المساعد الشخصي الرقمي

مشاهدة النسخة كاملة : بطاقة اثبات شخصية



جمال النعيمي
21-02-2005, 04:40 PM
السلام عليكم

البطاقة الشخصية

تعتبر اثبات وانتماء وطني لايحق لاي شخص اسائة استخدام بطاقة الشخصية الخاصة بة واستخدامها وتعريضها لغرض استفادة اشخاص اخرين بها مقابل مبالغ مالية .

ولاتعريضها كسلعة لبيع لمن يدفع اكثر

هذا رد على كل من يردد انة شي طبيعي ان تفيد و تستفيد منها

هذا ملزم قولة

الغشمري
21-02-2005, 05:26 PM
Jkf
السلام عليكم

يعطيك العافية

بنسبة لظاهرة بييع البطاقة الشخصية صراحة انا ضد هذي الناس
الي تبييع بطاقتها

ولكن لا مانع من استفادة بعد للطرفين بعد في نفس الوقت
من حيث الانصاف في قيمة الاسهم المشتراه

نلاحظ الاشخاص الي باعوا بطاقاتهم الشخية
بسعر : 5000 ريال
بسعر : 10000 ريال
بسعر : 20000 ريال

صراحه راح يكون الخسران الي باييع البطاقة
وهذا الشي يدل على عدم معرفة الشخص الي باع البطاقة الشخصية


عني انا صراحه قولك ايها عرف ناس يعني على الله وعلى راتب الشؤون بعد وعندهم ( 8 ) بطاقات فقط لا غير
وعطيتهم فكره عشان يتفيدون بعد في نفس الوقت

يعني على ان يبيعوا عدد ( 4 ) بسعر 12 الف ريال كقل سعر يعني للبطاقة
ويبقى لهم ( 4 ) وبنفس الملبغ يكتتبون فيه ويكون لهم بعد نصيب اكبر في الربح


أو الاستفادة للطرفين يعني يكون النص بالنص وقت توزيع وتخصيص الاسهم مهما كانت لو 1000
يعني يكون 500 حق راعي البطاقة و 500 حق راعي راس المال
هشكل يكون انصاف شوي


أو يكون هناك قانون مثلا من سوق الدوحة للاوراق المالية يعني يكون اتفاق من الطرفين راعي البطاقة الشخصية
وراعي راس المال عشان يكون الشي موثق والاثنين راضين في التقسيم


بس اختلف معك في (( تعتبر اثبات وانتماء وطني )) نعم هي انتماء وطني بدون تشكيك

وضد استفادة الاشخاص الاخرين مقابل يعني مبلغ صغير جداً وراح يتعوض بعد بييع الاسهم


بس هذا دور سوق الاوراق المالية في توعية المواطنين يعني مثل عمل كتيبات او ندوات
لانه هناك تقصير كبير من السوق نفسة في الامور هذي

فيه بعض الناس لا تعرف شنو معنى الاسهم

مثل واحد الله يستر عليه كنت اقوله يا فلان ليش ما تشتري لك اسهم بدل ما انت حاط فلوسك في البنك مكدسة
ولا يعطونك شي عليها

تخيل شنو قالي شنو انا مجنون اشتري سهم حق شنو اصيد فيه يعني
الاخ عباله السهم الي حق الرماية يعني

مثل هذا الوحد يصيدة بسرعه يعني يقوله بعطيك مبلغ مالي وقدرة كذى مقابل توقيعك والبطاقة الشخصية على الورقة

بس بعد يا طويل العمر لا تعم بالشي هذا لانه فعلا فيه نااااس مش لاقية تاكل قطعة الخبز ترى وهذا ما نقول عليهم
ما عندهم انتمى وطني بالعكس احيانا الحاجة وما تسوي

مجرد راي لا غير وشكر لك على الموضوع يا عسل

sulai6i
21-02-2005, 05:31 PM
مثل واحد الله يستر عليه كنت اقوله يا فلان ليش ما تشتري لك اسهم بدل ما انت حاط فلوسك في البنك مكدسة
ولا يعطونك شي عليها

تخيل شنو قالي شنو انا مجنون اشتري سهم حق شنو اصيد فيه يعني
الاخ عباله السهم الي حق الرماية يعني

ههههههههههههههههههه

من صجك يالغشمري ولا (( تتغشمر ))

لأن هالوقت صار في وعي عام بين كل الفئات السنية ..
وحديث المجالس كله عن الأسهم
مب بس المجالس

العمل .. مقاعد الحريم .. الشيّش .. حتى خطب الجمعة .. كله أسهم أسهم أسهم أسهم

الغشمري
21-02-2005, 05:42 PM
واحد في حاله
صدقني والله في ناس نايمة في العسل ما تعرف شي ابد

خصوصا الي قلت عنه الي عباله سهم حق الصيد
وبعد واحد يقولي زين اذا شريت السهم من بيشترية مني
يعني اعلن عنه في الجريدة

والله ما كذب عليك تستغرب من البعض وعلى فكره بعد لا تقول ما يعرفون ولا يكتبون يعني
هناك ترى العجب العجااااب

راح عطيك مثال تعرف فيه ناس وهذي الايام في ناقلات الغاز

تقول راح نكتتب اول ناس عشان يوزعون لنا اكثر لانه راح يكون من الاوائل
لو رحنا في الاخر يمكن ما نحصل شي من الاسهم :)

لا تضحك بس عاد وايد :) يا واحد في حاله

sulai6i
21-02-2005, 05:47 PM
وبعد واحد يقولي زين اذا شريت السهم من بيشترية مني
يعني اعلن عنه في الجريدة

ههههههههههههههههههههههههههههههههههههههه
ههههههههههههههههههههههههههههههههه


والله شي غريب

ههههههههههههههههه


انا اذكر في الشغل واحد يقول انه يعرف شخص اكتتب في كذا بنك يعني اكثر من طلب ويوم قاله ليش تكتتب في اكثر من بنك قال عشان ما يصيدوني !!!
ههههههههههههههههههه

qatar_moon
21-02-2005, 10:38 PM
والله ضحكتوني

ههههههههههههههه على سالفه السهم وانا صغيره كنت نفس هالرجال


لان اسمع امي وانا عمري 12 سنه تقولي ان ابوي شرى لي اسهم :D

وانا على اطول اتخيل اسهم الرمايه هههههههههههههههههه

سهم طايش
21-02-2005, 11:30 PM
في اكتتاب ناقلات سوف يحذف اكتتاب من باع بطاقته و هذا تصريح السويدي امس

و العمل جاري الان بواسطة 40 مدقق و سوف يتم فحص كل اكتتاب بدقه تامه و سوف يلغى اكتتاب من باع بطاقته

و على حسب كلام السويدي ان المدققين كانوا يدققون بنسبة 25% في الاكتتابات السابقه اما في اكتتاب ناقلات سوف يتم التدقيق بنسبة 100% يعني بيشخلونهم شخال 00

و سوف تتم معرفة من باع بطاقته بواسطه الحساب الذي سوف يتم سحب قيمة الاسهم منه

فمن غير المعقول ان يتم سحب اموال من حساب واحد ل25 بطاقه مثلا باسماء مختلفه !! و هنا يتم اكتشاف البطاقات المباعه

و الله يستر

sulai6i
21-02-2005, 11:36 PM
فمن غير المعقول ان يتم سحب اموال من حساب واحد ل25 بطاقه مثلا باسماء مختلفه !! و هنا يتم اكتشاف البطاقات المباعه

صدق المثل يوم قال

(( عقب الضحك صياح ))

توني فوق اتكعكع واضحك .. بس يوم قريت ردك يا سهم طايش .. ياتني الصيحة

الله يستر

qatar_moon
21-02-2005, 11:37 PM
لا والله صج عندنا ناس اذكياء

انزين انا مارحت شريت الاسهم بنفسي

انا شريت ونخصم الحساب من واحد من اهلي شرالنا كلنا

شلون السالفه بتصير

sulai6i
21-02-2005, 11:40 PM
Moon Qatar

رحتي وطي .. مثلي



:(

سهم طايش
21-02-2005, 11:43 PM
و الله علمي علمج يا قطر مون

بس هذا الكلام انا سمعته منه في تلفزيون قطر امس بالليل

بس اكيد بيلقون حل بس ما اعتقد انهم بيدققون على 5 او عشر بطاقات

هم يبون الهوامير اللي شروا خمسين و 100 بطاقه فما فوق

qatar_moon
21-02-2005, 11:44 PM
انزين انا مابعت بطاقتي بس واحد من هلي شرالنا

ترى بصيح اشلون هالسالفه :(

الاذكياء خلهم يشوفون الي باعوا بطايقهم بعقود وخرابيط :mad:

sulai6i
21-02-2005, 11:46 PM
هم يبون الهوامير اللي شروا خمسين و 100 بطاقه فما فوق

بردّت قلبي الحين


:)

إنتعاش
22-02-2005, 01:15 AM
والله كلامك اخوي

Jkf


كلام عين العقل و المنطقيه

ياريت بس الناس توعى على هالشي

وانها لما تقدم على هذه الخطوه كأنها ( باعت نفسها )

من اجل ثمن بخس من المال

ولو ان الناس توعى اكثر وتحس بقيمة البطاقة الشخصيه اللي هي مش لعبه

ولا اداة للمزايده او البيع

كان الكل عاش في اكتتابات معقوله و كل واحد خذ حقه بالعداله المطلوبه والمرجوه

سهم طايش
22-02-2005, 09:29 AM
كلامك عدل اخوي انتعاش

و لازم الحكومه توقف هالمهازل اللي تأثر على صغار المستمثرين

و تحط قوانين صريحه و واضحه للحد من شراء بطاقات المواطنين الشخصيه

و اي واحد يبيع البطاقه ذنبه على جنبه

alkaabi
22-02-2005, 10:42 AM
اعتقد العملية معقدة وايد

انا واحد مكتتب حق 6 من اخواني مع عيالهم

حساباتهم في المصرف الاسلامي

وانا في الدولي الاسلامي

والمصرف كان زحمة على طول بعكس الدولي

اللي كان الاكتتاب فيه وانت واقف

فقلت لهم انا بكتتب لكم احسن لكم من الزحمة وعوار الراس

رحت الدولي المغرب وانا واقف خلصت :)

فمايقدرون يسووون شيء

تواقيعهم موجودة والمفروض يبلغون الناس قبل

بعدين ياجماعة اللي عنده طلبات ردوها او شيء

المفروض يوم الاحد بنكه يبلغه

واذا ماجاك اتصال من البنك امورك تمام

امس البنك البريطاني متصل حق واحد من الشباب ويقول انه ردوا له

طلبين لانه مارفق صورة الولي مع الطفل القاصر

جمال النعيمي
22-02-2005, 10:51 AM
انا واحد مكتتب حق 6 من اخواني مع عيالهم

السلام عليكم

اخي انت معروف لدى الاسرة وقمت بنيابة عنهم وهذا لايوجد علية شك في انك تريد مساعدة اهلك وتوجد طرق كثيرة لمعرفة ذلك

اما الذين ليس لديهم ادنى قرابة او صلة هم الذين في موضع شك

ســـــــــــلام والله اعلم
:cool:

qatar_moon
22-02-2005, 02:38 PM
الحمدلله ريحتوني اشوى :p

ومن الغباء ماقتل
22-02-2005, 02:58 PM
بس يا جماعة كلام السويدي الصراحه مش ولا بد .. مافي اي سبب قانوني لالغاء الطلبات .. يعني بالعربي طالما الطلبات مكتملة وملتزمه ببنود وشروط الاكتتاب ومافيها اي تزوير او تغيير او تضليل .. مستحيل حد يقدر يلغيها .. لذلك انا اقول لاتخافون ولاتحاتون شي .. واذا طلبكم انلغى ارفعوا عليهم قضيه واطلبو تعويض كل سهم راح عليكم ب 100 ريال :)

qatar_moon
22-02-2005, 03:01 PM
هذا الي انا ناويه اسويه اذ انلغى طلبي :mad:

برفع عليهم قضيه وبطالب ب 10 مليون دولار تعويضا للاضرار النفسيه :cool:

sulai6i
22-02-2005, 05:59 PM
واحد من الربع يقول انه اكتتب عن طريق بنك قطر الوطني في بدايت الإكتتاب
وعقب ما طلعت شيكات الإسكان راح واكتتب مره ثانية في بنك الدوحه لأنه عنده حساب في البنكين
وهو على على نياته يقول ان الطلبات المتكررة يدمجونها في طلب واحد

اليوم واحد قال له .. انهم يمكن يلغون طلباته لأنه اكتتب مرتين برقمين حساب كل حساب غير عن الثاني
وإذا ما الغوا طلباته .. بياخذون طلب واحد وبيلغون الثاني

ومسكين الريال متخرع .. انا قلت له ما عليك منه لا تخاف .. وطلباتك ماشية لأن الاسم واحد

اذا حد عنده فكره يقول لي عشان اطمنه زياده

Spread Trader
22-02-2005, 06:07 PM
ياجماعه شبيكون الموقف اذا راعي البطاقه اعطاها شخص بالمجان ببلاش, ( يعني صحبه)

بعد بينلغي الطلب. ;)


انا مع القرار لان هذا يضر اغلبيتنا بس حبيت اعرض لكم الحاله الي فوق للمناقشه يعني واحد تنازل حق الثاني ببلاش :eek:

سهم طايش
22-02-2005, 09:18 PM
واحد من الربع يقول انه اكتتب عن طريق بنك قطر الوطني في بدايت الإكتتاب
وعقب ما طلعت شيكات الإسكان راح واكتتب مره ثانية في بنك الدوحه لأنه عنده حساب في البنكين
وهو على على نياته يقول ان الطلبات المتكررة يدمجونها في طلب واحد

اليوم واحد قال له .. انهم يمكن يلغون طلباته لأنه اكتتب مرتين برقمين حساب كل حساب غير عن الثاني
وإذا ما الغوا طلباته .. بياخذون طلب واحد وبيلغون الثاني

ومسكين الريال متخرع .. انا قلت له ما عليك منه لا تخاف .. وطلباتك ماشية لأن الاسم واحد

اذا حد عنده فكره يقول لي عشان اطمنه زياده

اي نعم عندي فكره

الطلب الثاني ملغي و الاكتتاب بيكون على الطلب الاول فقط لأنهم يعتمدون على رقم البطاقه الشخصيه مو على رقم الحساب 0

في اكتتاب ناقلات لا يجوز التقدم بطلبين و لا يوجد دمج للطلبات

prettywoman
22-02-2005, 09:35 PM
هاهاها......الله يرحمك يا يبى ...ما تعلمنى كلمة سهم الا منه وعقولنا ولله الحمد ايامها كلنت تستوعب....<اقربها لكم...مثلا اول مانزلت شركة الملاحة لاهل قطر تقريبا>الله يعين

سهم طايش
22-02-2005, 09:41 PM
الله يرحمه

alkaabi
23-02-2005, 09:08 AM
سهم طايش

هلا فيك اخوي

لكن اللي قريناه على ظهر طلب الاكتتاب انه هناك دمج لها

واغلب الناس اكتتبوا مرتين بس في نفس البنك

والطلبات راح تدمج وهالكلام اذكروه في الجريدة

وبنفسك تقول يهتمون بالرقم الشخصي

يعني مافيه مشكلة من وين اكتتب وكم مرة

ويعطيك العافية

حمد
23-02-2005, 11:59 AM
السلام

انا اكتتبت مرتين .... بس في نفس البنك ونفس رقم الحساب .....

وسألت الموظف ... قال لي ان اهم شي الرقم الشخصي ..... لان التجميع يكون على الرقم الشخصي ...

بالنسبه لوجود دمج او لا .... واضح جدا من كلام وزير الطاقة او فيصل السوديدي ... ان في دمج

لان عبدالله بن حمد لما ذكر عدد طلبات الاكتتاب ذكرها قبل الدمج ...

انا ماذكر كم العدد ... بس هو قال ان عدد طلبات الاكتتاب هو 00000 وقال قبل الدمج يعني ... في دمج

وسلامتكم

حمد

سموالأخلاق
24-02-2005, 07:50 PM
في اكتتاب ناقلات سوف يحذف اكتتاب من باع بطاقته و هذا تصريح السويدي امس

و العمل جاري الان بواسطة 40 مدقق و سوف يتم فحص كل اكتتاب بدقه تامه و سوف يلغى اكتتاب من باع بطاقته

و على حسب كلام السويدي ان المدققين كانوا يدققون بنسبة 25% في الاكتتابات السابقه اما في اكتتاب ناقلات سوف يتم التدقيق بنسبة 100% يعني بيشخلونهم شخال 00

و سوف تتم معرفة من باع بطاقته بواسطه الحساب الذي سوف يتم سحب قيمة الاسهم منه

فمن غير المعقول ان يتم سحب اموال من حساب واحد ل25 بطاقه مثلا باسماء مختلفه !! و هنا يتم اكتشاف البطاقات المباعه

و الله يستر

======================
السلام عليكم ورحمة الله وبركاته

والله اذا سوو هذي الحركه ما رح يكون في عدل.....

ياخي تصدق انا اعرف شخص بيتهم قريب على بنك قطر الدولي الاسلامي ومافي زحمه ..وما عنده حساب في هالبنك...حط الـ8 بطاقات هو واخوانه,,,,ضاف المبلغ في حساب صديقه اللي له حساب في الدولي الاسلامي...
وسجل رقم حسابه...وقدم الطلب..!!

هل يجوز انهم يلغون مثلا !!

لأن رقم الحساب لا يمكن أن يثبت ان الشخص قام بشراء هذه البطايق....

وغيره..كل طلبات بيتهم واللي يصيرون له....قبل آخر يوم اكتتبوا...
وبنفس الطريقه حطوا المبلغ في حساب شخص في بنك قطر الدولي اللي هو قريب أيضا
ونسحبت المبالغ من حسابه !

من العم ان الشخص هذا مش مستفيد ولا اي شي مجرد مساعده منه ...

هل هذا حقه راح...!!

ما أتمنى صراحه.......
وحتى غيره.....وغيره...في ما عندهم صندوق بريد...وحاطين على رقم صندوق بريد واحد للكل....!!

وغيره...... بآخر الايام....سجل رقم حسابه لطلب شخص مساعده منه بدون مقابل..ويرجع له هذا المبلغ بعد الاكتتاب وبيع الاسهم ,,,,!!


هل كلهم حقهم ضايع.......
هذا هو الاهتمام منهم بصغار المستثمرين......!!


نتمنى ما يكون في مشاكل ان شاءالله...
الا بالحق....بس هالطريقه (رقم الحساب) لا يثبت بيع ولا شراء



لكن.....الله يستر
وتحيــــــاتي
نــــــــواف

qatar_moon
25-02-2005, 03:04 AM
اي والله صح كلامك يا نواف

هذا مايثبت

لان احنا نفس الشي سوينا واحد من اهلي اشترالنا كلنا


زين المفروض يشوفون الي بايعين بطاقاتهم بعقود

لكن ماتمنى اي حد ينظلم في السالفه

علشان كل واحد ياخذ حقه

بس على الاقل يعطونا خبر بالي يصير اول بأول

ابوعلي اليافعي
25-02-2005, 12:22 PM
ياجماعه لا تخافون الالغاء بيكون للاستمارات المزوره والي فيها تلاعب... اما دمج الطلبات فامشي ولا فيه اي مشكله ..والشخص الي اكتتب باسم اخرين ماشي طلبه بشرط توقيع الشخصين عالطلب الي هم صاحب الاسم وصاحب رقم الحساب..والامور ماشيه انشالله وكل واحد راح ياخذ على قد نيته..ولا تحاتون مادام ابو مشعل فيها..

سموالأخلاق
25-02-2005, 01:27 PM
السلام عليكم ورحمة الله وبركاته

يعطيك العافيه ابو علي

هل يمكن أن يكون هناك تزوير بالاستمارات مثلا ؟
وكيف ؟
وأن يكون هناك تلاعب مثلا ..؟
أيضا كيف ؟

وتحياتي

الشقيان
26-02-2005, 04:02 AM
لا عادي اخووووووووووووووي هذا اذا صارت مشاكل على البطاقه يعني

راعي البطاقه نكب الي شرا البطاقه

وبنسبه عن رقم الحساب انا مكتتب برقم احساب ولد عمتي

يعني عاااااااااااااااااااااااااااادي مافيه شي احسابه وعلى كيفه احط الي يبيه

qatar_moon
26-02-2005, 06:00 AM
زين ابي اسأل

كيف بيصيدون الي باعوا بطايقهم ؟؟؟؟

سموالأخلاق
26-02-2005, 07:34 AM
زين ابي اسأل

كيف بيصيدون الي باعوا بطايقهم ؟؟؟؟

===============

الطريقه هي :

1- فرز طلبات الاكتتاب وملاحظة رقم الحساب + صندوق البريد +ارقام الهواتف المسجله.
لا بد من ملاحظه هذه الثلاث بيانات مجتمعه وتكون متشابهه بأكثر من طلب...

2- الاتصال بشاري البطاقه وهو المسجل ارقام هواتفه بالطلبات المتشابهه .

مثال /

ألو / السلام عليكم
المشتري / عليكم السلام

احنا بنك قطر المسؤولين عن طلبات الاكتتاب وتدقيقها..!
المشتري / ..............انا الحمدلله بخير

البنك/ ممكن تراجعنا وتجينا بنفسك
المشتري /ها,,,,,ماعندي ماعندي سياره.

البنك / هذا انت اعترفت بايع سيارتك عشان تحطها بالبطاقات ,اللي شاريها...ياويلك
ألحين تأكدنا انك شاري أكثر من بطاقه من عدة أشخاص.؟هل صحيح

المشتري / صحيح

المشتري / لحظه لحظه أمي تبي تكلمكم
الام / سامحو الولد سامحوه.... عليه ديون وعليه وعليه
سامحونا هذي آخر مره.....

البنك / خلاص خلاص مسموح بس لا تعيدها .ها ..!!


ههههه (( ترى هذي مزحه مب حد يصدق..))

qatarmoon
بخصوص كيف يعرفون اعتقد...والله أعلم... اللي أخذ أخذ واللي أعطى أعطى واللي اشتركوا اشتركوا مع بعض
وكل شخص ضيع على نفسه حر......

وبالاخير على ما اعتقد بينقال احنا قلنالكم ونصحناكم وحذرناكم والخ.

اتوقع هذا اللي رح يصير.... لكن لازم كل حق يرح لصاحبه..... لأن في ناس متنازلين ببطاقاتهم لناس من شهور من فتره طويله .
قبل لحد يقول لحد يتنازل ويبيع بطاقته والخ.
وفي ناس قالوا لا حرام ما نبي ندخل..!! وناس خذوها منهم .
وفي ناس متشاركين يحط راس المال والمشاركه النصف بالنصف.
والخ.

عموما بالتوفيق ان شاءالله للجميع..
وان شاءالله مثل ما سمعنا... مايكون الا كل خير.

وتحياتي
نـــواف

اضغط واستمع أثناء قراءتك

http://quran.islamway.com/misharySHOBA/019.ram