أغلاق دوار القوس ابتداء من يوم الخميس

[درب السعادة]

هل حد عنده خبر عن الطرق البدلية لدوار القوس وكيف سيتم تفادي الازدحام ، وردني انه سيتم الأغلاق:weeping: ابتداء من يوم الخميس القادم

[MAZEN37]

لاحول ولاقوهالا بالله
المنطقه هذه قمة الازمه الصبح
ليش كل شوارع الدوحه حفريات حرام يا اشغال

[توشيبا]

اما
من صدقك

[sav45]

لاحول الله الله يعينا على دوام الصبح.

[بوعلاوي]

ان شاء الله خير

[الزعفراني]

بيحولونه اشارات

[المزن الرياني]

بيحولونه اشارات


تقاطع من ثلاث مستويات وليس إشارات

[العقل المدمر]

شرايهم يصكون الشوارع كلها
ويخلون رمل وحصى عشان يتفادون الزحمة
والا يصرفون حق كل بيت هيليكوبتر لين يخلصون مشاريعهم الفاشلة
مادري وين يبون الناس تروح :anger1:

[فــلان]

صرت آفكر آرجع على الموترسيكل!!

[HotBlood]

هذا اللي قدرت اصوره من قناة الريان لان للاسف مافي شي موجود في موقع اشغال

[fhd4]

تقاطع من ثلاث مستويات وليس إشارات

اشارات مؤقتة … حتى انتهاء المشروع

[fhd4]

http://www.ashghal.gov.qa/en/MediaHub/News/PublishingImages/2013/10-Oct/Arch-RA-A.jpg

[الجوكر90]

الحين صكروا الكورنيش واستحملوا العالم
ماراح يكون ضرر كبير لو صكروا شارع واحد
مب هني المشكله
الطامه الكبرى بعد كل النطره يطلع المشروع فاشل

[بوخالد911]

الله يعيين

نستحمل اشوي

عشان نرررررررررررررررررررررررررررررررتاح أكثر

مثل ما كنا نعاني ع خط الكورنيش
الحين رااااااااااااااااااااااحات
الحمدلله

[العملة النادرة]

اغلاق القوس لمده سنتين على حسب موقع دوحه نيوز
انا هالدوار شريان الي وصلني حق حضانه البنت وحق الشغل بسووون لنا وين اذنك يا حبشي

[وطن]

http://www.ashghal.gov.qa/en/MediaHub/News/PublishingImages/2013/10-Oct/Arch-RA-A.jpg

:nice:

خوش تحويله

ذكرني اليوتيرن العود
بنفس تحويلة الوكرة


الله يصبر أهل الدفنة

[بونووف]

امس مريت عند الدوار قريت التنبيه..

diversion ahead ... coming soon

حسيت فلم رعب بينزل قريب

[وطن]

امس مريت عند الدوار قريت التنبيه..

Diversion ahead ... Coming soon

حسيت فلم رعب بينزل قريب

هاهاهاهاهاها
أضحك الله سنك

[حراير قطر]

امس مريت عند الدوار قريت التنبيه..

diversion ahead ... coming soon

حسيت فلم رعب بينزل قريب

وانت صادق هههههههاي

قاعده افكر الكل بيجي صوب دوار نادي قطر

والدخله اللي اتوديك صوب اشارات برزان

مسار واحد وعقب 3 مسارات :rolleyes2:

دوار البريد مثل يعني وين انطق برأسنا

ما ادري شنو اسميه بالضبط

يا اخي خلصوا اهنيه وافتحوا المسارات

وعقب صكروا الدوار :anger1:

[moonبنتnight]

الله يهديهم ما يكون سبب رئيسي في زحمة 00 الشارع ما يستحمل أن يسكرونه 00

[fhd4]

امس مريت عند الدوار قريت التنبيه..

Diversion ahead ... Coming soon

حسيت فلم رعب بينزل قريب

ههههههههههههه

الله يعين والله ... المشكلة ما عندي بديل غير هالدوار ...

[qatari911]

وسمعت بعد دوار العبيدلي بيسكرونه
الله يعين على الزحمه

[نصير المظلوم]

مادام محد يحاسب المسؤولين في الدولة ولا توجد جهه او وزاره معينه تحاسبهم فسوف تستمر التجاوزات الادارية و المالية و المشاريع الفاشلة في الدولة مما يهدر المال العام

[السكين]

صفحة whats going in qatar على الفيس بوك ذاكرين لمدة سنتين :omg:

ما صدقنا على الله ينفتح الكورنيش :weeping:

الله المستعان

[JN000N]

لاااا ومن بالله بروح الدوام!!!!! دوار التلفزيون ماسااه مايمشي الشارع
وين بروح
شكلي بداوم 10

[abdo222]

حلوووو ,, ترى الطريق من الدوار المائل لين دوار البريد ابداع !!
من الدوار المائل للتلفزيون ما ياخذ 15 دقيقه بس المفاجأه بعد دوار التلفزيون لدوار البريد (المها) على الاقل 45 دقيقه ,, ههه هال الكلام الحين ودوار القوس مفتوح , ,مابالكم واهو مغلق ,,

[بو الجوري]

لا حول ولاقوة إلا بالله

انا حاليا أخذ 30 دقيقه بس عشان أطلع من دوار القوس !!!

فما بالكـم لما تصير ال3 إتجاهات بتروح من طريق واحد !!!!!!!!!!!!!!!!

مب بس إختناق مروري بيصير ، إلا إغماء

[وطن]

ان شاء الله بتكون تحويلة زينه وما تتعطلون

تفائلوا بالخير تجدوه


وايد متعاطفه معاكم انا

[بو الجوري]

ان شاء الله بتكون تحويلة زينه وما تتعطلون

تفائلوا بالخير تجدوه


وايد متعاطفه معاكم انا


ماعتقد مابنتعطل :( و شكرا على التعاطف http://www.cheesebuerger.de/images/smilie/traurig/e045.gif

[وطن]

ماعتقد مابنتعطل :( و شكرا على التعاطف http://www.cheesebuerger.de/images/smilie/traurig/e045.gif

تفائل
تفائل

:nice:

[باندول]

اشغال مصخوها والمرور وداخليه طبعا اخلوا مسؤوليتهم بتحويل الدوارات لإشارات
الشوارع ضيقه ما تستحمل عدد سيارات وشغل شارع الكورنيش مصخرة وفاشل
ليش ما نتعلم من الدول المجاورة وليش نعالج الخطأ بلخطا
عيزنا وحنا نتكلم ومافي فايدة

[بو الجوري]

تفائل
تفائل

:nice:

ممكن أتفاول ههههه

[شيخ القبيلة]

المفروض يعطونا اجازة كم سنه لين تخلص مشاريع اشغال الحمدلله والشكر تمر على مشاريعهم الا كم عامل منثرين وينعدون على الاصابع يعني يابشر مشاريع دولة هاي بدال مايكونون مثل خلية النحل انا على قد ماروح دبي كل ماروح اضيع الاقي بلادهم تتغير ولا والمشاريع شغالين ليل نهار وكانهم نمل ماتقدر تعدهم من كثرهم ويخلص المشروع في زمن قياسي،،،،،،،،، ههههه واحنا كانهم يبنون بيت مب مشروع دولة الحمد لله والشكر

[وطن]

ممكن أتفاول ههههه

هاهاهاهاها
خلاص ابلغ أشغال لك
يوزعون فاله على اللي عالقين في التحويلة
:telephone:

هاهاهاهاها

[mubarak2006]

اشغال مصخوها والمرور وداخليه طبعا اخلوا مسؤوليتهم بتحويل الدوارات لإشارات
الشوارع ضيقه ما تستحمل عدد سيارات وشغل شارع الكورنيش مصخرة وفاشل
ليش ما نتعلم من الدول المجاورة وليش نعالج الخطأ بلخطا
عيزنا وحنا نتكلم ومافي فايدة
طيب رايك وقلته ايش الحل من وجهه نظرك ،،،،ولا احنا ننتقد وبس

[عيون الدوحة]

والله خاطري أشوف الدوحة سنة 2022
هل الشوارع بتتعدل ولا نفس الحركات بتكون موجودة من أشغال

[عيون الدوحة]

الاغلاق متى بيصير الساعة كم صباح ولا مساء
على فكرة الجوء صار حلو يعني سكان الدفنة يروحون دواماتهم الى بالابراج مشي رياضة واسرع لهم

[المحاميه]

بل
اماااا

شلون يعني يسكرونه؟؟
هذا شارع حيوي ..
انا اشهد انها مشكله

[رحال]

على بعد هل الصبر مايسونه نظام الحارتين أوثلاث لانه نظام فاشل

[باندول]

طيب رايك وقلته ايش الحل من وجهه نظرك ،،،،ولا احنا ننتقد وبس

حنا ما نتقد الا بعد ماشربنا المر تخييل دوامك 12 ساعه ساعه ونص رايح دوام وساعه ونص راجع البيت احسبها كم ساعه تصير
يعني في ذمتك 4 اشارات متتاليه في مسافه
ماتقل عن 4 كيلو وش ذا الهرج
بعدين شارع يبغي له توسيع
انا ماعندي حلول ولا انا بمهندس في اشغال
اؤكد لك لو عندي صلاحيات بتشوف شي ماشفته

لاكن يحق لي اشوف شارع شبيهه بشارع شيخ زايد الي في دبي بقطر وخاصه شارع الكورنيش هذا من حقي كمواطن
لانه من وعيت من دنيا من 40 سنه والبلديه وقتها ميزانيتها تنصرف على بنيه تحتيه...
أي بنيه تحتيه نسمع بها وماشفنها هذا بيض الصعو
نعم حاليا شغالين فيها و بتكتمل حق منديال 2022 يعني مو حق المواطنين

ارحمونا بتعليقاتكم الي ماتودي ولا تجيب ومن حقي انتقد وانتقد وانتقد

[fhd4]

قبل التحويلة الجديدة … من البيت للدوام حوالي 45 دقيقة …


اليوم ولله الحمد والمنة …15 دقيقة فقط …


خلاص مافي داعي يكملون المشروع عصفور في اليد ولا عشرة على الشجرة :tease:

[الفا برافو]

انسيابيه ولا اروع ... بس الاحظ الزحمه شويه للي جاين من منطقة دوار القوس عند تقاطع شارع الجامعه .

[بو الجوري]

بعد التجربه

من صوب جامعة قطر - بوابة البنات
ليـن دوامي مقابل السيتي كان ياخذ الطريق 40-50 دقيقه

اليوم ولله الحمد 22 دقيقه


بنشوف بكره شلون

[وطن]

قبل التحويلة الجديدة … من البيت للدوام حوالي 45 دقيقة …


اليوم ولله الحمد والمنة …15 دقيقة فقط …


خلاص مافي داعي يكملون المشروع عصفور في اليد ولا عشرة على الشجرة :tease:
الحمدلله


انسيابيه ولا اروع ... بس الاحظ الزحمه شويه للي جاين من منطقة دوار القوس عند تقاطع شارع الجامعه .

يمكن لأن توه اول يوم
ان شاء الله تخف عليهم الزحمه





بعد التجربه

من صوب جامعة قطر - بوابة البنات
ليـن دوامي مقابل السيتي كان ياخذ الطريق 40-50 دقيقه

اليوم ولله الحمد 22 دقيقه


بنشوف بكره شلون

تفااااائل :victory:
الحمدلله صار نص الوقت تقريبا

سعيده جداا عشانك :nice:

[ظل القمر]

ابسألكم يا جماعة

لو بأخذ الطريق من اشارات الستي لحد دوار القوس وبلف صوب الخليج الغربي الشارع مفتوح و الا ! يعني في تحويله ؟

[الخـود]

السلام عليكم
ممكن تأكدون لي اذا سكروه او لا!! لاني ما طلعت من يوم الخميس! علشان اعمل حسابي :) وشكرا

[رجل مثالي]

لاحول ولاقوهالا بالله
المنطقه هذه قمة الازمه الصبح
ليش كل شوارع الدوحه حفريات حرام يا اشغال



نعم يجب وضع حلول سريعه من أشغال لهذه الامور الهامه والله

أحنا تعبنا من هذه الامور والازدحامات والمشاكل الصباحيه

والله المستعان يجب التحرك من قسم رقابة المروريه ورقابة أشغال على

هذه المشاكل