ايهما افضل - رنج سبورت اوتوبيقرافيك 2014 - او g63 2014

[Khaled Qatar]

السلام عليكم

لو كان الاختيار لك ايهما تفضل ولماذا؟ مافي الحسنات والسيئات

ويعطيكم العافية

http://www11.0zz0.com/2013/10/22/11/802460799.png

http://www11.0zz0.com/2013/10/22/11/868261162.png

[المجروح81]

انا من ناحيتي بفضل السبووورت كفايه انه شكل جديد وانسيابي اكثر ولاتسمع فيه تنسيم

[بوجاسم566]

جوف اخوي اذا انت من النوع الى يبدل موترة كل سنة ف انا ارشح لك الرنج سبورت

لكن الى تبدلة كل 4 الى خمس سنين ف خلك على g63 لان الشكل مثل ماهو وهيبتة فيه

عكس الرنج الى كل سنتين نزلو له فيس لفت

[فــلان]

أنا آفضل الرنج , سياره شبابيه وديناميكيه وسواقتها ممتعه و قويه و مريحه

[مجلان]

أنا أفضل الكزس ٥٧٠٠ سعي للكمال لا يعرف الكلل

[بوفهد@]

من ناحيتي الجي 63 لاني اشوف السبورت شكله مب ذاك الزود اشوف الفوج احلى منه

[q6ri_vip]

من ناحيتي الجي 63 لاني اشوف السبورت شكله مب ذاك الزود اشوف الفوج احلى منه

كلامك ماعليه غبار وخر عن الأسبورت الأ في حاله نزلو له كت

[Khaled Qatar]

انا من ناحيتي بفضل السبووورت كفايه انه شكل جديد وانسيابي اكثر ولاتسمع فيه تنسيم

كلامك صحيح على انه انسياني ، بس بالنسبه للشكل بصراحه صدمه

[Khaled Qatar]

جوف اخوي اذا انت من النوع الى يبدل موترة كل سنة ف انا ارشح لك الرنج سبورت

لكن الى تبدلة كل 4 الى خمس سنين ف خلك على g63 لان الشكل مثل ماهو وهيبتة فيه

عكس الرنج الى كل سنتين نزلو له فيس لفت

من 3 لين 4 سنين - والحين عندي سبورت موديل 2010 وحاب الرنج والوكاله ومرتاح

بس للاسف الشكل الجديد خيب ظني

[Khaled Qatar]

أنا آفضل الرنج , سياره شبابيه وديناميكيه وسواقتها ممتعه و قويه و مريحه

كل كلامك ماعليه غبار ، بس نرجع للشكل للأسف

[بوعلاوي]

http://www11.0zz0.com/2013/10/22/11/868261162.png

[Mr-Khalifa]

ارشح لك السبورت بالرغم ان عندي جي 500

و السبب ان الموتر يقرقع وفيه تنسيم و غير انسيابي .. ميزته ان الموتر رفيع و وال 500 ريف بعكس ال63 وسواقته ممتعه

و اللي يقول ويتكلم عن شكل السبورت .. هل لأن شكله قريب من الايفوك؟ و اصلا شفيه الايفوك؟

فالنهاية انت تسوق سبورت الموتر أوسع من الايفوك و ارفع و لاتنسى المكينة طبعا اذا بتاخذ 8 سلندر ..

و الأهم من هذا كله ضمان الفردان اللي هو أفضل من ناصر بن خالد بمررراااحل

أرشح لك السبورت و الموتر يحتاج ل 4 سنين علشان فيس لفت من وجهة نظري

بالتوفيق..

[الوسيط العقاري]

ابصراحه لا هذا ولا هذا

عن نفسي بالرنج الفوج احسن منهم بكثير اللي يجيك فل اوبش

http://anaman.net/sites/default/files/styles/gal_big/public/gallery/range_6.jpg

اووو لكزس

http://www.7elm3aber.com/vb/imgcache/20/78254-image.jpg

[Khaled Qatar]

ارشح لك السبورت بالرغم ان عندي جي 500

و السبب ان الموتر يقرقع وفيه تنسيم و غير انسيابي .. ميزته ان الموتر رفيع و وال 500 ريف بعكس ال63 وسواقته ممتعه

و اللي يقول ويتكلم عن شكل السبورت .. هل لأن شكله قريب من الايفوك؟ و اصلا شفيه الايفوك؟

فالنهاية انت تسوق سبورت الموتر أوسع من الايفوك و ارفع و لاتنسى المكينة طبعا اذا بتاخذ 8 سلندر ..

و الأهم من هذا كله ضمان الفردان اللي هو أفضل من ناصر بن خالد بمررراااحل

أرشح لك السبورت و الموتر يحتاج ل 4 سنين علشان فيس لفت من وجهة نظري

بالتوفيق..

امس كلمت شركه المرسيدس وقالو جي 500 ب 500 ألف ، و 63 ب 680 ألف بس نفس ما انت تفضلت ان الرنج شكله يمكن ما أقنع الكثير لأن الفوج توه نازل وليلحين عامل ضجه .

انا طالب رنج سبورت 8 سلندر اوتوبيقرافيك من داخل احمر وبيوصل الشهر الجاي ، بس مب عارف هل اخذ الرنج او اغير عالمرسيدس ، وطبعا بخصوص الوكاله والضمان مافي مقارنه بين الفردان وناصر بن خالد

يعطيك العافيه عالرد

[Khaled Qatar]

أنا أفضل الكزس ٥٧٠٠ سعي للكمال لا يعرف الكلل

اللكزس جميل بس مايتقارن بالالماني والبريطاني

[بن جعران]

سمعت ان الرنج السبورت الجديد بعد الانتكاسه اللي صارت له لين نزل السوق بينزل له كت جديد يغير شكل الموتر للاحلى وخاصه خلفية الموتر

بس انا افضل ال63g اقوى ورزه اكثر,

[بني تميم]

أنا أفضل الكزس 5700 سعي للكمال لا يعرف الكلل



هههههههه :tease: :tease: :tease:

[وحيد-الشوق]

ابعد عن الكبت الي في الصورة الاولى عمري ماراح ابلع هالموتر لو ينزلون مكينتة 20 سلندر وفوق كل هذا شكله قبيح ويناقز جنه عرواي ويجيك واحد عنده موديل 2005 قالبه 2012 ويصف جنب موترك ولافي فرق بينهم :)

الرنج وايد حلو وكشخة وخصوصا الفوج بس اسمع وايد يتشكون من مشاكل الرنج الجديد

[Khaled Qatar]

ابصراحه لا هذا ولا هذا

عن نفسي بالرنج الفوج احسن منهم بكثير اللي يجيك فل اوبش

http://anaman.net/sites/default/files/styles/gal_big/public/gallery/range_6.jpg

اووو لكزس

http://www.7elm3aber.com/vb/imgcache/20/78254-image.jpg

2 من اخواني عندهم الفوج

[زمان]

سمعت ان الرنج السبورت الجديد بعد الانتكاسه اللي صارت له لين نزل السوق بينزل له كت جديد يغير شكل الموتر للاحلى وخاصه خلفية الموتر

بس انا افضل ال63g اقوى ورزه اكثر,

اذا تمشي وراه ماتعرف هو رنج سبورت 2014 او باثفاندر 1997 :eek5:

[وطن]

من ناحيتي الجي 63 لاني اشوف السبورت شكله مب ذاك الزود اشوف الفوج احلى منه

اتفق معاك

أمس اشوف السبورت أقول لهم من ضاربها على راسها !!
صارت كأنها اي فوج بس كبيرة

[وطن]

امس كلمت شركه المرسيدس وقالو جي 500 ب 500 ألف ، و 63 ب 680 ألف بس نفس ما انت تفضلت ان الرنج شكله يمكن ما أقنع الكثير لأن الفوج توه نازل وليلحين عامل ضجه .

انا طالب رنج سبورت 8 سلندر اوتوبيقرافيك من داخل احمر وبيوصل الشهر الجاي ، بس مب عارف هل اخذ الرنج او اغير عالمرسيدس ، وطبعا بخصوص الوكاله والضمان مافي مقارنه بين الفردان وناصر بن خالد

يعطيك العافيه عالرد

اخوي ضمان الفردان ع الرنج غير عن اللي ع البي ام
و انت اكيد تعرف الخدمة ومجربها

وكالة الرنج طلعوا عيننا
ولو ما اشتكينا عليهم كان ما اصطلبوا :telephone:



المرسيدس اشوف خدمتهم معاي أحسن
مقارنة بوكالة الرنج

[قناص قطر]

الرنج روفر افضل

[Khaled Qatar]

اخوي ضمان الفردان ع الرنج غير عن اللي ع البي ام
و انت اكيد تعرف الخدمة ومجربها

وكالة الرنج طلعوا عيننا
ولو ما اشتكينا عليهم كان ما اصطلبوا :telephone:



المرسيدس اشوف خدمتهم معاي أحسن
مقارنة بوكالة الرنج

بما ان عندج خبره اختي بالمرسيدي هل السيارات عليها ضمان ؟ وبكج سيرفس ؟ سألتهم كل االاسئله بس فاتني هالسوال

[Khaled Qatar]

سمعت ان الرنج السبورت الجديد بعد الانتكاسه اللي صارت له لين نزل السوق بينزل له كت جديد يغير شكل الموتر للاحلى وخاصه خلفية الموتر

بس انا افضل ال63g اقوى ورزه اكثر,

بيكون افضل ، لان الشكل الحالي مش ذاك الزود

[Mr-Khalifa]

بما ان عندج خبره اختي بالمرسيدي هل السيارات عليها ضمان ؟ وبكج سيرفس ؟ سألتهم كل االاسئله بس فاتني هالسوال

ضمان ناصر بن خالد 3 سنوات وللاسف مايعطونك سيرفس بكج

و خدمتهم تعيسه وبهدلوني .. قطع غيار غير متوفرة + مايحافظون على نظافة الموتر وتتصل لهم مايردون للاسف

يعني لدرجة صرت افضل خدمة البورش على المرسيدس .. بحكم اني امتلك الموترين

[غايه الطواش]

ضمان ناصر بن خالد 3 سنوات وللاسف مايعطونك سيرفس بكج

و خدمتهم تعيسه وبهدلوني .. قطع غيار غير متوفرة + مايحافظون على نظافة الموتر وتتصل لهم مايردون للاسف

يعني لدرجة صرت افضل خدمة البورش على المرسيدس .. بحكم اني امتلك الموترين

اخوي انا باخخذ لي موتر جديد عندي حاليا مرسدس
بس شركه ناصر بن خالد بهدولني ولاعندهم قطر غيار والسيرفس مالهم تعبان
الحين محتاره بي الباناميرا والcls الجديده
ايش تشور علي
وشلون خدمه شركه البورش؟

[وطن]

بما ان عندج خبره اختي بالمرسيدي هل السيارات عليها ضمان ؟ وبكج سيرفس ؟ سألتهم كل االاسئله بس فاتني هالسوال

3 سنين ضمان
ومافي باكيج سيرفس


وعلى حد علمي الرنج بدون باكيج سيرفس
الا جان سووها خدمة جديدة ؟





ضمان ناصر بن خالد 3 سنوات وللاسف مايعطونك سيرفس بكج

و خدمتهم تعيسه وبهدلوني .. قطع غيار غير متوفرة + مايحافظون على نظافة الموتر وتتصل لهم مايردون للاسف

يعني لدرجة صرت افضل خدمة البورش على المرسيدس .. بحكم اني امتلك الموترين

عاد انا العكس مع المرسيدس :shy:
السيارة استلمها منظفينها من داخل ومن برع
ولا قد تأخروا علي في التصليح
اذا القطعة مب متوفرة خلال أسبوعين توصلهم وسيارتي عندي
و يوفرون لي سيارة بديلة لو سيارتي دخلت الصناعية :victory:

[غايه الطواش]

3 سنين ضمان
ومافي باكيج سيرفس


وعلى حد علمي الرنج بدون باكيج سيرفس
الا جان سووها خدمة جديدة ؟






عاد انا العكس مع المرسيدس :shy:
السيارة استلمها منظفينها من داخل ومن برع
ولا قد تأخروا علي في التصليح
اذا القطعة مب متوفرة خلال أسبوعين توصلهم وسيارتي عندي
و يوفرون لي سيارة بديلة لو سيارتي دخلت الصناعية :victory:

انتي مصورعتهم ههههههه
وانا شكلي مشايه بطريقج

يختي انا سنتين سيارتي ترمض عندهم هاي غيى الاوقات الثانيه

[وطن]

انتي مصورعتهم ههههههه
وانا شكلي مشايه بطريقج

يختي انا سنتين سيارتي ترمض عندهم هاي غيى الاوقات الثانيه

لا انا سيارتي كله عندي :tease:

اشتكي عليهم في ألمانيا :victory:

[Mr-Khalifa]

اخوي انا باخخذ لي موتر جديد عندي حاليا مرسدس
بس شركه ناصر بن خالد بهدولني ولاعندهم قطر غيار والسيرفس مالهم تعبان
الحين محتاره بي الباناميرا والcls الجديده
ايش تشور علي
وشلون خدمه شركه البورش؟

اخوي ابعد عن ال Cls لان هناك تغيير فيس لفت السنه الجايه

وبخصوص البنميرا موتر حلو وخدمة البورش افضل مقارنة ب ناصر بن خالد افضل من واقع تجربة .. والبنميرا موتر ممتاز وعملي و انصحك بالفيس لفت الجديد .. ولكن مايعيب السيارة سعرها والكراسي الخلفية مفصولة

و نصيحتي لك شوف الأم ال 500 حلو وريف ووسيع وعملي جدا ومكينته احسن من الكاين اس .. 8 سلندر توين تيربو

و اتفق معاك ١٠٠ ٪ بان قطع الغيار عندهم ماساة لدرجه ان موتري خذ عندهم شهر كامل لتحويله لشكل ٦٣

وغير هذا انا عندي ام ال ٦٣ انتظرت اسبوعين علشان سفايف!!

ولكن ماخليتهم وخذت من عندهم Cls350 هههههه

[H B A]

G63 :nice:


اولا الموتر يستاهل بكل معنى الكلمه
وثانيا والجي63 من وجهه نظري ريف جدا بعكس الجي٥٥ (( لكن مايتقارن بريافة اللكزس ههه )
ممكن تطلب منهم تست درايف وتجرب

بس المشكله الوحيدة في المرسيدس للامانه خدمة الوكاله جدا جدا جدا تعبانه وتعاملهم جدا سيئ
وقطع الغيار دايما غير متوفره لازم تنتظر اسبوعين او ثلاث.
وواجهتي كذا مشكله وياهم للاسف
لكن الحمدالله على كل حال


احسن من وكاله البورش ماشفت مع ان غالبا مافي سيرفس باكج


وفالاخير بخصوص السيرفس باكج متوفر للجي63 وجميع السيارات
لكن ممكن تتصل في الصناعيه وتتاكد بالضبط كم سنه وبكم


سلام

[H B A]

ضمان ناصر بن خالد 3 سنوات وللاسف مايعطونك سيرفس بكج

و خدمتهم تعيسه وبهدلوني .. قطع غيار غير متوفرة + مايحافظون على نظافة الموتر وتتصل لهم مايردون للاسف

يعني لدرجة صرت افضل خدمة البورش على المرسيدس .. بحكم اني امتلك الموترين



والله انك صادق وكلامك 100٪
والبورش افضل من وكالة المرسيدس بالف مره


لكن بخصوص السيرفس باكج متوفر تقريبا من ثلاث سنين اذا مب اكثر
لكن مايجي مع السياره .. تشتري الباكج لحاله $$

[hamad almohd]

اخوي ضمان الفردان ع الرنج غير عن اللي ع البي ام
و انت اكيد تعرف الخدمة ومجربها

وكالة الرنج طلعوا عيننا
ولو ما اشتكينا عليهم كان ما اصطلبوا :telephone:



المرسيدس اشوف خدمتهم معاي أحسن
مقارنة بوكالة الرنج

انا اوافقج الراي بصراحه انا من سنة ال 98 وانا اتعامل معا المرسيدس والوكالة من اروع مايكون يسلموني السيارة نظيفه واذا ماتوفرت القطع يوفرون لي سيارة بديلة والبديل يكون بفخامة سيارتك وانا اذكر اخر مرا تمت سيارتي عندهم 5 شهور عطوني جي ال 500 استعملتها شهر وبعدها بدلت عطوني بوعيون e500 واستعملتها شهر واخر شي عطوني s500 تميت عليها لين ماخلصو سيارتي واخر دلع بصراحه وامااظن افكر بوكالة غير المرسيدس

[راعي القالات]

عليك بالجديد
الجي موضته صار لها مده طويله وصراحه مايستاهل سعره مقارنةً بالرنج

اذا محتار انصحك تجرب الرنج السبورت ٨ سلندر الجديد
ماعليك من الناس
جربه بنفسك
و صدقني بيطربك صح وبتذكر كلامي

[بني تميم]

اخوي الرنج سبوت احسن بوايد من الكبت التعيس

والموتر عليه صيانه مجانيه 3 سنوات

وارد الفردان احسن من وارد ناصر بن خالد

[v_h3]

المرسيدس سيرفسهم ضعيف عندي g65 وأبي ابدلة سفايف ومب متوفرة عندهم وعطلوني فوق الاسبوعين بس الموتر كان من اول دفعة أظن الحين تحسنو وكل شي توفر

[هجمة مرتدة]

ادخل قوقل والقي نظرة على الـ Cl Class الجديدة واللي هي تحت المسمى الجديد S Class Coupe 2014 . .
سيارة قمة في الروعة والرقي والفخامة . . ورياضية وشبابية في نفس الوقت . .