وبقولهها بحسره والم

لا لا لا لا

امس كانت لي زيارة لاحد شيبانا الله يطول بعمره شفته وفرحت يوم شفته طيب وبخير وما عليه اجهزة ولكن الي عور قلبي قلت وين عياله !!!

وهذه 3 زيارة لي اجيه والا اعين احد عنده انزين دامكم مشغولين تناوبوا عليه كلن يجلس عنده اشوي اقل ما فيها يجونه ..

لا عيال ولا حتى السائق الي كان يونسه خذوه من عنده الي اهو مفروض مرابط 24 ساعة جمبه ..

قلت له يبه ماشاء الله عليك بخير وصحه اشله ما تطلع قال يا ولدي انا مرتاح اهنيه قلت له محلك مبين والله قالي مبين بس انا مرتاح ! يقولها وادري به في قلبه حسره والم ..

اليوم تبر في والدينك وبكره عيالك يبرون فيك ..

لهدرجة وصل الحال نحذفهم ونخليهم نسينا انهم الي ربونا نسينا الفضل نسينا انه الجنه تحت اقدام الامهات ..


رسالتي للي اهملوا آبائهم وآمهاتهم ..


ورسالة ثانية إلى وزير الصحة اتمنى انه المستشفى يتأهل لانه صراحة يوم دخلته حسيت اني داش مشرحة مشرحة بس بداية الممر حلو بس يوم تتعمق فيه داخل بيبان اطوف الواحد يتمنى انه يدخل حتى لو زيارة يحس نفسه في بيته مهب في مشرحة وحديقة قديمه لا فيها شيء والا شيء يمتع النظر اقل ما فيها حديقة فيها طيور تحس بشعور حتى لو احساس يعوضهم عن الم ..


اللهم آرحمها كما ربياني صغيرا
اللهم آرحمها كما ربياني صغيرا
اللهم آرحمهما كما ربياني صغيرا

[خليفـة]

موضوع انساني هادف وجميل
هذا الأمر مثل الدين او السلف اخوي شبح
الي يبر والدينه .. عياله بيبرونه وبيكون له عون
والي بيقصر معهم .. يا ويله من عياله ويل

يعطيك الف عافية اخوي شبح
والله يشافي ويعافي مريضكم
ويقومه بالسلامة

[شبح الصمت]

موضوع انساني هادف وجميل
هذا الأمر مثل الدين او السلف اخوي شبح
الي يبر والدينه .. عياله بيبرونه وبيكون له عون
والي بيقصر معهم .. يا ويله من عياله ويل

يعطيك الف عافية اخوي شبح
والله يشافي ويعافي مريضكم
ويقومه بالسلامة




الله يعافيك اخوي خليفة

طرحته ابيه يوصل للقلوب المتحجره الي نست أنه عندهم أب وأم مهما صار كمل حياتك بر فيهم عطهم اشوي لا تقول ما عطوني مافي أب وآلا أم ما عطوك حنان والا حب .. إلا من رحم ربي ..

لا ترفضين زوجك من يزور والدينه او يهملهم في المستشفى مهما طلع منهم ساعديه على طاعتهم
لا ترفض زوجتك من زيارة والدينها ..

والله يجعلني من البارين في أمي وما اقصر معاها
والله يرحمك يا أبوي ويجعل قبرك روضة من رياض الجنه

[فلتة زمانها]

بل مشرحه مره وحده هاهاهاهاهاها
المشرحه من داخل جنها فريزر وكلها ادراج حديد تخوف

بخصوص موضوعك أشكرك على اللفته الانسانية
وعلى فكرة كثير من الشيبان والعيايز الي أهناك ماعندهم اعيال
وبعضهم بالأساس ما تزوجوا في شبابهم،، اما الي عندهم
اعيال فالبداية أعيالهم كانوا مهتمين بزيارتهم ومع الأيام وطول
مدة إقامتهم فالمستشفى بدت تقل زياراتهم وانشغلوا بالدنيا
هذا الي شفته من بعض الناس الي أهاليهم في ارميله
يعطيك العافيه اخوي شبح

[شبح الصمت]

بل مشرحه مره وحده هاهاهاهاهاها
المشرحه من داخل جنها فريزر وكلها ادراج حديد تخوف

بخصوص موضوعك أشكرك على اللفته الانسانية
وعلى فكرة كثير من الشيبان والعيايز الي أهناك ماعندهم اعيال
وبعضهم بالأساس ما تزوجوا في شبابهم،، اما الي عندهم
اعيال فالبداية أعيالهم كانوا مهتمين بزيارتهم ومع الأيام وطول
مدة إقامتهم فالمستشفى بدت تقل زياراتهم وانشغلوا بالدنيا
هذا الي شفته من بعض الناس الي أهاليهم في ارميله
يعطيك العافيه اخوي شبح




يعطيج العافيه اختي فلته

شوفي الغرف البيبان الممرات كئيبة صراحة

ويمكن انتي ادرى مني في حالتهم الي ما عندهم عيال بس مب مفروض البيئة الي اهم فيها تكون احسن من هالمكان والا اش رايج يعني حدائق المستشفى يكون وسط حديقة صدقيني اشرح لهم ..

وبخصوص احد يمل من والدينه !!!

الله يهدي البعض البار بار مهما طال الوقت في مرض والدينه لا تحكمه ايام والا سنين ..

الله يغفر لنا ويرحمنا برحمته يـآرب

[ANONYMOUS]

جزاك الله خير

[شبح الصمت]

جزاك الله خير




وجزاك ياخوي
وجزء كل من بر في والدينه

[ام السعف]

مؤلم شعورهم بالوحدة
:"(

[شبح الصمت]

مؤلم شعورهم بالوحدة
:"(




تخيلي لحظة اختي ام السعف

من بعد ما كان بقوته وصحته وحولينه عياله

بين ساعة وضاحها مافي احد حواليه !!

ليش
كيف

اسباب زائفه اسباب ما لها معنى مشاغل الدنيا !!

مشاغل الدنيا مكملات لنا في هالدنيا صدقيني وليست طريق لدخولنا الجنة الا بالعمل الصالح والعباده وطاعة الوالدين ..

الله يغفر لنا ويرحمنا برحمته

شعورهم ألم يشعرون به لفقدانهم ابنائهم وأمل على أمل انهم يرجعون لهم في يوم من الايام

[Miss]

رحت لهم مره وتقطع قلبي على حالهم
الله يرحم حالهم ويلين قلوب عيالهم عليهم

[شبح الصمت]

رحت لهم مره وتقطع قلبي على حالهم
الله يرحم حالهم ويلين قلوب عيالهم عليهم




اللهم آمين

اختي اش رايج في المستشفى صدق هل تحسين انه مؤهل نفسياً لهم !!

بكل امانة

[Miss]

اللهم آمين

اختي اش رايج في المستشفى صدق هل تحسين انه مؤهل نفسياً لهم !!

بكل امانة
لا
يا منسدحين يا قاعدين برا في الممرات
ما عندهم حديقه
ما يطلعون في الشمس
الشياب والعجايز متعودين على القعده برا وهناك للاسف محرومين منها
مب قصور في الدوله بس واجب على الدوله توفر لهم سبل الراحه

[شبح الصمت]

لا
يا منسدحين يا قاعدين برا في الممرات
ما عندهم حديقه
ما يطلعون في الشمس
الشياب والعجايز متعودين على القعده برا وهناك للاسف محرومين منها
مب قصور في الدوله بس واجب على الدوله توفر لهم سبل الراحه




الدولة مهب مقصرة صدقيني ولو انعرض على المكتب الهندسي مستشفى لهم ومجهز من كل نواحي الراحة لهم ما اتوقع ينرفض ..

خلوهم دام انحرموا من عيالهم مساكين الله يفرح قلوبهم قبل لا يأخذ امانتهم

حسيت نفسي يوم دخلت قلت لا يجي اليوم الي اخلي احد من اهلي اهنيه وما يكون فيني خير ..

الواحد يتحسر اسمع صوت يقولي ما تدري بضروف عياله ..

ارد وقوله اي ظروف الي تخلي الواحد يهملهم ..

دامهم بصحتهم خلوكم وياهم ودامهم بحسهم ..

لا تنسى يوم كنت صغير كانوا يغسلون لك ويسبحونك

والحين من يغسل لهم يكش شعر يمك يوم تبدل لابوك مسكين هالفقير الي على السرير الابيض مسكين اهو مستحي بس شوف اجرك عند رب العالمين ..

اللهم ارحمهما كما ربياني صغيرا

ماني احسن من احد بس رسالتي للكل لكل من نسى والدينه وهملهم ..

الجنة الجنة يا باغي الجنة تحت اقدام الامهات وبطاعة والدينك

[ام السعف]

الدولة مهب مقصرة صدقيني ولو انعرض على المكتب الهندسي مستشفى لهم ومجهز من كل نواحي الراحة لهم ما اتوقع ينرفض ..

خلوهم دام انحرموا من عيالهم مساكين الله يفرح قلوبهم قبل لا يأخذ امانتهم

حسيت نفسي يوم دخلت قلت لا يجي اليوم الي اخلي احد من اهلي اهنيه وما يكون فيني خير ..

الواحد يتحسر اسمع صوت يقولي ما تدري بضروف عياله ..

ارد وقوله اي ظروف الي تخلي الواحد يهملهم ..

دامهم بصحتهم خلوكم وياهم ودامهم بحسهم ..

لا تنسى يوم كنت صغير كانوا يغسلون لك ويسبحونك

والحين من يغسل لهم يكش شعر يمك يوم تبدل لابوك مسكين هالفقير الي على السرير الابيض مسكين اهو مستحي بس شوف اجرك عند رب العالمين ..

اللهم ارحمهما كما ربياني صغيرا

ماني احسن من احد بس رسالتي للكل لكل من نسى والدينه وهملهم ..

الجنة الجنة يا باغي الجنة تحت اقدام الامهات وبطاعة والدينك

اخبر عيالي الكبار يوم كانوا في الصف الخامس والرابع

الدولة اعلنت عن جمع تبرعات لبناء دار للعجزة ،، يومها
رفضت ادفع هالفلوس مب من بخل ،، بس من باب اني ما ازرع
في عيالي فكرة ايواء للعجزة من الأباء والأمهات ،،

لكن اللي صار واااايد تبرعوا في المدارس وبنوا مبنى صوب
الهلال الاحمر القطري ومع الأيام هالمبنى تحول الى فندق
اعتقد اسمه موفنبيك ،،

لو قلنا اللي مساكين لا حول ولا قوة لهم والبيوت غير مؤهلة
للتعامل مع حالاتهم هذيلا نتركهم على صوب ،،

فمن ممكن يحتاج الى حديقة او ساحة وسيعة يا اخوي شبح ؟

اكيد اللي ريولهم شالتهم وعيالهم قاطينهم :"(

الموقف جدا مؤلم ان نشوف اباء وامهات في دور للعجزة
واحنا اللي ديننا من بعد الشرك بالله يعتبر عقوق الوالدين في المرتبة
الثانية من أكبر الكبائر :"(

[hi sky]

الدنيا تدور وكما تدين تدان
شي يعور القلب

[شبح الصمت]

اخبر عيالي الكبار يوم كانوا في الصف الخامس والرابع

الدولة اعلنت عن جمع تبرعات لبناء دار للعجزة ،، يومها
رفضت ادفع هالفلوس مب من بخل ،، بس من باب اني ما ازرع
في عيالي فكرة ايواء للعجزة من الأباء والأمهات ،،


الاستجابة الي جاتك مش من باب اني ما راح اساهم صح من باب انه هؤلاء العجزه لهم حق من ابنائهم ومن باب آخر في عجزه نفس ما قالت اختي فلته ما عندهم عيال ..
من حقهم انه يكون لهم مكان وناس تهتم فيهم لانه ما ظنتي الغريب بيكون قلبه رهيف مثل الابناء ..

لكن اللي صار واااايد تبرعوا في المدارس وبنوا مبنى صوب
الهلال الاحمر القطري ومع الأيام هالمبنى تحول الى فندق
اعتقد اسمه موفنبيك ،،

فلوس راحت وتحولت لفندق غريبه صراحة ..
:(

لو قلنا اللي مساكين لا حول ولا قوة لهم والبيوت غير مؤهلة
للتعامل مع حالاتهم هذيلا نتركهم على صوب ،،

فمن ممكن يحتاج الى حديقة او ساحة وسيعة يا اخوي شبح ؟

يحتاجون اختي الى حديقة والى مكان يكون مؤهل ..
ويحتاجون الى مسجد ومحاضرات دينية تقام
ومحتاجين إلى ناس تذكرهم بالصلاة للبعض منهم


اكيد اللي ريولهم شالتهم وعيالهم قاطينهم :"(

الموقف جدا مؤلم ان نشوف اباء وامهات في دور للعجزة
واحنا اللي ديننا من بعد الشرك بالله يعتبر عقوق الوالدين في المرتبة
الثانية من أكبر الكبائر


الموقف مش مؤلم الا مؤلم من قلب اختي مش انا والا انتي بنجي نحاسبهم رب العباد هو من يحاسبهم احنا ما علينا الا التذكير نذكر انفسنا وغيرنا ..

والله يغفر لنا ويرحمنا برحمته

[شبح الصمت]

الدنيا تدور وكما تدين تدان
شي يعور القلب




الله المستعان
والله يلين قلب كل شخص قاسي على والدينه يآآرب

[طلعة الروح]

مشكور اخوي شبح الصمت ع الموضوع المهم،،
واعتقد انك كفيت ووفيت في التذكير والتنبيه سواء للأولاد المقصرين في حقوق والدينهم أو من ناحية النقاط اللي ذكرتها وهي زيادة اهتمام الدولة بالخدمات المقدمة للمسنين,,
(وذكر فإن الذكرى تنفع المؤمنين)

[khalid525]

جزاك الله خير هالكلام ما يطلع الا من شخص راقي

[alsoq]

وانت دامعك تعرفه اكيد تعرف عياله ليش ما رحت لهم وقلت لهم
وذكرتهم ببر الوالدين اليس من الافضل ان تكتفي بنشر موضوع

انت اخوي مطالب ولك دور لازم تسويه بما انك تعرفه تروح للعياله واذاهم اصغر منك رص عليهم شوي اما اذا كانو بعمرك واكبر انصحهم وقل لهم ابوكم مافيه الى العافيه وانك زرته على الاقل يطلع واحد منهم باقي فيه حيا

[aziz4z]

الله يجزيك على الطرح
و الله شيء مؤلم صراحة , ( وقل رب ارحمهما كما ربياني صغيرا )
اعوذ بالله من قلوب كالحجارة أو أشد قسوة , اللهم ارزقنا بر آبائنا و أمهاتنا

[شبح الصمت]

مشكور اخوي شبح الصمت ع الموضوع المهم،،
واعتقد انك كفيت ووفيت في التذكير والتنبيه سواء للأولاد المقصرين في حقوق والدينهم أو من ناحية النقاط اللي ذكرتها وهي زيادة اهتمام الدولة بالخدمات المقدمة للمسنين,,
(وذكر فإن الذكرى تنفع المؤمنين)

العفو
ما قلت شيء
وقلت من باب التذكير في بر الوالدين للناس الي لهت وخذتها الدنيا ونستها انه في حساب يوم الواحد تتباعد الاقدام ويبقى وحيداً في قبره ..



جزاك الله خير هالكلام ما يطلع الا من شخص راقي

وجزاك اخوي خالد
وإن شاء الله نكون عند حسن ظن الجميع
والله يغفر لنا كان قصرنا في حق والدينا ويرحمنا برحمته .


وانت دامعك تعرفه اكيد تعرف عياله ليش ما رحت لهم وقلت لهم
وذكرتهم ببر الوالدين اليس من الافضل ان تكتفي بنشر موضوع

انت اخوي مطالب ولك دور لازم تسويه بما انك تعرفه تروح للعياله واذاهم اصغر منك رص عليهم شوي اما اذا كانو بعمرك واكبر انصحهم وقل لهم ابوكم مافيه الى العافيه وانك زرته على الاقل يطلع واحد منهم باقي فيه حيا

اكيد لي دور اخوي وكاهو دوري طرحت الموضوع للتذكير للكل وما خصيت فيه الشيبه بس عام للي نسوا والدينهم وخلوهم يموتون بحسرتهم ..
وعياله ابشرك مهب صغار اصغر واحد عمره في الـ 40 ..

للعلم اخوي انا ما قدر اتكلم في هالمواضيع بس اعرف اطرح لانه فيني حيا واستحي اتدخل في خصوصيات العالم الا اذا شخص انا اعرفه عز المعرفة اي اما ذولي ما بيني وبينهم شيء غير السلام وعليكم السلام ..


الله يجزيك على الطرح
و الله شيء مؤلم صراحة , ( وقل رب ارحمهما كما ربياني صغيرا )
اعوذ بالله من قلوب كالحجارة أو أشد قسوة , اللهم ارزقنا بر آبائنا و أمهاتنا




ويجزاك اخوي عزيز
قلوب متحجره الا انعدمت فيها الرحمة انعدم فيها بر الوالدين ..
الانسان المصلي الخايف الله صدقني ما يهملهم لانه تمر عليه الآية الكريمة

﴿وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا﴾ (الإسراء: 23-24).

[شبح الصمت]

http://www.12allchat.com/upload/uploads/images/12d9ea8d7a65.jpg

[قنديلة]

وهل مستشفى الرميلة متأهل من داخل ومهيئة نفسياً لهم ..

سؤالك اخي الكريم اظن اجابته لا
لان المستشفى يفتقر الى الحدائق العامة والمناطق المفتوحة التي ستجعل كبار السن يألفون ويحبون المكان
وياليت يتم تطويره بحيث يحس المريض بألفة نفس اجواء الاسرة

الله يكون بعونهم ويجعل الابناء يبرون بهم