[ الايجار من الباطن وما ادراك !!!!!! ]

[شبح الصمت]

بسم الله والصلاة والسلام على افضل المرسلين سيدنا محمد صلى الله عليه وسلم ..


بتكلم عن تجربة واتمنى الكل يركز في كلامي ويفهم الوضع الي بعض الشركات ومابي اقول نصب واحتيال لانه واضح انه في تلاعب عند البعض واستغفال الكثير ..


من فترة وانا ادور شقة
حصلت اعلان شقة للايجار بـ 4500 ريال
الشقه عباره عن غرفتين + حمامين + صالة + مكيفات + ستائر + موقع متميز


طبعاً اي واحد راح يشوف هالاعلان راح يركض على طول ويآجرها ..

المهم رحت وشفتها حلوه صراحة وكنت بخلص لكنه فاجاني قالي تدفع مقدم سنة كاملة يعني ادفع 54000 ريال ..

قلت له ليش قالي هذه شرط الشركة .. !!!!

الشركة ليش مب انتم مباشر مع المالك قالوا لا احنا مآجرينها بالباطن ...

قمت واتصلت في احد الاخوه له باع طويل ومعرفة اكثر مني اول ما قلت له هالكلام على طوووول قالي تحمل في شركات شغالة على هالشيء تاخذ عماير بالباطن من الملاك وتأجرها بالباطن وتستلم مقدم وبعضهم ينصب ويشل عليه يعني ياخذ له اكثر من عمارة ويتفق مع المالك انه شهرياً يسلمه يمكن الـ 4 مع اني احس صعبة على هالشقة تتأجر بهالمبلغ ..



زبدة الكلام لاجل اذا دخلت في هالمتاه ولا قدر الله ما نقول كل الشركات تلف ودور حاول انك تقول لهم يوثقون العقد من البلدية لانهم راح يرجعون للمالك الاصلي وياخذون العقد الي بينهم وبينه وبينك لاجل ما تدخل في مشاكل مع المالك الاصلي ..


واذا احد مر على مثل هالموقف اتمنى انه يذكره وشالاجراء الي صار معاه نبي نستفيد من الايجار بالباطن واهميته ..

اتمنى انه يضع خط ساخن في إدارة العاصمة انا ابي

آجر
استآجر

يتصل يسأل هل هذا الشخص عليه مشاكل شيكات متآخره
هل هذه الشركة عليها سوابق

تكون مدخله بيانات كل شخص عليه مشاكل او شركات بس يضرب برقم شخصي باسمه باسم الشركة

فهمتوني

[A.L.I]

جزاك الله خير اخوي

[شبح الصمت]

جزاك الله خير اخوي




وجزاك اخي الكريم

[حمد 2002]

الملاك هم السبب للاسف ،، والسبب الرئيسي بالموضوع هي الدوله والجهات المختصه لضعف الرقابه بالموضوع وعدم تطبيقها للقوانين بحذافيرها

جزاك الله كل خير اخوي شبح على التنبيه ،،

[moonبنتnight]

سوق السوداء 00 كل شي تتعامل فيه بأمور الحياة يكون بالباطن سمسار ومقاولات وتأجير وحتى المندوب تخليص الاوراق الرسمية 00

[شبح الصمت]

الملاك هم السبب للاسف ،، والسبب الرئيسي بالموضوع هي الدوله والجهات المختصه لضعف الرقابه بالموضوع وعدم تطبيقها للقوانين بحذافيرها

جزاك الله كل خير اخوي شبح على التنبيه ،،




هذا مش سبب صدقني اهو يبي يأجر ومن حقه بس الانتباه على الي يآجر من الباطن الواحد لازم يسأل هالشركة اشلون واش كثر لها ولها مشاكل سابقة والا لا !!

بس ذي يبيلها سالفة طويله

ويجزاك الف خير

[شبح الصمت]

سوق السوداء 00 كل شي تتعامل فيه بأمور الحياة يكون بالباطن سمسار ومقاولات وتأجير وحتى المندوب تخليص الاوراق الرسمية 00





السوق السوده وفاهم تجارتها بس اشدخلها في الي ذكرتيه ..

توضيح والي يسلمج لانه افتر مخي ما قدر افكها

:secret:

[حمد 2002]

اخوي شبح سؤال خارج الموضوع ،، كم اسعار الشقق التجاريه الحين لاني ادور لي وحده ؟

[شبح الصمت]

اخوي شبح سؤال خارج الموضوع ،، كم اسعار الشقق التجاريه الحين لاني ادور لي وحده ؟




كل منطقة ويختلف سعرها من حجمها ومن ناحية موقعها ..
وعلى حسب النشاط الي تبي تسويه يمكن النشاط الي بتسويه ما يسمحون لك فيه


لانه مسمى التجاري يختلف عن الاداري وعن الخدمي

[duhail535]

من أهم أسباب البلاء وارتفاع أسعار الاجار هو هذا الوسيط .

هو لا يهمه لا قيم ولا أخلاق ولا جرائم ولا شيم . وإن ادعى العكس .
كل مايهمه أن يربح أكثر وأكثر .

الحل هو قانون تصدره الدولة بمنع التأجير من الباطن منع قطعيا . وقانون آخر مرادف له يشترط على أن يكون ملاك مكاتب التأجير من أصحاب الشؤون والمتقاعدين والفقراء المتعففين حصرا . وتمكينهم من قروض حسنة لتشجيعهم على فتح هذه المكاتب والانتفاع منها بدل أن يستغلها مصاصوا الدماء من كل حدب وصوب ويرفعون الأسعار إلى هامات السماء على فئة الضعوف والمساكين المحتاجين للتأجير .

شخصيا أعتبر هؤلاء الوسطاء كالسرطان الاقتصادي والاجتماعي والاخلاقي الذي يركل كل شيء في سبيل أن يتكسب وينتفع .

[قطريه ماركه]

الايجار بالباطن هو سبب ارتفاع الاسعار

[رابح 2013]

اول مايرفع من دينكم الأمانة

[شبح الصمت]

من أهم أسباب البلاء وارتفاع أسعار الاجار هو هذا الوسيط .

هو لا يهمه لا قيم ولا أخلاق ولا جرائم ولا شيم . وإن ادعى العكس .
كل مايهمه أن يربح أكثر وأكثر .

الحل هو قانون تصدره الدولة بمنع التأجير من الباطن منع قطعيا . وقانون آخر مرادف له يشترط على أن يكون ملاك مكاتب التأجير من أصحاب الشؤون والمتقاعدين والفقراء المتعففين حصرا . وتمكينهم من قروض حسنة لتشجيعهم على فتح هذه المكاتب والانتفاع منها بدل أن يستغلها مصاصوا الدماء من كل حدب وصوب ويرفعون الأسعار إلى هامات السماء على فئة الضعوف والمساكين المحتاجين للتأجير .

شخصيا أعتبر هؤلاء الوسطاء كالسرطان الاقتصادي والاجتماعي والاخلاقي الذي يركل كل شيء في سبيل أن يتكسب وينتفع .




مع احترامي لك اخي الكريم وعلى النقاط الي ذكرتها

شركة الوساطه مش كلهم نفس الشيء
هناك شركات لها مصداقية وتعامل واضح وبارز ..

مثال الحين انا تاجر كبير وعندي عقارات هل تتوقع اني استطيع ان اديرها او اني اتابع المشاكل الي فيها ..

فبالتالي انا الي بسويه اني افوض لي شركة وساطه تقوم بتأجير العمارة وباستلام المبالغ وتحويلها لرصيدي وصيانتها ..

طبعاً المالك بيعطيهم الخيط والمخيط في الايجارات بعد الرجوع اليه طبعاً اهو الي يحدد انا اعرض عليك اقولك يا فلان ترى بنعرضها بهالقيمة اش رايك توافق انا بمشي في الموضوع ترفض خلاص حقك ..


وفي ناس ترزق الله على هالشغلة بس اهم شيء يكون صادق والا يلف ويدور ويتعاير لاجل كمن ريال ..

المصداقية المصداقية اساس التعامل الطيب بين الاطراف

[شبح الصمت]

الايجار بالباطن هو سبب ارتفاع الاسعار



هنا واضحه الصورة

المالك آجر لاجل يريح باله والمستأجر اهو الي لعب فالسوق !!
في ها الحالة مفروض الجهات المختصة تدخل وتفرض على الي يآجر من الباطن انه ما يرفع السعر ويكون سعر مش خيالي وفي متناول الجميع ..


اول مايرفع من دينكم الأمانة




الله يغفر لنا ويرحمنا برحمته يآآرب

[كازانوفا]

حسبي الله ونعم الوكيل فيهم
العالم ما عادت عارفه تعيش منهم
صار الغش والنفاق والكذب منتشر وببشاعه
اشكرك على التنبيه

[شبح الصمت]

حسبي الله ونعم الوكيل فيهم
العالم ما عادت عارفه تعيش منهم
صار الغش والنفاق والكذب منتشر وببشاعه
اشكرك على التنبيه




في ناس ما تخاف الله اختي عادي عندها يدخل مخباها ريال حراام

وتنام وتاكل وهي مرتاحه امورررها طيبه

حسبي الله ونعم الوكيل

[حمد 2002]

وبعضهم بعد متعلم حركه ،،

بيته اجاره يسوى 12 الف ولا 14 الف !! ايروح ايجاره على هندي ولا بنغالي ولا سوري اجار ميت !! ممم يعني ياخذ من البنغالي 20 الف اجار شهري وهو ماله خص بالبيت ، ممم وتالي البنغالي ولا اي كان ((( ايقسم البيت )) وايجاره بمبالغ خياليه توصل لين 40 الف وفوق !!!!!!!!!!!! :eek5:

اخوي شبح هل الاجار الميت هو نفسه الاجار بالباطن ؟ :telephone:

[شبح الصمت]

وبعضهم بعد متعلم حركه ،،

بيته اجاره يسوى 12 الف ولا 14 الف !! ايروح ايجاره على هندي ولا بنغالي ولا سوري اجار ميت !! ممم يعني ياخذ من البنغالي 20 الف اجار شهري وهو ماله خص بالبيت ، ممم وتالي البنغالي ولا اي كان ((( ايقسم البيت )) وايجاره بمبالغ خياليه توصل لين 40 الف وفوق !!!!!!!!!!!! :eek5:

اخوي شبح هل الاجار الميت هو نفسه الاجار بالباطن ؟ :telephone:




:eek5:

اول مره أسمع به !!!

ايجار بالميت

شوف هالحركة موجوده التقسيم يعني يقسم لك الفيلا تقسيم يسكن فيه يمكن 5 او 6 عوائل

يعطيك غرفة وتكرمون حمام ويحط لك مطبخ صغير بـ 2500 ريال

غرفتين وحمام بـ 4 آلاف

يعني في مبالغه وكله بارتشينات يعني تزاعق جارك يسمعك يقولك يالشيخ هدي اعصابك !!

والحين لاجل ما يجيهم الكلام يقسمون الفلل داخل المناطق السكنيه بذكاء يعني ما يأجرون إلا على عائلات أو بنات

يعني ذاك اليوم رحت حصلت فيلا للايجار موقع متميز دخلت قالي لك الصالة وغرفة وحمام ومطبخ بـ 4800 ريال !! :eek5:

الفيلا ايجارها في ذيك المنطقة يمكن 10 آلاف وهو ربحه منها ماشاء الله يمكن 6 آلاف صافي بعد التقسيمات !!

[alsoq]

دام ما فيه رقابه الكل بيسرح ويمرح
واكثر ما يسويها الاجانب لقو مكان خصب يمارسون فيه النصب بدون حسيب ولا رقيب وانا اشوف في الاونه الاخيره كثره النصابين في قطر بالذات بده عن باقي دول الخليج لان القوانين عندنا ضعيفه لا تحمي احد

وجزاك الله خير على تنبيه

[شبح الصمت]

دام ما فيه رقابه الكل بيسرح ويمرح
واكثر ما يسويها الاجانب لقو مكان خصب يمارسون فيه النصب بدون حسيب ولا رقيب وانا اشوف في الاونه الاخيره كثره النصابين في قطر بالذات بده عن باقي دول الخليج لان القوانين عندنا ضعيفه لا تحمي احد

وجزاك الله خير على تنبيه




البوق في كل مكان ولكن البلاد الي يكثر فيها الخير تصير محط الانظار

اللهم احفظ قطر واهلها من شر النفوس المريضة ..

ويجزاك الف خير

[الفا برافو]

جزاك الله خير ياخوي على التنبيه...
اما شرطهم بدفع ايجار سنة مقدم صج شرط تفوح منه ريحة النصب .. همهم يستلمون الفلوس مقدم ويشيلون عليه بعد فتره وتبتلش مع راعي الشقه .. واذكر صارت سالفه من هالنوع من فتره واحد استاجر مجمع من شخص واجره بالباطن بسعر مغري... استلم الفلوس مقدم من المستأجرين وشال عليه ووهقهم مع المالك ...

[شبح الصمت]

جزاك الله خير ياخوي على التنبيه...
اما شرطهم بدفع ايجار سنة مقدم صج شرط تفوح منه ريحة النصب .. همهم يستلمون الفلوس مقدم ويشيلون عليه بعد فتره وتبتلش مع راعي الشقه .. واذكر صارت سالفه من هالنوع من فتره واحد استاجر مجمع من شخص واجره بالباطن بسعر مغري... استلم الفلوس مقدم من المستأجرين وشال عليه ووهقهم مع المالك ...




وجزاك اخوي

تدري يوم قلت لهم انتم مع المالك قالوا لا احنا شركة قلت لهم اشلون اضمن حقي يقولي لا لا تخاف حقك محفوظ قلت له اسمح لي اعطيك كل شهر بشهره وبـ 5 أخذها والا اعطيك مقدم 54 ألف ..

قالي رفيجي في واحد سوى هالحركة واجر له حروت الـ 8 عماير من الباطن وجمع ايجاراتهم كلها وشل عليه !!

[رذاذ]

انفسخ عقد قدامي وبشكيات مقدمة لخمس سنين ودفعة مقدمة شهرين عند دخول الكهربا

والسبب الشخص مدير الشركة استغل ثقة المواطن القطري وسرق منه ماله مبلغ 2.5 مليون وسافر لبلادة وترك بنته وولده وزوجتهالى تزوجهم بالدوحة ..

شركة ثانية ..

اجرت بالباطن ولكن والله الحمد ما امدح نفسي حلمت بالرجال الى وقع على العقد و صاحبة من جنسية اخرى كف يدهم سوداااء .. اصريت على اعرف مكان الشركة وازورهم

مكتب تدخله تقول اعوذ بالله من الخبث والخبائت شقة ماخدين بها غرفه ومقسمة بارتشن

نعم نقعني حول الساعة المدير
ومن باب الفضول شفت مكتب السكرتير عليه ورقة تاجير فيلا بمنطقة بسعر شقة .. ما صدقت قمت افرررك عيوني .. من بعدها كلمت راعي الحلال وقلت له الى صار معي وفسخ العقد لان لحين ما استلم مفاتيح ولا استلمنا مبلغ ولا التزموا عند توقيع العقد بالدفعه .. وفسخنا العقد .

طلعت من المكتب احمد ربي واستغفره والحمدلله قبل موعد التسليم ولا وجع راس.


وترا وايد والحذر والسؤوال على الشركة شي اساسي وعن طريق محامي ..

[شبح الصمت]

انفسخ عقد قدامي وبشكيات مقدمة لخمس سنين ودفعة مقدمة شهرين عند دخول الكهربا

والسبب الشخص مدير الشركة استغل ثقة المواطن القطري وسرق منه ماله مبلغ 2.5 مليون وسافر لبلادة وترك بنته وولده وزوجتهالى تزوجهم بالدوحة ..

شركة ثانية ..

اجرت بالباطن ولكن والله الحمد ما امدح نفسي حلمت بالرجال الى وقع على العقد و صاحبة من جنسية اخرى كف يدهم سوداااء .. اصريت على اعرف مكان الشركة وازورهم

مكتب تدخله تقول اعوذ بالله من الخبث والخبائت شقة ماخدين بها غرفه ومقسمة بارتشن

نعم نقعني حول الساعة المدير
ومن باب الفضول شفت مكتب السكرتير عليه ورقة تاجير فيلا بمنطقة بسعر شقة .. ما صدقت قمت افرررك عيوني .. من بعدها كلمت راعي الحلال وقلت له الى صار معي وفسخ العقد لان لحين ما استلم مفاتيح ولا استلمنا مبلغ ولا التزموا عند توقيع العقد بالدفعه .. وفسخنا العقد .

طلعت من المكتب احمد ربي واستغفره والحمدلله قبل موعد التسليم ولا وجع راس.


وترا وايد والحذر والسؤوال على الشركة شي اساسي وعن طريق محامي ..




الله يجزاك خير اخوي على طرحك للمواقف الي صارت معاك

والانسان كيسن فطن

لازم يكون متوعي لكل شيء حلوه وما يكون انسان يتسير وينقص عليه ..

الله يستر علينا من شر النفوس المريضة

[روضة]

كل الشكر لك اخي الكريم على التحذير والتنبيه

بصراحه انا وضعت اعلان عن فيلا للإيجار في منتدى العقارات هنا في منتدى الأسهم وجائتي رسائل على الخاص تعرض علي تأجير الفيلا بالباطن
والعقود جاهزه
ولكني رفضت هذه العروض لان اكثرها نصب واحتيال
وشكراً لك
وجزاك الله خير

[شبح الصمت]

كل الشكر لك اخي الكريم على التحذير والتنبيه

بصراحه انا وضعت اعلان عن فيلا للإيجار في منتدى العقارات هنا في منتدى الأسهم وجائتي رسائل على الخاص تعرض علي تأجير الفيلا بالباطن
والعقود جاهزه
ولكني رفضت هذه العروض لان اكثرها نصب واحتيال
وشكراً لك
وجزاك الله خير




وجزاج اختي الكريم

حاولي تدخلين فيلتك على الاسكان اختي مضمونه مب انه الجهات الاخرى مش مضمونه لا في مصداقية
وفي شركات تأجر حق موضفينها ..

والله يسهل لكم اموركم ويرزقكم الرزق الطيب ويبعد عنكم شر النفوس ..

[Riku3]

عصابات تشتغل على المواطنين والمقيمين .. ويوهمون الملاك بالربح السريع !! ..

في 2008 كنت ماسك عماره احاول تأجيرها وهي من حول ال 50 شقه .. والا يجيني مصري يكلمني ان يبون العمارة بالكامل وحدد معاي موعد ..

يوم جاني الا جايب سجل تجاري وصورة بطاقة شخصية لشيخ وكتاب موقع منه بهالطلب وكان بيعطيني شيك لكل شهر منفصل :] .. بس تم يلف ويدور لما طلبت رقم تلفون الشيخ ..

المهم جيت واتصلت في واحد من الربع في كيوتل والداخلية وعطيتهم الرقم الشخصي للشيخ .... وطلع متوفي الله يرحمه ..

اخذت الاوراق بالكامل ورحت مركز العاصمه وكانت الساعه 12 بالليل تقريباً ودخلت على الضابط المناوب وقتله شصار وللاسف رد بكل برود خلاص لا توقع معاهم .. وحاولت معاه بس حسيت بلا مبالاه مالها حدود .

طلعت من عنده وقطعت الورق ورميته واليوم الثاني اتصلت في المصري صارخت عليه وصكرت .

[شبح الصمت]

عصابات تشتغل على المواطنين والمقيمين .. ويوهمون الملاك بالربح السريع !! ..

في 2008 كنت ماسك عماره احاول تأجيرها وهي من حول ال 50 شقه .. والا يجيني مصري يكلمني ان يبون العمارة بالكامل وحدد معاي موعد ..

يوم جاني الا جايب سجل تجاري وصورة بطاقة شخصية لشيخ وكتاب موقع منه بهالطلب وكان بيعطيني شيك لكل شهر منفصل :] .. بس تم يلف ويدور لما طلبت رقم تلفون الشيخ ..

المهم جيت واتصلت في واحد من الربع في كيوتل والداخلية وعطيتهم الرقم الشخصي للشيخ .... وطلع متوفي الله يرحمه ..

اخذت الاوراق بالكامل ورحت مركز العاصمه وكانت الساعه 12 بالليل تقريباً ودخلت على الضابط المناوب وقتله شصار وللاسف رد بكل برود خلاص لا توقع معاهم .. وحاولت معاه بس حسيت بلا مبالاه مالها حدود .

طلعت من عنده وقطعت الورق ورميته واليوم الثاني اتصلت في المصري صارخت عليه وصكرت .




زين سويت لانك شفت شيء واضح قدامك فبالتالي اجراءات صحيح ..

الله يبعد عنا شر النفوس

يآآرب

[ام ناصر1]

زين هالموضوع ما كنت اعرف عن آجار الباطن عندنا ....بس ليش مافي قوانين تحد من هالتلاعب ...أو تفعيل دور البلدية
بكل منطقة ...والي يبي يآجر يروح يوثق عقده ومكانه بالبلدية أولا ....شوف الامارات ...كثرت عندهم الشركات الوهمية ...
...اليوم أي حد يسوي شركة ...لازم يطلع مخطط عن مكان الشركة من البلدية ...بالضبط
...حتى مايصير شيين ...الشركة ماتكون وهمية ...واصحاب النفوس الضعيفة مايأجرون المكان على اكثر من شخص ...

[شبح الصمت]

زين هالموضوع ما كنت اعرف عن آجار الباطن عندنا ....بس ليش مافي قوانين تحد من هالتلاعب ...أو تفعيل دور البلدية
بكل منطقة ...والي يبي يآجر يروح يوثق عقده ومكانه بالبلدية أولا ....شوف الامارات ...كثرت عندهم الشركات الوهمية ...
...اليوم أي حد يسوي شركة ...لازم يطلع مخطط عن مكان الشركة من البلدية ...بالضبط
...حتى مايصير شيين ...الشركة ماتكون وهمية ...واصحاب النفوس الضعيفة مايأجرون المكان على اكثر من شخص ...





اهنيه مربط الفرس اقول للشركة الي من الباطن وثقه لي من البلدية

عقد رسمي بيني وبينكم وبين المؤجر الاصلي ..