حادث انقلاب الجيب في سيلين 2013 Jeep Accident in sealine Qat

[هداف]

السلام عليكم ورحمة الله وبركاته


الفلم يصور حادث مؤلم بتفاصيل مزعجه ومخيفه لكل شخص عنده اخ او ابن او قريب
او صديق يستعمل الدراجات او البقيات للنزهه والتسليه في المناطق البريه !

السؤال هنا ! اين دور الرقابه الامنيه على سواقين هذه الدراجات من سن قوانين
لسلامة هؤلاء من حيث لبس الخوذه واحزمة الامان من نوع اكس بيلت الخ من
ادوات السلامه ,, بالعاميه !! (( ليه المسأله سايبه لاحسيب ولارقيب )) بما ان مرور
قطر اول مرور في المنطقه يمنع تواير البالون مدعي انها هي السبب الرئيس في حوادث
الشباب ! من خلال دراسه كما ادعوا ونحن من عتاة مستخدمين البالون منذ الثمانينات الى
يومنا هذا نكذب كلامهم جمله وتفصيلا واعذاركم واهيه اتمنى منكم تشدون الحيل على عيالنا
اللي يركبون الدراجات في سيلين من غير قانون يكفل لهم سلامتهم ! على الاقل خوذه ودوريات
الجنوب توقف اي شخص يسوق من غير خوذه !! اعتقد الخوذه اهم من البالون !

اللي منذ ان تم منعه !! اخترب سوق التواير في قطر من كل النواحي وارتفعت الاسعار وسوق
سودا تبون تكحلونها عميتوها للاسف !! والتنسق بين من سن القانون وباقي الجهات المسؤوله عن المهزله
اللي صارت في سوق التواير مفقوده كالعاده والضحيه المواطن والمقيم !

http://safeshare.tv/w/tLiNouCpxF


ملاحظه :
اللي يبي يشوف الفلم ينسخ عنوان الموضوع ويضعه في محرك البحث لليوتيوب



الموضوع الى الجهات الامنيه واخص المرور ! الخوذه ولا تاير البالون :anger1:

[R 7 A L]

http://safeshare.tv/w/tLiNouCpxF

[بوحــمد]

لاحول الله عسى الرجال بخير

[البانوش]

مسوي نفسة طرزان رايح يستعرض العبيط

عمرهم مايتعظون هاؤلاء الاغبياء

كل يوم ينسدح واحد منهم يامقيم في مستشفى الرميلة يامدفون في مقبرة ابوهامور

والله يهدي المتبقي منهم.

[توشيبا]

ان شاء الله انه بخير

لو مجرد كورلا تحريات واقفه كان معاد سمعنا عن اي حادث في سلين

[Me&OnLy]

شيء يحزن والله .. عسى الرجال بخير

[همر]

للتصحيح .. هذا مب جيب ولا سياره اصلاً !!!

هذا القوطي "الصيني" عباره عن بطبطه مافيها

ادنى مقومات السلامه والحبيب عباله قاعد يستعرض

بڤولڤو !!!


رسالتك الى المرور مش بخصوص الخوذه

الخوذه اصلا ماتنفع مع هالقواطي

الشرهه عليهم يوم يرخصون مثل هالمركبات

ويقولك البالون خطير خطير ..


وتنكة الزيتون ابو تواير ومكينه هذي شتسميها

يا سعادة العميد ؟!!!!!!!

[aziz4z]

لا حول و لا قوة إلا بالله
هذيله طوارئ حمد مليانه منهم , اللي طايح من بطبطة و اللي انقلب عليه سيارة , و اللي ....
صراحة يعور القلب , بعمر الزهور و تلاقيه أصيب بالشلل أو كسور
موفرين لهم الاسعافات مباشرة , عارفين ايش بيصير , بس ما ياخذون أي قوانين
مفروض يوجد مراكز مرور و تشديد القوانين

[ام السعف]

لا حول ولا قوة الا بالله ،، قمة التهور وعدم المسؤولية

زين تبي تستعرض الله يهداك اربط حزام الأمان

شنهي الاستفادة لما يطيح مثل هالشاب عاجز في سريره ؟

[اجرام]

الرجال بخير ولله الحمد

[بومحمد المطاوعه]

لاحول ولاقوه الابالله

الله يرحمه ويغفر له اذا توفى
والله يشفيه اذا تعور

الصراحه شيء مؤلم

هذي الدراجه الي مافيها اي سيفتي

مستغرب من اداره المرور التصريح والتسجيل لهذي الدراجه

الله يحفظ كل من يستخدم هذي الدراجه

[بومحمد المطاوعه]

حتى لو رابط الحزام
اصلن هذي الحركه خطره
لان اكيد منسم ع التواير
واذا الرنق صاد المسطاح على طول تنقلب الدراجه

حتى لو كان يعرف يسوق

[امـ حمد]

الله يحفظه يارب ويهديه

[tradesman]

ياما في ناس ينقلبون في البولاريس وعادي

بس الغلطه غلطته ليش ما رابط الحزام

[هداف]

انا معاكم انه متسبب على عمره ويستعرض وعرض نفسه لحادث ولكن انت معرض للحادث
لاقدر الله على اي مركبه كانت !! وانا اشدد على ضرورة سن قوانين للدراجات الرمليه والبقيات
اللي في سيلين للسلامه السائقين ماتكون العمليه سايبه اعتقد انها اهم من منع بالون او تركيب
رادارات متحركه للمخالفات فقط ترى حتى لو شددتوا على استخدام الخوذه على سائقين الدراجات
ووضع مخالفات فيها فلوس بعد !!

[فلتة زمانها]

لا حول ولا قوة الا بالله
متى الشباب يتعظون

[هداف]

http://safeshare.tv/w/tlinoucpxf

احسنت ولاهنت اخوي رحال :)

[بوعلاوي]

لا حول ولا قوة الا بالله



الله يهدي شبابنا ما ياخذون عبره من ربعهم اللي ماتوا واللي مرقدين في الرميله
كل واحد فاكر نفسه سوبرمان

[هداف]

للتصحيح .. هذا مب جيب ولا سياره اصلاً !!!

هذا القوطي "الصيني" عباره عن بطبطه مافيها

ادنى مقومات السلامه والحبيب عباله قاعد يستعرض

بڤولڤو !!!


رسالتك الى المرور مش بخصوص الخوذه

الخوذه اصلا ماتنفع مع هالقواطي

الشرهه عليهم يوم يرخصون مثل هالمركبات

ويقولك البالون خطير خطير ..


وتنكة الزيتون ابو تواير ومكينه هذي شتسميها

يا سعادة العميد ؟!!!!!!!





صدقت جبتها من الاخر !! سياره ملزقه تلزيق وصناعه رديئه ومعا سوء الاستعمال !
الناتج = حادث واصابات لاقدر الله

[fhd4]

العيب مب من السيارة أو الجيب ... صيني ألماني أمريكي أو حتى هندي ...

العيب من طريقة السواقة وانعدام الوعي بالأمن والسلامة ...

[بوخالد911]

المشكلة ان هالجيب الصيني نشوفه بالشوارع !!!!!!!!!!!


يفترض منعه للأبد

[RE-Qatar]

العيب مب من السيارة أو الجيب ... صيني ألماني أمريكي أو حتى هندي ...

العيب من طريقة السواقة وانعدام الوعي بالأمن والسلامة ...

صحيح اخوي

هالسيارة حق تمشي خفيف ووناسة لكن راعيها كافر في الموتر

[حسن]

لو كنت صاحب قرار كان اصدرت بامر يمنع منعا باتا من وصول الاسعاف الى على حوادث الطرق ويمنع الاسعاف الطائر دخوله المنطقه ويمنع الدوريات من الخروج والتحرك لاي حادث في تلك المنطقه

هل من رجل رشيد يستمع لراي

الله اعلم

[البارع]

نسئل الله العافيه

[الزعفراني]

ابشركم الرجال مافيه شي بخير ولله الحمد .. ربي ستر عليه وان شاء الله الباقيين يتعضون

[pink dream]

انا مستغربه من المصور الي صور يعني لما صار الحادث ما اهتزت يده لا بل واصل تصوير كنه شي عادي الي صاير !!!

[ام السعف]

لو كنت صاحب قرار كان اصدرت بامر يمنع منعا باتا من وصول الاسعاف الى على حوادث الطرق ويمنع الاسعاف الطائر دخوله المنطقه ويمنع الدوريات من الخروج والتحرك لاي حادث في تلك المنطقه

هل من رجل رشيد يستمع لراي

الله اعلم

:eek5:

صاير جنيكز خان :(


وهالشباب يظلمون نفوسهم ،، فلما تساهم في رفع الظلم عن نفوسهم
وعدم تركهم للموت تكون شاركت في احياء الناس وهالشي امره عظيم
عند الله سبحانه وتعالى ،،

[فارس قطر]

هذا الاستهتار ومايسوي في سيلين

http://img684.imageshack.us/img684/2562/27010311.jpg

http://uaesm.maktoob.com/up/uploads/b71fa341db.jpg

[معماري قطري]

والله الصور مرعبة وحزام الأمان يثبت جسم اللي في السيارة في السيارة وممكن ينجون من مثل هذي الحوادث.

انا مره شفت حادث لموتر سيكل حق ولدي والحمد لله كان صغير والله ستر لأن الموتر سيكل انقلبت عليه وويهه ضرب في الرمل وانحنى جسمه بتقوس عكسي رجله جات صوب راسه من ناحية الظهر .. كان عمره حول 6 سنين ومن ذاك الوقت قلت لا لسيلين.

[راس مشعاب]

الرجال بخير والحمد لله
والله يهديه مب اول مرة ينقلب
الله يصبر ابوه وامه عليه ويهديه

[ريم الشمال]

لاحول ولا قوة الا بالله
هذول المهمل الي كل واحد منهم عباله ما وراه من بينحرق قلبه عليه متى بيعقلون
وهذا الاب أو الام متى بتحط قلبها في ثلاجه وتتعامل مع المبرزن هذول عدل يعني زين يموت ولا يتعوق وينسدح في رميله عشان الحبيب ما ينكسر خاطره ينكسر ولا تفقدينه يالــ ...
الله يهديهم ويصلح الوالدين قبل الولد لأنهم هم الي يشترون ولا يراقبون

[بنت مريخ]

لاحول ولاقوه الا بالله
الله يهديهم ويحفظهم
يلعبون بعمارهم

[الكنترول]

الصراحة شيء مؤلم ومحزن

لا حول ولا قوة الا بالله

[الصغيره]

السؤوال الحين .....ليمتى ؟؟؟؟

ليمتى التشويه والفوفيات اللي قطعت قلوب الامهات ؟؟؟

ترى هاي مسؤوليه وبذمة كل مسؤووول متهاون بتاديه واجبه

[بحر شرق]

حادث مؤسف بس شكله لابس سروال وفانيله:eek5:

[الفا برافو]

يعني حبكت لازم الاستعراض ؟؟؟
لا هالقوطي مجهز للاستعراضات ولا المكان مجهز للاستعراضات ....
مايعرفون يتمشون بهدواء ..
ماقول الا جنت على نفسها براقش

[قلم صادق]

لاحول ولاقوه الا بالله ...

من كم يوم شايفه نفس هالجيب بالضبط بس لونه ابيض يمشي بسرعه في شارع الوعب الرئيسي مع السيارات واللي راكبين اثنين ومتلثمين ...

السؤال ؟؟؟؟ شلون مسموح له يمشي بين السيارات ووقت المغرب يعني الشوارع زحمه .. هذا لو ينقلب ولا يدعم حد سبب مصيبه له ولغيره ... وين المرور عنهم ؟؟ وشلون سامحين لهذه النوع تمشي بين السيارات وفي شوارع رئيسيه .

[صدى الرعد]

مسوي نفسة طرزان رايح يستعرض العبيط

عمرهم مايتعظون هاؤلاء الاغبياء

كل يوم ينسدح واحد منهم يامقيم في مستشفى الرميلة يامدفون في مقبرة ابوهامور

والله يهدي المتبقي منهم.
لاتشمت باخيك فيعافيه الله ويبتليك
الله يهدي الجميع

[واقع]

اذكر شعار المرور القديم يقول :

السياقة فن وذوق واخلاق

الله يرجعه لاهله معافى وصاحي امين فعلا فيديو اعجبني وياريت نشره للعضه والعبره بما ان مو سم التخييم بدا