هل في طريقه؟؟

[دايموند]

السلام عليكم ورحمه الله وبركاته



بدخل في الموضوع ع طول.......


انا كنت مسافره دبي في العيد

وللاسف نسيت جوالي داخل التاكسي

لحسن الحظ كنت حافظه رقم التاكسي

اتصلت ع الكول سنتر للتاكاسي وبلغت اني فاقده جوال ... قالوا لي حفظتي الحروف الي مع الرقم..كلت لهم لا..قالوا لي عيل ماينفع ..راح نسجل بلاغج بدون مانذكر رقم التاكسي وبنرسل لكل شركات التاكاسي الي هم 6 شركات اعتقد!!...

ع العموم اتصلت عليهم اليوم استفسر عن موضوعي قالوا ليمالقوا جوال ضايع !!
قلت لهم التاكسي مافيه كاميرا ؟

قالوا لي لا !!

قلت لهم عيل شالفايده من خدمتكم اكيد يا السايق خذاه وقال لكم ماشفته او العبري خذاه !!

ع العموم صكروا بلاغي !!

وانا حدي مقهووووره احنا سياح المفروض يتعاونون معانا



المهم سؤال في طريقه اقدر الغي الجهاز او اتعقبه؟

بصراحه مابي الي خذاه يتهنى فيه...

فيليت تفيدوني للعلم عندي علبه الجوال وفيه الرقم التسلسلي

الجوال بلاك بيري

[قطريه22]

الأحل الاصح كنتي رحتي قدمتي بلاغ في شرطة دبي وعطتيهم الرقم التسلسلي للجوال وبيطلعونه عند من عن طريق الاقمار الصناعيه

[دايموند]

الأحل الاصح كنتي رحتي قدمتي بلاغ في شرطة دبي وعطتيهم الرقم التسلسلي للجوال وبيطلعونه عند من عن طريق الاقمار الصناعيه
ماجا في بالي توقعت بيحصلونه...

ماينفع ابلغ اهني :shy:

[دايموند]

واصلا ماكان معاي الرقم التسلسلي اهناك ...

حدي مقهووووره...في ناس صج ماعندهم ضمير

[سـ ع ـود]

صارلنا موقف مشابه مع واحد من الربع في دبي،
كان نازل الفندق ونسى تلفونه بالتاكسي ، وماكان حافظ الا لون التاكسي من فوق كحلي،
كلم الاستقبال وقالهم وقت نزوله من التاكسي ، وطلعوه عن طريق كاميرات المراقبه مالت الفندق وطلعو رقم التاكسي ، كلمو الشركه والشركه كلمت السايق اللي انكر فالبدايه بس لما قالوله ان كل شي طالع في تسجيل الفندق جاب التلفون لرفيجي ، الموضوع كله مامر عليه 5 ساعات تقريبا او اقل والتلفون عنده .
،
الخلاصه : اني اكتشفت من هالموضوع ان الاجراءات في دبي وحقك يرجع لك عكس هنيه تلفون بمبلغ وقدره ضاع مني سنة 2009 وعطيتهم الرقم التسلسلي شعري قام يبين فيه الشيب ولين اليوم ماشفت التلفون
،
،
بالنسبه لتلفونج عليه العوض
:)

[دايموند]

صارلنا موقف مشابه مع واحد من الربع في دبي،
كان نازل الفندق ونسى تلفونه بالتاكسي ، وماكان حافظ الا لون التاكسي من فوق كحلي،
كلم الاستقبال وقالهم وقت نزوله من التاكسي ، وطلعوه عن طريق كاميرات المراقبه مالت الفندق وطلعو رقم التاكسي ، كلمو الشركه والشركه كلمت السايق اللي انكر فالبدايه بس لما قالوله ان كل شي طالع في تسجيل الفندق جاب التلفون لرفيجي ، الموضوع كله مامر عليه 5 ساعات تقريبا او اقل والتلفون عنده .
،
الخلاصه : اني اكتشفت من هالموضوع ان الاجراءات في دبي وحقك يرجع لك عكس هنيه تلفون بمبلغ وقدره ضاع مني سنة 2009 وعطيتهم الرقم التسلسلي شعري قام يبين فيه الشيب ولين اليوم ماشفت التلفون
،
،
بالنسبه لتلفونج عليه العوض
:)
اوووف اشلون فاتتني هالفكره ??????


انا بعد التاكسي خذته من الفندق...ماجا في بالي سالفه الكاميرا


بس اخ سعود حتى لو جبنا راعي التاكسي الكول سنتر قالي شلي يضمن ان هو الي اخذه يمكن العبري الي بعدي اخذه !!


الجوال في صور وذكريات وارقام مهمه..حسبي الله ع الي خذه


انا مابي الجهاز كثر ما ابي اكنسل الجهاز واخليه مايشتغل وخل يطيح الجهاز بجبده

[زمان]

معروف عن دبي كثرة كاميرات المراقبه في الفنادق والمولات والشوارع

ممكن تتذكرين وين التكسي نزلكم الساعة كم وجنب فندق او مول او اي مكان واكيد في كاميرات المراقبه
ومنها تقدرين تستعينين بشرطة دبي وهم بيطلعون رقم التكسي ورقم فلينته بعد وحتى العبري
جربي يمكن يرجع تلفونك

[دايموند]

معروف عن دبي كثرة كاميرات المراقبه في الفنادق والمولات والشوارع

ممكن تتذكرين وين التكسي نزلكم الساعة كم وجنب فندق او مول او اي مكان واكيد في كاميرات المراقبه
ومنها تقدرين تستعينين بشرطة دبي وهم بيطلعون رقم التكسي ورقم فلينته بعد وحتى العبري
جربي يمكن يرجع تلفونك
اتذكر الوقت والمبلغ واسم الفندق وشكلي الهندي بعد..

بس انا حاليا رجعت قطر..

فهل يصير ابلغ بالتلفون والا لازم حضوري?

ماينفع ابلغ عند شرطتنا :shy:

[قطريه22]

اتصلي لهم وساليهم

وقولي ماكنتي تعرفين الاجراءات وان شاء الله بيساعدونج

[الجنوبي]

اهم شي مافيه امور شخصيه تخصك مثل صور وغيره
اما على الجهاز الله يعوض عليج باللي اخير منه

[aziz4z]

في إمكانية تعقب الجوال , و في إمكانية يتنكسل , إذا أنت صاحب الجوال , و عندك أوراقه

[دايموند]

في إمكانية تعقب الجوال , و في إمكانية يتنكسل , إذا أنت صاحب الجوال , و عندك أوراقه

اشلون تكفى ؟؟

[دايموند]

اهم شي مافيه امور شخصيه تخصك مثل صور وغيره
اما على الجهاز الله يعوض عليج باللي اخير منه

في للاسف صور سفرتنا لدبي بس:weeping:

[aziz4z]

اشلون تكفى ؟؟

عندك الرقم التسلسلي للجهاز ؟ , هاي أهم شيء , و راح تلاقيه على علبة الجهاز , و إذا مب موجود عنك أوراقه الجهاز , يثبت أنك أنت شريته

اتصل عليهم و عطهم الرقم التسلسلي , أو وريهم الاوراق

بيحط الرقم في القائمة السوداء ومهما وضع السارق من شرايح في الجهاز مافي فايدة يايردلك

و ببين من الرقم التسلسلي وين مكان الجوال

[aziz4z]

أن قصدي تتصل على المكان اللي شريت منه الجوال , و حتى عندنا في الدوحة يجيبون لك السارق

[دايموند]

انزين اعطي الرقم التسلسلي لمن ?

شركه اتصالات والا الشرطه؟
واتصل الي بقطر والا الي بالامارات ؟

[دايموند]

أن قصدي تتصل على المكان اللي شريت منه الجوال , و حتى عندنا في الدوحة يجيبون لك السارق

متاكد اخوي ؟

انا شريته من ستارلينك

[aziz4z]

إذا تبي تكنسل الجوال نهائيا , اتصل بشركة الاتصالات و عطهم الرقم , و إذا تبي ترد الجوال , عطه للشرطة في دبي , المكان اللي طاع منك الجوال

[دايموند]

إذا تبي تكنسل الجوال نهائيا , اتصل بشركة الاتصالات و عطهم الرقم , و إذا تبي ترد الجوال , عطه للشرطة في دبي , المكان اللي طاع منك الجوال
خل نقول بنكنسل الجهاز

اعطي رقم التسلسلي لمن ؟

كيوتل ؟

[aziz4z]

و هاي قصة في جريدة إماراتية
طالبت شرطة دبي من إحدى شركات تزويد خدمات الاتصالات في الدولة، إمدادها بخريطة تحركات أحد الهواتف المحمولة من نوع بلاك بيري، بعد أن أبلغت مالكته عن سرقته من على مكتبها.

توجه رجال الأمن إلى أحد محال الهواتف المحمولة الموجود فيه الهاتف المسروق، حسب تقرير شركة الاتصالات، وبالاستدلال من العامل به، أفاد بأن أحد الأشخاص باعه له، وأعطى الشرطة صورة البطاقة التي قدمها بائع الهاتف.

وبتتبع صاحب البطاقة المباع بها الهاتف تبين بأن السارق أخذها بطريقة غير شرعية أيضاً واستخدمها في عملية البيع، لتتوصل شرطة دبي بعد التحقيق إلى المطلوب وهو رجل الأمن الموجود في مكتب المتضررة نفسه.

[aziz4z]

أعطيه لستارلينك , من مكان اللي شريته

[دايموند]

أعطيه لستارلينك , من مكان اللي شريته
ان شاء الله بجرب بروح وبخبركم شنو صار معاي


مشكووووور ماقصرت عذبتك معاي

[aziz4z]

ترى هالخدمة موجودة عندنا في الدوحة و دبي اللي أعرفه , يقدرون يطلعون السارق
و إن شاء الله يردونلك الجوال , بس الجوال في دبي و أنت اهني , وين تروح تقدم بلاغ , طيران رايح جاي , كنسله و خلاص

[دايموند]

ترى هالخدمة موجودة عندنا في الدوحة و دبي اللي أعرفه , يقدرون يطلعون السارق
و إن شاء الله يردونلك الجوال , بس الجوال في دبي و أنت اهني , وين تروح تقدم بلاغ , طيران رايح جاي , كنسله و خلاص
اخوي رحت لستارلنك وتفشلت :(

قالي روحي الشرطه !!

انا مابي الجوال ابي يتكنسل بس..

مابي ادخل الشرطه :weeping:

[MoTeC]

اذا كان جوالج بلاك بيري تقدرين تتعقبينه وتمسحين كل شي فيه بعد اذا هو ماسواله فورمات او باعه
(لازم تكونين مسجله في البرنامج blackberry protect) اللي علامته درع اصفر وعليه علامات ببلاك بيري

[aziz4z]

اخوي رحت لستارلنك وتفشلت :(

قالي روحي الشرطه !!

انا مابي الجوال ابي يتكنسل بس..

مابي ادخل الشرطه :weeping:

أنا واحد من ربعي ضاع جواله في الدوحة , و عن طريق الرقم التسلسلي رجعله بعد أسبوعين , بس بعدما قدم بلاغ في الشرطة , و في إتفاقية أمنية بين دول الخليج
أنت احفظ كود البلاك بيري , و ضيفه في جوال ثاني , إذا باعاه على شخص ثاني , كلمه و بهدوء تعرف على مكانه و بعدين إسأله من أعطاك الجوال
أنت قلتلهم أنه اتسرق في دبي ؟
اتصل على كيوتل اللي تستخدم خدمتهم , و ممكن هم يسونه
المشكلة في ايش , الشركات هاي معقدين جدا , لازم يبون بلاغ من الشرطة عشان يسون شيء
إن شاء الله مايكون عليه أشياء خصوصية
و الله يعينك