المساعد الشخصي الرقمي

مشاهدة النسخة كاملة : صلاحيات المكاتب الطبية ولجنة العلاج فالخارج !!!


برشلوني قطر
22-10-2013, 11:03 AM
السلام عليكم

الشي الغريب ان المكاتب الطبيه مالها صلاحيات

اي طلب لازم موافقة اللجنه اي مراجعه لازم موافقة

اللجنه. واللجنه الله يصلحها اذا وافقت على العلاج

ترفض تكمل وتراجع. عطونا سبب الرفض ؟؟ بدون ذكر

اسباب بس رفضنا وانتهى الموضوع. المكتب الطبي

يدري بأهميه ذي المراجعه لانهاء العلاج لاكن مابيدهم شي

ولازم الموافقه من اللجنه.

اتمنى من سعاده وزير الصحه ينظر فالموضوع ويعطيهم

بعض الصلاحيات بمتابعة احوال المرضى.

والله ثم والله ان الواحد لا وده بالغربه ومخلي اعياله وهله

ووده يرجع اليوم قبل باجر والاخوان رفض رفض رفض

الله المستعان
Aaziz
22-10-2013, 11:20 AM
الله يفرجها عليك اخوي برشلوني و تاكد اني ربي مايضيع اجرك الغربه و لجنه العلاج في الخارج امرين كل منهم اصعب من الثاني.

فيه امور كثيره عندنا في البلد الكل يشتكي منها و اكيد ان اصحاب القرار عندهم علم ولكن مانشوف تغيير و اصلاح للوضع.
R 7 A L
22-10-2013, 01:40 PM
الله يكون في عونك اخوي يرشلوني
وفي عون كل من تغرب للعلاج.


سابقاً كان للملحقة الطبية كافة الصلاحيات
وكانت خير عون للمرضى الذين يتلقون العلاج في البلدان التابعه لهم

ولكن اليوم
اصبحت وظائفهم مجرد
مندوبين بين المستشفيات واللجنة الطبية في قطر
والعديد والكثير ممن توقف علاجهم وهم في بداية المشوار

كان الله في عونكم زوداً على مرارة الغربة
تأتي قرارات اللجنة في غير وقتها.
برشلوني قطر
22-10-2013, 08:42 PM
الله يفرجها عليك اخوي برشلوني و تاكد اني ربي مايضيع اجرك الغربه و لجنه العلاج في الخارج امرين كل منهم اصعب من الثاني.

فيه امور كثيره عندنا في البلد الكل يشتكي منها و اكيد ان اصحاب القرار عندهم علم ولكن مانشوف تغيير و اصلاح للوضع.

اللهم لك الحمد والشكر وجزاك الله خير بوسعود

المشكله الامور بسيطه وما تحتاج التعقيد. انتو

وافقتو ع العلاج وحطيتو موظفين لمتابعة المرضى

عطهم صلاحيات يتصرفون ويتابعون المرضى.

صدقت في اشياء محتاجه تغيير ونتمنى كلامنا

يوصل وينظر له.
برشلوني قطر
23-10-2013, 12:29 AM
الله يكون في عونك اخوي يرشلوني
وفي عون كل من تغرب للعلاج.


سابقاً كان للملحقة الطبية كافة الصلاحيات
وكانت خير عون للمرضى الذين يتلقون العلاج في البلدان التابعه لهم

ولكن اليوم
اصبحت وظائفهم مجرد
مندوبين بين المستشفيات واللجنة الطبية في قطر
والعديد والكثير ممن توقف علاجهم وهم في بداية المشوار

كان الله في عونكم زوداً على مرارة الغربة
تأتي قرارات اللجنة في غير وقتها.

الله يكون في عون الجميع اخوي رحال

اي والله كأنهم مندوبين.

تدري ايش المشكله النظره ان الي رايح علاج كأن رايح

سياحه هذي المشكله. شوف عيني في لجنة العلاج فالصحه

وحده عطوها موافقه للعلاج قالت ماقدر اروح الحين بنتظر

اشوي بس يخلصون العيال المدارس قالو لها لج شهر اذا

مارحتي يتكنسل العلاج. مافي تقدير لظروف الناس
New Vision
23-10-2013, 02:30 AM
اللجنه الطبيه تابعه لوزير الصحه بعطيك مثال بسيط مريض عنده سفر ومطابق للشروط لتذكرة البزنس واللجنه موافقه عليه ودكتوره كاتب انه محتاج تذكره بنزنس شرايك عقب ماخلصو هالموافقات كلها قالوله لازم توقيع الوزير شدعوه عاد اللجنه موافقه وعقبها تروح للوزير عشان يوافق وغير هالشي المكاتب الطبيه كلهم تابعين للجنه مايسوون شي الا بعد موافقه اللجنه وتوقيع الوزير وللعلم ناس وايد تتضرر من انتظار الموافقه واخرتها يعطونه رفض شالسبب يقولك ارجع للدوحه وراجع اللجنه يعني انا اشوف انه مافي اي اهتمام للمرضى بس يبون اسم انهم يطرشون للعلاج بس يشفى المريض او يكمل علاجه هذا مب شغلهم ومايهمهم
برشلوني قطر
23-10-2013, 08:59 AM
اللجنه الطبيه تابعه لوزير الصحه بعطيك مثال بسيط مريض عنده سفر ومطابق للشروط لتذكرة البزنس واللجنه موافقه عليه ودكتوره كاتب انه محتاج تذكره بنزنس شرايك عقب ماخلصو هالموافقات كلها قالوله لازم توقيع الوزير شدعوه عاد اللجنه موافقه وعقبها تروح للوزير عشان يوافق وغير هالشي المكاتب الطبيه كلهم تابعين للجنه مايسوون شي الا بعد موافقه اللجنه وتوقيع الوزير وللعلم ناس وايد تتضرر من انتظار الموافقه واخرتها يعطونه رفض شالسبب يقولك ارجع للدوحه وراجع اللجنه يعني انا اشوف انه مافي اي اهتمام للمرضى بس يبون اسم انهم يطرشون للعلاج بس يشفى المريض او يكمل علاجه هذا مب شغلهم ومايهمهم

اول مره ادري ان لازم موافقة الوزير. << تعطيل* تعطيل

وعلى فكره سالفة الانتظار اللجنه تجتمع مره فالاسبوع

تخيل اجازة عيد وتنتظر لين تجتمع. اخبر واحد

قريب الشهر تم ينتظر الرد
برشلوني قطر
27-10-2013, 06:48 AM
سؤال اذا ممكن حد يفيدني

واحد حب يقدم لي عن طريق الديوان واطلبو تقرير

من مستشفى حمد. وانا مارحت مستشفى حمد من ٢٠١١

وتقاريري كلها من المستشفى في امريكا.

هل ف طريقه ثانيه ممكن اقدم لهم وللعلم انا خارج البلاد ؟؟