من اللي عنده خلفيه .... [الأرشيف] - منتديات شبكة الأسهم القطرية

Eng. q6r

22-10-2013, 11:17 AM

السلام عليكم ورحمة الله وبركاته
تحية عطره لمرتادي شبكة الاسهم القطرية

عندي استفسار بس بخصوص اللي نشوفهم في مجمع فيلاجيو ومجمع السيتي السنتر صوب السينما

يوقفون الشخص ويقولون له انت ربحت جائزه ويسجلون اسمك ورقم تلفونك على اساس تمر عليهم باجر تستلمها

وفوق كل هاي يقولون لك ربحت تذكرة للمنطقه الفلانيه مع اقامة فندقيه لمدة كذا يوم

وهذا طبعا نصب في نصب لان من ربعي وغيرهم راحو لمكتبهم وطالبوهم بمبلغ وقدره عشان يسافر !!!

وين وزارة التجاره عنهم !! وين حماية المستهلك عنهم !! وين البلديه عنهم !!!
نشوفهم بكثره ولا في فايده

ونشدت حد من الربع شغال في وزارة التجاره وقال لي بالحرف الواحد احنا نصيدهم بس يردون !!! شلون تصيدونهم بس يردون !!

اي حد عنده خلفية بهالموضوع لا يبخل علينا عشان نعرف اكثر واكثر عن هالشركة اللي ماعندها اي مصداقية من خلال الترويج اللي مسوينه

دمتم بود وتحية
تحياتي

JaSoosS

30-10-2013, 07:53 AM

على قولتهم القانون لايحمل مغفلين هذا عرض وطلب وشركات نفس هذه انعرفها اكثر من 10 سنوات ولا احد وقف في طريقهم هذا اسمه اسلوب في التسويق عشان يكسر لحاجز ويبتدي يسولف يبتدي بالهديه وفي النهايه الهدية موجوده لاكن مش اللي على بالك تكون مقيده بشروط