اللي عنده دريول او صبي ينتبه.. حصلت واحد يبي يشرد

[العضيد2]

امس الساعه 10:34 قدام السعوديه هايبرماركت في الشارع التجاري الريان الجديد وقفني آسيوي انا فكرته بيطلب مني شي سألته اشتبي قال لي انا يبي يشتغل اي شي
سألته قلت له انت من وين قال انا من كيرلا توني جاي من يومين
طبعا هو كذاب لأنه يكلمني بالعربي المكسر
قلت له تشتغل دريول قال اي بس انا الحين يروح مدرسة سواقه بعدين يحصل رخصه
اخذت منه رقم جواله: 333xxx74

اللي عنده دريول ينتبه

[bohilal191]

:omg:

تسلم اخوي العضيد بس رقمه مميز مايبيعه؟؟؟؟؟؟

[العقل المدمر]

:omg:

تسلم اخوي العضيد بس رقمه مميز مايبيعه؟؟؟؟؟؟

:eek5::shy:

[R 7 A L]

الحين بطلع لنا بعض الردود
التي تقول (لا تقطع رزقك)


بيض الله وجهك يالعضيد

[طبيب قطري]

جزاك الله خير على التنبيه

[الكلدي]

العمال الهاربين خير ياجماعه
فكروا فيها اذا مافي عمال هاربين
اصحاب الشركات يحتكرون الاشغال البسيطه
مثل اذا محتاج اي شغله بسيطه في بيتك بيقولك بسعر عالي
وهو يدري ماحد يقدر يخلصك غيره
تراهم خير لنا من وجهه نظري

[الكلدي]

ملاحظه

في ناس يقولون مشاكل العماله الهاربه

ارد عليهم العماله الهاربه مشاكلهم اقل من غيرهم لانه يدري لو عمل اي مشكله بيروح فيها

حتى تواجدهم في الاماكن العامه قليل
وكذلك المستشفيات فا لا يسببون اي زحمه

[ضوى]

العمال الهاربين خير ياجماعه
فكروا فيها اذا مافي عمال هاربين
اصحاب الشركات يحتكرون الاشغال البسيطه
مثل اذا محتاج اي شغله بسيطه في بيتك بيقولك بسعر عالي
وهو يدري ماحد يقدر يخلصك غيره
تراهم خير لنا من وجهه نظري

خير لك انت لانه بيخدمك / لكن الكفيل الفقير اللي دافع دم قلبه على تذكرته واقامته مبلغ وقدره هل يعتبر خير له ؟؟

الواحد يفكر بغيره قبل لا يفكر بنفسه ، اريح نفسي واجيب اي احد يخدمني وفي نفس الوقت اضر ولد بلادي

[ضوى]

اذا عندنا وايد من العضو الكلدي ، عمرنا مابنحصل حل لهالعمالة اهاربة

[عاشق العديد]

خير لك انت لانه بيخدمك / لكن الكفيل الفقير اللي دافع دم قلبه على تذكرته واقامته مبلغ وقدره هل يعتبر خير له ؟؟

الواحد يفكر بغيره قبل لا يفكر بنفسه ، اريح نفسي واجيب اي احد يخدمني وفي نفس الوقت اضر ولد بلادي

ررررددددد اتفق معاه ..
نفس الشي الخدم لما تدفع دم قلبك واخرتها شارده مع نيبالي مال المعصره وش شعورك عقب .؟

[الـخـالـدي]

ملاحظه

في ناس يقولون مشاكل العماله الهاربه

ارد عليهم العماله الهاربه مشاكلهم اقل من غيرهم لانه يدري لو عمل اي مشكله بيروح فيها

حتى تواجدهم في الاماكن العامه قليل
وكذلك المستشفيات فا لا يسببون اي زحمه

اذا واحد من هالدريولية خذا موترك وكنسلة لك وكنسلة سياره ثانية وشرد .. تقول خير

اذا واحد من هالعمالة باق بيتك وشرد .. بتقول خير

اذا واحد من هالعمالة تعدى بعيد الشر عنك على هلك .. بتقول خير

لما يشردون ويبنون مصانع خمور .. بتقول خير

لما يشردون ويسوون عصابات سرقة و اغتصابات .. بتقول خير


العمالة الهاربة قنابل موقوته ... اخبر سنة 2007 شددو عليهم ومن كثرهم ان سيارات تشيلهم و الله ماتكفيهم .. سيارات ورى بعض

الخوية الله يجزاهم خير ماقصرو كبسات عليهم هم وباقي الادارات الامنية

اتمنى هالادارات ترجع وتسوي مثل هالكبسات لانها فعلن نظفت البلاد

[dammaj77]

أخوي العضيد2 تكفى تعطيني رقمه الكامل لأني من سكان هذي المنطقة وعندي سايق تو جايبه من كيرلا وهو يتعلم في مدرسة السواقة ذالحين فتكفى تعطيني رقمه الكامل أبي أشوف هو سايقنا ولا شخص ثاني لأن الرقم اللي أنت حاطه يختلف عن الرقم اللي عنده والهندي مثلك عارف لئيم إلا مارحم ماربي منهم ماهوب معطيك رقمه الأصلي بيعطيك رقم رفيقه ولا أي رقم إذا حس إن فيه خطر عليه

[ضوى]

أخوي العضيد2 تكفى تعطيني رقمه الكامل لأني من سكان هذي المنطقة وعندي سايق تو جايبه من كيرلا وهو يتعلم في مدرسة السواقة ذالحين فتكفى تعطيني رقمه الكامل أبي أشوف هو سايقنا ولا شخص ثاني لأن الرقم اللي أنت حاطه يختلف عن الرقم اللي عنده والهندي مثلك عارف لئيم إلا مارحم ماربي منهم ماهوب معطيك رقمه الأصلي بيعطيك رقم رفيقه ولا أي رقم إذا حس إن فيه خطر عليه

وليش اساس تثقون بواحد ماعنده جوازه ولا اقامته ولا موافقة من كفيله ؟؟

[بن جعران]

انا اذكر مره شرد دريول عمي وفتحنا بلاغ هروب وعقبها بشهرين او ثلاثه لقيت الدريول في سوق العلي ومعاه عيال صغار ماسكهم بيدينه ويتسوقون ولين شفته مسكته من علباه وقالي انه شغال دريول عند عايله قطريه وخذيت رقم ابوالعيال وقالي هذا جايبه لي واحد من جنسيته وطالب راتب 2000 ههه

المهم خذيته ووديته المركز ,, ترى اغلب اللي يهربون سبب هروبهم انهم يوزونهم اللي من جنسياتهم

[الكلدي]

خير لك انت لانه بيخدمك / لكن الكفيل الفقير اللي دافع دم قلبه على تذكرته واقامته مبلغ وقدره هل يعتبر خير له ؟؟

الواحد يفكر بغيره قبل لا يفكر بنفسه ، اريح نفسي واجيب اي احد يخدمني وفي نفس الوقت اضر ولد بلادي


ليش ما تطرحين الاسباب اللي تخلي العامل يشرد من كفيله
ترى مو كل عامل يشرد
تعرفين في عمال يتمون بالاشهر ما يستلمون رواتبهم بالاضافه الى سو المعامله من البعض

انتي لو ياخرون عنك الراتب يومين سويتيها سالفه
شبكه الاسهم والاذاعه والجرايد حتى الاممم المتحده وحقوق الانسان بتروحينهم

[الكلدي]

اذا عندنا وايد من العضو الكلدي ، عمرنا مابنحصل حل لهالعمالة اهاربة

واذا عندنا وايد منك ماعتقد بنحصل حد يخدمنا

[بومحمد المطاوعه]

تبون الشرع ولا تبون اللعبه ؟؟


الشرع مايجوز تتبنالك شخص مب على كفالتك
اشدراك عنه شمسوي وشارد
يمكن مغتصب يمكن بايق يمكن الف شي وشي

اصلن اشلون ترضى على نفسك تخلي شخص هارب يشتغل في بيتك

الله يستر علينا وعليكم


تحملو بس عقب مايفيد الندم لو سوى شي وشرد

[الكلدي]

ررررددددد اتفق معاه ..
نفس الشي الخدم لما تدفع دم قلبك واخرتها شارده مع نيبالي مال المعصره وش شعورك عقب .؟

الحمد لله سنين وسنين نجيب خدم ولا عمرهم شردو بالعكس يسافرون ويرودن عندنا
حتى لو سافروا نهائيا يتمون على اتصال

ياخي احسن معامله الخادمه

تراهم بشر

[الكلدي]

اذا واحد من هالدريولية خذا موترك وكنسلة لك وكنسلة سياره ثانية وشرد .. تقول خير

اذا واحد من هالعمالة باق بيتك وشرد .. بتقول خير

اذا واحد من هالعمالة تعدى بعيد الشر عنك على هلك .. بتقول خير

لما يشردون ويبنون مصانع خمور .. بتقول خير

لما يشردون ويسوون عصابات سرقة و اغتصابات .. بتقول خير


العمالة الهاربة قنابل موقوته ... اخبر سنة 2007 شددو عليهم ومن كثرهم ان سيارات تشيلهم و الله ماتكفيهم .. سيارات ورى بعض

الخوية الله يجزاهم خير ماقصرو كبسات عليهم هم وباقي الادارات الامنية

اتمنى هالادارات ترجع وتسوي مثل هالكبسات لانها فعلن نظفت البلاد

من ناحيه قانونيه تواجدهم خطا لانهم لايحملون اقامات وغيرها

ترى المشاكل اللي ذكرتها الكل يسويها

فهمت قصدي تدري روح السجن وبتعرف شاقصد

[dammaj77]

وليش اساس تثقون بواحد ماعنده جوازه ولا اقامته ولا موافقة من كفيله ؟؟

أختي الكريمة ضوى الهندي ذا أنا جايبه سايق على كفالتي الشخصية لكن العضيد من كلامه وأوصافه ولأني من سكان المنطقة خلاني اوسوس أنه نفس الهندي اللي عندي لأنه يتعلم في مدرسة السواقه ، يمكن وزه شيطانه وخلاه يخطط يحط رجله فقلت أبي أتحرى ما أبي أسيئ الظن به.

[وطن]

تبون الشرع ولا تبون اللعبه ؟؟


الشرع مايجوز تتبنالك شخص مب على كفالتك
اشدراك عنه شمسوي وشارد
يمكن مغتصب يمكن بايق يمكن الف شي وشي

اصلن اشلون ترضى على نفسك تخلي شخص هارب يشتغل في بيتك

الله يستر علينا وعليكم


تحملو بس عقب مايفيد الندم لو سوى شي وشرد

:victory:

[زمان]

خلوا عنكم المهاترات والمناحس في الردود

مشكلتنا نطرح موضوع في المنتدى ونشذ عنه

اخوي الكلدي له وجهت نظر ونحترمها لكن الاخوان والاخوات بعد لهم وجهت نظر قوية جداً

القصد أن لا نشجع العمالة الهاربة بالتستر عليهم وتشغيلهم عندنا وعلى حساب الغير

ونكون بفعلنا هذا جزء من المشكلة وليس الحل

[ضوى]

ليش ما تطرحين الاسباب اللي تخلي العامل يشرد من كفيله
ترى مو كل عامل يشرد
تعرفين في عمال يتمون بالاشهر ما يستلمون رواتبهم بالاضافه الى سو المعامله من البعض

انتي لو ياخرون عنك الراتب يومين سويتيها سالفه
شبكه الاسهم والاذاعه والجرايد حتى الاممم المتحده وحقوق الانسان بتروحينهم

صح كلامك ، مب مخلية مكان مب رايحة له تدري ليش لانه حق من حقوقي ، اجري ، اللي ماياخذ راتبه فيه إدارة العمل تجيب حقه مب يشرد ويهيم من بيت لبيت ،

[ضوى]

واذا عندنا وايد منك ماعتقد بنحصل حد يخدمنا


يتحصل اللي يخدمك بما يرضي الله ويالقانون مب بالتحايل وسلب حقوق الناس

[ضوى]

أختي الكريمة ضوى الهندي ذا أنا جايبه سايق على كفالتي الشخصية لكن العضيد من كلامه وأوصافه ولأني من سكان المنطقة خلاني اوسوس أنه نفس الهندي اللي عندي لأنه يتعلم في مدرسة السواقه ، يمكن وزه شيطانه وخلاه يخطط يحط رجله فقلت أبي أتحرى ما أبي أسيئ الظن به.


الله يعينكم والله

[ضوى]

الحمد لله سنين وسنين نجيب خدم ولا عمرهم شردو بالعكس يسافرون ويرودن عندنا
حتى لو سافروا نهائيا يتمون على اتصال

ياخي احسن معامله الخادمه

تراهم بشر


الحمد لله على ماأنعم وتفضل به عليك

وياما ناس يجيبون خدم وسواق ويعاملونهم من احسن مايكون ويشردون ، ؟؟

[الكلدي]

خلوا عنكم المهاترات والمناحس في الردود

مشكلتنا نطرح موضوع في المنتدى ونشذ عنه

اخوي الكلدي له وجهت نظر ونحترمها لكن الاخوان والاخوات بعد لهم وجهت نظر قوية جداً

القصد أن لا نشجع العمالة الهاربة بالتستر عليهم وتشغيلهم عندنا وعلى حساب الغير

ونكون بفعلنا هذا جزء من المشكلة وليس الحل


انا ضد العماله الهاربه ووضعهم الغير قانوني

بس ما الاسباب اللي تخليهم يهربون
وما السباب اللي تخلي البعض يستر عليهم
مع ان الدوله فارضه رسوم مخالفه خياليه

صيد عامل على زاويه وحاول يفتح لك قلبه
والله بتعذره وبتقول زين سويت انك شردت

[الكلدي]

صح كلامك ، مب مخلية مكان مب رايحة له تدري ليش لانه حق من حقوقي ، اجري ، اللي ماياخذ راتبه فيه إدارة العمل تجيب حقه مب يشرد ويهيم من بيت لبيت ،



انت فاهمه وتعرفين تصرفين
بس هم مايعرفون شي

[الكلدي]

الحمد لله على ماأنعم وتفضل به عليك

وياما ناس يجيبون خدم وسواق ويعاملونهم من احسن مايكون ويشردون ، ؟؟


احمدك ياااارب
الله لا يغير علي

حضهم نحس

[ضوى]

انت فاهمه وتعرفين تصرفين
بس هم مايعرفون شي

اللي يعرف يدبر نفسه ويشتغل بالخش والدس وبمكر عن ناس غير كفلائه مابيعرف يسترد حقوقه ؟؟؟؟

[العضيد2]

أخوي العضيد2 تكفى تعطيني رقمه الكامل لأني من سكان هذي المنطقة وعندي سايق تو جايبه من كيرلا وهو يتعلم في مدرسة السواقة ذالحين فتكفى تعطيني رقمه الكامل أبي أشوف هو سايقنا ولا شخص ثاني لأن الرقم اللي أنت حاطه يختلف عن الرقم اللي عنده والهندي مثلك عارف لئيم إلا مارحم ماربي منهم ماهوب معطيك رقمه الأصلي بيعطيك رقم رفيقه ولا أي رقم إذا حس إن فيه خطر عليه

افا عليك بس

راجع الخاص

[الكلدي]

اللي يعرف يدبر نفسه ويشتغل بالخش والدس وبمكر عن ناس غير كفلائه مابيعرف يسترد حقوقه ؟؟؟؟



من قال ما يرد حقوقه راح يجيه يوم وبيردها ودبل

[ضوى]

من قال ما يرد حقوقه راح يجيه يوم وبيردها ودبل

وصلنا خير

سبحانك اللهم وبحمدك أشهد أن لا إله إلا أنت أستغفرك وأتوب إليك

[زمان]

انا ضد العماله الهاربه ووضعهم الغير قانوني

بس ما الاسباب اللي تخليهم يهربون
وما السباب اللي تخلي البعض يستر عليهم
مع ان الدوله فارضه رسوم مخالفه خياليه

صيد عامل على زاويه وحاول يفتح لك قلبه
والله بتعذره وبتقول زين سويت انك شردت

العامل الي تساء معاملة يلجاء للجهات المختصة
وفي عندنا قوانين تنظم العلاقة بين الطرفين الكفيل والعامل

تعال عالج المشكلة وابحث عن الاسباب وليس الظاهرة نفسها
المشكلة تبداء من مكاتب الخدم
لانهم هم الي يستقطبون هذي العمالة لك ولا يهمهم نوعية هذي العمالة وهمهم الاول والأخير هو الربح
لعلمك في عمالة جاية من بلدانها خريجة سجون مجرمين وبكل سهولة تلقاه ينتقل من بلادة الى بلادنا لان بلدهم يبون يتخلصون منهم هناك فقاطينهم علينا
والغلط بعد منا ماحطينا شروط وقننا عملية الاستقطاب وخليناها بشروط تناسب متطلباتنا الإقتصادية والدينية والإجتماعية

[meeemz]

والله شي يحر لما حد يذكر موضوع المعامله السيئه
وايد شردوا من ناس يعاملونهم ززين وفوق الزين لكن بكل بساطه يبي راتب اكثر
من حقه انه يدور مصلحته لكن من دون لايضر بالكفيل انا سواقي سوى مقلب
وخسرني فلوس وكان مرتااح وجديد وراتبه ١٥٠٠ وطلعاتنا في الويك اند ولانطرشه مشاوير نادر لكن قص علينا
وقبله سواق ثاني لكن شرح ظروفه و رغم انه ماتفهمناها لانه خسرنا فلوس عليه وكان توه راجع من اجازته ويبي يرجع الهند لكن سوينا اللي يبيه وسافر على حسابنا موقفه احسن من اللي يشرد لانه ماخدعنا
اما السواقين كله شاردين الحين دور عن سواق كلهم يبون الفين وكذابين شاردين ويالفون لهم قصه والناس تصدق لانها محتاجه وفوق هاي الدريوليه يقولون انه الكفيل راضي كلمت كذا دريول ويقول هالكلام وقت الصج يطلع شارداو يرجع يشرد . والله خل تنفعهم هالالفين بيتشحططون عشانها ويعيشون في قلق

[بومحمد المطاوعه]

انا لو شفت عامل شارد ابلغ عليه


اول شي الله مخالف شرعآ

ثاني شي قانونيآ ماله لزمه فدولتنا

ثالث شي الله اعلم شمسوي


معآ لحمايه دولتنا قطر من العمال الهاربه

[Abdlaziz]

اخواني اذا صادنا نفس الموقف وش الاجراء الي مفروض نتخذه ضد الشخص الي يطلب شغل واحنا نعرف انه شارد
هل ممكن نقول له تعال ونركبه ونوديه مركز الشرطه وشنو الاجراءات الي راح تصير

[بومحمد المطاوعه]

انا ضد العماله الهاربه ووضعهم الغير قانوني

بس ما الاسباب اللي تخليهم يهربون
وما السباب اللي تخلي البعض يستر عليهم
مع ان الدوله فارضه رسوم مخالفه خياليه

صيد عامل على زاويه وحاول يفتح لك قلبه
والله بتعذره وبتقول زين سويت انك شردت

بس ياخوي مب الكل صادق

وليش شرد بالاساس

اان كفيله ظالم ومايعطيه معاشه

خل العامل يروح يشتكي على كفيله

وشوف يسحبونه من اذنه ولالا

مب معناتها شرد من كفيله لان ظالم
اتبناه عندي واستر عليه هذا لايجوز شرعآ


يقول الله عز وجل: وَتَعَاوَنُوا عَلَى الْبِرِّ وَالتَّقْوَى وَلا تَعَاوَنُوا عَلَى الإِثْمِ وَالْعُدْوَانِ [المائدة:2] ،



بارك الله فيك ياخوي الكلدي

[بومحمد المطاوعه]

:victory:

حاضررين