احذرو مندرين!

[الامتياز]

في فترة من الفترات كنت اعتدت ان اشتري كوكتيل مندرين من فرع رمادا ، ورغم اني كنت غير معتاد على مراجعة الفواتير والحسابات من وراء البائعين الا اني احسست ان السعر ليس بثابت فقمت بتثبيت طلبي بداعي التجريب ، فلفت انتباهي ان هناك دائما فرق في الاسعار يتأرجح بين ريالين الى 12 ريال .وهنا ومن داعي الفضول سألت في احدى المرات المدير فابلغني بان المواصفات تختلف بقشطة او بدون والمقاس ... فاقتنعت على مضض ، الا اني وفي زيارتي التالية وبعد انتهيت من الحساب مع البائع الخارجي طلبت مراجعة الحساب فقام بارجاع عشرة ريال لي فورا .فايقنت ان البائعين يقتنصوها كفرصة
وبعد فترة واجهت نفس المشهد مع فرعه الجديد في العزيزية ، وتصرف البائع هنا ايضا بنفس التصرف ، حيث مد يده الى جيبه واخرج 4 ريال وارجعها لي فورا.

السؤال هنا : ما هو افضل عقاب لمثل هؤلاء وهل يتحمل صاحب المحل ومديره مسؤولية وكيف نتخلص من ظاهرة الاستغلال والسرقة هذه

[عيون الدوحة]

يمدحون عصاير طلعت فرع الغرافة

[كازانوفا]

اذا ما فيهم لاذمه ولا ضمير كيف بامكاننا نعاقبهم اذا ما خافو من رب العزه باختلاف المله والدين

[الامتياز]

شكرا لمروركم

[بوخالد911]

هلا بكم


بقولكم تجربتي القبلية

كنت دوووم اروح فرع رامادا
واطلب كوكتيل حمد
والحرامي اللي عندهم يختار لي الحجم الكبير
ع كيييييييييييييفه!!!:anger1::anger1::anger1:

ومرة انتبهت ان هناك نوعين : متوسط وكبير

فاتصلت وقلت له ليش ما تقول ان هناك حجمين؟

فقالي : لو المتصل ما ذكر لي الحجم ، بعطيه الحجم الكبير !!!!!!!!!!!!!!

وجيتهم وطلبت جوال المدير
وكلمت ونبهم عدل
وطلب مني عمل اختبار

ليييين ما تسنعوا


اخوي اطلب جوال مديرهم وقووول لهم ابيه بموضوع خاااااااااااااااص

[الصغيره]

وين ما تروحون بتلقون الكل يقص وللاسف الاغلبيه العرب هم من يستغل الزباين والهنود لمسكت عليهم شي قال ما اعرف عربي ...؟؟؟ بس تعرف تعد عدل يالهيس

[الامتياز]

يستغبون الشخص ويتلاعبون بالتفاصيل مثل الحجم وبقشطة وبدون قشطة وما ادري شنو كله في سبيل يخش في بوكه كم ريال منك بالحرام

[راشد محمد]

حتى كنتاكي وهارديز وماكدونالز اذا طلبت وجبه يعطونك البيسبسي والشبس حجم كبير لعانه

[ebo90]

تحصله ياخذ الفلوس ع انه تـب له ولما تساله يرجع لك الفلوس
في جميع الاحوال هالتصرف غير مقبول

[المحاميه]

معظم اﻻماكن هيك

[كتكوت الوحش]

من صجكم تشربون من عندهم أصلا هاي اتسمونه عصير كلا حليب وسكر ونكهات وان طلبت عصير مانجو حطت لك عصير داندي مانجو والفروله كذالك قريبا جداً بيفتح قصر الفيتامين في قطر بشارع النصر وداعا مندرين بأم عيني شايف سياره داندي وافقه عند الفرع الي بالوكره واتنزل مجموعه عصاير مشكل بالله عليكم محل نفس هذا اش بيكون يسوي بالعصير وبالإضافة للأيسكريم

[adell]

اصلا مو مندرين وبس انا للاسف ملاحظ هلشي في كل البايعين حتي في المعاصر ومحطات البترول وكل مكان اعطيه ميه واشتري بعشرين يرجع لك 30 اذا نسيت ومشيت خلاص اذا تذكرت بقلك بكل سهواله اسف انا غلطت

[adell]

اصلا مو مندرين وبس انا للاسف ملاحظ هلشي في كل البايعين حتي في المعاصر ومحطات البترول وكل مكان اعطيه ميه واشتري بعشرين يرجع لك 30 اذا نسيت ومشيت خلاص اذا تذكرت بقلك بكل سهواله اسف انا غلطت

[قوت القلوب]

صرت اكره اروح مندرين بسبة هالموضوع مااااافي ثقه

[الامتياز]

قصر الفيتامينات

[مهره]

أصلا مندرين مب نفس اول مثلا مندرين الي في فيلاجيو لوعه كله حامض وماعرف كيف طعمه كله في مطارات وجيكات جاهز يخلطون ويصبون ما شفت شي فرش جدام عيني ولا البالوعة الي عندهم كل ساعه تطفح بشوف عيني طبعا انا لا أتحدث من فراغ

[السلولي]

امحق عصير عندهم نصه فرش ونصه علب

[كازانوفا]

بسبب تلاعبهم اسوي العصير فرش بالبيت والله استلذ بطمه الحقيقي مش الاصطناعي

[طلعة الروح]

بامكانك ترفض تاخذ العصير والمفروض يسألك عن حجم الكوب وانت بعد لازم تنبهه قبل مايجيب الطلب

[OM_OMAR_QATAR]

الكل على هالمسار وهي استغشام الزبون
لو ماحددت حجم بيعطيك اكبر
ولو ماحددت وجبة بيرشح لك الاغلى او ... المتوفرة الي يبون يخلصون منها
يعني بمعظم الاماكن الي جربتها لابد وان صار لي موقف معهم

[بوخالد911]

الكل على هالمسار وهي استغشام الزبون
لو ماحددت حجم بيعطيك اكبر
ولو ماحددت وجبة بيرشح لك الاغلى او ... المتوفرة الي يبون يخلصون منها
يعني بمعظم الاماكن الي جربتها لابد وان صار لي موقف معهم


صحيح

انا وقفت لهم وقفة

ومرة لما يجيب لي الحجم الكبير
أقوووله رده ما بيه
:anger1::anger1::anger1:

[ظل القمر]

لي رحت مطعم وقلت له مع الطلب غرشه ماي

بيجيب لك العوده

ولي قلت ليش العوده انا قلت لك حجم كبير بيقولك

انت قلت تبي ماي !!

على اساس مافي حجم صغير

وعلى اساس احنا مانفهم

الكل يبوق على نظامه

[mggm]

سبحان الله وبحمده
سبحان الله العظيم

[qatari2012]

استغلال بطريقه غير مباشره

[فلور]

السلام عليكم
اليوم رحت مدرين كالعاده اشتري عصير طبقات سعره ظ،ظ¤ ريال واليوم تفاحات بعد ما شريت يقولي السعر ظ¢ظ، ريال والله نصدمت سالته ليش رد علي قالي هذا المدير مزيد السعر ، أوكي خله يزيد ريال او ريالين مب ظ§ ريالات سالته من المدير قالي لبناني خير ان شاء الله لهدرجه يستقلونا وين حماية المستهلك لين متى هذا الستقلال محد يردهم والله كنت برده بس تعوذت من الشيطان. لين متى الواحد بتم ساكت وينكم يا حماية المستهلك يكفينا نصب ارحمووووونا *

[فلور]

سعره اربع عشر ريال واليوم وصدمت واحد وعشرون ريال ليششششششش

[لاجل QT]

الكل يقص علينا مفكرينا محصلين الفلوس في الشارع

صارت ثقتنا بالاخرين مقصه نحن ندفع ثمنها

[فلور]

اي والله الكل قاص علينا ماوراهم لاحسيب ولا رقيب

[بوNasser]

المشلكة طيبتنا الزايده أو يمكن ......... حسب راي الأجانب.

ناخذ الرد 25 و 26 كمثال، كان السعر 14 ريال وصار 21 ريال، ومع ذلك صاحب الموضوع تعوذ من الشيطان ودفع الفلوس وخذ الطلب.

يعني في الأخير احنا نقبل بالأمر الواقع.

تحياتي للجميع.

[دانة الدوحهـ]

من زمان ما طلبت من عندهم ..
عصايرهم مالها طعم ..

[الامتياز]

فعلا الطعم سيئ والسعر سيئ والمعاملة بالبوق
انصحكم تبتعدون عنه وانا اولكم
شكرا للتفاعل

[مخطط قطري]

فعلا ماخذين الحذر منه الطعم تغير والاسعار ارتفعت

[ذكـــــرى]

الكل يقص علينا مفكرينا محصلين الفلوس في الشارع

صارت ثقتنا بالاخرين مقصه نحن ندفع ثمنها

احنا الي مسوين نفسنا مقصه حق الي يسوا والي مايسوا
شوفي الخبول الي يدفعون بدون مايسالون ليش ؟ كلن مسوي نفسه الوليد بن طلال ,خلوا هالخبول يدفعون ويفوشرون واحنا الي نتظرر

[بوخالد911]

هلا
فعلا اتصلت ع مندرين وطلبت كوكتيل فطوم
قالي السعر ظ¢ظ، ريال
وقبل كان ظ،ظ¦
سألته ليش
قال الادارة تغيرت !!!!
قلت له هالسبب موو علي
ولا راح أطلب منكم ولا شي وبقوم بحذر ربعي منكم
واليوم اتصلت بحماية المستهلك وقدمت شكوى

[SpeedMetro]

تصرف غير مقبول بتاتا

[بوخالد911]

هلا

مثل ما قلت سابقا

اتصلت بحماية المستلك واشتكيت عليهم

وبعد فترة اتصلت واستفسر

قالوا للأسف مندرين حصل ع موافقة من وزارة الاقتصاد والتجارة !!!!!!!!!!!!!!!!!!!!!!
ومن يومه ولا رحت لهم ولا شي

[سارونه]

الاستغلال صار في جميع المطاعم في قطر

الحين اذا بغينا نسترجع فلوسنا مايرجعونها لنا هههههههههههههههههه

اجلس انتظر ربع ساعة ولا احد راضي يرجع الفلوس :) طيب خلوني انا الي اعطيكم من نفسي مو انتوا !!!!!!!!

[اناقه]

يمدحون عصاير طلعت فرع الغرافة

ايه و الله خوش منجا عندهم

[طاش]

لو انا وانت وغيرنا قاطعنا المحل كان ماسوى كذا اخبر العصير الشقف ب14ريال الحين ب24 والحجم الصغير سبحان الله ولا كان فيه حماية المستهلك