ارجو الافاده عن زواج قطري من سعوديه

[مختصة]

السلام عليكم ورحمة الله وبركاته
ارجو تفيدوني اخواني الكرام
لو في قطري بيتزوج سعوديه؟
كيف الاجرائات؟؟
ومن وين ورقة الموافقه؟؟
وشلون نقدر نخلص الاجرائات
يليت الي عنده معلومات يفيدني ويتواصل معاي
واكون شاكره لكم

[قطريه22]

مافي ورقة موافقه لانه بيتزوج من دول الخليج وعادي
ورقة الموافقه تطلع للي بياخذ من غير دول الخليج

[تركي111]

هلا على الخاص

[سهيل قطر]

السلام عليكم ورحمة الله وبركاته
ارجو تفيدوني اخواني الكرام
لو في قطري بيتزوج سعوديه؟
كيف الاجرائات؟؟
ومن وين ورقة الموافقه؟؟
وشلون نقدر نخلص الاجرائات
يليت الي عنده معلومات يفيدني ويتواصل معاي
واكون شاكره لكم




أختي ما يحتاج أي موافقه مثل ماذكر الأخ فوق. لكن إلا جراءات الأخرى أولا فحص طبي ما قبل الزواج وتخلص خلال أسبوع بعدها عقد القران في محكمة المنطقة نفسها أن وجد أو أي اقرب قاضي تتبع له المنطقة وتستخرج من دفتر عقد القران ومن هذا الكتيب اعتقد تحتاج ختم وتوقيع الخارجية أما الرياض أو الدمام ومنها تجيبة هنا في قطر وتستخرجين منها عقد زواج من المحكمة في قطر بس هم تحتاجين اثنين شهود وموب شرط نفس الشهود اللي بالسعودية. أتمنى أفدتك وإذا عندك أي استفسار انا اقدر أكلم حد من ربعي هناك وب يقول لي اي شئ تحتاجينه وشكرا.

[أسد الجزيرة]

الخليجية في الزواج تعامل مثل القطرية

[رفيع الهامه]

مبرووووك مقدما



الامور سهالات مايبي لها اوراق ولا شي




اهم شي العزيمه لاحد ينسانا

[khalid Qtr]

مبروك مقدماً ، والله يبارك لكم ، الاخوان افادوك وما يحتاج موافقة ، فقط الفحص الطبي ..

[عاشق العديد]

توني ادري انه عااادي .. ارحبو يالربع

[أبوفهد666]

توني ادري انه عااادي .. ارحبو يالربع

شد حيلك

والعانية جاهزة :nice:

[راشد محمد]

بالتوووووووووووووووفيق

[الفهد1]

استفسر من السفارة السعودية

[عاشق العديد]

شد حيلك

والعانية جاهزة :nice:

ارحبو يالربع اقلطو .. هههههههههههه

[الكلدي]

زين ماخترت الله يوفقك

لاحقينك

[مهرة]

بالتوفيق ان شاءالله ومبروك مقدماً ..

[الـقـاسـي]

اذا كان مدني محد له خص فيه يخلص اموره ويصدق العقد من هناك ويجي الدوحه يوثق عقد الزواج , لكن اللي اعرفه اذا كان عسكري لازم ياخذ موافقه

[basma222]

بالتوفيق ان شاءالله

[(عبدالله)]

إذا في السعودية (الدمام)

1- لازم المتقدم وولي أمر المتقدم لها يروحون مجمع المحاكم عند رئيس القلم ويقدمون طلب عادي بخط اليد، وفي نفس الوقت يعطيه الموافقة ويوجهه للفحص الطبي.

2- الفحص الطبي بيكون في المستشفى الحكومي + ياخذ موعد مقابلة اللجنة الطبية النفسية.

3- بعد أسبوع من الفحوصات يراجع مجمع المحاكم وينسق مع المأذون الشرعي أو موعد عقد نكاح عند القاضي.

4- بعد استلام عقد النكاح يصدقه في مجمع المحاكم + تصديق الخارجية (اثنينهم على بعضهم رسوم 70-100 ريال).



أما إذا في الدوحة لازم مراجعة السفارة.

والله يوفق الجميع

[سـ ع ـود]

الله يوفقهم ان شاء الله
،
ماحبذ هالنوع من الزواج
حلاته الثوب رقعته منه وفيه
:)

[دانة الطواش]

طيب إذا كان الشاب عسكري والبنت من البدون الي في الكويت وش الإجراء .

[elders]

الله يوفقهم ان شاء الله
،
ماحبذ هالنوع من الزواج
حلاته الثوب رقعته منه وفيه
:)

مع احترامي لرأيك
بس جد احس بغصة من اللي سواه الاستعمار في المسلمين ..
انا مع التكافؤ في الزواج ..لكن السعودية وقطر ما في اختلاف يذكر في العادات والتقاليد اللي ممكن تعرقل الزواج
الله يوحد المسلمين يارب

تقبل مروري


مبارك والتمام على خير ان شاء الله

[السحابة]

الامر سهل بالنسبه للخليج بس الجنسيه تحصل عليها مثل الاجنبيه بعد 5سنوات