تأليف كتاب

[doha1]

السلام عليكم

حد عنده خبره كيف ممكن اجهز كتاب عندي للطباعه والنشر

كتبت وجهزت ومب عارف وين اروح اكمل باقي الاجراءات

[IT Engineer]

يالغالي روح اي مطبعة مثلا مطبعة الراية او الريان او رينودا لان هاي تحصصهم شوف عندهم وفالك طيب او اذا ما تقدر راجعنا شيك على الخاص الرقم وشكرا

[بوعلاوي]

مطابع الدوحه ممتازه

[H H]

الي متخصصين فهالشي هم دور النشر! جهّز لسته لدور النشر الي فالدوحه وزورهم واعرض عليهم الكتاب
واذا عجبهم تبدا المفاوضات وان شالله خير



بالتوفيق

[تغلبية]

اعتقد لازم تاخذ موافقة على من ادارة المطبوعات ، وعقب دار الكتب يعطونك رقم دولي

ردك علشان حفظ حقوق الملكية الفكرية ..

والافضل انك تشوف دار نشر تتبناك وتوزع كتابك وينجح ومنهم استفسر عن الاجراءات

مهم تخلي لك تقديم من شخصية اعتبارية تعطي ثقل للكتاب وخاصة اذا كان اول اصدار لك

وبالتوفيق إن شاءالله

[بيض الخعفق]

الاجراءات بالضبط كما ذكرتها تغلبية في مشاركتها
1- مسودة من الكتاب اللي ناوي تطبعه مع كتاب رسمي موجه لادارة المطبوعات والنشر بوزارة الثقافة بطلب الموافقة على النشر
2- بعد موافقة ادارة المطبوعات تاخذ نسخة من كتاب الموافقة الى دار الكتب القطرية لاخذ رقم الايداع بدار الكتب والرقم الدولي ردمك
3- تروح احد المطابع ومعاك نسخة من موافقة ادارة المطبوعات ونسخة من كتاب دار الكتب
4- كل مطبعة بتعطيك عرض سعر حسب حجم الكتاب وعدد النسخ وعدد الصفحات ونوعية الورق واذا كان بالالوان او بالابيض والاسود الخ
5- بعد اختيار المطبعة تبحث عن موزع للكتاب مثل مكتبة الثقافة او الشرق او الراية
وبالتوفيق

[doha1]

جزاكم الله خير جميعا

ماقصرتوا ع الشرح المفصل والمختصر

[ولد العلي]

جزاكم الله خير