أبشششركم يالمعاريسسس ~ [الأرشيف] - منتديات شبكة الأسهم القطرية

رهج السنابك

20-10-2013, 11:32 AM

ارستقراطية هل تعتقدين انه سوف يكون اقبال على هذه القاعات اذا كانت مجانية ؟

اتوقع اي

لانها فخمه

احنا ليش نظرتنا بس ماديه وماشيين على قاعدة المهايط والمفوشر بالغالي!!

طيب اذا كانت القاعات افخم واشيك مثل الصور اللي شفتها في الجريده هل الناس بتخليها لانها مجانيه او رمزيه وتروح تعرس بقاعات الدفنه او ريجنسي الكحيانه؟

وايد اعرفهم من ربعي وجيرانا اعراسهم في البيوت فلو قارنت عرس ببيت ولا قاعه مجانيه اكيد القاعه بيكون خيارهم

لا هي فشله ولا عيبه
والي بيستحي من الناس
الناس مادروا عنه كلها ليله وكلن بينساها ثاني يوم ويعيش حياته

فلا يصير محور الانسان هو الناس

الزعفراني

20-10-2013, 11:32 AM

جزاهم الله خير ..

بس عندي ملاحظة .. الربع اللي حولي واخوانهم وقرايبهم وعيالهم .. واصدقائي ماشاء الله اشوفهم يعرسون يعني ما ادري وين الناس اللي تشتكي من غلاء تكاليف العرس ؟؟

والحمدلله هالسنة حضرت اعراس لأكثر من 8 من اصدقائي واخوانهم وناس عاديين يعني لا هم مع الناس اللي فوق فوق ولا تحت تحت .. مستورين الحال وامورهم طيبة ومن عامة الشعب يعني ..

فما أدري من اللي يشتكي من غلاء وارتفاع تكاليف العرس ؟؟

وشنهو دخله او وضعه المادي عشان نقدر نقارنه مع الربع والناس اللي نعرفهم ويتزوجون عادي مافي مشاكل ؟؟؟

يعني اللي اشوفه الكل يتزوج رغم ارتفاع التكاليف وما اشوف هالارتفاع مبرر لترددهم او احجامهم عن الزواج ؟؟

مدري كلامي صح والا انا غلطان ؟

:rolleyes2:

مهرة

20-10-2013, 11:32 AM

الله متى بنكحل عيونا .. خسارة طافتنا :shy: اذا هي صج راح تكون بمستوى الصور الي شفناها ..؟؟

بس يطلعون قرار الي معرس من قبل لا يعطونه اي قاعة عطوا غيركم فرصة:ok2:

لاجل QT

20-10-2013, 11:41 AM

مبروك شي جميل ورائع في ميزان حسناتهم

باقي المخ التنخ عند البعض يتغير ويهتمون بما هو اهم من الاسراف والبذخ والمفوشر الكذاب

احتمال كبير يكون في تعالي من البعض بو مخوخ تنخه عن هالقاعات على اساس انها تسهيل من الدولة فايعطيهم احساس بالغرور والتعالي

انا اسوي قاعة عرسي في هالقاعات...بتسمعونها واايد من المخخوخ التنخة

Aaziz

20-10-2013, 11:44 AM

اذكرو الله ياجماعة
لاتبون ترحمون ولا تبون رحمه الله تنزل !!!

في اعتقادي الاقبال راح يكون كبير على القاعات بشرط بسيط جدا
وهو جودة القاعات من ناحية النظافة و الخدمات.

هذي القاعات لازم تكون تابعه لجهة حكومية نشيطة و دقيقه.

بحاول احط نفسي مسؤول عن هذي القاعات.

1- راح احط تكلفة ماليه لاستئجار القاعات و يتم حسابها كالتالي : رواتب العاملين في القاعات + تكلفه تقديرية لصيانه دورية للقاعات + جزء بسيط يؤخذ تحسبا لاي اعمال تطوير مستقبليه ،،، تجمع هذه التكلفه و تقم على 12 (شهر) و اتوقع بين 10 و 15 الف بتكون مناسبة.

2- راح احط نظام سيكيورتي عالي (موظفين امن شبه عساكر) لمنع التجاوزات اثناء حفل الزواج.

2- يوخذ مبلغ تامين من المعرس تحسبا لاي اضرار ( مثل التامين على العنن) يسترد بعد اسبوع من حفل الزواج.

3- تعيين طاقم محترف جدا لتقديم خدمات النظافة خلال و بعد حفل الزواج.

4- توفير خدمات الضيافه (مقهوين و مقهويات) في حال رغب الشخص بذلك مقابل مبلغ اضافي.

5- توفير مطابخ لطبخ الذبائح في حال رغب الشخص بذلك مقابل مبلغ. وقس على ذلك باقي الطلبات.

6- تعيين اشخاص متواجدين في كل قاعه كشخص مسؤول لمنع اي تجاوز و في حال عدم التعاون يتم طلب جهات الامن (الشرطة) و ايضا لرصد اي تقصير قد يحدث من قبل مقدمي الخدمة.

هذا الي عندي و ممكن يستفيدون الجماعة من افكارنا.

ام ناصر1

20-10-2013, 12:02 PM

لاجل QT

20-10-2013, 12:16 PM

رد عجيب احييج عليه :nice:

كلن اعيال قرية وكلن يعرف اخيه:)

ادريبهم تعلموني عنهم:)

اتمنى نرجع جميعا للسنة في اعراسنا..

ولي امر الطرفين اشهار مهر وخلصنا

يعنى مو لازم قاعات وطقوق وطبل والله كلها مالها لازمة

عقب العرس يجون الناس يباركون وخلصنا

متى نتطور ونتبع دينا وسنة نبينا

كازانوفا

20-10-2013, 12:23 PM

ياريت تنزلو الصور كنوع من التشجيع

الشامخ

20-10-2013, 12:27 PM

اتوقع قله قليله الي ترضى تسوي عرسها في قاعه بو بلاش

خلها تقعد في بيت ابوها وخل الهياط والمفوشر ينفعها .

الشي اللي يضحك عندنا ان تكاليف عرس الحريم اكثر من المهر

ha083939

20-10-2013, 01:27 PM

هل هذا القانون بس حق المواطنين ولا حتى للمواطنات الي بتزوج اجنبي

R 7 A L

20-10-2013, 01:31 PM

القاعات وانحلت مشكلتها

بس بعض العقول صعب حل مشكلتها
يبي لها تبديل

سهم عتيج

20-10-2013, 01:40 PM

اتوقع قله قليله الي ترضى تسوي عرسها في قاعه بو بلاش

بصراحة اللي ترفض اقامة عرسها عشان القاعة ببلاش او باسعار رمزية حتى لو كانت القاعة فخمة وتؤدي الغرض،، فعلى الزوج اعادة النظر بالارتباط بها من الاساس،، لانها راح تتعب زوجها مستقبلا

والله اعلم

ام السعف

20-10-2013, 01:43 PM

بصراحة اللي ترفض اقامة عرسها عشان القاعة ببلاش او باسعار رمزية حتى لو كانت القاعة فخمة وتؤدي الغرض،، فعلى الزوج اعادة النظر بالارتباط بها من الاساس،، لانها راح تتعب زوجها مستقبلا

والله اعلم
يوووه
بتخرب بيوت بسبة اقتراحك يا اخوي سهم ،،

انت لو تاخذ لفة على عقليات الناس بتحس ان محد بيتزوج
والمشكلة لو كلمت رجال البيت تحصله يعند في رايه اكثر من الحريم ،،

رهج السنابك

20-10-2013, 01:43 PM

رهج السنابك

20-10-2013, 01:45 PM

هل هذا القانون بس حق المواطنين ولا حتى للمواطنات الي بتزوج اجنبي

اممم فكره طيبه ان شاء الله تكون تشمل المواطنات بعد

ام السعف

20-10-2013, 01:48 PM

اممم فكره طيبه ان شاء الله تكون تشمل المواطنات بعد

بيعترضون الرجال :shy:

سهم عتيج

20-10-2013, 01:53 PM

يوووه
بتخرب بيوت بسبة اقتراحك يا اخوي سهم ،،

انت لو تاخذ لفة على عقليات الناس بتحس ان محد بيتزوج
والمشكلة لو كلمت رجال البيت تحصله يعند في رايه اكثر من الحريم ،،

عين الحكمة والعقل

بيكون هذا اول اختبار لمدى عقلية الزوجة ونضج تفكيرها هل بتنجح فيه او تفشل

لكن المشكلة احيانا يكون الشاب هو المهايطي :)

نعم هذا يعتبر اختبار حقيقي اول للمعرس لزوجته

نعم كثير من الشباب في بداية حياته الزوجية يكون منقادا لرأي الحريم،، ويعتقد بانه عندما يصر على اقامة عرس اسطوري بانه حقق الهدف وسيسكت كل الالسن

كثير من البنات ينتظرن العرس،، ولكنهن لايستطعن ان يدركن ان العرس ينتهي بعد ساعات قليلة من اقامته

من خلال نظرة تحليلية على عدد ايامنا في الحياة اذا افترضنا ان الانسان سيعيش 60 عاما

اي ان هناك حوالي 22 الف يوم في حياتنا ،، ويوم العرس يوم واحد من ال 22 الف يوم

فهل هذا اليوم يجب التحضير والتفكير به قبل كم الف يوم واثاره السلبية او الايجابية قد تمتد كم الف يوم بعده :secret:

رهج السنابك

20-10-2013, 02:05 PM

بيعترضون الرجال :shy:

شو علينا خيتو

جمعيات حقوق المرأه بتتصدى لهم:tease:

رهج السنابك

20-10-2013, 02:07 PM

نعم هذا يعتبر اختبار حقيقي اول للمعرس لزوجته

نعم كثير من الشباب في بداية حياته الزوجية يكون منقادا لرأي الحريم،، ويعتقد بانه عندما يصر على اقامة عرس اسطوري بانه حقق الهدف وسيسكت كل الالسن

كثير من البنات ينتظرن العرس،، ولكنهن لايستطعن ان يدركن ان العرس ينتهي بعد ساعات قليلة من اقامته

من خلال نظرة تحليلية على عدد ايامنا في الحياة اذا افترضنا ان الانسان سيعيش 60 عاما

اي ان هناك حوالي 22 الف يوم في حياتنا ،، ويوم العرس يوم واحد من ال 22 الف يوم

فهل هذا اليوم يجب التحضير والتفكير به قبل كم الف يوم واثاره السلبية او الايجابية قد تمتد كم الف يوم بعده :secret:

اي ريال يسمع شور الحريم (حريم هالوقت) ويطيعهم مع احترامي له .....طووووووط (كلمة مشفره)

رهج السنابك

20-10-2013, 02:10 PM

خلها تقعد في بيت ابوها وخل الهياط والمفوشر ينفعها .

الشي اللي يضحك عندنا ان تكاليف عرس الحريم اكثر من المهر

صحيح عشان جذي اعراسنا الباذخه مافيها بركة عكس العرب والاجانب حياتهم الزوجيه ياخذون عليها اليوبيل الفضي تعمر فوق 25سنه

في الاحصائيات اعلى نسب طلاق في قطر والخليج
في اخر احصائيه في قطر وصلت نسبه الطلاق 50٪ خلال اول سنتين زواج !! مايعني ان نص المتزوجين تطلقوا!!

شبح الصمت

20-10-2013, 02:14 PM

الله يبشرج بالجنة

سهم عتيج

20-10-2013, 02:16 PM

اي ريال يسمع شور الحريم (حريم هالوقت) ويطيعهم مع احترامي له .....طووووووط (كلمة مشفره)

معليش اختي،، الشاب في بداية حياته عندما يتقدم للخطبة قد يكون حياوي ،، وقد يخشى ان يقال عنه بخيل او ما الى ذلك،، لذلك قد يسمع شور الحريم،، ولكن عندما يستمر على هذا النهج بعد الزواج فهنا نضع علامة استفهام

بس بعد المفروض هناك اشارات يجب على الرجل او المرأة ايضا ان يضعا لها خطوطا حمراء مثل ان يوقف الطلبات الغير معقولة والتي تتجاوز الحد المعقول ،، لان تجاوز مثل هذه الخطوط ستفتح الاشارة الخضراء على طول في حياته وستنتهي اما بحادث مأساوي يؤدي الى انتهاء حياته الزوجية او الانقياد لها بالطاعة على طول خط الزواج :secret:

OM_OMAR_QATAR

20-10-2013, 02:25 PM

جزاهم الله خير ..

مراد2015

20-10-2013, 02:35 PM

بصراحة اللي ترفض اقامة عرسها عشان القاعة ببلاش او باسعار رمزية حتى لو كانت القاعة فخمة وتؤدي الغرض،، فعلى الزوج اعادة النظر بالارتباط بها من الاساس،، لانها راح تتعب زوجها مستقبلا

والله اعلم

سهم عتيج كلامك مضبوط:nice::nice::nice::nice:

اللي راهي لايسوي فيها عرس او حفلة يوفر علينا يا المحتاجين

بسسسسسسسسسسسسسسسسسسسسسسسسسسسسسسسسسس

صدقوني قاعات فخمة على احدث طراز حتى( المقتدر راح ينافس يسوي فيها حفلات)

اهم شي احجزو من الحين

الله يوفقكم

وجزاها الله خير سمو الامير واللة يحفظة

راحت عليهم هل القاعات التجارية

بنت شرق

20-10-2013, 03:38 PM

سهم عتيج كلامك مضبوط:nice::nice::nice::nice:

اللي راهي لايسوي فيها عرس او حفلة يوفر علينا يا المحتاجين

بسسسسسسسسسسسسسسسسسسسسسسسسسسسسسسسسسس

صدقوني قاعات فخمة على احدث طراز حتى( المقتدر راح ينافس يسوي فيها حفلات)

اهم شي احجزو من الحين

الله يوفقكم

وجزاها الله خير سمو الامير واللة يحفظة

راحت عليهم هل القاعات التجارية

اخاف على القاعات منهم ممكن يفنتكون لضربها اذا خسروا بسببها وكانوا واصلين
على قولة فلتة زمانها خلو مال بو بلاش للفقارى

بوعلاوي

20-10-2013, 03:44 PM

الف مبروووووك مقدما للمتزوجين

طلعة الروح

20-10-2013, 03:51 PM

شكرا الارستقراطية على نقل الخبر المهم ، كلنا بانتظار الانجاز النهائي للمشروع واحب اشكر كذلك جهود واهتمام سمو الأمير بانشاء قاعات لأعراس المواطنين والمواطنات،،،

واعتقد أن القاعات موجهه للزواجات الخاصه بالقطريين من القطريات فقط ع حسب علمي من يوم مابدوا يتكلمون عن المشروع،، اللي عنده معلومه ثانية ياريت يذكرها...

واحب أشكر الأخ عزيز على ذكره نقطه مهمه اللي هي الاهتمام بالصيانه الدورية والخدمات الضرورية والنظافة في تلك القاعات كي تأتي بثمارها والمبالغ التي صرفت عليها على أكمل وجه لضمان استمرارية جذب المواطنين على اقامة حفلات الاعراس بها،،

الدور الباقي على الشباب والاسر القطرية بالتشجيع والتركيز على استعمال القاعات الجديده واللي اتمنى ان يتم استغلالها بشكل جيد وان يعود الأمر بالنفع على الجميع باذن الله،،

فلتة زمانها

20-10-2013, 04:07 PM

بصراحة اللي ترفض اقامة عرسها عشان القاعة ببلاش او باسعار رمزية حتى لو كانت القاعة فخمة وتؤدي الغرض،، فعلى الزوج اعادة النظر بالارتباط بها من الاساس،، لانها راح تتعب زوجها مستقبلا

والله اعلم

اخوي سهم عتيج قريت في منتديات اماراتية ان القاعات المجانية عندهم شبة مهجورة
والسبب ان هالقاعات تاثر على مكانتهم الاجتماعية ويفضلون البذخ وصرف مبالغ خياليه
من جذيه توقعت محد يحجز فيها الا قلة قليلة وان شاءالله ظني يخيب

هذا رابط للخبر
http://www.emaratalyoum.com/local-section/other/2012-12-21-1.535193

طلعة الروح

20-10-2013, 04:16 PM

اخوي سهم عتيج قريت في منتديات اماراتية ان القاعات المجانية عندهم شبة مهجورة
والسبب ان هالقاعات تاثر على مكانتهم الاجتماعية ويفضلون البذخ وصرف مبالغ خياليه
من جذيه توقعت محد يحجز فيها الا قلة قليلة وان شاءالله ظني يخيب

هذا رابط للخبر
http://www.emaratalyoum.com/local-section/other/2012-12-21-1.535193

خلكم ايجابين وخلونا ناخذ الزين ونترك الشين من كل ثقافة ومن كل بلد ، لازم نشوف غيرنا ونقلده يعني ولا ما نرتاح!!!

عموما كل واحد عقله براسه، واللي يبي يوفر على عمره مبلغ وقدره وبتشجيع من الدولة اللي بنت لكم كل ما هو راقي عشان تخفف عنكم التكاليف ما اعتقد ان في حد بيطلع ويقول عن المعرس بخيل ، نفس ما لما الدولة عطتهم اراضي وقروض عشان يبنون بيوتهم، فهل يوم قبلتوا هالبيوت والاراضي يعني هاي بخل من المواطن اللي ماشرا البيت من جيبه الخاص ولا هو حق من حقوق المواطن!! ، وقس على ذلك كل الأمور,,,

رحال

20-10-2013, 04:30 PM

اتوقع قله قليله الي ترضى تسوي عرسها في قاعه بو بلاش

خذوهم فقراء يغنيكم الله ..

سهم عتيج

20-10-2013, 05:04 PM

khalid525

20-10-2013, 06:02 PM

اتوقع اي

لانها فخمه

احنا ليش نظرتنا بس ماديه وماشيين على قاعدة المهايط والمفوشر بالغالي!!

طيب اذا كانت القاعات افخم واشيك مثل الصور اللي شفتها في الجريده هل الناس بتخليها لانها مجانيه او رمزيه وتروح تعرس بقاعات الدفنه او ريجنسي الكحيانه؟

وايد اعرفهم من ربعي وجيرانا اعراسهم في البيوت فلو قارنت عرس ببيت ولا قاعه مجانيه اكيد القاعه بيكون خيارهم

لا هي فشله ولا عيبه
والي بيستحي من الناس
الناس مادروا عنه كلها ليله وكلن بينساها ثاني يوم ويعيش حياته

فلا يصير محور الانسان هو الناس

ياليت الكل يفكرون بهالطريقة ، اتمنى كل الشباب يعرسون فيها وتكون مشروع ناجح يقتدى فيه في جميع المناطق .

khalid525

20-10-2013, 06:05 PM

Mohammed2

20-10-2013, 06:40 PM

لكن كيف نظام هذي القاعات؟
هل العشى يكون على حساب المعرس او العشى يكون مع القاعه؟

وهل فيها سويت للمبيت للمعرس والعروس؟

الدمعه

20-10-2013, 09:49 PM

اذا كانت القاعه بتتم نظيفه والخدمة فيها بتكون عاليه ،،

مبرووك مقدما للي بيعرسون فيها ،،،

اتوقع ان العشا يكون على المعرس لانهم بيوفرون القاعه بس ،،،

ومب مشكله مب من غلاة العشا ،،،

وعاد لاتطمعون اهم شي القاعه وهذا هي توفرت ،،،

بوخالد911

20-10-2013, 10:04 PM

الله يبارك فيهم

والله يهني سعيد بسعيدة

مشاكل

20-10-2013, 10:05 PM

ماشالله تبارك الله
خطوة ممتازة

kitmat

20-10-2013, 10:50 PM

وبس انتو ماتفكرون الا في التعدد ماتفكرون في عواقب التعدد

فااارس قطر

21-10-2013, 01:14 AM

اتوقع قله قليله الي ترضى تسوي عرسها في قاعه بو بلاش

والسبب باعتقادج !!!

توشيبا

21-10-2013, 02:56 AM

والسبب باعتقادج !!!

بيقلون قاعد عيال الفقر

حتي الفقير بيقول نفسهم قاعده عيال فقر

اذا صار هالشي الافضل الدوله تحط لها اسعار اغلئ من اسعار القاعات الثانيه علي شان يرضون فيها

w.qatar

21-10-2013, 08:06 AM

انا حضرت اكثر من عرس فالامارات في القاعات المدعومه من الدوله و ما عليكم من اللي يقولون ما عليها اقبال الا عليها اقبال و شكثر ناس يدورون حجز فيها

و انا اتوقع يكون عليها اقبال كبير من كثير من البنات ترا مب كل البنات راعيات مفوشر و هالنوعيه عندهم القاعات التجاريه

و اساسا الناس بيصرفون عليها بعد ترا القاعه مب بلاش يبي لها تجهيزات طاولات و ورد و توزيعات بدال ما يحجزون بسعر و يجهزون القاعه بسعر ثاني يوفرون و يخلون فلوسهم للتجهيزات و التعديلات اللي في خاطرهم

قطري2022

21-10-2013, 08:12 AM

نشكر سمو الامير على القرار الحكيم ، بس اتمنى من بعض الناس انهم ما ينظرون نظرة دونية للقاعات المجانية ، و لا ينظرون بنظرات دونية للناس الي يسوون اعراسهم في هالقاعات المجانية ، و واتمنى ان ما نركز على المظاهر وايد .

طموحي عالي

21-10-2013, 08:16 AM

ماشاء الله الحمدلله
كوني انثى
ونظرا للي يقولون البنات يحبون المفوشر

انا عن نفسي اوافق وبشده ان يكون عرسي بالقاعه ذي

صح بلاش لكن الريال بيكت عالتجهيز وعلى وعلى وعلى مافيس حاجه ببلاش

العنيده

21-10-2013, 09:02 AM

نتمنى من البنات قبول حفلات الزفاف في هالقاعات

اللي تبي الستر بتوافق .. ماتفرق هالقاعات عن القاعات الثانيه مكان يشيل المدعوين ..
ربي يتمم للجميع على خير ان شاء الله ..

قطريه ماركه

21-10-2013, 09:36 AM

الله اييسر لهم

تحداني

21-10-2013, 10:15 AM

القاعات وانحلت مشكلتها

بس بعض العقول صعب حل مشكلتها
يبي لها تبديل

ايييييييه يا اخوي رحال
الكلام عن العقول يطول
لكن ما نقول غير الله لا يبلانا فيهم وبمن كان على شاكلتهم

يوووه
بتخرب بيوت بسبة اقتراحك يا اخوي سهم ،،

انت لو تاخذ لفة على عقليات الناس بتحس ان محد بيتزوج
والمشكلة لو كلمت رجال البيت تحصله يعند في رايه اكثر من الحريم ،،

يقول لج ننوسه .. لما اتروح السكره .. تجي الفكره
وقتها عاد خلاص .. توزعت الارزاق
عقليات لا ادري من اي مختبر او معمل تم تركيب محتوياتها
ادورين عاقل امبينهم ما تلقين
جيب وحط وادفع
وتالي يصيح من الاديون .. ياخي وين كان مخك ؟؟ سؤال راح يفجر تفكيري المتواضع
وحشتيني :shy:

عين الحكمة والعقل

بيكون هذا اول اختبار لمدى عقلية الزوجة ونضج تفكيرها هل بتنجح فيه او تفشل

لكن المشكلة احيانا يكون الشاب هو المهايطي :)

اشيبون في عقليه يا حبيبه قلبي
على قوله واحد الله يذكره بالخير .. ليش انا ابي افتح شركه ههههه انا ابي اتزوج
طيب انت الي تبي تتزج بتعيش مع من ؟؟ مع طوفه ولا مع بني آدم
انت لما اتقرر تزوج شيهمك من هالزواج ؟؟ بس البشت .. بس انه يقولون عنك صرت مثل باقي الشباب .. بس عشان اتصير اب .. بس عشان ترضي الوالد والوالده
دخيل الله شغلوا مخكم ..

اقسم بالله معظم حالات الزواج ماشيه على البركه
يعني اثنين امجابلين بعض ولا عارفين وين الله قاطهم
وخذي اعيال ورى اعيال
لا اهداف
لا احلام
لا تخطيط
لا نقاش
لا تربيه لهالاعيال مثل الناس
ما غير يتشكون من الافلوس ومن الاديون
اللهم لا شماته .. واللهم عافنا مما بلاهم وفضلنا على كثير من الخلق
جيل منتهي " البعض الاكثر "

نعم هذا يعتبر اختبار حقيقي اول للمعرس لزوجته

نعم كثير من الشباب في بداية حياته الزوجية يكون منقادا لرأي الحريم،، ويعتقد بانه عندما يصر على اقامة عرس اسطوري بانه حقق الهدف وسيسكت كل الالسن

كثير من البنات ينتظرن العرس،، ولكنهن لايستطعن ان يدركن ان العرس ينتهي بعد ساعات قليلة من اقامته

من خلال نظرة تحليلية على عدد ايامنا في الحياة اذا افترضنا ان الانسان سيعيش 60 عاما

اي ان هناك حوالي 22 الف يوم في حياتنا ،، ويوم العرس يوم واحد من ال 22 الف يوم

فهل هذا اليوم يجب التحضير والتفكير به قبل كم الف يوم واثاره السلبية او الايجابية قد تمتد كم الف يوم بعده :secret:

لو من كل 10 شباب شاب واحد فكر ابهالطريقه
ولو من كل 10 بنات .. بنت وحده فكرت ابهالطريقه
كان شفنا ابيوت تشع من الحب .. وينضرب فيها المثل

لكن هالزمن .. العقل ادفنوه في مقبره التخلف
وصار البعض الاكثر عايش على مزاج الناس

تحداني

21-10-2013, 10:18 AM

انا ما يقهرني الا بعد وجهه الفقر
عايشه على حصير وتذبح وتتشرط على اعيال الناس

لا واتقول له من قال لك اطق باب البيت لو ما عندك فلوس
اقول اسكتي لا يضحكون عليج الناس

والي يبي يفاشر ابقاعه وابكوشه .. اقول لها ترى اعيال العز اشبعوا من هالمظاهر ولاعت اجبودهم وصاروا يعتبرون هالسلوكيات سلوكيات ناس ناقصها اشويه عقل

اما اعيال الفقر يمكن يستانسون لانهم داخلين على صفقه مب على زواج

فلتة زمانها

21-10-2013, 10:23 AM

هدي هدي شوي اختي تحداني
انت ليش معصبه :(

تحداني

21-10-2013, 10:25 AM

هدي هدي شوي اختي تحداني
انت ليش معصبه :(

لان والله حرام الي يصير
ولد افقير توه في بدايه طريق حياته
ولاعنين شكله طلبات

انزين ليييييييييييييش
من قاص عليهم ابخدعه اسمها " ليله في العمر "
خاطري اقتل صاحب هالمقوله

:weeping:
:weeping:

w.qatar

21-10-2013, 10:28 AM

هههههههههه حاسه فيج تحداني انا استغرب من هالبنات ما عندهم اخوان ما يشوفون هالمعرس مسكين شلون يتلته بين هالطلبات و الاسعار الخيالية لين يحدونه على قرض 500 الف او اكثر

الكلدي

21-10-2013, 10:33 AM

جمله راح تسمعونها وايد

انا بنت ناس عبالك ماخذ ((تووووووووت))

تحداني

21-10-2013, 10:35 AM

هههههههههه حاسه فيج تحداني انا استغرب من هالبنات ما عندهم اخوان ما يشوفون هالمعرس مسكين شلون يتلته بين هالطلبات و الاسعار الخيالية لين يحدونه على قرض 500 الف او اكثر

والله العظيم صدقيني .. لو هالشي يصير لواحد من اخوانهم وقتها بيحسون
او يمكن ما يحسون .. :( لو هالافلوس طالعه من جيبهم او جيب ابوهم بيعرفون
ايش يسوى اتلتهين ولد الناس
على شنو ودي افهم

على كوشه ؟؟؟ على فستان اب40 ولا اب50 لا راح ولا جى
عشان يقولون الاميره البست وحطت
عشان ليله ابهالعمر امحق ليله

ليكون هي اول عروسه ابهالكون
ويتم هالشاب يسدد في هالاقساط عشان خاطر اشويه غرور
واشويه رغبات تافهه ابداخلها

ووعليه عليه هالشاب يقبل شروطهم حسباله انها شروط عاديه
وعلى قوله اخونه سهم عتيج يستحي يتكلمون عنه :(

مب حرام :weeping:

فلتة زمانها

21-10-2013, 10:38 AM

لان والله حرام الي يصير
ولد افقير توه في بدايه طريق حياته
ولاعنين شكله طلبات

انزين ليييييييييييييش
من قاص عليهم ابخدعه اسمها " ليله في العمر "
خاطري اقتل صاحب هالمقوله

:weeping:
:weeping:

شنسوي يا تحداني
ما نقدر نغير هالثقافة السائدة ولاحظي الزبو والمفوشر
زاد في المجتمع بشكل غير طبيعي في السنوات الاخيره
محد راضي يعيش على قده

عيل وحده تقول لرفيجتها
البسي فستان ماركه في عرسي ولا تحرجيني جدام هلي :omg:
انزين يمكن البنت ميزانيتها ماتسمح :(

حسن

21-10-2013, 10:42 AM

شي طيب والمفروض كانت من زمان هذه القاعات مهب الحين

بس الظاهر اعضاء الشورى مافيهم فقير

:)

تحداني

21-10-2013, 10:42 AM

شنسوي يا تحداني
ما نقدر نغير هالثقافة السائدة ولاحظي الزبو والمفوشر
زاد في المجتمع بشكل غير طبيعي في السنوات الاخيره
محد راضي يعيش على قده

عيل وحده تقول لرفيجتها
البسي فستان ماركه في عرسي ولا تحرجيني جدام هلي :omg:
انزين يمكن البنت ميزانيتها ماتسمح :(

لازم تتغير هالثقافه لازم :weeping:
ولا بتصير كوارث
الناس اتفاشر على ايش
على شنطه .. على ملابس .. على جوتي
ليش نسوا الناس ان الحين الحياه طيبه والحمد لله الكل في عز وعلى قده
ليش نسوا الناس ان العالم اليوم صار مفتوح والكل قادر يجيب كل شي
ليش ما يشوفون نماذج راهيه في هالمجتمع تتزوج في حوش وفي خيمه
وين اعيونهم واعقولهم

هاذي الي قالت حق رفيجتها البسي فستان ماركه اشلون بتتزوج
اشلون بيعيش معاها زوجها

تلقينه يا حزن قلبي افقير مسكين على وجهه
للحين ما عاشرها عدل ولا قدر يوصل لهالنقطه في مخها
الله يعينه

:weeping:

تحداني

21-10-2013, 10:43 AM

شي طيب والمفروض كانت من زمان هذه القاعات مهب الحين

بس الظاهر اعضاء الشورى مافيهم فقير

:)

الفقير شخص واحد بس
الي يحط رغباته واهتماماته في تفاهات الدنيا بس
وغير هالشي الكل الحمد لله رب العالين في خير ونعمه

قطري2022

21-10-2013, 10:45 AM

الزواج مشروع و يجب انجاحه ، و ليس مجرد حفلة خطوبة و حفلة زفاف و ابهار للمعازيم .

حسن

21-10-2013, 10:58 AM

الفقير شخص واحد بس
الي يحط رغباته واهتماماته في تفاهات الدنيا بس
وغير هالشي الكل الحمد لله رب العالين في خير ونعمه

المشكله في نظرك هذه تفاهات وفي نظر غيرك الكثير منهم هي من الاساسيات والضروريات

شوفي ان اعندي نظريه اخري

الاحتكار له مساؤي كثيره والناس ماتتسنع لما يشوفون المصيبه حلت عليهم

انا اطالب من من منبري هذا فتح الزواج على مصراعيه من أي بلد ما اللي يبي يتزوج يتزوج مااقعد اتكرم عليه بزواج هذا لو في الغرب كان شنو حرب عبوديه نكرا

افتحو والغو سالفه موافقه الداخليه ومن هل الخرابيط

شوفو شلون بيسير التغير

:victory:

مهرة

21-10-2013, 11:17 AM

اذيتونا يلا مناك اووف ياااااااااااااااه ..!!

ايه والله شاب مثل الورد مسكين فقير منتف عاشق ولهان عيونه ذبلانه ماعنده حق الكرك ويبي يعرس:weeping: وعليا عليه

والبنت هي الشريرة الي ماتراعي والي تبي وتبي وتهلك المسكين طلبات وماترضى الا مثل فلانه وماتسوي الا احسن من علانه وتخسر مخاسير بالشي الفلاني كله عشان كلام الناس والحريم السخيفات المهفوفات وعلى قولتهم وهي ماتسوى جيكر مقعدة حتى المكياج مانفع وياها يالله يالله المكياج يطلع كم وحدة مقبولة من بين المعازيم ..!!

بس أعذار ومافيه أحسن منكم يالشباب في الأعذار والترقيع حق بعضكم :anger1: يمه منكم والا ديونكم كلها واغلبها على سيايركم ..!

انتو من؟؟؟:anger1:

ترى حججكم قديمة مغبرة البنت وامها مايبون الا المفوشر ولا غلاء المهور ولا غلاء المعيشة ولا مافيه مثل حريم قبل )) اوووف شنو تنرفز هالكلمة:rolleyes2: روحو عننكم ابرك وطبخوا مجابيسكم السامجة مادري المالحة ..

ترى والله ثم والله انه بناتنا مافيهم الا الخير والبركة واغلبهم يبون الستر والزواج الميسر الي تبيه فستان ابيض كبياض قلبها الصافي وطرحة خفيفة كروحها الخفيفة وعرس زوين على قدك وعلى الي عندك ياعريس الغفلة.. فيه منهم الي تقول بسوي وبسوي وابي واحد جذيه جذاك بس في الأخير اول وسيم يدق باب بيتهم بتوافق على طوووووول.. ( يحمد ربه انها وافقت وبيتزوج وبيصير اب بعد) قوية والله اخيراً بيصير مسؤول؟؟

اقول لك انت وياه ترى في اختراع اسمه فرشاة ومعجون يالي تعيبون على من تحط المكياج:tease:

رهج السنابك

21-10-2013, 12:03 PM

الاسبوع اللي طاف شفت فيلم امريكي

الا البنات يتطنزون على رفيجتهم شلون بتلبس فستان No brand فستان زواجها مب ماركة ومب من مصمم معروف

قلت في خاطري الظاهر الامريكان صادهم طشار من ربعنا انعدوا منا ولا ماخبري الاجانب يهتمون لهالسوالف ماركات ومصممين ومدري شنو

رهج السنابك

21-10-2013, 12:08 PM

ايييييييه يا اخوي رحال
الكلام عن العقول يطول
لكن ما نقول غير الله لا يبلانا فيهم وبمن كان على شاكلتهم

يقول لج ننوسه .. لما اتروح السكره .. تجي الفكره
وقتها عاد خلاص .. توزعت الارزاق
عقليات لا ادري من اي مختبر او معمل تم تركيب محتوياتها
ادورين عاقل امبينهم ما تلقين
جيب وحط وادفع
وتالي يصيح من الاديون .. ياخي وين كان مخك ؟؟ سؤال راح يفجر تفكيري المتواضع
وحشتيني :shy:

اشيبون في عقليه يا حبيبه قلبي
على قوله واحد الله يذكره بالخير .. ليش انا ابي افتح شركه ههههه انا ابي اتزوج
طيب انت الي تبي تتزج بتعيش مع من ؟؟ مع طوفه ولا مع بني آدم
انت لما اتقرر تزوج شيهمك من هالزواج ؟؟ بس البشت .. بس انه يقولون عنك صرت مثل باقي الشباب .. بس عشان اتصير اب .. بس عشان ترضي الوالد والوالده
دخيل الله شغلوا مخكم ..

اقسم بالله معظم حالات الزواج ماشيه على البركه
يعني اثنين امجابلين بعض ولا عارفين وين الله قاطهم
وخذي اعيال ورى اعيال
لا اهداف
لا احلام
لا تخطيط
لا نقاش
لا تربيه لهالاعيال مثل الناس
ما غير يتشكون من الافلوس ومن الاديون
اللهم لا شماته .. واللهم عافنا مما بلاهم وفضلنا على كثير من الخلق
جيل منتهي " البعض الاكثر "

لو من كل 10 شباب شاب واحد فكر ابهالطريقه
ولو من كل 10 بنات .. بنت وحده فكرت ابهالطريقه
كان شفنا ابيوت تشع من الحب .. وينضرب فيها المثل

لكن هالزمن .. العقل ادفنوه في مقبره التخلف
وصار البعض الاكثر عايش على مزاج الناس

صح يا تحداني مب وايد اللي يفكر في عقليه اللي بيتزوجها لكن صدقيني في البداية ممكن ينبهر بسوالف ثانيه مثل انها جميله او انيقه او بنت العايله الفلانيه او لاي سبب كان
لكن مع الوقت بيكتشف ان انبهاره بالثانويات بيدمر حياته اذا خذا وحده خفيفه عقل وتفكيرها سطحي وماهمها من الدنيا الا المراية والترزز بالملابس

العقل قيمة لمن لا يعقل :)

الزوجه الناضجة فكريا كنز

رهج السنابك

21-10-2013, 12:10 PM

جمله راح تسمعونها وايد

انا بنت ناس عبالك ماخذ ((تووووووووت))

كل البنات بنات ناس عيل بنات افوكادو!

رهج السنابك

21-10-2013, 12:11 PM

رهج السنابك

21-10-2013, 12:11 PM

لكن كيف نظام هذي القاعات؟
هل العشى يكون على حساب المعرس او العشى يكون مع القاعه؟

وهل فيها سويت للمبيت للمعرس والعروس؟

هههههههههههه اشدعوه تبي كل شي ببلاش

العشا ان كثر 5 الالاف
والسويت للمبيت الفين او ثلاثه مب شي ينشال همه

الـراسي

21-10-2013, 12:18 PM

بيض الله وجه القايمين على المشروع

وبخصوص اللي متزوج يشد حيله على شان ياخذ الثانية

نبي نقضي على العنوسه

:thumbup:

رهج السنابك

21-10-2013, 12:29 PM

بيض الله وجه القايمين على المشروع

وبخصوص اللي متزوج يشد حيله على شان ياخذ الثانية

نبي نقضي على العنوسه

:thumbup:

ترا العنوسة مب آفه تحتاج للقضاء عليها !!

قولوا الصج نبي نعدد ونستانس ونكسر الروتين

اما عنوسه ما عنوسه ماتمشي علينا

ام السعف

21-10-2013, 12:40 PM

هههههههههههه اشدعوه تبي كل شي ببلاش

العشا ان كثر 5 الالاف
والسويت للمبيت الفين او ثلاثه مب شي ينشال همه

يا حليج يا الارستقراطية

اشدعوة العشا 5 الاف :(

بتعزمين 100 شخص ؟

اذا 100 شخص بيطلع عليج 7 الاف

لأن الحين ارخص تسعيرة من المطاعم مب الهاي كلاس تلقين
الراس ب 70 ريال ،،

فـ 300 * 70 = 21000
بعد احسن من النصب اللي يصير يوم انأجر القاعات
اقل شي 220 ريال للراس ،،

الحين التضضيف يبي لهم ناس
والديزرت يبي لهم ناس
وتجهيزات الطاولات يبي لهم ميزانية تعادل اضعاف ميزانية
العشا ،،
الكوشة
الطقاقات.....................> اوبيه مالت اول ام السعف
الحين مطربين مطربات او فرقة ريايل او فرق طقاقات من السعودية
اقل شي يكلفهم 28 الف .....> اللي عنده واللي ما عنده اييبهم ،،

اشبقى ؟

ايه النقوط :shy:

ام السعف

21-10-2013, 12:41 PM

بيض الله وجه القايمين على المشروع

وبخصوص اللي متزوج يشد حيله على شان ياخذ الثانية

نبي نقضي على العنوسه

:thumbup:

سمعت شرط التعدد علشان تستفيد من القاعة
لازم تاخذ لك ارملة او مطلقة.......................> محد بيعدد خلاص :shy:

أم محمد 90

21-10-2013, 12:42 PM

اذيتونا يلا مناك اووف ياااااااااااااااه ..!!

ايه والله شاب مثل الورد مسكين فقير منتف عاشق ولهان عيونه ذبلانه ماعنده حق الكرك ويبي يعرس:weeping: وعليا عليه

والبنت هي الشريرة الي ماتراعي والي تبي وتبي وتهلك المسكين طلبات وماترضى الا مثل فلانه وماتسوي الا احسن من علانه وتخسر مخاسير بالشي الفلاني كله عشان كلام الناس والحريم السخيفات المهفوفات وعلى قولتهم وهي ماتسوى جيكر مقعدة حتى المكياج مانفع وياها يالله يالله المكياج يطلع كم وحدة مقبولة من بين المعازيم ..!!

بس أعذار ومافيه أحسن منكم يالشباب في الأعذار والترقيع حق بعضكم :anger1: يمه منكم والا ديونكم كلها واغلبها على سيايركم ..!

انتو من؟؟؟:anger1:

ترى حججكم قديمة مغبرة البنت وامها مايبون الا المفوشر ولا غلاء المهور ولا غلاء المعيشة ولا مافيه مثل حريم قبل )) اوووف شنو تنرفز هالكلمة:rolleyes2: روحو عننكم ابرك وطبخوا مجابيسكم السامجة مادري المالحة ..

ترى والله ثم والله انه بناتنا مافيهم الا الخير والبركة واغلبهم يبون الستر والزواج الميسر الي تبيه فستان ابيض كبياض قلبها الصافي وطرحة خفيفة كروحها الخفيفة وعرس زوين على قدك وعلى الي عندك ياعريس الغفلة.. فيه منهم الي تقول بسوي وبسوي وابي واحد جذيه جذاك بس في الأخير اول وسيم يدق باب بيتهم بتوافق على طوووووول.. ( يحمد ربه انها وافقت وبيتزوج وبيصير اب بعد) قوية والله اخيراً بيصير مسؤول؟؟
اقول لك انت وياه ترى في اختراع اسمه فرشاة ومعجون يالي تعيبون على من تحط المكياج:tease:

:weeping::weeping::weeping:

ام السعف

21-10-2013, 12:43 PM

شي طيب والمفروض كانت من زمان هذه القاعات مهب الحين

بس الظاهر اعضاء الشورى مافيهم فقير

:)

نطالب بعضو في الشورى من الفقراء،،

منور يا بوعلي

ام السعف

21-10-2013, 12:46 PM

الفقير شخص واحد بس
الي يحط رغباته واهتماماته في تفاهات الدنيا بس
وغير هالشي الكل الحمد لله رب العالين في خير ونعمه

مساء الخير بعبق الزيفزون ونغمات الساكسافون:shy:

مافي فقير لكن في مظاهرة تقتل غني النفس بالديون

الكلدي

21-10-2013, 12:51 PM

هههههههههههه اشدعوه تبي كل شي ببلاش

العشا ان كثر 5 الالاف
والسويت للمبيت الفين او ثلاثه مب شي ينشال همه

لو بتعشين المعازيم جباتي وجبن فوق الـ5 الاف

الكلدي

21-10-2013, 12:54 PM

صح يا تحداني مب وايد اللي يفكر في عقليه اللي بيتزوجها لكن صدقيني في البداية ممكن ينبهر بسوالف ثانيه مثل انها جميله او انيقه او بنت العايله الفلانيه او لاي سبب كان
لكن مع الوقت بيكتشف ان انبهاره بالثانويات بيدمر حياته اذا خذا وحده خفيفه عقل وتفكيرها سطحي وماهمها من الدنيا الا المراية والترزز بالملابس

العقل قيمة لمن لا يعقل :)

الزوجه الناضجة فكريا كنز

توك تقولين افاكادو وين مامداك قلبتي

مشاركه رقم 72

رهج السنابك

21-10-2013, 12:56 PM

نو ماقلبت اقرا ردي عدل

انا قلت هذي ثانويات والمفروض للرجل مايحطها اساسيات الجمال والاناقه والعايله الفلانيه

Nojoom

21-10-2013, 01:04 PM

انا مابي اتزوج :( ومايهمني الخبر

ام السعف

21-10-2013, 01:07 PM

انا مابي اتزوج :( ومايهمني الخبر

ما يصير ،، تزوج :(

رهج السنابك

21-10-2013, 02:22 PM

انا مابي اتزوج :( ومايهمني الخبر

احسن لك والله :(

رهج السنابك

21-10-2013, 02:23 PM

لو بتعشين المعازيم جباتي وجبن فوق الـ5 الاف

عشا النسوان بوفيه اكبر بوفيه قيمته 2500 او 3000

مع خروفين

رهج السنابك

21-10-2013, 02:25 PM

يا حليج يا الارستقراطية

اشدعوة العشا 5 الاف :(

بتعزمين 100 شخص ؟

اذا 100 شخص بيطلع عليج 7 الاف

لأن الحين ارخص تسعيرة من المطاعم مب الهاي كلاس تلقين
الراس ب 70 ريال ،،

فـ 300 * 70 = 21000
بعد احسن من النصب اللي يصير يوم انأجر القاعات
اقل شي 220 ريال للراس ،،

الحين التضضيف يبي لهم ناس
والديزرت يبي لهم ناس
وتجهيزات الطاولات يبي لهم ميزانية تعادل اضعاف ميزانية
العشا ،،
الكوشة
الطقاقات.....................> اوبيه مالت اول ام السعف
الحين مطربين مطربات او فرقة ريايل او فرق طقاقات من السعودية
اقل شي يكلفهم 28 الف .....> اللي عنده واللي ما عنده اييبهم ،،

اشبقى ؟

ايه النقوط :shy:

ايه بس انتي اذا بتعزمين 100 تطلبين 60
واذا 300 تطلبين 100 بس

لان بالغالب يكون فيه زياده مب بالضبط تطلبين العشا

مثلا بتسوين عزيمة 25 حرمه
تطلبين العشا 10 اشخاص يكفي ويزود بعد

ام السعف

21-10-2013, 02:25 PM

عشا النسوان بوفيه اكبر بوفيه قيمته 2500 او 3000

مع خروفين

الارستقراطية........> في اي عام عايشة انتي ؟ :shy:

ام السعف

21-10-2013, 02:26 PM

ايه بس انتي اذا بتعزمين 100 تطلبين 60
واذا 300 تطلبين 100 بس

لان بالغالب يكون فيه زياده مب بالضبط تطلبين العشا

مثلا بتسوين عزيمة 25 حرمه
تطلبين العشا 10 اشخاص يكفي ويزود بعد

مافي عرس 100 شخص ،،
اذا حفلة الخطوبة 150 شخص ،،

فعليه بتطلبين عشى حق 300 وتعزمين 450
اذا الخروفين 5000 ريال
فاشلون البوفيه حق 300 شخص ؟

وغير باقي المتطلبات ؟

رهج السنابك

21-10-2013, 02:26 PM

بعدين يمدحون الهيلثي والدايت مب لازم يزطون من كل مالذ وطاب

لازم الاعراس يكون لها رساله تشجع على الدايت

فشلتونا قدام العالم نسبة السمنه في القطريات وصلت 60% في اخر دراسة

ام السعف

21-10-2013, 02:27 PM

بعدين يمدحون الهيلثي والدايت مب لازم يزطون من كل مالذ وطاب

لازم الاعراس يكون لها رساله تشجع على الدايت

فشلتونا قدام العالم نسبة السمنه في القطريات وصلت 60% في اخر دراسة

:omg::eek5::omg:

رهج السنابك

21-10-2013, 02:27 PM

مافي عرس 100 شخص ،،
اذا حفلة الخطوبة 150 شخص ،،

فعليه بتطلبين عشى حق 300 وتعزمين 450
اذا الخروفين 5000 ريال
فاشلون البوفيه حق 300 شخص ؟

وغير باقي المتطلبات ؟

باقي المتطلبات لها حسبة ثانيه

والنقوط حرام لاحد ينقط بعرسه
:victory:

رهج السنابك

21-10-2013, 02:28 PM

:omg::eek5::omg:

اي مب مصدقه؟

لحظة اطلع لج الدراسة الفشيله

ام السعف

21-10-2013, 02:29 PM

باقي المتطلبات لها حسبة ثانيه

والنقوط حرام لاحد ينقط بعرسه
:victory:

من قال حرام ؟

ما تنقطين على العروس ؟ او اللي يرقصون ؟

رهج السنابك

21-10-2013, 02:29 PM

http://www.qatarshares.com/vb/showthread.php?t=415016

ام السعف

21-10-2013, 02:30 PM

اي مب مصدقه؟

لحظة اطلع لج الدراسة الفشيله

مب موضوع اني مب مصدقة بل هو واقع

بس الواحد لو بيسوي عرس ما بيحط في البطاقة بدل اصطحاب
الأطفال عشاكم دايت ولا تاكلون وايد :shy:

ام السعف

21-10-2013, 02:30 PM

http://www.qatarshares.com/vb/showthread.php?t=415016

بروحنا متألمين بلند حمد بعد طرشتينا صوب واحد امبند :(

رهج السنابك

21-10-2013, 02:38 PM

بروحنا متألمين بلند حمد بعد طرشتينا صوب واحد امبند :(

في توزيع باندات هالايام

منو يبي:tease:

رهج السنابك

21-10-2013, 02:39 PM

من قال حرام ؟

ما تنقطين على العروس ؟ او اللي يرقصون ؟

النقوط على المطربه حرام

والنقوط على الناس مكروه

وبعض المذاهب تعتبرها في حكم الدَين يعني اذا نقطتي احد يصير بذمته لازم ينقطج !

والاولى ترك هالعادة عشان الواحد ذمته مايلحقها شي

ام السعف

21-10-2013, 02:44 PM

النقوط على المطربه حرام

والنقوط على الناس مكروه

وبعض المذاهب تعتبرها في حكم الدَين يعني اذا نقطتي احد يصير بذمته لازم ينقطج !

والاولى ترك هالعادة عشان الواحد ذمته مايلحقها شي

اشلون يعني النقوط على المطربة ؟

اوبيه ....> واشلون يعني في حكم الدين ؟

ام السعف

21-10-2013, 02:45 PM

في توزيع باندات هالايام

منو يبي:tease:

مب حلو الباند كلش مرة مرة مرة :(

بو الجوري

21-10-2013, 02:46 PM

http://www.cheesebuerger.de/images/midi/liebe/d054.gif

رهج السنابك

21-10-2013, 02:48 PM

http://www.cheesebuerger.de/images/midi/liebe/d054.gif

على البركة

ياجماعه ابشركم بوالجوري معرس يديد هالله هالله في العينيات

بو الجوري

21-10-2013, 02:49 PM

على البركة

ياجماعه ابشركم بوالجوري معرس يديد هالله هالله في العينيات

و النقوط http://www.cheesebuerger.de/images/midi/liebe/d082.gif

رهج السنابك

21-10-2013, 02:50 PM

اشلون يعني النقوط على المطربة ؟

اوبيه ....> واشلون يعني في حكم الدين ؟

اوبس

يعني نثر الفلوس على راس المطربة اللي تغني وتصدح بأجمل اغاني العرس مع فرقتها الموسيقيه

وفي حكم الدَين بفتح الدال

في عدة اقوال في المذاهب الشافعيه والمالكية لكن بحط لج المذهب الحنبلي بما ان قطر تتبع الحنبلي

وقال المرداوي ـ الحنبلي ـ :

" فَائِدَةٌ : قَالَ الْكَمَالُ الدَّمِيرِيُّ فِي شَرْحِهِ عَلَى الْمِنْهَاجِ فِي " النُّقُوطِ " الْمُعْتَادِ فِي الْأَفْرَاحِ : قَالَ النَّجْمُ الْبَالِسِيُّ : إنَّهُ كَالدَّيْنِ لِدَافِعِهِ الْمُطَالَبَةُ بِهِ , وَلَا أَثَرَ لِلْعُرْفِ فِي ذَلِكَ . فَإِنَّهُ مُضْطَرِبٌ . فَكَمْ يَدْفَعُ النُّقُوطَ , ثُمَّ يَسْتَحِقُّ أَنْ يُطَالِبَ بِهِ ؟ انْتَهَى . (الإنصاف 8/315) .

والشاهد من النص أنه حكم بأن النقوط دين ، يجب رده إلى صاحبه ، حتى مع اضطراب العرف في شأنه ، فأما إذا كان العرف مضطردا برده والمطالبة به : فلا شك في أنه أقوى في القضاء بوجوب رده واعتباره دينا ، وهو ما بنى عليه الهيتمي ترجيحه فيما سبق نقله

رهج السنابك

21-10-2013, 02:52 PM

و النقوط http://www.cheesebuerger.de/images/midi/liebe/d082.gif

عن الطمع:waiting:

ام السعف

21-10-2013, 02:55 PM

اوبس

يعني نثر الفلوس على راس المطربة اللي تغني وتصدح بأجمل اغاني العرس مع فرقتها الموسيقيه

وفي حكم الدَين بفتح الدال

في عدة اقوال في المذاهب الشافعيه والمالكية لكن بحط لج المذهب الحنبلي بما ان قطر تتبع الحنبلي

وقال المرداوي ـ الحنبلي ـ :

" فَائِدَةٌ : قَالَ الْكَمَالُ الدَّمِيرِيُّ فِي شَرْحِهِ عَلَى الْمِنْهَاجِ فِي " النُّقُوطِ " الْمُعْتَادِ فِي الْأَفْرَاحِ : قَالَ النَّجْمُ الْبَالِسِيُّ : إنَّهُ كَالدَّيْنِ لِدَافِعِهِ الْمُطَالَبَةُ بِهِ , وَلَا أَثَرَ لِلْعُرْفِ فِي ذَلِكَ . فَإِنَّهُ مُضْطَرِبٌ . فَكَمْ يَدْفَعُ النُّقُوطَ , ثُمَّ يَسْتَحِقُّ أَنْ يُطَالِبَ بِهِ ؟ انْتَهَى . (الإنصاف 8/315) .

والشاهد من النص أنه حكم بأن النقوط دين ، يجب رده إلى صاحبه ، حتى مع اضطراب العرف في شأنه ، فأما إذا كان العرف مضطردا برده والمطالبة به : فلا شك في أنه أقوى في القضاء بوجوب رده واعتباره دينا ، وهو ما بنى عليه الهيتمي ترجيحه فيما سبق نقله

شكرا على التوضيييح

بس يوم عرسج بنقط عليج وما لاتعتبرينه دين لأني عرست وخلصت :shy:

رهج السنابك

21-10-2013, 03:00 PM

شكرا على التوضيييح

بس يوم عرسج بنقط عليج وما لاتعتبرينه دين لأني عرست وخلصت :shy:

بالباوند الاسترليني فديتج :shy:

طلعة الروح

21-10-2013, 10:10 PM

موضوعج يالارستقراطية اظهر لنا شوية عازفين عن الزواج من العزاب
وفي المقابل رغبة المتزوجين في التعدد ، مجتمع غريب!!

ريم الشمال

21-10-2013, 10:16 PM

الله يتمم هذا الأمر على خير ونشوف في هذه القاعات اعراس الغني والفقير

اعتقد الشخص السطحي في التفكير هو من يفكر أن البلاش ينزل مستواه
اعتقد أن المستوى الاجتماعي لا يبنى بنوع القاعات ولا بملابس ولا بالماركات ولا بزبو إلي ما عمره بنى شخص بالعكس اعتقد هؤلاء تحق عليهم الشفقة لأنهم ما يعرفون يعيشون حياتهم ويستغلونها ولا يسببون لأنفسهم المشاكل والسجون والديون

وشيخ شيخ بمعانيه وليس بزبو والمفوشر

المحاميه

21-10-2013, 10:38 PM

اتوقع قله قليله الي ترضى تسوي عرسها في قاعه بو بلاش

نفس توقعي
بس هي تقدر تعوض بالكوشه والطاولات وتخلي المكان خيالي :shy:

ظلال الورد

21-10-2013, 11:16 PM

*
*
*

عندنا هالقاعات من زمان في الامارات

مب بس عامة الشعب تقيم أفراحها فيها

الشيوخ وكبار الشخصيات بعد يقيمون حفلات الاعراس الفخمة فيها بعد

والحين الله يطول بأعمار شيوخنا .... لغوا حفلة العشاء للرجال

وكل هذا عشان الشاب تقل عليه المصاريف.

تحياتي

ظـــلال الـــورد
*
*
*

سهم عتيج

22-10-2013, 12:40 AM

نفس توقعي
بس هي تقدر تعوض بالكوشه والطاولات وتخلي المكان خيالي :shy:

آنه اللي استغرب منه ان الناس تستأجر قاعات بعشرات ومئات الالاف،، وفي الاخير تلحّف الطاولات وكأن بها عيوب،، وتفرش موكيت فوق موكيت القاعة اللي قد يكون كلّف ادارة الفندق عشرات او مئات الالاف،، وتلبّس الطوفة ولو استطاعت ان تكسر القاعة وتبنيها من جديد لفعلت وتسوي حركات مالها اخر،،، وكأن القاعة تحتاج صيانة من جديد،، وبعدين يقولون تكلفة العرس عالية،،

اكيد بتكون عالية اذا الناس ما اعترفوا بالخمس نجوم اصلا وكانهم استأجروا قاعة عشر نجوم بسبب التكلفة الاضافية اللي ادفعوها مع انها تعتبر من التجهيزات الاساسية الفخمة للقاعة

يعني في الاخير لو الواحد استأجر خيمة او قاعة عادية وسوى نفس الحركات ،، على الاقل بيقلل كلفة انه دفع حق فندق خمسة نجوم اللي ما اعترف بفرشه وطاولاته اصلا وحط على نفسه كلفة اضافية وفي نفس الوقت سن سنّة حسنة

ملاحظة لاحظتها،، وهي ان حفلات العرس لانجال سمو الامير الوالد كانت عادية واستقبلوا الناس في خيمة وعرضة مثل عرضات الناس .. بس من اللي بيتعض

الأصيلة

22-10-2013, 01:44 AM

اتوقع قله قليله الي ترضى تسوي عرسها في قاعه بو بلاش

ليش بلاش ؟
بالعكس إلا بتدفع للعشاء والترتيب من ورد وتزيين وكوشة و...الخ؟

al-obaidly

22-10-2013, 08:51 PM

فهد111

23-10-2013, 06:58 AM

انا اشوف الي يقول مال بلاش ومحد بيسوي عرسه هناك احسن بعد يخفون الزحمه على هالقاعات

ام السعف

23-10-2013, 11:58 AM

ملاحظة لاحظتها،، وهي ان حفلات العرس لانجال سمو الامير الوالد كانت عادية واستقبلوا الناس في خيمة وعرضة مثل عرضات الناس .. بس من اللي بيتعض
اخوي سهم
حفلات الرجال غير عن حفلات النساء،،:shy:

فلذلك علشان ما نروح ورى الشمس خلونا في القاعات المجانية
اللي نبي نشوفها ونشوف شروط الاستفادة منها ،،،

عطر فرنسي

23-10-2013, 12:23 PM

اخوي سهم
حفلات الرجال غير عن حفلات النساء،،:shy:

فلذلك علشان ما نروح ورى الشمس خلونا في القاعات المجانية
اللي نبي نشوفها ونشوف شروط الاستفادة منها ،،،

:nice::nice:

تحداني

24-10-2013, 10:57 AM

اخوي سهم
حفلات الرجال غير عن حفلات النساء،،:shy:

فلذلك علشان ما نروح ورى الشمس خلونا في القاعات المجانية
اللي نبي نشوفها ونشوف شروط الاستفادة منها ،،،

في حفلات للاسره الحاكمه رحتها مب صديقاتي
بس العمل ربطني فيهم .. جدا جدا عاديه
لا مطربين .. ولا توزيعات على الفاضي ولا شي
عشى وذباح .. ما ادري كان دي جي ولا مطرب
شي جي وانتهى

حتى مافي نقوط باسم العروس والمعرس
بس كانوا على الي يرقصون
وفي عرس بعد حضرته كانوا حاطين " × " على الافلوس في بطاقات الدعوى
وهالشي صاروا يسونه وايد في اعراسنه لكن للاسف في مبالغات ثانيه مالها اي اي داعي
كله كلام فاضي

رهج السنابك

24-10-2013, 11:08 AM

في حفلات للاسره الحاكمه رحتها مب صديقاتي
بس العمل ربطني فيهم .. جدا جدا عاديه
لا مطربين .. ولا توزيعات على الفاضي ولا شي
عشى وذباح .. ما ادري كان دي جي ولا مطرب
شي جي وانتهى

حتى مافي نقوط باسم العروس والمعرس
بس كانوا على الي يرقصون
وفي عرس بعد حضرته كانوا حاطين " × " على الافلوس في بطاقات الدعوى
وهالشي صاروا يسونه وايد في اعراسنه لكن للاسف في مبالغات ثانيه مالها اي اي داعي
كله كلام فاضي

احنا بعرس لنا ماحطينا ولا شي من الخرابيط وقلنا كلام الناس عمره مايخلص
توزيعات تشوكليت عاديه من محلات شغلها حلو من السعودية خذناها هناك الصينيه حلويات وتشوكليت يمكن ما تتعدا 150 ريال وراقية
لا حطينا باتشي و لا فوشون ولا غوديفيا
والبوفيه وذبيحتين للنسوان
لا نقوط ولا كوشة الملكة اليزابيث
كوشة عادية بسيطه وناعمه
ودي جي
وهذا هم العرسان ميتين ببعض كأنهم كناري حب وبينهم كتكوت يكادون يكونون اسعد كابلز في الدنيا ماشاء الله وربي يديمها عليهم

تحداني

24-10-2013, 11:24 AM

احنا بعرس لنا ماحطينا ولا شي من الخرابيط وقلنا كلام الناس عمره مايخلص
توزيعات تشوكليت عاديه من محلات شغلها حلو من السعودية خذناها هناك الصينيه حلويات وتشوكليت يمكن ما تتعدا 150 ريال وراقية
لا حطينا باتشي و لا فوشون ولا غوديفيا
والبوفيه وذبيحتين للنسوان
لا نقوط ولا كوشة الملكة اليزابيث
كوشة عادية بسيطه وناعمه
ودي جي
وهذا هم العرسان ميتين ببعض كأنهم كناري حب وبينهم كتكوت يكادون يكونون اسعد كابلز في الدنيا ماشاء الله وربي يديمها عليهم

الله يديم عليهم الوناسه .. والله العرسان ربحانين من كل النواحي
والحمد لله مرتاحين لا ديون ولا هم ولا غم .. وكاهم ميتين على بعض
حسستني الا بتطلع من فوق المسرح ولا من تحت المسرح
انها الوحيده العروس في هالكون

قاصين عليهم ابكلمه ليله بالعمر
وان لازم اتكونين كالسندريلا في طلتها
وكالما ادري ايش في التوزيعات

حسبالهم الي ما يحطون توزيعات في اعروسهم
ما ايعرفون شنو باتشي وشنو فوشون وشنو هديارد
الناس شبعانه طفحانه زبو
بسكم

والله الكل يدري الشي الفلاني كم سعره
والشي العلاني كم سعره

ما يحتاي اتنتفون روحكم

في عرس وحده من اهلنا
جايبه للمعازيم يا بلفيت عبد المجيد
ههههههههههههههه الناس حسبالهم دي جي والله
والقاعه فاضيه لان الناس وراهم دوامات ومب فاضين يجابلون اعراس
عاد تعالي شوفي الغصه .. كانت تبي اتزابي ما لقت احد
قاموا حطوا كل هالبهرجه في الانستقرام
الا غصب اتعرفون احنه ايش سوينه

هههههههههههههههه
والامهات يضحكون على العروس
ومستلمينهم اطنازه

ايش يسوى فهميني

رهج السنابك

24-10-2013, 11:47 AM

الله يديم عليهم الوناسه .. والله العرسان ربحانين من كل النواحي
والحمد لله مرتاحين لا ديون ولا هم ولا غم .. وكاهم ميتين على بعض
حسستني الا بتطلع من فوق المسرح ولا من تحت المسرح
انها الوحيده العروس في هالكون

قاصين عليهم ابكلمه ليله بالعمر
وان لازم اتكونين كالسندريلا في طلتها
وكالما ادري ايش في التوزيعات

حسبالهم الي ما يحطون توزيعات في اعروسهم
ما ايعرفون شنو باتشي وشنو فوشون وشنو هديارد
الناس شبعانه طفحانه زبو
بسكم

والله الكل يدري الشي الفلاني كم سعره
والشي العلاني كم سعره

ما يحتاي اتنتفون روحكم

في عرس وحده من اهلنا
جايبه للمعازيم يا بلفيت عبد المجيد
ههههههههههههههه الناس حسبالهم دي جي والله
والقاعه فاضيه لان الناس وراهم دوامات ومب فاضين يجابلون اعراس
عاد تعالي شوفي الغصه .. كانت تبي اتزابي ما لقت احد
قاموا حطوا كل هالبهرجه في الانستقرام
الا غصب اتعرفون احنه ايش سوينه

هههههههههههههههه
والامهات يضحكون على العروس
ومستلمينهم اطنازه

ايش يسوى فهميني

بااااااااال عبدالمجيد مره وحده ومحد حضر
شوفي عاد كم دفعوا له مب اقل من 400 الف

على قولتهم اللي عنده قرش ومحيره يشتري حمام ويطيره

تحداني

24-10-2013, 11:50 AM

بااااااااال عبدالمجيد مره وحده ومحد حضر
شوفي عاد كم دفعوا له مب اقل من 400 الف

على قولتهم اللي عنده قرش ومحيره يشتري حمام ويطيره

مب يعني محد حضر
بس الطاولات كانت شبه فاضيه ,, منظر مأساوي

تدرين الامهات الاكبار في العمر اشقالوا
قالوا جايبين عبد المجيد .. عشان يطلعون افلوسهم
بدل ما يحول عليها الحول ويحاتون الزكاه
امي عصبت وازعلت هههههههههه

ووحده قالت كانت تبي اتقول للناس مب اي حد بيجيب عبد المجيد
ما درت ان الناس وراهم دوامات ووراهم قومه الصبح
انزين انتي الي خسرتي جان سويتيه يوم الخميس
هههههههههههه

قطعوها وعليه
شنو خذوا سيئاتها .. غير سيئات عبد المجيد

رهج السنابك

24-10-2013, 11:53 AM

الا قولي يا حرااااااااام بس هذي نهاية الزبو

فلوس على الفاضي

سويتي عرس اسطوري ولا عرس على زولية

الناس متكلمه متكلمه

مافي شي يسد العيون ولا اللسان

فالعاقل يوازنها براسه

لان اذا اسرف وحط وحط ها قالوا عنه زكاة يبي يطلعها قبل الحول
واذا سوا عرس بسيط قالوا بل بخل او فقارى

فالواحد يسوي عرسه بالطريقة اللي يشوفها عاجبته بدون مايفكر بكلام الناس

ام السعف

24-10-2013, 11:55 AM

في حفلات للاسره الحاكمه رحتها مب صديقاتي
بس العمل ربطني فيهم .. جدا جدا عاديه
لا مطربين .. ولا توزيعات على الفاضي ولا شي
عشى وذباح .. ما ادري كان دي جي ولا مطرب
شي جي وانتهى

حتى مافي نقوط باسم العروس والمعرس
بس كانوا على الي يرقصون
وفي عرس بعد حضرته كانوا حاطين " × " على الافلوس في بطاقات الدعوى
وهالشي صاروا يسونه وايد في اعراسنه لكن للاسف في مبالغات ثانيه مالها اي اي داعي
كله كلام فاضي

ما نبي ندخل في الكلام عن اعراس الاسرة الحاكمة ،،

لأن في الأخير الناس فينا يعشقون مذاهب ،، فاللي يسوي وفي اللي من نفسه
ما يسوي ،،

وفوق كل هذا نرد ونقول الكلام في مثل هالمواضيع يودي ورى الشمس
لكن بعد ما يمنع اني اشكرج على ضرب المثال الممتاز اللي من العرس
اللي حضرتيه ،،:shy:

تحداني

24-10-2013, 12:05 PM

ما نبي ندخل في الكلام عن اعراس الاسرة الحاكمة ،،

لأن في الأخير الناس فينا يعشقون مذاهب ،، فاللي يسوي وفي اللي من نفسه
ما يسوي ،،

وفوق كل هذا نرد ونقول الكلام في مثل هالمواضيع يودي ورى الشمس
لكن بعد ما يمنع اني اشكرج على ضرب المثال الممتاز اللي من العرس
اللي حضرتيه ،،:shy:

ما قلنا كلام فيه كذب ولا افتراء ابدا عشان نروح ورى الشمس او احذى القمر
الاسره الحاكمه وغيرهم .. بشر .. والحمد لله الكل في خير
ساعات تلقين شخص عادي ممكن يهز لج السوق كله ببيع الاسهم
فلا يكون عندج هالهوس
نحن في عصر حريه الراي بإحترام الاخر وفي الحقيقه المطروحه
هم ناس عاديين جدا

انا ما ضربت المثال كتجربه لي ولا عشان اعارض كلامج يا ننوسه
انما هي الحقيقه .. لكن ما يمنع ان هالحقيقه تكون شائعه
لا في وفي

فهمتيني

حسن

24-10-2013, 12:05 PM

تحداني

24-10-2013, 12:08 PM

الغلاء اللي ساير خلا في نظري المراءه سلعه ولا داخل صفقه مجازفه عمياني ياربحان ولا خسران

:(

هي صايره جذي
من يدخل الرجال المجلس .. تبدأ سلسله الاسئله الماديه
وقد تكون افقر منه بعشرات المرات

ما ادري ينسون روحهم ابسرعه ليش

ام السعف

24-10-2013, 12:10 PM

ما قلنا كلام فيه كذب ولا افتراء ابدا عشان نروح ورى الشمس او احذى القمر
الاسره الحاكمه وغيرهم .. بشر .. والحمد لله الكل في خير
ساعات تلقين شخص عادي ممكن يهز لج السوق كله ببيع الاسهم
فلا يكون عندج هالهوس
نحن في عصر حريه الراي بإحترام الاخر وفي الحقيقه المطروحه
هم ناس عاديين جدا

انا ما ضربت المثال كتجربه لي ولا عشان اعارض كلامج يا ننوسه
انما هي الحقيقه .. لكن ما يمنع ان هالحقيقه تكون شائعه
لا في وفي

فهمتيني

انتي اللي ما فهمتيني ،، لأن ردي من البداية كان على اخونا سهم عتيج
وعليه اقول لج احنا لو تطرقنا لأعراس الاسر الحاكمة اهنيه او اي مكان
بالشكل اللي يثبت ان عروسهم مب بسيطة ممكن نروح ورى الشمس ،،

تحداني

24-10-2013, 12:14 PM

انتي اللي ما فهمتيني ،، لأن ردي من البداية كان على اخونا سهم عتيج
وعليه اقول لج احنا لو تطرقنا لأعراس الاسر الحاكمة اهنيه او اي مكان
بالشكل اللي يثبت ان عروسهم مب بسيطة ممكن نروح ورى الشمس ،،

وانا رديت عليج بناء على ردج على اخونا سهم عتيج
ان امبلا في اعراس للاسره الحاكمه بمختلف درجاتها
ان ممكن تكون عاديه جدا لان احنه حضرنا وشفنا فما نقدر ننكرها .. وممكن تكون فيها من البذخ الزائد من الي شفناه وسمعناه .. " اهني بس نعطي كل من ذي حق حقه "
ليش ورى الشمس هاذي
لا كذبنا ولا افترينا

العنيده

24-10-2013, 12:19 PM

من وانا جالس مع واحد من هل ابوظبي
يقول الشيوخ عندنا سنو سنه لهم في اعراسهم ومشددين عليها
يقول العرس بعد صلاه المغرب خلاص انتهى
مافي عشى ولا شي ولا طقطقه نسوان ولا رقص ولا مطربين ومطربات ولاشي
قلت له شي طيب والله وياريت ربعنا يسنون مثلها على الاقل ترحم هل العالم اللي بيتزوج كانه شاري موتر مهب زواج الغلاء اللي ساير خلا في نظري المراءه سلعه ولا داخل صفقه مجازفه عمياني ياربحان ولا خسران
في اعتبر قرار شيوخ الامارات كان حكيم جداجدا لانهم بعد اعراسهم صادها البذخ والبطر الامعقول

هل بنشوف في المستقبل الزواج عقد وحفله عائليه بسيطه التكلفه تقتصر على الاسرتين فقط ولا ش من دبله وخطوبه وحنه

في الوقت الحالي والكثره تغلب الشجاعه
مااتنبا الى اذا حلت الطامه

:(

في وايد اخوي حسن والله مبارك لهم بزواجهم العرس البعض فاهمه ان بس ليلة العمر مميزه
ناسيين انها لو تميزت ممكن اللي بعدها مايتميز :)

وايد عوايل شاريه الرياييل ويبون الستر لبناتهم الاهل لازم يستوعبون والبنات بعد وحاليا نشوف تغيير بافكار البذخ في الاعراس الله يزيدها ويزوج الجميع ان شاء الله ويبارك لهم في اللي عندهم ..

حسن

24-10-2013, 12:26 PM

هي صايره جذي
من يدخل الرجال المجلس .. تبدأ سلسله الاسئله الماديه
وقد تكون افقر منه بعشرات المرات

ما ادري ينسون روحهم ابسرعه ليش

مرحبا تحداني

شوفي ياختي امس وانا قاعد مع واحد من موظفين الوزاره التقيت به هني بالمانيا واقوله ياخالد انت تزوجت ولا يقولي لا قلت ليش حرام عليك كم عمرك الحين قال اضن يا34 او 33 تقريبا
والله اني حزنت لان الولد هذا جدا خلوق ومؤدب ويكلمك بصوت هادئ ومتدين مشاء الله عليه راعي دين يااخي انت يابخت اللي تخاذك والله

يحز في نفسي كثير كثير ياتحداني

قلت له وش تنتظر البنات الله مكثرهم وانا اقدر اجيب لك
قال ان شاء الله الحين لين رجعت انا جاد بالموضوع
قلت له بسرعه روح ترا العمر لحظات وانت تستاهل

وانا اسولف معاه عن الزواج وبكره التكاليف والشروط
قلت له والله العظيم اتفق معاهم من البدايه وخلك واضح قبل لاتكتب العقد واتفقو على الشروط ولا تندفع وتركد قال اعرف واحد خطب ويوم عرفوا انه فقير يقول المره ام البنت تقول وش نبي بواحد منتف يحلف لي والله
قلت له ابرك له اللي اوله شرط اخره نور

قلت بالتوفيق ان شاء الله بس لاتتاخر
والبنات عندنا الله مكثرهم
وعدني خير
الله يوفقه ان شاء الله

تحداني

24-10-2013, 12:31 PM

مرحبا تحداني

شوفي ياختي امس وانا قاعد مع واحد من موظفين الوزاره التقيت به هني بالمانيا واقوله ياخالد انت تزوجت ولا يقولي لا قلت ليش حرام عليك كم عمرك الحين قال اضن يا34 او 33 تقريبا
والله اني حزنت لان الولد هذا جدا خلوق ومؤدب ويكلمك بصوت هادئ ومتدين مشاء الله عليه راعي دين يااخي انت يابخت اللي تخاذك والله

يحز في نفسي كثير كثير ياتحداني

قلت له وش تنتظر البنات الله مكثرهم وانا اقدر اجيب لك
قال ان شاء الله الحين لين رجعت انا جاد بالموضوع
قلت له بسرعه روح ترا العمر لحظات وانت تستاهل

وانا اسولف معاه عن الزواج وبكره التكاليف والشروط
قلت له والله العظيم اتفق معاهم من البدايه وخلك واضح قبل لاتكتب العقد واتفقو على الشروط ولا تندفع وتركد قال اعرف واحد خطب ويوم عرفوا انه فقير يقول المره ام البنت تقول وش نبي بواحد منتف يحلف لي والله
قلت له ابرك له اللي اوله شرط اخره نور

قلت بالتوفيق ان شاء الله بس لاتتاخر
والبنات عندنا الله مكثرهم
وعدني خير
الله يوفقه ان شاء الله

مثل هالشباب والله الواحد مب يحزن عليهم
الا شباب ابعمر الورد واخلاق وطيبه واحترام
هذا ذهب في زمن طغت الماده

في ناس اتثمن الرجال بفلوسه .. لانهم ناس يموتون على الافلوس
ويعشقون الافلوس
ما اتصور في لحظه ان الي ابيوتهم مليانه عز عايشين في سعاده
الا وايد تجارب ناجحه من ابيوت منتفه على قولتها الام
ووايد تجارب مليانه فرح وسعاده

الافلوس حلوه ومافي رجال بالعالم ما يتمنى الزين لنفسه ولهله
لكن الناس ملهوفه على الافلوس وبس ادورها .. ما يهمها ان كان هالشاب عنده اخلاق

اتقول لي وحده تحداني .. يعني واحد لا اخلاق ولا افلوس ليش اقبله ؟؟
قلت لها انتي شنو رديتي عليهم ؟؟
قالت رديت عليهم ولدكم ماديا مب مستواي

ليش ما قلتي ان مافي نصيب وبس
قالت لانه فقير وعديم اخلاق

ركز اخوي بوعلي
فقير .. وبعدين ماعنده اخلاق

مسكين الي بياخذها

الجوكر90

24-10-2013, 01:16 PM

سمعت شرط التعدد علشان تستفيد من القاعة
لازم تاخذ لك ارملة او مطلقة.......................> محد بيعدد خلاص :shy:

انا بسويها شالمشكله فالمطلقه او الارمله
ليش مب انثى؟

الجوكر90

24-10-2013, 01:32 PM

اخبر اول مانزل الخبر العام امي قالت لي يلا بنزوجك فهل القاعه قلت ابركها من ساعه
احسن من اني اقط 70 الف ع الدانه

وكنت افكر اني لو تزوجت اقنع الحب انها ماتسوي عرس وتاخذ الفلوس حقها
واسوي عرس ريايل فقاعات الانديه مثل الاهلي والعربي ب5000 والعشى مايكلف بين 30 و40 الف مع العرضه من السعوديه
بس دام ان القاعه ابلاش بسوي عرس لي ولها ويكون بسيط وعادي

اصلا الي عنده نقص ومب شايف خير بيسوي عرس وبيدفع مبالغ عشان الناس تتكلم
وﻻ الي طول عمره فنعمه ماتهمه هالشكليات