تكفى ياسعادة رئيس مجلس الوزراء

[مزاااجي]

نداء لابن البلاد الوفي سعادة الشيخ عبدالله بن ناصر ال ثاني , تعبنا يابوناصر من هروب العماله من سايق وخادم وغيره ... قضينا العيد بدون سايق وانا صاحب عائله كبيره ووحيد وهذا السايق هو الثالث خلال سنه مجرد ما ينجح في اختبار الرخصه مايكمل شهر ويهرب ..
والله ان حقوقهم كلها مستوفاه وراوتبهم من اول مايطب البلد 1000 واذا خذ الرخصه 1500 وياكل من ماكلنا وسكنه موفر ومحترم لكن المشكله في انه لايوجد رادع في القانون يلزمهم بعدم الهروب ...
يابوناصر اصبحت المكاتب في الهند تستجذب العماله للسفر باغرائهم بالهروب بعد مايدخل البلد والعمل الحر ..
يابوناصر وصلت لدرجة ان بعضهم يهرب عشان يشتغل في مكان له فيه زميل ..
احنا تعبنا .. واسطه لين تطلع الجنسية الي تبي ودفع فلوس عشان تجيب الشخص المناسب ومصاريف اقامته ,, ومصاريف تعليمه .. والاعتماد عليه في تسيير شئون الحياة اليوميه .. وبدون مقدمات وبدون تقصير يهرب ... مش لشي الا لان مافيه قانون رادع ...
والمصيبه .. تروح تبي بداله بوصل بلاغ الهروب ... يقولون لك الجوازات مانعطي بدل هارب ...
زين والحل ؟؟!! احنا نبي القانون يحمينا

معقولة الحكومه عاجزه لوضع حد لهذه المشكله الي الكل يشتكي منها ؟؟ طبعا لا
معقوله الهارب مجرد يسلم نفسه ولو بعد سنين مجرد ليله بالحجز وثاني يوم ينعرض على قاضي الابعاد مكتبه حذا الحجز يعني الباب في الباب والقاضي بحكم القانون ( يحكم ابعاد الشخص فقط) ويطلع على اول رحله لبلاده ؟؟ هذا حتا في امريكا مايستوي .. بالعكس قانون بلد الحريات الاول عالميا امريكا يعاقب بصرامه متخلفي الاقامات وهم حماة الانسانيه!
تكفى يابوناصر قدرو مظالمنا وتعبنا وحقوقنا في هذا الجانب ترا لنا حقوق وانتو من يحافظ عليها ..

[بوخالد911]

هالسالفة يبي لها اعادة تنظيم

ومحد ماكلها غير المواطن المسكين

مكتب الاستقدام اشهامه؟ عنده ضمان بس 3 شهور
وبعدها يتهرب منا

والمكاتب الخارجية همها أخذ رسوم من الهنود الراغبين بالسفر للخليج واغرائهم بالفرصة الذهبية بالعمل بالخليج !!!

نبي الضمان يمتد لسنتين وليس 3 شهور

[كحيل]

عادي وحياتك عادي .... لا وتدفع تذكرته ولا تهوون ..

أنا سافر دريول البيت عندي وما رجع على الرغم بأن راتبة ١٢٠٠ والقانون يقول لازم سنتين برا البلاد عشان يقدر يرجع للدوحة .. وحياتك سنتين بالضبط ورجع بس تدري عند من ؟

عند جاري اللي ساكن جنب بيتي .. معطية زيادة ٥٠٠ ريال على راتبه عندي ...

هذا مو شيء يقهر ... لا ويصلي معي في المسيد وعينه في عيني كل صلاة .. وآنا اللي مدخلة المدرسة على حسابي ومتعللم في سيارة البيت لين صار مضبوط .. سافر ورجع عند كفيل ثاني وما تقدر تقووول شيء

تحياتي ... أنا ودي يشرد ولا إنه يشتغل عند جاري وأشوفه كل يوووم

[ذكي جدااا]

عندي خادمة اهربت امس كملت ثلاث شهور ويومين هل يحق لي مطالبة المكتب باسترجاع فلوسي ولا خلاص

[رهج السنابك]

طيب اشتبون بالهنود خذ لك من جنسيات اقليه في قطر

[مزاااجي]

المشكله الكبيره ان عندي طفل من ذوي الاحتياجات الخاصه ومجهز له سياره ومايقدر يروح بالباص لازم السياره وانا رجال كثير السفر بحكم عملي ( حسبي الله ونعم الوكيل )

[مزاااجي]

ليش وهو الهروب الهنود بس ( كل الجنسيات الي بكفاله شخصيه تهرب بدون استثناء حتى العرب) لان مافيه قانون رادع في الامارات ينتحر الوافد قبل لايهرب لشدة العقوبه فالسعوديه بو تصحيح الوضع ووضعو قانون صارم جدا للهروب في كل دول الخليج التخلف عن الاقامه بشكل صحيح عليها عقوبه صارمه الا قطر

[bofahad5080]

لا حول ولا قوة إلا بالله
أنا أضم صوتي لصوتك، واقول نعم يا رئيس مجلس الوزراء عهدناك مع الحق وطالبة، وها هم أبناء بلدك يطلبون وقفتك.
اللهم وفق ولاة أمرنا لما تحبه وترضاه.

[ابوسعود]

نعم الموضوع يحتاج الى وقفه

من قبل الحكومه

مع المكاتب في الداخل والخارج

وضمانات على العامل كما ان قانون العمل يضمن

حقوق المكفول

[الامير]

الموضوع تحت دراسه بس يمكن نتيجه تطلع بعد 2022م قريب وش معجالكم مافي صبر

[أخت الكل]

لا حول ولا قوة إلا بالله

موضوعك يوجع القلب ويقهر

[الصغيره]

السالفه هذه تبي يد من حديد وقانون من قلم رجل حريص على مصلحة البلاد والعباد لان المواطن انظلم بما فيه الكفايه من قانون العماله لكن هل بنشوف قانون يحمينا وحنا بظل الهجمه اللي توجه لنا من اجل العماله يجون يشوفون حال المواطن وخسايره اللي يخسرها كل يوم من اجل عماله اصلا ما تعترف بقانون العماله


حسبي الله والنعم الوكيل على كل هارب ومهرب ومتستر

[+abc]

اليد من حديد هذي ما تضرب الا المساكين

ولا البطارى عليهم مهفة من ريش وخدمهم يخسون يشردون

الله يعينك ياخوي وان شاء الله يتعدل الحال والله يرزقكك بدريول يغنيك ويسد حاجتك

[R 7 A L]

المحير
ان الهارب يبقى في البلد ويشتغل
وين الي يشغلونهم من القانون ؟!!

[وحش قطر]

انا رحت مركز الشرطة وقلت لهم عندي خدامه بتشرد تعالوا راقبوا البيت وصيدو اللي بيساعدها قالي الشرطي هذا مب شغلنا

تكفى يابوناصر لا تخلينا نفقد الثقه في الشرطه مثل ما فقدناها في الصحه والتعليم

[ام السعف]

عندنا دريول الوالد شل قشه وشرد ويكلم زوجته ويقول لها رحت السفارة
وقالوا لي مالك مكان اهنيه احنا بس نستقبل الحريم،،

قالوا لها زين يكلمج هو وينه فيه ؟

تقول هو في قريب داخل الفريج صوب بيت بابا بس هناك ،،

عاد تعال اعرف وين هناك ؟؟

حاط كل اماله انه يشتغل في البلاد ،، اصلا ما شرد الا عقب ما عرف انه
ممكن يأوونه وياخذون بيده وهو اللي توه ما خذ الليسن وابوي
يسوق فيه يوديه ويرده وياه !!

المفروض العمالة الهاربة تمنع من كل دول الخليج
مب بس ياخذ له سنتين ويرد ،،

اللي يشرد من كفيله ما يدخل الخليج كلش ،،

حزتها بتقل ظاهرة الهروب بشكل كبييير ،،

[ابوالحارث]

اليد من حديد هذي ما تضرب الا المساكين

ولا البطارى عليهم مهفة من ريش وخدمهم يخسون يشردون

الله يعينك ياخوي وان شاء الله يتعدل الحال والله يرزقكك بدريول يغنيك ويسد حاجتك

:nice::nice:

[العنيده]

طيب اشتبون بالهنود خذ لك من جنسيات اقليه في قطر

المشكله ماصاروا اقليه كل الجنسيات مليانه البلاد يخسر الواحد ويشردون والمشكله بعد ال3 شهور بالضبط جايين جاهزين وعارفين ايش يسوون :)

الله يكفينا شرهم

[بوعبدالله11]

عادي وحياتك عادي .... لا وتدفع تذكرته ولا تهوون ..

أنا سافر دريول البيت عندي وما رجع على الرغم بأن راتبة 1200 والقانون يقول لازم سنتين برا البلاد عشان يقدر يرجع للدوحة .. وحياتك سنتين بالضبط ورجع بس تدري عند من ؟

عند جاري اللي ساكن جنب بيتي .. معطية زيادة 500 ريال على راتبه عندي ...

هذا مو شيء يقهر ... لا ويصلي معي في المسيد وعينه في عيني كل صلاة .. وآنا اللي مدخلة المدرسة على حسابي ومتعللم في سيارة البيت لين صار مضبوط .. سافر ورجع عند كفيل ثاني وما تقدر تقووول شيء

تحياتي ... أنا ودي يشرد ولا إنه يشتغل عند جاري وأشوفه كل يوووم


اذا لم تستحي ففعل ماشئت ؛ كان الله في عونك اخوي بصراحة شي يبط الجبد

[مزاااجي]

المصيبة اليوم في بلاغ الهروب كان فترة وجودي 4 وانا الخامس كلهم بلاغ هروب كفالة شخصية يعني خلال دقيقه 5 بلاغات وحكومتنا لازالت لاترغب في ضبط هذا الانفلات ... ياليت بدل انتفاضة الداخليه على سيارات المواطنين واستنزاف الجيوب... سيارات في منطقة صناعية بعضهم ركنها لعجزه عن قيمة اصلاحها بالوقت الحالي .. ياليت كانت هالانتفاضه بشي لصالح الفئه الكادحه من ابناء البلاد ...

[الزعفراني]

ليش ما يتم استبدال العمالة الاسيوية ( مهنة سايق ) بالعمالة العربية ؟

مثلا العمالة المصرية اشوفها ممتازه وعشريين وحبوبين وماعندهم سوالف الهروب

وغير كذا عرب