ليش تقط ثوبك ؟؟!! ليش تقطين عبايتج؟!!!

[رهج السنابك]

شي ودي اعرف اسبابه واكيد منكن بنوصل للاسباب الحقيقيه وراه

القطري لو سافر برا قط ثوبه ولبس ملابسهم

القطريه قطت عبايتها وتحاول قد ماتقدر ماتبين انها محجبه صارت الموضه لبس التوربانات او البندانات او قبعات المهم ماتبي تبين انها مسلمه بحجاب طيب ليش؟؟ هل فشيله انج محجبه؟؟ هل تتفشلين من عبايتج؟

وانت ليش تقط لبسك الي يعكس هويتك؟ ليش تتفشلون ومن المطار مبدلين وفي قطر عند البعض عييييب لبس البناطيل
هل ثوبك يفشل؟؟ هل تحس الناس بتنظر لك نظره مش حلوه؟

طيب ليش الباكستاني مايتفشل من البنجابي؟؟ بالعكس من كثره اعتزازهم هم فرضوا لبسهم وصارت العالم متقبلته ومب شي غريب

لو كل قطري وخليجي
وكل قطريه وخليجيه
اعتزوا بزيهم وفرضوه فرض لما يسافرون وتعرف العالم على زينا بيكون شي عادي جدااااا ومحد بيلتفت علينا لان عيونهم بتتعود تشوفه

واعذار انه البنطلون اخف بالمشي ومدري شنو مب عذر مقبول
لان اغلبكم متعود على كسل الدوحه ومحدوده حركتكم

فشنهي اسبابكم؟ واستخدمت كلمه الجمع لان تقريبا كل القطريين يقطون الثياب وبعض القطريات يقطون العبايه

والله الثوب اشحلاته واعتزاز وفخر انك تفرض هويتك وشخصيتك مثل الباكستاني
والعبايه اشحلاتها والحجاب اشحلاته مايفشل عادي خلي العالم يدرون انج محجبه

[عاهد بن علي]

عسى الله يصلح الحال
متابع

[ANONYMOUS]

من بيكوي الثوب وبينشي الغتره في بلاد برا

مافي دوبي بيضبطه

وباي ذى وي وش يعني دوبي !! من وين جت الكلمه ؟؟ و ومن وين جت كلمة أوتي ؟؟

وشكرا

[MAZEN37]

في فرق بين الجنسين
الرجل وجهة نظري افضل من ناحية عمليه وعرف للبلد وهله
والمراءه لازم الستر في اللباس وبطريقه ايضا بمراعاة عرف البلد واحترام لديننا وشخصنا بصورة فيها وقار
وبالنهايه كل انسان يفرض احترامه حتى بملابسه
اما الصوره الي ذكرتيها فنسئل الهدايه للجميع

[فلتة زمانها]

الحجاب الحقيقي بدا ينقرض اهنيه عيل شلون في السفر ،،
صارت الشيله والعباه من العادات والتقاليد المحليه عند البعض

(إهداء للمتبرجات المغررات ب مظاهر التحضر الوهمي)
http://www.x88x.com/lives/13824649301.jpg (http://www.x88x.com/)\cell \r

[BoFahed]

أختي بالنسبة لي أتا البس بنطلون لما أسافر برا علشان ما نستغل وما تصير لنا مواقف مزعجة لانه بعض الشخصيات وخصوا المتسولين والنصابين العرب حتي في أوربا لما يشوف الثوب الخليجي يهجم مثل الذباب هذا غير الحثالة الحاقدين واللي يرمون كلام أنتو الخليجين فيكم وانتو وانتو الخ


بالنسبة للعباية أختي انا أشوف مالهم عذر لانه ولله الحمد المسلمين والمحجبات والعباية في كل أنحاء وقارات العالم

[توشيبا]

معاج حق بخصوص الحجاب وانا معاج

اما بخصوص الثوب صعبه فيه اسباب كثيره لو رحنا بلاد عربيه او شرق اسياء الطراروه ورانا اذا بلبس رياضي او جنز ويعرفون احنا من الخليج ركضً ورانا

وفيه اسباب الغسيل و كوي الثوب والغتره

اذا في السعوديه اتوهق اذا يسوي لي اوتي الثوب يكسر علي الكبك ولا يعرف يكوي الكسرات في الثوب القطري
مبالج في بلاد خارج الخليج مايعرفون الثوب

[مشاكل]

أختي الفاضلة الارستقراطية

لايوجد مقارنة بين الرجل والمرأة فيما ذكرتي البته ،،، وهذا ماتجده بعض النساء مبرراً للتخلي عن عبائتها في بلاد الكفر ،،، ولسان حالهن يقول : مثل ماتتخلون عن الثوب والغترة والعقال انتم يالرجال احنا بعد بنتخلى عن العباية !!!؟؟؟ عذر اقبح من ذنب !!!

مرجعنا في موضوعك هذا أولاً وأخيراً الدين الإسلامي

حدود العورة للرجل من السرٌة الى الركبة ،،،

أما بالنسبة للمرأة وحدود احتشامها امام الاجانب ،،، فعليها تغطية كامل جسمها بما لايصف ولايشف ولايلفت النظر من ألوان ومجوهرات وروائح عطرية وأصوات الكعب والمجوهرات

هذه هي الحدود وهذا هو المرجع لنا في كل بقاع الارض كما شرع لنا ديننا الاسلامي الحنيف

[بوخالد911]

وفي ناس تقط أخلاقها !!!!!!!!!!!!

[العقل المدمر]

يعني الحين الريال بالثوب يخاف من المتسولين
بس المراه بالعبايه لازم ماتخاف منهم
انزين ترى حتى الشيله والعبايه زي خليجي :shy:

[مشاكل]

وفي ناس تقط أخلاقها !!!!!!!!!!!!

كلام كبير احييك عليه :nice:

[نور الحور]

حبيبتي يالاستقراطية ..
بالنسبة لي أشوف إن (الزي) المحلي على الرغم من إنه يعبر عن هوية صاحبه وافتخاره ربما بهذه الهوية ..لكن ليس من العيب ولا المحرم شرعاً أن يتم لبس ملابس مغايرة تصلح لـ :

1. جو السفر : كثرة الحركة والتنقل، والطقس كذلك.

2. البعد عن محاولات التميز في بعض البلاد التي قد يؤدي فيها هذا التميز لكثرة النصب أو الاحتيال او التعرض للأمن الشخصي .

ولكن ..ليس معنى ذلك التهاون في اللباس الشرعي ..
الشروط الشرعية للبس الإسلامي يجب ان تكون متوافرة ..
لا يصف ولا يشف ، ساتر للعورات وبدون تبرج ..الخ بالنسبة للمرأة ..
وللرجل ان يستر العورة من السرة للركبة ..

وعليه فمن رأيي الشخصي أن تغيير الزي أثناء السفر ليس بالأمر الخاطيء ولا المذموم ..
ومثل ما قال بوخالد911 ..أهم شي الحفاظ على الدين والأخلاق .. وتلقائياً بالحفاظ عليهم بيكون اللبس مناسب ومحتشم :victory:

[راس مشعاب]

وفي ناس تقط أخلاقها !!!!!!!!!!!!

اووووف قوية !!!!

[khalid525]

كل واحد يلبس اللي يريحة طالما ما يكون مخالف للدين سواءا في بلاده وغير بلاده ليش نحب التعقيد .

[الصغيره]

اختي الكريمه

انا بعلق ويمكن تعليقي يزعل البعض

انا احب العبايه واحب اشوف الثياب على اهلها لكن نقطها العبايه اي نقطها لانها ماصارت عبايه لها حشمتها اللي نعرفها


لبسنا العبايه والنقاب والبرقع لكن اش صار ...؟؟؟

صارت البايه غميص نوم وصارت تنوره وصارت ملطشه للكل تلبسها الباكستانيه وتلبسها الهنديه ويشوهنها على كيفهم اي العبايه صارت مسخره بيد كل حداثه واكبر من شوه العبايه هن بناتنا وخوتنا ولنصحناهم صرنا رجعييات ومتخلفات من كم شهر بمحل دخلت وحده قطريه بالاسم شكليا مهرج لابسه عبايه تقولين تشويه للعبايه والعجيب معها وحده بكامل عبايتها وحجابها

تبين تنصحين ما تقدرين تطلعين تشوفين نقاب وعبايه على باكستانيه النقاب مربوط بطريقه والعبايه ضيقه ضيق يفشل والهنديه نفس الشي

روحوا مستشفى حمد راجعو بالعيادات شوفوا تشويه المقيميات للعبايات

والثوب حدث ولا حرج المقيم يلبسه وتحته ملابس داخليه صفراء وبرتقاليه او لابس ثوب وغتره والوجه وردي واللسان معوووج من هندي لباكستاني لمصري تخيلوا واقف عند مصعد ويجيك الرجل لابس غتره وعقال ويوم يتحاكى الا هو شوي ويرطن

للاسف ختلط العبايه بمسميات العبايا والثياب بمسميات الملابس وشوي شوي تختفي البعبايه والغتره والثوب وهذا الافضل خلوووهم يختفون بهيبتهم بدون تشويه لهم لا شكل ولا محتوى

اللي نشوفه الحين يعور القلب


الحمد لله

[توشيبا]

اختي الكريمه

انا بعلق ويمكن تعليقي يزعل البعض

انا احب العبايه واحب اشوف الثياب على اهلها لكن نقطها العبايه اي نقطها لانها ماصارت عبايه لها حشمتها اللي نعرفها


لبسنا العبايه والنقاب والبرقع لكن اش صار ...؟؟؟

صارت البايه غميص نوم وصارت تنوره وصارت ملطشه للكل تلبسها الباكستانيه وتلبسها الهنديه ويشوهنها على كيفهم اي العبايه صارت مسخره بيد كل حداثه واكبر من شوه العبايه هن بناتنا وخوتنا ولنصحناهم صرنا رجعييات ومتخلفات من كم شهر بمحل دخلت وحده قطريه بالاسم شكليا مهرج لابسه عبايه تقولين تشويه للعبايه والعجيب معها وحده بكامل عبايتها وحجابها

تبين تنصحين ما تقدرين تطلعين تشوفين نقاب وعبايه على باكستانيه النقاب مربوط بطريقه والعبايه ضيقه ضيق يفشل والهنديه نفس الشي

روحوا مستشفى حمد راجعو بالعيادات شوفوا تشويه المقيميات للعبايات

والثوب حدث ولا حرج المقيم يلبسه وتحته ملابس داخليه صفراء وبرتقاليه او لابس ثوب وغتره والوجه وردي واللسان معوووج من هندي لباكستاني لمصري تخيلوا واقف عند مصعد ويجيك الرجل لابس غتره وعقال ويوم يتحاكى الا هو شوي ويرطن

للاسف ختلط العبايه بمسميات العبايا والثياب بمسميات الملابس وشوي شوي تختفي البعبايه والغتره والثوب وهذا الافضل خلوووهم يختفون بهيبتهم بدون تشويه لهم لا شكل ولا محتوى

اللي نشوفه الحين يعور القلب


الحمد لله

صح لسانج يالكبيره:victory:

[romoz]

انا البس نفس لبسي بقطر ، بس زوجي لا
لان صعب الواحد يبلس ثوب و غترة برا

اولا من ناحية الشكل ثوب و غترة و متسكب مع جوتي رياضة ! ما يصلح

الاماكن هناك و الاجواء مو مثل قطر ، يعني هني مجلس ، مجمع ، سيارة و اذا تطور الوضع وزانت الاجواء راح للنقيان او راح للشمال و كلها اشياء مناسبة للزي القطري
بس هناك مطر اغلب الوقت ، العشب و الطين ، الاماكن وعرة و احيان البرد قااااارص جدا و اصلا اغلب الوقت مشي



اهم شي الستر سواء للمرأة او الرجل و اقول الرجل متعمدة لان الحين الشباب هابين في موضة لبس الشورت اللي يكون نص الفخذ الله يهديهم

[همر]

الحجاب الحقيقي بدا ينقرض اهنيه عيل شلون في السفر ،،
صارت الشيله والعباه من العادات والتقاليد المحليه عند البعض

(إهداء للمتبرجات المغررات ب مظاهر التحضر الوهمي)
http://www.x88x.com/lives/13824649301.jpg (http://www.x88x.com/)\cell \r


مسكينه هالبنت لو شافت حجاب السيخ

اللي شفته هالسنه في لندن

الخليجيات كلهم صاروا نفس الصوره:

http://www.elkhandaq.com/articles/12059/Photo1.jpg

[سارونه]

حبيبتي يالاستقراطية ..
بالنسبة لي أشوف إن (الزي) المحلي على الرغم من إنه يعبر عن هوية صاحبه وافتخاره ربما بهذه الهوية ..لكن ليس من العيب ولا المحرم شرعاً أن يتم لبس ملابس مغايرة تصلح لـ :

1. جو السفر : كثرة الحركة والتنقل، والطقس كذلك.

2. البعد عن محاولات التميز في بعض البلاد التي قد يؤدي فيها هذا التميز لكثرة النصب أو الاحتيال او التعرض للأمن الشخصي .
ولكن ..ليس معنى ذلك التهاون في اللباس الشرعي ..
الشروط الشرعية للبس الإسلامي يجب ان تكون متوافرة ..
لا يصف ولا يشف ، ساتر للعورات وبدون تبرج ..الخ بالنسبة للمرأة ..
وللرجل ان يستر العورة من السرة للركبة ..

وعليه فمن رأيي الشخصي أن تغيير الزي أثناء السفر ليس بالأمر الخاطيء ولا المذموم ..
ومثل ما قال بوخالد911 ..أهم شي الحفاظ على الدين والأخلاق .. وتلقائياً بالحفاظ عليهم بيكون اللبس مناسب ومحتشم :victory:

:nice::nice::nice::nice::nice::nice::nice:

[همر]

وجهة نظري للي يلبس لبسه الوطني في الخارج

اعتبره اهانه للزي اكثر منها فخر واعتزاز..


البتان والسيخ اللي تقولين عنهم يفتخرون بملابسهم

وفرضوا ثقافتهم على الغرب .. فرضوا ثقافة الطنازه

عليهم في كل مكان بس في ناس ماعندهم كرامه

احنا نتجنب الشذوذ عن المكان اللي احنا فيه لنتجنب

المساس بكرامتنا او اهانتنا لاننا راعين مشاكل ومانسكت


لكن لو مر الهندي في مكان فيه اجانب وقعدوا يتطنزون عليه

بيقعد يضحك وياهم !!!

وبعد مايخلصون بيقولهم .. تنكيو http://www.indiamike.com/india/attachments/552d1065817800-the-famous-indian-head-nod-or-wiggle-bobble3.gif

[aziz4z]

When you are in Rome , wear as Roman
ليش أجذبلي أنظار العالم , و كل واحد يطالعني باستغراب , و غير جي , الثوب إذا تعفس وين تكويه , أتذكر مرة حطيت ثيابي في الشنطة , و لين طلعتها , بااال معفس على الآخر , مستحيل ألبسه
بس هاي ما يعني ألبس لبس خادش للحيا

[بوخالد911]

كلام كبير احييك عليه :nice:




اووووف قوية !!!!

:nice::victory::nice:

[أم محمد 90]

بال
طالع الردود المستفزة من الشباب كل واحد له ألف عذر !!!

والمرة لو شنو ماتقط العباة ! أهم شي تتم لابستها عندكم
مو مهم جاها متسول تعرضت لتحرش جاها كلام جاتها نظرات حد حاول يسوي فيها شي لان زيها خليجي
مكسرة مشققة اللي هو

اما انتو الشباب لا لا لازم تفصخون الثوب
لان زي خليجي وانتو عندكم فلوس وتخافون من الطرارين ولان ماتلقون دوبي يكوي لكم

هههه عجب العجب بس

[أم محمد 90]

حبيبتي يالاستقراطية ..
بالنسبة لي أشوف إن (الزي) المحلي على الرغم من إنه يعبر عن هوية صاحبه وافتخاره ربما بهذه الهوية ..لكن ليس من العيب ولا المحرم شرعاً أن يتم لبس ملابس مغايرة تصلح لـ :

1. جو السفر : كثرة الحركة والتنقل، والطقس كذلك.

2. البعد عن محاولات التميز في بعض البلاد التي قد يؤدي فيها هذا التميز لكثرة النصب أو الاحتيال او التعرض للأمن الشخصي .

ولكن ..ليس معنى ذلك التهاون في اللباس الشرعي ..
الشروط الشرعية للبس الإسلامي يجب ان تكون متوافرة ..
لا يصف ولا يشف ، ساتر للعورات وبدون تبرج ..الخ بالنسبة للمرأة ..
وللرجل ان يستر العورة من السرة للركبة ..

وعليه فمن رأيي الشخصي أن تغيير الزي أثناء السفر ليس بالأمر الخاطيء ولا المذموم ..
ومثل ما قال بوخالد911 ..أهم شي الحفاظ على الدين والأخلاق .. وتلقائياً بالحفاظ عليهم بيكون اللبس مناسب ومحتشم :victory:

:nice::nice::nice::nice:


ياما شفت اشكال بالسفر
المرة مسكينة ميته حر وعرق بالنقاب والعباة المخببببة الطوووووييلة وشوي وتتخرطف

والريال بالشورت والتي شيرت والزنوبة خفييف ومستمتع !

في ضوابط للزي الشرعي بحيث المرأة تاخذ حريتها بالمشي والتسوق والاستمتاع بالسفر

وغير جي (يا رجل) شكلك مو حلو بالشعر المضبط والشورت والتي شيرت
ومرتك وراك مكممة :)

[شبح الصمت]

بال
طالع الردود المستفزة من الشباب كل واحد له ألف عذر !!!

والمرة لو شنو ماتقط العباة ! أهم شي تتم لابستها عندكم
مو مهم جاها متسول تعرضت لتحرش جاها كلام جاتها نظرات حد حاول يسوي فيها شي لان زيها خليجي
مكسرة مشققة اللي هو

اما انتو الشباب لا لا لازم تفصخون الثوب
لان زي خليجي وانتو عندكم فلوس وتخافون من الطرارين ولان ماتلقون دوبي يكوي لكم

هههه عجب العجب بس




ترى ردج يرمي الى افكار مدري شاقول لج ..

يعني تبين الوحده تقط عبايتها لاجل الطرارين ما يتعرضون لها او الحراميه ما يتعرضون لها وتتشبه باهل البلاد !!


ممكن تردين علي لانه ردج ينرفز صج عجيب ومابي اقولج انه هذا تحليلج .. !!

:rolleyes2:

[شبح الصمت]

:nice::nice::nice::nice:


ياما شفت اشكال بالسفر
المرة مسكينة ميته حر وعرق بالنقاب والعباة المخببببة الطوووووييلة وشوي وتتخرطف

والريال بالشورت والتي شيرت والزنوبة خفييف ومستمتع !

في ضوابط للزي الشرعي بحيث المرأة تاخذ حريتها بالمشي والتسوق والاستمتاع بالسفر

وغير جي (يا رجل) شكلك مو حلو بالشعر المضبط والشورت والتي شيرت
ومرتك وراك مكممة :)





شنهي الضوابط يالشيخة ممكن تذكرينها لانها والزي الشرعي الي لازم تلبسه في السفر

اتحفينا الله يجزاج خير ننتظر ردج !!

:)

[أم محمد 90]

ترى ردج يرمي الى افكار مدري شاقول لج ..

يعني تبين الوحده تقط عبايتها لاجل الطرارين ما يتعرضون لها او الحراميه ما يتعرضون لها وتتشبه باهل البلاد !!


ممكن تردين علي لانه ردج ينرفز صج عجيب ومابي اقولج انه هذا تحليلج .. !!

:rolleyes2:

لا لا اخوي لا تفهمني غلط

انا ماشجع الوحدة تقط عبايتها

بس اقصد شوف ردود الشباب مستفزة وايد

يتعذرون بأن الثوب ماينكوي برع !
زين صج ترى العباية تتكسر فالشنطة !
والله كاتب عار البس ثوب مكسر
واللي كاتب مالبس الثوب عشان مايجيني طرار !


فهمت قصدي و لا أوضح ؟

[أم محمد 90]

شنهي الضوابط يالشيخة ممكن تذكرينها لانها والزي الشرعي الي لازم تلبسه في السفر

اتحفينا الله يجزاج خير ننتظر ردج !!

:)

دامه لباس ساتر ومايشف الجسم والشعر مغطى خلاص :victory:

مش لازم خلق يكون لونه اسود :)

[شبح الصمت]

لا لا اخوي لا تفهمني غلط

انا ماشجع الوحدة تقط عبايتها

بس اقصد شوف ردود الشباب مستفزة وايد

يتعذرون بأن الثوب ماينكوي برع !
زين صج ترى العباية تتكسر فالشنطة !
والله كاتب عار البس ثوب مكسر
واللي كاتب مالبس الثوب عشان مايجيني طرار !


فهمت قصدي و لا أوضح ؟



بقولج شيء دامها في حمى زوجها أو أبوها أو أخوانها خلاص يلبسون الي يلبسونه اهم شيء اهي معاهم وتاكدي محدن راح يقرب صوبها دامهم 24 ساعة جمبها ..

ومهب عذر اني البس في دول الواحد يقدر يلبس زي بلاده فيه وفي دول ما تقدرين تلبسين فيها صح وإلا لا !!

:)



دامه لباس ساتر ومايشف الجسم والشعر مغطى خلاص :victory:

مش لازم خلق يكون لونه اسود :)




بعد مب مقتنع كلش في لبس غير العبايه مع احترامي

[أم محمد 90]

بقولج شيء دامها في حمى زوجها أو أبوها أو أخوانها خلاص يلبسون الي يلبسونه اهم شيء اهي معاهم وتاكدي محدن راح يقرب صوبها دامهم 24 ساعة جمبها ..

ومهب عذر اني البس في دول الواحد يقدر يلبس زي بلاده فيه وفي دول ما تقدرين تلبسين فيها صح وإلا لا !!

:)






بعد مب مقتنع كلش في لبس غير العبايه مع احترامي

كلن وله رايه واحترمه
وانا قلت رايي واتمنى الغير يحترمني لان عارفة بعد فترة شنو راح تكون الردود

عموماً متابعة بصمت

[sweet qatar]

يعني الحين الريال بالثوب يخاف من المتسولين
بس المراه بالعبايه لازم ماتخاف منهم
انزين ترى حتى الشيله والعبايه زي خليجي :shy:


منطق عجيب.. :happy:

حتى لو قطوا الثوب ترى ينعرفون


الشرع واضح في حدود اللبس بالنسبة للجنسين
والي يخاف الله بيلتزم في كل مكان

وباقي الأمور حرية شخصية

[شبح الصمت]

كلن وله رايه واحترمه
وانا قلت رايي واتمنى الغير يحترمني لان عارفة بعد فترة شنو راح تكون الردود

عموماً متابعة بصمت




اعصابج يبه مبين مع تغيير خطج ومتابعتج بصمت انج ريلكس

:)

[رهج السنابك]

دامه لباس ساتر ومايشف الجسم والشعر مغطى خلاص :victory:

مش لازم خلق يكون لونه اسود :)

صح مش لازم خلق اسود لان شرعا اللون غير محدد اللهم لا يلفت النظر

وماعندي خلاف الوحده تتحجب كامل بحجاب ابيض وتلبس عبايه بيضا
او بيج او كحلي او بني نفس عبايات الشاميات اهم شي لبس ساتر وفضفاض

لكن اللي حاصل البنات صاروا مايتحجبون تلبس بندانه نفس عمامة السندباد والرقبة والخدود والاذن طالعين والقذيلة بعد عشان تطلع حلوه

لكن عن نفسي افضل الوحده معتزة بعبايتها الخليجية
والريال بثوبه الخليجي مب لازم غتره بس على الاقل خل ثوبك عليك

وحجة الكوي
مثل ماتكوي عند الدوبي في الدوحة تقدر تكوي عند اي دوبي برا مب عذر

قوة الشخصية العربية والخليجية مطموسة

ولا اجد عذر لا عشان الطرارة ولا عشان الكوي بل العذر نفسي داخلي يحسونها فشيله او بنلفت النظر!

[رهج السنابك]

وسبق وسافرت دول نااااااااااااااااادر مايشوفون فيها خليجيين وكنت بعبايتي السوده والامر عاااااااادي جدا لا شفت طراروه ولا تلعوزت

احب انا افرض لبسي عليهم مثل ما هم يفرضون لبسهم علينا

[Qatarianes]

ههههههههه ماقدرت اوقف ضحك ع سالفة العبايه البيضا تحس انه في trolling هالموضوع :tease:

اهم شي عورة الرجل والمرأه تتستر ،، عدا عن ذلك كلن حر بلباسه
انا كريال لما اسافر برا اعشق المشي اهني واهناك والثوب كلش مايساعد

[Nojoom]

بالنسبه لي ..

العباه الهدف منها الحشمه وستر العوره وتجنب لفت النظر



وللأسف ماشوف ان عبايات هالايام ساتره ومحتشمه

بعض العبايات احسها فستان بس لونه اسود .

والله مرات تلفت انظري صاحبة العباه اكثر من الي لابسه لبس اخر .لان الكثير من النساء شوهوا شكل العباه وهم حتى في بلادهم .

بختصار الهدف البس المحتشم بغض النظر عن نوع البس .

والعكس طبعا وش فايدة اسم انها لابسه عباه وتضاريس جسمها كلها واضحه .


....

النقطه الثانيه انا ماشوف فيها شي اذا الواحد لبس ملابس تناسب الدوله الي اهو فيها بالعكس هذا اهو الصح . انك تحاول تلبس لبس مناسب لك ولهلك

وطبعاً في المقام الاول انه يكون يتوافق مع الي يحثك عليه الشرع .


وماشوف فيها اي اساءه للعادات او للبلاد .

[وحيد-الشوق]

سبحان الله بعض البنات محترين عبالهم هم والرجال واحد هههههههههههه

[شبح الصمت]

سبحان الله بعض البنات محترين عبالهم هم والرجال واحد هههههههههههه




تفصخ الثوب افصخ العبايه

تلبس الثوب البس العبايه

تلبس جينز البس جينز

تلبس شورت البس شورت

شر البلية ما يضحك ياخوي

[Dana’1]

بالنسبة لي دولة وحدة فقط إلي مالبست فيها العباية وأكتفيت بالإشارب..كان زمان بالطعشات !
أما الباقي كله ألبس العباية والشيلة نفس إلي البسها بقطر والسعودية عادي جدا...بعض المرات ألبس النقاب ومرات بس الشيلة
مقتنعة بأن تغطية الوجهة أو كشفة من غير زينة كلها خير وبركة وحلال إن شاءلله بختلاف العلماء
أما ليش أسوي كذا
لأن
على حسب البشر الموجودة هناك إذا فية ناس قلق وتلوع الكبد لبست النقاب..وإذا محد يمك والناس بحالها شيلة والسلام ختام

سمعت إن فية دول عندهم تشائم من لون معين ممكن حتى يأثر بالتعامل معك
مثال :
عمي يوم راح لليابان وأخذ أهله قالوا لة حاول تجنب أهلك لبس السواد الكامل في اليابان..وفعلا فصلت نفس العباية السادة بالضبط بس لون كحلي و زيتي وساتر ولله الحمد والمنة


أما الشباب فالبدل أفضل لهم بالخارج..لأن حركتهم تصير أخف ..مو عشان الإستغلال والخرابيط إلي مالها داعي
شنو رجال تخاف من النصب والإحتيال..أساسا أوربا وأغلب البلدان الأجنبية الأسعار ثابتة لك ولغيرك....والدول العربية أو العرب بإروبا صايدينك صاينك خليجي من سحنتك وولهجتك وين بتروح يعني:)


بض المرات زوجي أول ما ندخل السعودية يشيل غترتة على ظهر السيت ويقول ياحي الراحة
قلت شتقول عننا إحنا يالحريم بالشيلة والنقاب :)..قال إي والله الله يعينكم وياجركم ههههه

يعني ياعزيزتي المسألة مو مسألة إنهم ما يفتخرون بس هي مسألة راحة للبعض
والبعض الأخر الله أعلم لية هو يبغى يغير عن الروتين ويكشخ بشي جديد كل مرة ...إلخ

[فرهود]

وليش من الاصل تسافرون بلاد الكفر وتدورون العذر للتطبع بطباعهم وتقليدهم فقط لارضاء نزواتكم . اشفيها تركيا او البوسنه او الطايف او ابها اوالاردن او المغرب .

[بونووف]

اللي بيسافر يبي يركب وينزل يطلع جبال يروح ويرجع ..يبي يستانس مايبغي يكون مقيد بحركة الثوب والغتره

الثوب له مكانه و وقته .. محد بيلبس ثوب اذا بيروح يلعب كوره ولا بيدش البحر

اما اتخيل نفسي داش ثيم بارك ب ثوب وغتره

[Rider]

الي اقدر اقوله فعلا موضوع مميز ليش الواحد مايعتز بملابسه ليش تغير جلدك ماشوف الاجانب اذا جاو بلدنا غيرو لبسهم بس حنا نحب التقليد الحين ماجات على الدول العربية والاجنبية حتى البعض اذا راح دبي يغير لبسه

[قنديلة]

الحجاب لم يُفرض غاليتي في بقعة مكانيه وزمانية محددة
فرض الحجاب في كل زمان ومكان باختلافهما
الآن افرض لكم مثال .. ياما اجنبيات اسلمن والحمدلله والتزمن التعاليم الاسلامية الشرعية الكاملة تلبس الحجاب الاسلامي المفروض من قمة راسها لموطأ قدمها وهي في نص بلادها وتفرض قناعة دينهاعلى مجتمعها .. الصراحة احترمها اكثر من المسلمة العربية التي تتخلى عن حجابها عند اول مطبة

شكرا

[بصمة قطرية]

السلام عليكم
الأرستقراطية
هالمرة ما توفقتي في الموضوع و المقارنة ..!!!
الرجل غير عن المرأة
و شكله بالجينز ما راح يكون غلط
بالعكس جداً طبيعي ..
لكن المرأة الخليجية المسلمة شكلها غلط لما تقط العباية
العباية ستر مش كشخه

بعض الردود غريبة بصراحة
تخيلت شكلي و أنا متك متكمكمة بالعباية و النقاب :shy:
يعني المسكينة اللي بالنقاب شكت لكم ان ريلها منقبها غصب ..!! :rolleyes2:
منطق غريب ..!!!

[مهرة]

لذلك أهل الجنة نصفهم من أمة محمد (صلى الله عليه وسلم) ولكن للأسف قلة منهم من النساء..!!

وأكثر أهل النار من النساء .. والعياذ بالله

لا تستغربووون..!

سبحانك ربي العظيم ما أعظمك وما أرحمك والحمدالله انه مصيرنا بيد ربنا ..

[ام السعف]

الحجاب لم يُفرض غاليتي في بقعة مكانيه وزمانية محددة
فرض الحجاب في كل زمان ومكان باختلافهما
الآن افرض لكم مثال .. ياما اجنبيات اسلمن والحمدلله والتزمن التعاليم الاسلامية الشرعية الكاملة تلبس الحجاب الاسلامي المفروض من قمة راسها لموطأ قدمها وهي في نص بلادها وتفرض قناعة دينهاعلى مجتمعها .. الصراحة احترمها اكثر من المسلمة العربية التي تتخلى عن حجابها عند اول مطبة

شكرا

اعجبتني هالمشاركة وتستحق صاحبتها الشكر عليها

واتفق مع بصمة في مشاركتها وتستحق بعد الشكر عليها

فالرجل غير عن المرأة في السفر ،،

[ام السعف]

لذلك أهل الجنة نصفهم من أمة محمد (صلى الله عليه وسلم) ولكن للأسف قلة منهم من النساء..!!

وأكثر أهل النار من النساء .. والعياذ بالله

لا تستغربووون..!

سبحانك ربي العظيم ما أعظمك وما أرحمك والحمدالله انه مصيرنا بيد ربنا ..

نص أهل الجنة من امة محمد ؟

والنص الثاني من الأقوام اللي سبقت رسالة الإسلام ؟

[همر]

نص أهل الجنة من امة محمد ؟

والنص الثاني من الأقوام اللي سبقت رسالة الإسلام ؟


ليش ؟!! ماكان في انبياء قبل وموحدين ؟!!

[نور الحور]

ليش ؟!! ماكان في انبياء قبل وموحدين ؟!!




هههههههههههه ..بدينا نلف شوي عن مسار الموضوع :nice:

[ام السعف]

ليش ؟!! ماكان في انبياء قبل وموحدين ؟!!



امبلى ،، كانوا من قال ما كانوا ،،

بس سؤالي ،،
هل المعلومة صحيحة ؟

يعني يا مستر مطرقة
اذا النص من أمة محمد فأكيد النص الثاني قبل رسالة محمد
عليه افضل الصلاة والسلام
لأنه مابعد رسالة محمد صلى الله عليه وسلم
ما يدخل الجنة الا مسلم ،،
حتى من أمة لا اله الا الله ما يدخل الا اللي
يقول اشهد ان لا اله الا الله وان محمد رسول الله ،،

[ضوى]

اختي الاستقراطية دام الواحد بحشمته وستره وين الغلط ؟؟

ما اتكلم عن الشواذ ، لكن القاعدة تقول لبس اسلامي لا يشف ولا يصف ولا يلفت النظر ليش احصره بعباية ؟؟

[meme-93]

ع حسب المكان الي مسافرة له
يعني لندن غير دبي
والمانيا غير مصر

ومن تجربتي الشخصيه
بعض الدول مالبس عبايه وابدلها بلبس ساتر
لان كله مشي ونروح اماكن بعيده يا جبال يا ثلوج ويا ويا
وحتى العبايه ماتصلح بالنسبه لي حق الشوارع كله توصخ
فا افضل لبس البنطلون اريح وافضل للسفر
وطبعا الحجاب نفسه ماتغير في طريقة اللفه يمكن الالوان الي تغير

[همر]

امبلى ،، كانوا من قال ما كانوا ،،

بس سؤالي ،،
هل المعلومة صحيحة ؟

يعني يا مستر مطرقة
اذا النص من أمة محمد فأكيد النص الثاني قبل رسالة محمد
عليه افضل الصلاة والسلام
لأنه مابعد رسالة محمد صلى الله عليه وسلم
ما يدخل الجنة الا مسلم ،،
حتى من أمة لا اله الا الله ما يدخل الا اللي
يقول اشهد ان لا اله الا الله وان محمد رسول الله ،،



اول مره اعرف هالمعلومه.. ومنكم نستفيد ..

سجليها عالحساب ..

[ام السعف]

اول مره اعرف هالمعلومه.. ومنكم نستفيد ..

سجليها عالحساب ..


هاااا

صج يعني ممكن تكون معلومتي غلط ؟

[أم محمد 90]

اعصابج يبه مبين مع تغيير خطج ومتابعتج بصمت انج ريلكس

:)

هههههههههههههه
والله بالعكس راسي كبر ع النقاش هني
لان خلاص انا اقول رأيي واحترم رأيي غيري
ما اعور راسي واقعد اثبت للطرف الثاني وجهة نظري

توني اقول حق ابوي ان لما نروح تايلاند ابي انزل بوكت
وبنزلها بدون عباية
حتى في موقع يبيع ملابس سفر للمحجبات
ملابس ساترة وفضفاضة بس بشكل حلو
وقاعدة اتصفحه :tease:

المتسترة متسترة دام عورتي وشعري مغطى ومايبين مايهم اللون اللي لابسته

سويت لك اللون وردي عشان تعرف شقد رايقة

تحياتي اخوي

[أم محمد 90]

سبحان الله بعض البنات محترين عبالهم هم والرجال واحد هههههههههههه

هههههههه اي والله محترين شنسوي بعض الرجال هالزمن مجرد اسم ف من جذي نحتر ،،

البعض وليس الكل :victory:

[رهج السنابك]

ام السعف وبصمه

لا تفهمون اني اتكلم من ناحيه شرعيه!! او اقول الرجل حلال عليه او حرام والمرأه كذلك

انا اتكلم من ناحيه افرض هويتك وشخصيتك اي من ناحيه شعوبيه ليش بعض الشعوب تلبس الساري والبنجابي ومعطيه طاف لاكبر دول العالم وصار لباسهم منتشر ومعروف عالميا
واحنا لا!!

شنو المشكله لو الخليجي سافر بثوبه وتمشى بثوبه ووقت مايكون محتاج الى حركة بدل ولبس اللبس الي يناسبه مثل مايسوي في بلده
ليش من المطار طالعين ببدلات وهم من الطياره للفندق لكن عشان يواكبون اضطروا او حاسين انهم مضطرين يشيلون هويتهم الخارجيه ومواكبه الركب

فانا ما اتكلم من ناحيه حلال وحرام او عورات افهموني يا جماعه


الي اتمناه ينتشر الزي الخليجي وتألفه كل عيون العالم مثل الساري والبنجابي

[ام السعف]

فرض الهوية مالها خص في الملابس يا الارستقراطية،،

يعني الحين الريال مسكين رايح يلعب في الثلج مع عياله
يلبس الغترة والعقال ؟

ولا قاعد في كوفي شوب في شارع شانزليزيه او في وسط لندن
بغترته وعقاله ؟

يا اختي بيضنونه مشارك في يوم الهالويين ( هيهيهي )


فعليه الهوية ما تنربط بالملابس خاصة لو الواحد ما خالف تعاليم دينه ،،

[رهج السنابك]

الملابس جزء اساسي وهام من الهويه
وانا ذكرت مب لازم وقت التمشيه او اللعب يتم بالثوب!
انزين لو بقطر في ثلج ولا مدينه العاب هل بقول له خلك بثوبك بكون مجنونه!
نفس الحال برا كله نقدر نطبقه
المقصد يقدر الواحد يتم على نفس اسلوبه في اللبس مثل كأنه ببلده ليش يضطر يبدل حتى من المطار!!!!!

[رهج السنابك]

وبعدين اذا انتشر والفت العيون اللبس الخليجي في الشانز او لندن مابينظرون له هلاويين

[Rosso]

اهم شي تتستر
ان شاء الله تلبس ستارة على راسها :nice:

[كيلو حديد]

هذا هو بسرواله وفنيلته وصل هناك .

:rolleyes2:

[قرنقووش]

الواحد بروحه يبي يفتك من الثوب والغتره بعد تنشب له في بلاد برع ههههههههههه تخيل تبي تركب لعبه في ملاهي من يمسك غترتك؟

[BoFahed]

هذا هو بسرواله وفنيلته وصل هناك .

:rolleyes2:

هههههههههه اه يا بطني الصورة رهيبة وانا اشهد انه فارض الهوية صح في بلاد الفرنجة هههههههه

يخرب بيتك ..،. حبيتك

[بطران متملل]

أختي الفاضلة الارستقراطية

لايوجد مقارنة بين الرجل والمرأة فيما ذكرتي البته ،،، وهذا ماتجده بعض النساء مبرراً للتخلي عن عبائتها في بلاد الكفر ،،، ولسان حالهن يقول : مثل ماتتخلون عن الثوب والغترة والعقال انتم يالرجال احنا بعد بنتخلى عن العباية !!!؟؟؟ عذر اقبح من ذنب !!!

مرجعنا في موضوعك هذا أولاً وأخيراً الدين الإسلامي

حدود العورة للرجل من السرٌة الى الركبة ،،،

أما بالنسبة للمرأة وحدود احتشامها امام الاجانب ،،، فعليها تغطية كامل جسمها بما لايصف ولايشف ولايلفت النظر من ألوان ومجوهرات وروائح عطرية وأصوات الكعب والمجوهرات

هذه هي الحدود وهذا هو المرجع لنا في كل بقاع الارض كما شرع لنا ديننا الاسلامي الحنيف




كلام وافي مافي اي مقارنه اصلا من الاساس لان المقارنه لازم تكون في حدود الدين الاسلامي

[بوخالد911]

هذا هو بسرواله وفنيلته وصل هناك .

:rolleyes2:

قصدكم الصورة اللي بلندن؟

فوتوشووووووووووووب

:nice:

[غير البشر]

صبحكم الله بالخير

بخصوص موضوعج اختي الاستقراطيه بقولج وجهه نظري

احنا دايما نحاسب على كلام الناس وااايد
طبعا كلامهم كثير والحش ومن ها الكلام

والمتعارف خاصه للشباب ان نلبس لبسهم لين سافرنا عندهم
وهذا من زمان متعارف عليه ومعروف
يعني تخيلي وانا في لندن وكاشخ ترمبه :pilot:
عطيني رايج ؟؟؟؟
اكيد الكل بتكلم وينقد هالشي صح
يعني مستحيل وصعبه

بالنسبه للبس البنجابي ولبس البنطلون والمقيض او التيشيرت للأجانب في بلادنا

هذول الشعوب غير عنا
ماعندهم سوالف الحش والكلام يعني محد له دعوه
كما انها عاده وثقافه عندهم ان يروحون أي مكان بلبسهم

بالنسبه للبنات والحريم بالعكس يروحون بالعبي احسن واستر لهم وهو اللبس الاسلامي المتحشم
لكن النقاب ليس ضروري فقط بالرغبه

[حمد 2002]

مممممممممممم وليش انسافر اصلا لتلك الدول ؟ :)

الحمد لله ولا مره والله سافرت لتلك الدول والله لايحوجنا لها :):)

[غير البشر]

مممممممممممم وليش انسافر اصلا لتلك الدول ؟ :)

الحمد لله ولا مره والله سافرت لتلك الدول والله لايحوجنا لها :):)



وانا بعد بوشهاب ولا مره سافرت لتلك الدول :shy:

[حمد 2002]

وانا بعد بوشهاب ولا مره سافرت لتلك الدول :shy:

:nop: :eek2:

[OREO]

لله الحمد ام العيال ما تسافر الا عليها عباية الراس و القفازات و حتى المالديف و موريشوز و الازور البست فيهم مثل ما تلبس في الدوحة والحمدلله عمرنا ما واجهنا مشاكل ،، و هذا بفضل رب العالمين ،،

احب اقول للبعض ،، الفرق كبير بين الفحل و الخروف الاول يقدر يصلب نفسه و الثاني لا ،،

كلمة لصاحبة الموضوع ،، ما توفقتي بطرح الموضوع لان باين من موضوعك و ردودك بأن الرجل يتم اتهامه من ناحية العادات و التقاليد اما المرأه تتطرقين لها من الناحيه الشرعية ،، فلذا لا تقارنين البرتقاله مع الشمام و إلا خُرِبَت ،،،

[R 7 A L]

كلام فاضي
موضوع بعيد عن الواقع مبني على الافتراضيات
والخيال

[الكنترول]

أختي بالنسبة لي أتا البس بنطلون لما أسافر برا علشان ما نستغل وما تصير لنا مواقف مزعجة لانه بعض الشخصيات وخصوا المتسولين والنصابين العرب حتي في أوربا لما يشوف الثوب الخليجي يهجم مثل الذباب هذا غير الحثالة الحاقدين واللي يرمون كلام أنتو الخليجين فيكم وانتو وانتو الخ


بالنسبة للعباية أختي انا أشوف مالهم عذر لانه ولله الحمد المسلمين والمحجبات والعباية في كل أنحاء وقارات العالم


نفس الشيء المرأة لابسة عباءة ونقاب يتعرضون لها بالتصوير ولا خطف الشنطة من ايدها

[الكنترول]

الواحد بروحه يبي يفتك من الثوب والغتره بعد تنشب له في بلاد برع ههههههههههه تخيل تبي تركب لعبه في ملاهي من يمسك غترتك؟



طيب والبنت لابسه عباءه وتبي تركب لعبة في الملاهي من يمسك العباءة لا تشير

في اللعبة ...

مره شفت مسكينة في احدى اللعب بالقطار أول ما نزلت شارت عباءتها في الحديد

صديقاتها تموا يضحكون عليها وساعدها الأجنبي ,,,

والله حرام العباءة مش ضروري لبسها يكفي البنطلون ويغطيه لباس طويل وحجاب نفس
المسلمات الأجانب ....

[الكنترول]

صبح صبح ,,,

والله أنا اشوف ماهي حلوه لما المرأة لابسة عباءة سوداء سوى بنقاب او بدونه
مع زوجها ولا مع أخوها وهو لابس البنطلون ويمشي جنبها تقول أجنبي يمشي مع خليجية
اما يلبس زي بلاده ولا فلا ويفتخر بلباسه ,,,

وإذا يبي يلعب في الالعاب يروح بطاقيته ويتحزم

الحمد الله أن ما قد رحت لتلك البلاد

[الكنترول]

شي ودي اعرف اسبابه واكيد منكن بنوصل للاسباب الحقيقيه وراه

القطري لو سافر برا قط ثوبه ولبس ملابسهم

القطريه قطت عبايتها وتحاول قد ماتقدر ماتبين انها محجبه صارت الموضه لبس التوربانات او البندانات او قبعات المهم ماتبي تبين انها مسلمه بحجاب طيب ليش؟؟ هل فشيله انج محجبه؟؟ هل تتفشلين من عبايتج؟

وانت ليش تقط لبسك الي يعكس هويتك؟ ليش تتفشلون ومن المطار مبدلين وفي قطر عند البعض عييييب لبس البناطيل
هل ثوبك يفشل؟؟ هل تحس الناس بتنظر لك نظره مش حلوه؟

طيب ليش الباكستاني مايتفشل من البنجابي؟؟ بالعكس من كثره اعتزازهم هم فرضوا لبسهم وصارت العالم متقبلته ومب شي غريب

لو كل قطري وخليجي
وكل قطريه وخليجيه
اعتزوا بزيهم وفرضوه فرض لما يسافرون وتعرف العالم على زينا بيكون شي عادي جدااااا ومحد بيلتفت علينا لان عيونهم بتتعود تشوفه

واعذار انه البنطلون اخف بالمشي ومدري شنو مب عذر مقبول
لان اغلبكم متعود على كسل الدوحه ومحدوده حركتكم

فشنهي اسبابكم؟ واستخدمت كلمه الجمع لان تقريبا كل القطريين يقطون الثياب وبعض القطريات يقطون العبايه

والله الثوب اشحلاته واعتزاز وفخر انك تفرض هويتك وشخصيتك مثل الباكستاني
والعبايه اشحلاتها والحجاب اشحلاته مايفشل عادي خلي العالم يدرون انج محجبه



والله كلامك 100% كفيت وافيت هذا الكلام العدل ,,,

وهذا الكلام ما يرضي البعض وباين من الردود



:nice:

[Bo jassim]

قال فيه صلى الله عليه وسلم
( من لبس ثوب شهرة من الدنيا البسه ثوب مذلة يوم القيامة )

طبعا اذا لبس الرجل الثوب في بلاد الغرب اصبح لباس شهره
لذلك نقع في المحظور
ولا يعني ذلك ان كل لباسهم جائز
ولكن في اطار الشرع والعرف والمروءة ان امكن
لذلك نرى اغلب الدعاة لايلبسون الثياب في بلاد الكفر

بالنسبة لنساء
الاحتشام ولبس الفضفاض والحجاب الكامل وترك الزينة هو المقصود وليس الاسود او الخليجي
توجد عبايات اندونيسية و سورية وغيرها
و حرية اختيار الالوان بما يكون في عرفهم لان السواد في الغرب يتسبب في الاشتهار ولا يعني ذلك لبس الفاقع او الملفت

[دااانة قطر]

تسلمين لطرح الموضوع
بالنسبة للشباااب اشوفهم احراار في لبسهم
لكن لي عتب على خوااتي المسلمااات المؤمنااات
اتمنى انهم يعرفون الحجااب الشرعي الصحيح في بلادنا بالاول وتكون عندهم قنااعة فيه وان وجدت القنااعة صدقوني ماراح تتغير لو كاانوا في آخر الدنيا

اعرف بنااات وحريم مستورين في البلاااد لكن من يركبون الطيااره صااروا نااس غير
اذكر وحده زوجها ملزم عليها تلبس النقااب جدام اخوانه وهله وفي الدوام وكل مكان بس من يسافرون قطت العبايه والنقاااب
وعندنا موظفه تجي بعباية وشيلة غير طبيعيه ولين تسافر لحضور مؤتمرات تقط الشيله والعبايه ولا مفتكره بمدير ولا مسؤؤل يعني هم في قطر غير وهناك غير؟؟!!



انا اسااافر بعباايتي ولا اقطها واتعرض للمتسولين لكن مو اي احد اعطيه ولا اي احد يقدر يتحاايل علي لاجيت اشتري
اعرف اللي ابيه ولا اخلي البااايع يلزمني باي شي لاني لاابسة عباااية ومن الديره الفلاانيه
اذكر في تركيا وماليزيا والهند الحريم يوقفونا ويسألونا عن الحجاب والعبااية والتركياات كانوا يدعون لنا وابتساامتهم شحلوها

[تحداني]

كل واحد ومزاجه
في ناس اتحب اتقط .. وفي ناس ترتاح اكثر باللبس التقليدي
مثلا تلقين شخص يمارس رياضه المشي في الكورنيش بحذاء رياضه مع ثوب
وفي واحد يلبس لبس رياضي كامل .. ومازالت هويته القطريه موجوده


جملك الله برضاه

[الـقـاسـي]

انا عن نفسي ودي البس الثوب في كل مكان ووين ما اسافر يكون معاي ثوب وغتره وكل شي لكن انا لما اسافر سياحة وتمشي ما اقدر البس الثوب لانه مايناسب طبيعه الهدف من السفره يعني مكان كله امطار ورورحه ورده بيتوصخ الثوب

بعدين لاتنسين ان لون الثوب ابيض في ثواني راح يتوصخ واذا توصخ لازم ارجع ابدله ف ماعندي استعداد ارد للفندق كل يوم ثلاث اربع مرات عشان ابدل ثوبي

انا اتذكر مره في واشنطن كان يوم عيد ورايحين السفاره لصلاه العيد وطلعت انا واللي معاي بثياب وغتر محد ضايقنا ومحد قال شي بالعكس اغلبهم كانوا يحييونا ومستانسين بلبسنا

ف المقصد مب اني متفشل من ثوبي ولا ماصدق على الله البس بدله لكن لون ثيابنا وطبيعتها ماتساعد ع الحركه والروحه والرده

[تحداني]

انا عن نفسي ودي البس الثوب في كل مكان ووين ما اسافر يكون معاي ثوب وغتره وكل شي لكن انا لما اسافر سياحة وتمشي ما اقدر البس الثوب لانه مايناسب طبيعه الهدف من السفره يعني مكان كله امطار ورورحه ورده بيتوصخ الثوب

بعدين لاتنسين ان لون الثوب ابيض في ثواني راح يتوصخ واذا توصخ لازم ارجع ابدله ف ماعندي استعداد ارد للفندق كل يوم ثلاث اربع مرات عشان ابدل ثوبي

انا اتذكر مره في واشنطن كان يوم عيد ورايحين السفاره لصلاه العيد وطلعت انا واللي معاي بثياب وغتر محد ضايقنا ومحد قال شي بالعكس اغلبهم كانوا يحييونا ومستانسين بلبسنا

ف المقصد مب اني متفشل من ثوبي ولا ماصدق على الله البس بدله لكن لون ثيابنا وطبيعتها ماتساعد ع الحركه والروحه والرده



صح هم هاذي بعد وجهه نظر

[ام ناصر1]

ليش الواحد يسافر غالبا للسياحة والمتعة وتغير الجو والوناسة ...فماراح يرتاح اذا هو حاس إنه شكله غريب وملابسه
ملفته وفارقه 180 درجة عن الآخرين ...فالشخص يبي يكون مرتاح نفسيا ليتمتع باجواء البلد الي رايحها

بعدين احنا مش مسؤولين ودبلوماسين مطلوب منا تعزيز الهوية ...باللبس ...احنا ناس عاديين وبنخالط ناس عاديين
تعزيز الهوية باللبس أظن ينفعنا بالدول الخليجية وبس ...لأنه في دول عربية تخصصها تنصب على
اصحاب الهوية الخليجية ...
....
ماعندي مشكلة باللبس للرجل والمرأة يفضل ادنى شي ملتزمة بالحجاب الشرعي مع لبس لايصف جسمها ...وزينة
في حدود المعقول لا مستوى التبرج ....

.....

مشكلتي الي صادفتني بالسفر مش ايش بالبس ...المشكلة الي صادفتني وبصراحة وما حصلت لها حل ...
هو عشقي للبحر كإمرأة وعدم قدرتي على الاستمتاع به .....بس نتمشى ويغزو موج البحر اقدامنا ...
مشكلة ليس لها عندي ....حل ...

[معماري قطري]

انا مع التغيير حتى في قطر يكون حلو للرجال طبعاً

تجيني أوقات أطلع بلباس غير أما رياضة أو لباس عمل وأرتاح نفسياً من غترة مزعجة ومعرقلة للعمل براحة وحرية، ومن ثوب تغير وايد على مر الزمان ليُصبح مقيد للحركة وديكور أكثر منه شيء عملي.

صراحة من أحصل فرصة سفر أغير ديكوري بالكامل قبل لأطلع للمطار، وإستفدت إستفاده كبيرة من هالناحية .. حتى جاتني أوقات انا وشله من الشباب أثناء الدراسة كنا نقضي على الشنب نهائياً :secret: لحد يعلم.

[معماري قطري]

يقولون سبب كثرة حوادث السودانيين في السيارات هو لبس العمامة الكبيرة السودانية اللي تخلي الإلتفات شبه مستحيل.

الغترة كانت في السابق تلبس على شكل العمامة وكان الهدف منها تغطية الرأس وأجزاء من الوجه لمقاومة حرارة الشمس والغبار والبرودة أيضاً، مثلها مثل كبوس الكاوبوي المصنوع من جلد البقر ويغطي راسه ويظلل جسمه من الشمس، وألحين أسباب وجودها ديكور تراثي فقط.

[captin]

يقولون سبب كثرة حوادث السودانيين في السيارات هو لبس العمامة الكبيرة السودانية اللي تخلي الإلتفات شبه مستحيل.

بالإضافة الى العمامة تلقاه يسوق وهو راقد ما خذ غفوة
بسبة البقشة اللي على راسه
ههههههههههههه


الثوب والغترة كلبس تقليدي لمعظم أهل الخليج له أوقات وهي الأوقات الرسمية مثل الدوام أو المناسبات الاجتماعية والزيارات .

ولكن في بعض الأوقات غير عملي تماماً سواء في البيت أو خارج البيت
مثل أحيانا يكون الواحد يشتغل يدويا في أعمال صيانة للبيت أو للسيارة
أو حتى في الطلعات على البحر أو البر . أنا احب البس الشورت وفانيلة في البيت أو الطلعات الخفيفة وحتى مثل يوم الجمعة أو السبت الصبح أطلع اتسوق في اللولو أو غيرها من مولات بفانيله بولو مع شورت جينز وكاب

بالنسبة للسفر ما أخذ معاي ثوب أو غترة اطلع من البيت كاجول دايما
حتى دول الخليج إذا الواحد مب رايح رسمي مثل دبي أو البحرين أو غيرها أنا أشوف يلبس كاجول أحسن وأخف خصوصا في الحر والرطوبة .

[معماري قطري]

تحس بفرق كبير صح أخ كابتن

انا والله لاحظت الناس ما يطالعونك وتكون في حالك .. جربت كم مره بملابس رياضة في كارفور .. وفي دبي فرق كبير يكون طريقك كله سالك بدون نظام سالك

[بنت مريخ]

أنا اقط العبايه لأني اكره اللون الاسود كره العمى
بنطلون وسيع و قميص وسيع لتحت الركبه و بدون مكياج او عطر

[كيلو حديد]

أنا اقط العبايه لأني اكره اللون الاسود كره العمى
بنطلون وسيع و قميص وسيع لتحت الركبه و بدون مكياج او عطر

دام لبسك ستير لا تحاتين .

[مضارب دوسري]

أختي الفاضلة الارستقراطية

لايوجد مقارنة بين الرجل والمرأة فيما ذكرتي البته ،،، وهذا ماتجده بعض النساء مبرراً للتخلي عن عبائتها في بلاد الكفر ،،، ولسان حالهن يقول : مثل ماتتخلون عن الثوب والغترة والعقال انتم يالرجال احنا بعد بنتخلى عن العباية !!!؟؟؟ عذر اقبح من ذنب !!!

مرجعنا في موضوعك هذا أولاً وأخيراً الدين الإسلامي

حدود العورة للرجل من السرٌة الى الركبة ،،،

أما بالنسبة للمرأة وحدود احتشامها امام الاجانب ،،، فعليها تغطية كامل جسمها بما لايصف ولايشف ولايلفت النظر من ألوان ومجوهرات وروائح عطرية وأصوات الكعب والمجوهرات

هذه هي الحدود وهذا هو المرجع لنا في كل بقاع الارض كما شرع لنا ديننا الاسلامي الحنيف




جزاك الله خير :nice:

[مضارب دوسري]

مممممممممممم وليش انسافر اصلا لتلك الدول ؟ :)

الحمد لله ولا مره والله سافرت لتلك الدول والله لايحوجنا لها :):)


وانا بعد بوشهاب ولا مره سافرت لتلك الدول :shy:

وانا بعد :shy:
من يوم انولدت سافرت السعوديه والبحرين ودبي وتايلند والطايف (لان جوهم غير عن السعوديه ) :tease:

[نتفـه]

الموضوع مو عباية وثوب

السالفه كلها الحشمه :)

اللبس الشرعي = لبس الملابس اللي تستر وماتظهر ومعروف عند الريال وعند المره وذكروه اغلب اللي ردوا جزاهم الله خير ..

اللي مايعرف يستر عمره هني ما بيتستر هناك ..

اذا على قولتج ماخذينها عادات وتقاليد وين بيفتكرون بالدين !!!

ما نقول الا الله يهدي كل انسان مب حاشم عمره وطبعا واقصد البنات بعد معاهم ..

بالنسبة للرجال عادي اي لبس دام في حدود انه لابس شي يستر العوره وهو اسهل عليهم طبعا .. وبالنسبه للبنات يبقى عليهم الدور يدورون شي يحشمهم ويستر جسمهم كله وشعورهم بطريقه صحيحه اذا تخلو عن العبايه .. بدون مبالغة ولا لبس الكاسيات العاريات الضيق ..

[حبر وقرطاس]

الارستقراطيه خفي الريس شوي
حطيتي عالناس الي تغير الزي حطه
الثوب فالسفر للرجل غير عملي نهائيا حتى النعال الله يكرمكم الي يلبس مع الثوب الخليجي مب عملي
فالسفر توقعي اي شي
حوادث مواقف تستدعي الشيل والحط قطارات باصات نقل والعيال من صوب واغراض الشوبنق من صوب لا غتره بتنفعني ولا نعال وانتوا بكرامه
اغلب السفرات للشوبنق يعني عبي شناط وامشي في هالمولات الثوب مب عملي
بالنسبه للحريم في خمسين الف لبسه غير العبايه السودا فالسفر لا ومحتشم ومودرن بخامات والوان راقيه
الي تبي الحشمه بتتحشم ومن غير عبايه سودا
وانا مع تغيير الزي عند السفر عالاقل تغيير في نفسيه الواحد
مثل تغيير المكان بالسفر وتغيير الاكل بتناول اطباق جديده في المطاعم
ايضا تغيير اللبس وكله في حدود مباحه لا تتعارض مع الدين ولا تجرحه
فالتغيير المؤقت مطلوب
بخصوص الباكستانيين هذولا لهم شأن اخر وقصه طويله عريضه في بلاد الغربه
واغلبهم غير منفتحيين الي ماتكيفوا مع زي الدول الي هم فيها عايشين
ولكن شريحه كبيره منهم يلبسون اللبس المودرن نساء ورجال ومنغمسين بالمجتمعات الاروبيه قلبا وقالبا وهم مسلمين .. بصومون ويصلون في المساجد اللهم الزي التقليدي لا يلبسونه الا في المناسبات الدينيه والافراح
اما التمسك بالزي الخليجي من المهد الى اللحد هههه هذا تعصب ورجعيه
لان الخليجي اصبح منفتح مطلع على الموضه والثقافات الاخرى ولا ينقصه الماده والعلم ليظل في عباءه ابيه

وسلامي لكل الخليجيين
اخوكم عقاب

[معماري قطري]

الارستقراطيه خفي الريس شوي
حطيتي عالناس الي تغير الزي حطه
الثوب فالسفر للرجل غير عملي نهائيا حتى النعال الله يكرمكم الي يلبس مع الثوب الخليجي مب عملي
فالسفر توقعي اي شي
حوادث مواقف تستدعي الشيل والحط قطارات باصات نقل والعيال من صوب واغراض الشوبنق من صوب لا غتره بتنفعني ولا نعال وانتوا بكرامه
اغلب السفرات للشوبنق يعني عبي شناط وامشي في هالمولات الثوب مب عملي
بالنسبه للحريم في خمسين الف لبسه غير العبايه السودا فالسفر لا ومحتشم ومودرن بخامات والوان راقيه
الي تبي الحشمه بتتحشم ومن غير عبايه سودا
وانا مع تغيير الزي عند السفر عالاقل تغيير في نفسيه الواحد
مثل تغيير المكان بالسفر وتغيير الاكل بتناول اطباق جديده في المطاعم
ايضا تغيير اللبس وكله في حدود مباحه لا تتعارض مع الدين ولا تجرحه
فالتغيير المؤقت مطلوب
بخصوص الباكستانيين هذولا لهم شأن اخر وقصه طويله عريضه في بلاد الغربه
واغلبهم غير منفتحيين الي ماتكيفوا مع زي الدول الي هم فيها عايشين
ولكن شريحه كبيره منهم يلبسون اللبس المودرن نساء ورجال ومنغمسين بالمجتمعات الاروبيه قلبا وقالبا وهم مسلمين .. بصومون ويصلون في المساجد اللهم الزي التقليدي لا يلبسونه الا في المناسبات الدينيه والافراح
اما التمسك بالزي الخليجي من المهد الى اللحد هههه هذا تعصب ورجعيه
لان الخليجي اصبح منفتح مطلع على الموضه والثقافات الاخرى ولا ينقصه الماده والعلم ليظل في عباءه ابيه

وسلامي لكل الخليجيين
اخوكم عقاب

صدقت يا اخوي

حتى للشغل العادي والرسمي كموظف أو شخص تشتغل في مصنع أو تنزل ميدان خارجي

بالنسبة للمناسبات الدينية .. أذكر العام عيدت في أمريكا وشفت كثير من الأمريكان المسلمين فرحانين بالعيد ولباسهم كله ثياب قريبة من ثيابنا وعمامات .. حريمهم المسلمات حصلنا وحدة في مول وسلمت على الأهل .. ما شاء الله قمة الإحتشام وصج لباس إسلامي على طول .. الرجال ما اذكر إذا على طول لأن وجودي كان لأيام بسيطة لكن الكثيرين يعتزون بالباس الإسلامي.