مكيف Gree ولا توشيبا ؟؟

[RVD]

السلام عليكم

انا باركب حق غرفتي مكيف ومحتار تنصحوني ب gree ولا توشيبا من المناعي ؟؟ لانه الاثنين يمدحونه بغيت رايكم ؟؟ وانا حجم غرفتي 25 متر مربع تنصحوني اركب طنين ولا طنين ونص ؟؟

الله لايهينكم

[اللوز]

اولا
بغض النظر عن اسم الشركة
ركب مكيف نوع بستن
ثانيا
لازم اتجيب لك فني الشركة اللي بيركب لك او اتروح حق قسم التركيبات عندهم وتسالهم لانهم عارفين بالقياسات
ثالثا
لازم اتشوف الكهربائي
هل يستحمل حمل الكهرباء انك اتركب مكيفين ونصف
وبالتوفيق

[al.jernas]

السلام عليكم :)

أنا مركب gree بستن من 6 شهور تقريبا إذا موب أكثر ومن أروع مايكون أما التوشيبا صراحه ماعرفه يمكن حد مجربه يفيدك فيه :)

[الدبلوماسي]

التوشيبا ميه ميه ياباشا
المكيف الوحيد ف الي ماحصل له صيانه في بيتنا من تركب قبل 6 سنين تقريبا

[الواافي]

مكيف قري بستن

افضل واحسن
عن تجربه
ضمان سيرفس ممتاز مابعد بيع

[مهاجر]

طنين يكفيك ويزيد

[musel999]

اليوم مريت جري ماحصلت عندهم بستن كله تروبيكال قال بيجيهم شهر ١٢
ابي ١٠ مكيفات ادور مريت جنرال طلع حسابهم تقريبا ٣٥ الف مابين طن ونص وطنين
وقاعد ادور اللحين

[قطري واصيل]

اخوووووي انا اشوف gree وتوشيبا نفس الجوده ونفس القوه في التحمل من ناحيه حراره الجو والصوت
يعني ان شليت اي واحدمنهم موب خسران والصيانه مابعد البيع ممتازه وعن تجربه توشيبا اما gree فالكل يمدح في مكيفاتهم وانا اقول عينين في راس واحد يعني نفس المستوى في العمل وتوكل على الله وشيل اي واحد منهم

والله يوفقك

[ابو جمال]

ياجماعه حد جرب مكيفات فوجي من الريس الي في شارع الخليج ؟؟

[معماري قطري]

ياجماعه حد جرب مكيفات فوجي من الريس الي في شارع الخليج ؟؟

هلا بو جمال .. انا مجرب وصراحة لي قريب سنه مركب في المكتب تكييف وتدفئة وما شفت منه الا كل كفاءَة وهدوء في الصوت .. بديت أكنسل التعيس إل جي بعد خدمة 8 سنين وأغير صوب فوجي .. وتوني من فترة بسيطة مركب في غرفة النوم وما شاء الله بارد وايد.

نصيحة للي يبي يركب مكيفات وحاب يوفر ياخذ نوعيات راقية مثل متسوبيشي وفوجي وجنرال، وحتى لو عنده مكان متوقع إنه يبرد وايد وقت الشتا يخليه تكييف تدفئة، وهذا للغرف المهمة، والغير مهمة ياخذ لها أنواع أرخص.

[بوخالد911]

جربت gree

من حوالي 6 شهور
ولحد الان ممتاز تبارك الله

[مضارب دوسري]

جري الكل يمدحه

[بوالبيض]

انا مركب توشيبا ممتاز وشركه معروفه المناعي وصيانه اول باول

[السيليه]

gree افضل

[الرصاصي]

gree عن تجربه يستاهل بس مشكلتة الصيانه والورشه اتمنا يستلمه وكيل ثاني

[أبو خالد]

السلام عليكم
لو تريد نصيحتي تركب متسوبيشي ولو تبغي راسلني الخاص اطرشلك رقم مهندس زين يشوف الغرفة ومساحتها ويشييك كام طن تبريد تريد

[الخيال 11]

قري وبس والله يوفقك .

[RVD]

رحم الله والديكم على الردود انا ان شاء الله باخذ قري حق مكيفات البيت ماشاء الله الكل يمدحه داخل المنتدى وخارج المنتدى