المساعد الشخصي الرقمي

مشاهدة النسخة كاملة : استراحة استثماريه


الفا برافو
21-10-2013, 11:42 AM
السلام عليكم
حبيت استفيد من اي مشوره او فكره اقدر استثمرها في المشروع وهوعباره عن استراحه في ام عبيريه..
وبأختصارالمبنى تقريبا جاهز ... ويتكون من بركة سباحه داخليه مغطاة بالكامل من اجل الخصوصيه ومن ضمنها غرفة تبديل ملابس وحمام وشاور منفصلين وتقع من ضمن الفيلا .. وكذلك فيها صالة و 3 غرف نوم وحده منهم ماستر بالاضافه الى بانتري او مطبخ صغير للمشروبات .
بالخارج مجلس خارجي للرجال وملاحق منها مطبخ كبير وغرفة للخدامات وغرفه للغسيل . غير غرفة الحارس اللي كبرتها شويه لااقامة اي سائق يرافق العائله المستاجره للاستراحه .
افكر بعمل غرفة كبيره مغطاة ومكيفه اتضمن فيها العاب للاطفال تفاديا لحر الصيف .. ويمكن حديقة حيوان صغيره في صخيلات و ارانب مثلا .. مادري
اللي عنده خلفيه بالاستراحات او من المستأجرين للاستراحات ويتمنى يشوف بعض التغيير فيها بكون شاكر لو يفيدني ..
تحياتي لكم ودمتم في طاعته .
sweet qatar
21-10-2013, 02:30 PM
مشروع رائع.. الله يوفقك

ما انصحك تسوي الغرفة الي تقول عنها الحين.. توكل على الله واستغل الموسم

اهم شي في اي استراحة تكون شرحة.. واللاند سكيب ممتع
البساطة والامان اكثر ما يجذب العوائل
تغلبية
22-10-2013, 03:14 AM
مهم جداً النظافة .. ولو قدرت تسوي الأثاث فندقي .. والخدمة فندقية بتكون عامل مربح لك

لأن بعض الاستراحات والشاليهات تنعدم فيهم هذي العناصر

مكان الباربكيو مهم ..

الاضاءة والتهوية والمكيفات وتوزيعاتهم مهمة

فكرة حديقة الحيونات حلوة ...


ابحث في قوقل عن استراحات السعودية يمكن تلقى افكار تناسبك ... والله يوفقك
الفا برافو
23-10-2013, 07:41 AM
مشروع رائع.. الله يوفقك

ما انصحك تسوي الغرفة الي تقول عنها الحين.. توكل على الله واستغل الموسم

اهم شي في اي استراحة تكون شرحة.. واللاند سكيب ممتع
البساطة والامان اكثر ما يجذب العوائل

مشكوره يا اختي سويت قطر على مداخلتج الطيبه.. وان شاء الله الاستراحه بتكون شرحه لانه الارض كبيره نوعا ما ومسوي جلسات خارجيه ...والله الموفق .
الفا برافو
23-10-2013, 07:47 AM
مهم جداً النظافة .. ولو قدرت تسوي الأثاث فندقي .. والخدمة فندقية بتكون عامل مربح لك

لأن بعض الاستراحات والشاليهات تنعدم فيهم هذي العناصر

مكان الباربكيو مهم ..

الاضاءة والتهوية والمكيفات وتوزيعاتهم مهمة

فكرة حديقة الحيونات حلوة ...


ابحث في قوقل عن استراحات السعودية يمكن تلقى افكار تناسبك ... والله يوفقك
جزاج الله خير على المداخله الطيبه.. الاثاث جذاب مع الاكسسوارات ...ونفس الوقت فيه البساطه ..
الباربيكيو طبعا تم وضعه بالحديقه
وعلى فكره انا عملت حسابي لذوي الاحتياجات الخاصه وكبار السن اللي على كراسي متحركه
عملت لهم ممر للفيلا وممر لبركة السباحه بالاضافه الى ريل داير مادار البركه عشان يسندهم.. مع تجهيز واحد من الحمامات بالاداوات المساعده لهم .
والله الموفق .
آنــه
23-10-2013, 08:08 AM
طيب اذا هو جاهز ممكن تحط بعض الصور عشان الواحد يعرف شنو الشكل و يكون بالوقت نفسه اعلان عن الاستراحه عشان الناس اللي ما تعرف عنها تعرف عن وجودها و الناس تشوف حجم البرجه وشكلها .. دايما النظافه و مساحة المكان تكون الدافع الاكبر لاختيار المكان و ايضا الشكل مهم عند البعض بالاضافة لجودة الاثاث
(محمد)
23-10-2013, 08:26 AM
اعتبرني حجزت عندك الجمعة والسبت

ورقمي عندك :nice:
الفا برافو
23-10-2013, 10:34 AM
طيب اذا هو جاهز ممكن تحط بعض الصور عشان الواحد يعرف شنو الشكل و يكون بالوقت نفسه اعلان عن الاستراحه عشان الناس اللي ما تعرف عنها تعرف عن وجودها و الناس تشوف حجم البرجه وشكلها .. دايما النظافه و مساحة المكان تكون الدافع الاكبر لاختيار المكان و ايضا الشكل مهم عند البعض بالاضافة لجودة الاثاث

مثل ماقلت في بداية الموضوع المشروع تقريبا جاهز.... باقي شوية تشطيبات نهائيه .. الاثاث كله مشري وباقي تركيبه من استلم الاستراحه من المقاول وانشالله قريب..
البركه حجم عائلي عادي 10 في 5 متر..والعمق من 60 الى 120 سم..
وان شاء الله من تجهز الاستراحه انزل صورها.

والله الموفق
الفا برافو
23-10-2013, 10:34 AM
اعتبرني حجزت عندك الجمعة والسبت

ورقمي عندك :nice:


ابشر لعيونك... واعتبرها من صوبك اول ماتجهز :)
شموخ دائم
23-10-2013, 02:10 PM
,

,



مرحبا

موفق ان شاء الله

من المهم المتابعه الشخصيه ولا تترك الموضوع
على الحارس هناك
ترى راح يقصر بالنظافه والصيانه واللباقه وحسن التعامل

من المهم جدا نظافه المكان قبل دخول اي عائله للمكان

اعمل لها تسويق جيد

برشور فيه صور مختاره بعنايه
وفيه رسم خارطه يوضح طريقه الوصول لها والاحداثيات لجهاز الجارمن
احنا بعصر التطور
ممكن تحط موضوع في النت في المواقع القطريه
وتقدر تحط في اليوتيوب
وفيه طريقه التواصل بالهاتف
ويكون شخص فاهم الي بتختار رقمه
ويعرف يتعامل مع الناس
اعلانات في الوسيط

من المهم جدا تكون عارف اسعار ( الاستراحات ) في منطقتك
وتشوف سلبياتهم وتحاول تقدم شي تتميز فيه عنهم
حتى تكون منافس لهم
بالسعر وبالخدمات

حدد المواعيد والاسعار

اليوم

واليومين

وكل ما كان عدد الايام اكثر نزل في السعر

حدد سياسه معينه وحط لك قانون واضح لك

اخذ صوره من البطاقه الشخصيه للاعتبارات الامنيه

عاين الاثاث وباقي الامور لو كان فيها
تخريب او تكسير
لازم عندك سياسه واضحه في هذه الامور
وطريقه الدفع

اعمل استقبال معين لكل عائله
عبارات ترحيبيه
بوكيه ورد
صحن فواكه
ماي بارد
امور بسيطه تترك اثر طيب في النفس
:)

,

,


اخوك


شموخ دائم
الفا برافو
24-10-2013, 01:07 PM
,

,



مرحبا

موفق ان شاء الله

من المهم المتابعه الشخصيه ولا تترك الموضوع
على الحارس هناك
ترى راح يقصر بالنظافه والصيانه واللباقه وحسن التعامل

من المهم جدا نظافه المكان قبل دخول اي عائله للمكان

اعمل لها تسويق جيد

برشور فيه صور مختاره بعنايه
وفيه رسم خارطه يوضح طريقه الوصول لها والاحداثيات لجهاز الجارمن
احنا بعصر التطور
ممكن تحط موضوع في النت في المواقع القطريه
وتقدر تحط في اليوتيوب
وفيه طريقه التواصل بالهاتف
ويكون شخص فاهم الي بتختار رقمه
ويعرف يتعامل مع الناس
اعلانات في الوسيط

من المهم جدا تكون عارف اسعار ( الاستراحات ) في منطقتك
وتشوف سلبياتهم وتحاول تقدم شي تتميز فيه عنهم
حتى تكون منافس لهم
بالسعر وبالخدمات

حدد المواعيد والاسعار

اليوم

واليومين

وكل ما كان عدد الايام اكثر نزل في السعر

حدد سياسه معينه وحط لك قانون واضح لك

اخذ صوره من البطاقه الشخصيه للاعتبارات الامنيه

عاين الاثاث وباقي الامور لو كان فيها
تخريب او تكسير
لازم عندك سياسه واضحه في هذه الامور
وطريقه الدفع

اعمل استقبال معين لكل عائله
عبارات ترحيبيه
بوكيه ورد
صحن فواكه
ماي بارد
امور بسيطه تترك اثر طيب في النفس
:)

,

,


اخوك


شموخ دائم

جزاك الله خير ياخوي ..
ومشكور على بعض الايضاحات اللي كانت غايبه عن ذهني
واللي راح اكيد انفذها ان شاء الله ..
انا اشهد انك وفيت وكفيت..
بن مفتاح
27-10-2013, 12:34 PM
بعد ما تخلص اتمنى أأجرها للعائلة ..

وعسى الله يوفقك .. ويرزقك الحلال الطيب من اوسع ابوابه ..
QtrGate
28-10-2013, 04:53 PM
في اشياء بسيطة راح تحبب الزوار
مثلا تحط عصاير في الثلاجة مجانا
وتحط جبس عمان مجانا
كيس جبس عمان وكارتون عصير بيكلفك 25 ريال ﻻكن بيجذب الزوار
ممكن تحط 3 سياكل للاطفال
واهم شي العشب يغطي الارضي
الزعفراني
28-10-2013, 06:23 PM
اهم شيء سعر التأجير لليلة يكون أقل من الاستراحات اللي حولك .. :)
الفا برافو
29-10-2013, 01:35 PM
في اشياء بسيطة راح تحبب الزوار
مثلا تحط عصاير في الثلاجة مجانا
وتحط جبس عمان مجانا
كيس جبس عمان وكارتون عصير بيكلفك 25 ريال ﻻكن بيجذب الزوار
ممكن تحط 3 سياكل للاطفال
واهم شي العشب يغطي الارضي


تسلم ياخوي على النصيحه...
ان شاء الله الماي والعصاير بيكون في الثلاجه والجبس بيكون موجود...
الاطفال بيكون لهم ملعب في زحلاقيه ومراجيح ... غير نطاطيه بتكون متوفره تحت الطلب .
والارض بتكون مزروعه عشب وفيها ممرات وجلسه .. والله يقدرنا نرتبها اكثر واكثر.

تحياتي لك .
الفا برافو
29-10-2013, 01:37 PM
اهم شيء سعر التأجير لليلة يكون أقل من الاستراحات اللي حولك .. :)
هلا اخوي الزعفراني..
تسلم على مشاركتك....
:secret:... الاسعار ان شاء الله بتكون في متناول الجميع...
والاهم وهذا اللي اطمح له اني اخلي الاستراحه فعلا استراحه عائليه راقيه ومريحه..
وان شاء الله بتعجبك :)