المساعد الشخصي الرقمي

مشاهدة النسخة كاملة : وين حماية المستهلك عن أسعار العطورات ؟


أم محمد 90
24-10-2013, 12:32 PM
السلام عليكم

::


موضوعي عن العطورات وأسعارها فالمجمعات والأسواق والمطار

أمس مريت اللاند مارك شميت عطر كريد الأسود
قال لي سعره 1078 ! قامت أمي اتصلت في (حميد) قال لها 700 ريال وبعطيج ب 650 !

وفعلا ً رحنا وشريناه !

وتفاجأت أن صج صج في اختلاف كبير باسعار العطورات في سيفورا وفيسسز وباريس غاليري والمحلات الثانية !


حماية المستهلك ماتتدخل بهالشيء !؟
ولو قلنا أجار ولا فايدة ولا ضريبة ! بس ماتوصل فرق نص السعر !

تجاربكم وأرائكم اكتبوها هنا ~

ملاحظة : الموضوع يخص اختلاف اسعار العطورات في المحلات الموجودة بالمجمعات
وليس عن العطورات المقلدة

حياكم الله
حمد 2002
24-10-2013, 12:34 PM
ينقل لقسم حمايه المستهلك

http://www.qatarshares.com/vb/forumdisplay.php?f=71
qatary1
24-10-2013, 12:35 PM
وانا اخذته من باري غاليري ب 1050

وين حميد هذا؟؟؟؟؟
أم محمد 90
24-10-2013, 12:36 PM
ينقل لقسم حمايه المستهلك

http://www.qatarshares.com/vb/forumdisplay.php?f=71

شكراً لك أخ حمد
في مراقبين يعرفون شغلهم

وأنا اطلب يتم بقسم الحوار العام وذلك لاخذ الفائدة والمعلومات بسبب كثرة المشاركات فيه

حياك الله :)
أم محمد 90
24-10-2013, 12:37 PM
وانا اخذته من باري غاليري ب 1050

وين حميد هذا؟؟؟؟؟

في سوق فالح :nice:
العطورات عنده نفس اسعار المطار وتقدر تكاسره وعنده فواتير تثبت ان العطورات أصلية
qatary1
24-10-2013, 12:39 PM
تسلمين يا ام محمد
حمد 2002
24-10-2013, 12:42 PM
اختي ام محمد شكله ماعندج خبره بالعطورات ؟ !!

فيه عطورات من نفس الماركه ومكتوب عليها من نفس بلد الصنع ،،

بس فيه فرق بالجوده ذاك تقليد وهذا اصلي وهنا الفرق ،، لذلك انتبهي ووسعي خبرتج اكثر ،،،
أم محمد 90
24-10-2013, 12:55 PM
اختي ام محمد شكله ماعندج خبره بالعطورات ؟ !!

فيه عطورات من نفس الماركه ومكتوب عليها من نفس بلد الصنع ،،

بس فيه فرق بالجوده ذاك تقليد وهذا اصلي وهنا الفرق ،، لذلك انتبهي ووسعي خبرتج اكثر ،،،

وشلون انتبه

أفيدنا بتجاربك بارك الله فيك

يعني الريحة نفس الشي وحميد مشهور من يوم انا صغيرة كل اهلنا يشترون العطورات الماركات منه !

بس اذا عندك خبرة أفيدنا ،،
مواقف النجادة
24-10-2013, 01:02 PM
خلهم يشيكون على غش و تقليد العطور اول شيء و بعدين لاحقين عالاسعار !!

العطور و النظارات في قطر اصبح الاصل فيها هو الغش و الاستثناء هو الاصلي ..
وفي المحلات الكبيرة و (الكشخة) قبل الصغيرة..

شكرا يا وزارة الاحتكار و التجارة..
الجنوبي
24-10-2013, 01:09 PM
انتبهوا من العطورات المقلّدة
انا كنت فالأمارات ودخلت محلات تبيع عطورات مقلدة طبق الاصل شكل وريحة صناعة صينية ومكتوب عالغرشة باريس وهذا باعتراف احد اصحاب المحلات في دبي
أم محمد 90
24-10-2013, 01:15 PM
خلهم يشيكون على غش و تقليد العطور اول شيء و بعدين لاحقين عالاسعار !!

العطور و النظارات في قطر اصبح الاصل فيها هو الغش و الاستثناء هو الاصلي ..
وفي المحلات الكبيرة و (الكشخة) قبل الصغيرة..

شكرا يا وزارة الاحتكار و التجارة..

اخوي انا ماتكلم عن التقليد

لان الحين الكل راح يفهم الموضوع موضوع العطورات المقلدة

موضوعي هو ، اختلاف الاسعار !

يعني عطر هني ب 1078 ريال و بمكان ثاني نفسه بالضبط هو هو ب نص السعر !
أم محمد 90
24-10-2013, 01:15 PM
انتبهوا من العطورات المقلّدة
انا كنت فالأمارات ودخلت محلات تبيع عطورات مقلدة طبق الاصل شكل وريحة صناعة صينية ومكتوب عالغرشة باريس وهذا باعتراف احد اصحاب المحلات في دبي


شاكرة لك بس موضوعنا مش موضوع العطورات المقلدة

الموضوع عن اختلاف الاسعار من محل الى اخر بشكل كبير
حمد 2002
24-10-2013, 01:17 PM
ام محمد ركزي شوي ،،،

شركه عندها عطورات اصليه اكييييييييد بتبيعها غاليه وشركه عندها عطورات تقليد اكيد بتبيعها رخصييييه ،،
أم محمد 90
24-10-2013, 01:22 PM
ام محمد ركزي شوي ،،،

شركه عندها عطورات اصليه اكييييييييد بتبيعها غاليه وشركه عندها عطورات تقليد اكيد بتبيعها رخصييييه ،،

لا اخوي الاسعار نفس اسعار المطار بالضبط
ومعروفة عطورات المطار اصلية

محلات المجمعات هي اللي تبالغ
الجنوبي
24-10-2013, 01:27 PM
شاكرة لك بس موضوعنا مش موضوع العطورات المقلدة

الموضوع عن اختلاف الاسعار من محل الى اخر بشكل كبير

مهو هذا اللي انا اقصده
اغلب اسعار العطورات الاصلية موحده عند وكلائها في اغلب دول العالم حتى فالمطارات ماتفرق كثير
لكن في كثير من المحلات تبيع عطورات تجيبها من الامارات مب من الوكيل واغلبها مقلده صناعة صينية وعلشان جذيه تكون ارخص
قطريه22
24-10-2013, 01:32 PM
اختي ام محمد شكله ماعندج خبره بالعطورات ؟ !!

فيه عطورات من نفس الماركه ومكتوب عليها من نفس بلد الصنع ،،

بس فيه فرق بالجوده ذاك تقليد وهذا اصلي وهنا الفرق ،، لذلك انتبهي ووسعي خبرتج اكثر ،،،

فعلا كلامج صحيح مبالغين باسعار العطور انا عني ماشتري عطور من الدوحه الانادر جدا اخر مره اشتريت عطر من الدوحه كانت قبل 3 سنوات تقريبا

اما بالنسبه لكلام حمد فانت غلطان المحلات اشلون بيمشون بضاعتهم الا اذا قالو هالكلام
يقصون على الناس العطور نفس الشي التقليد يبين انه تقليد من شكل العلبه

جودة العطر مثل ماهي في المجمعات في الاسواق الخارجيه نفسها وعلى فكره في شيء يمكن البعض مايعرفه

محل حميد الي في سوق فالح هو الي يصدر العطور لمحلات مشهوره ومعروفه جدا في قطر لايغركم شكل المحل مدير المحل بنفسه متكلم وقايل حق حد من الاهل

اما بالنسبه لاختلاف الاسعار مافي اي مراقبه عليهم وهم لاعبين لعبتهم
sweet qatar
24-10-2013, 01:34 PM
والله يام محمد انا من زمان كنسلت عطورات الدوحة

ما تم ولا تثبت .. مع اني اخذها بآغلى الأسعار


سوق الدوحة يساعد على الغش والخداع وكثير من المحلات المعروفة اخاف اشتري منها شي


على فكرة حميد عنده فرع في دار السلام .. حلو ومرتب
شموخ دائم
24-10-2013, 01:47 PM
,

,


مرحبا

الله يعطيك العافيه على الموضوع

ومعاك حق هناك تلاعب وفرق بالسعر من مكان الى مكان

طبعا من حق المحلات الفخمه ان تزيد سعرها بنسبه معينه لارتفاع المصاريف
وزياده الموظفين وسعه المكان والاهتمام وتوفر الراحه والكراسي

فباريس جلاري
و
سوق فالح

في فرق كبير بالايجار والرواتب وهذا طبيعي ان يكون سعره اعلى بحدود 20 %
ولكن ليس من المنطقي ولا المقبول ان يكون السعر مضاعف

الشي المهم جدا في العطر

علينا البحث عن كلمه بيرفوم في زجاجة العطر والتأكد من كتابه

parfum

فهو عطري مركز ورائحته تدوم حتى 8 ساعات

اما اذا مكتوب على الزجاجه حسب الترتب التالي

Eau de parfum

Eau de toilette

Eau de cologne


http://ecx.images-amazon.com/images/I/41qHxNpS7dL.jpg
عطر مركز

http://fimgs.net/images/perfume/nd.612.jpg

اقل تركيز

وكلهم اصلي



فالتركيز في العطر يدوم ساعتين كحد اقصى على الملابس او الجلد

وطبعا السعر ممكن ينخفض الى النصف

فقط علينا الانتباه الى مثل هذه المصطلحات في العطور



,

,


اخوك

شموخ دائم
الزعفراني
24-10-2013, 01:48 PM
حماية المستهلك مالهم خص في الفروق بين الاسعار لنفس السلعه .. لان مبررهم هذا سوق وعرض طلب محد يجبرك تاخذ من المحل اللي يبيعه بالف ريال لان عندك فرصة تبحث عن محل ارخص وهذا اللي صار وياكم ..

حماية المستهلك لها خص اذا كان العطر مغشوش والمحل يبيعه على انه أصلي
ام السعف
24-10-2013, 02:06 PM
خلهم يشيكون على غش و تقليد العطور اول شيء و بعدين لاحقين عالاسعار !!

العطور و النظارات في قطر اصبح الاصل فيها هو الغش و الاستثناء هو الاصلي ..
وفي المحلات الكبيرة و (الكشخة) قبل الصغيرة..

شكرا يا وزارة الاحتكار و التجارة..

مشاركة جديرة بالوقوف عندها

النظارات شكلها تقليد لنها تعور العيون اكثر مما تفيدها
والعطورات تنباع في المحلات ما تدري اذا اصلية ولا لا ،،
Me&OnLy
24-10-2013, 04:15 PM
اختي ام محمد فعلا انا في رمضان خذت العطر نفسه من باري غاليري ب 940
وقبل اسبوع ب1040 ممكن توصفين لي سوق فالح وين وشنو اسم محل حميد اذا تفضلتي
الدوحه1
24-10-2013, 04:28 PM
انتبهوا ترى التقليد وصل للادويه..
من مده شفت تقرير على احدى القنوات الامريكيه يتكلم عن انتشار الادويه المقلده في
معظم دول العالم..
مواقف النجادة
24-10-2013, 07:39 PM
اخوي انا ماتكلم عن التقليد

لان الحين الكل راح يفهم الموضوع موضوع العطورات المقلدة

موضوعي هو ، اختلاف الاسعار !

يعني عطر هني ب 1078 ريال و بمكان ثاني نفسه بالضبط هو هو ب نص السعر !

أختي انا استعمل عطر كريد من 2003 الى اليوم .. و اشتريه من الصالون الأزرق او باريس غاليري ( نفس الوكيل ) ولا حظت خلال السنين الفائتة الى اليوم .. كيف السعر ارتفع من ٣٦٠ ..الى ستمئة ..ثم سبعمئة ثم قفز الى تسعمية ..و الف حاليا .. و كنت كل مرة يرفعون الأسعار اتحلطم و أسبهم ..

ولكن بشكل عام عندي طريقة اشيك فيها ( حق جميع المنتجات) اذا ما كانت الزيادة من الوكيل عندنا ام من المصنع .. و هي أني اروح ( الموقع الرسمي ) للشركة في أمريكا او أوروبا و أشوف سعر الحبة عندهم واقارن .. في اغلب المنتجات اللي اشيك عليها تطلع الزيادة من الوكيل عندنا .. ولكن عطر كريد من الحالات النادرة اللي لقيت الزيادة فيها عالمية و من المصدر وليس من الوكيل ..
وبصراحة اكثر ما أخشاه ان الوكيل في قطر يغير سياسته و يجيب التقليد بعد الحملة اللي سويتيها ضده في هالمنتدى!

و اذا تبين تشيكين.. هذا لنك الموقع الرسمي في أمريكا:

http://www.creedperfumes.us/index2.php

ملاحظة : بتحصلين في مواقع اخرى في النت ( غير الموقع الرسمي) سعر أرخص .. بما فيهم بعض البائعين في موقع امازون .. ولكن بخبرتي في العطر اللي استعمله من 2003 و خبرتي الطويلة في الشراء من النت .. هي على الأرجح مقلدة نفس اللي يبيعها المحل اللي في سوق فالح.. و نفس اللي يبيعها للأسف محل معروف للإلكترونيات و العطور يقع على يمين مكتبة جرير على طريق سلوى .. هذا المحل اللي كنت مغتر فيه لين ما شريت منه نفس العطر ب 600 ريال وطلع مغشوش.

و أسف للإطالة ..
kaafy
24-10-2013, 07:49 PM
حمايه المستهلك اقسام
وفيه قسم اسمه قسم الاسعار
هذا هو المختص في الناس الى يحطون سعر ويبيعون بغيره مثل العبايات و القطع القماش و خياطين و غيره
للاسف مانشوف للقسم هذا فاعليه في سوق
اما بالنسبه لموضوع اختلاف الاسعار
للاسف مافيه قانون في قطر يحدهم عن هذا شي بحجه انه سوق اسلامي مفتوح
بس نطالب انهم على الاقل يحطون تشريع مايزيد نسبه الربح المنتج عن 55% مع انه في بعض الدول مايتعدى 22%
Azizuk
24-10-2013, 08:07 PM
اختي ام محمد فعلا انا في رمضان خذت العطر نفسه من باري غاليري ب 940
وقبل اسبوع ب1040 ممكن توصفين لي سوق فالح وين وشنو اسم محل حميد اذا تفضلتي


محل حميد فاتح في مجمع دار السلام بين المعموره وبوهامور جنب دوار ارمكس سابقاً
في الدور الأول من جهة اليمين اول ماتطلع من السلام الكهربائي
alsoq
24-10-2013, 08:31 PM
والله يا ام محمد
الكل يسرح ويمرح في الاسعار واغلب المحلات خط احمر اصحبها محد يزعلهم

فا تلقين الكل يحط سعره على كيفه حمايه المستهلك ذر الرماد في العيون مجرد مسمى

حمايه المستهلك في الكويت اسم على مسمى صارت مشكله لواحد قطري غير زيت في ورشه ولا اربطوا البرغي عدل وتبطل ونتج خبطت السياره اتصل في صديقه الكويتي خذ الفاتوره وقيمو الاضرار انه خلل من الورشه صلحوا مكينه سيارته كامله على حساب الورشه
لقمان
24-10-2013, 08:57 PM
يا جماعة الخير خلونا من العطورات من قبل يومين صندوق الطماط ب خمسون ريال و البطاط 45 ريال عسى اللة يرحم عبادة
لقمان
24-10-2013, 09:04 PM
محلات احميد صار لة اكثر من 35 سنة فى سوق فالح
المحاميه
25-10-2013, 12:49 AM
وين فرق نص السعر

سعره تقولين 1000 ف اللاند وبرا اللاند ب 700
يعني الفرق 300 بس .. هاي هي الفايده :ok:
أم محمد 90
27-10-2013, 09:22 AM
,

,


مرحبا

الله يعطيك العافيه على الموضوع

ومعاك حق هناك تلاعب وفرق بالسعر من مكان الى مكان

طبعا من حق المحلات الفخمه ان تزيد سعرها بنسبه معينه لارتفاع المصاريف
وزياده الموظفين وسعه المكان والاهتمام وتوفر الراحه والكراسي

فباريس جلاري
و
سوق فالح

في فرق كبير بالايجار والرواتب وهذا طبيعي ان يكون سعره اعلى بحدود 20 %
ولكن ليس من المنطقي ولا المقبول ان يكون السعر مضاعف

الشي المهم جدا في العطر

علينا البحث عن كلمه بيرفوم في زجاجة العطر والتأكد من كتابه

parfum

فهو عطري مركز ورائحته تدوم حتى 8 ساعات

اما اذا مكتوب على الزجاجه حسب الترتب التالي

eau de parfum

eau de toilette

eau de cologne


http://ecx.images-amazon.com/images/i/41qhxnps7dl.jpg
عطر مركز

http://fimgs.net/images/perfume/nd.612.jpg

اقل تركيز

وكلهم اصلي



فالتركيز في العطر يدوم ساعتين كحد اقصى على الملابس او الجلد

وطبعا السعر ممكن ينخفض الى النصف

فقط علينا الانتباه الى مثل هذه المصطلحات في العطور



,

,


اخوك

شموخ دائم




أحييك على المشاركة المفيدة ويعطيك ألف عافية ~
أم محمد 90
27-10-2013, 09:23 AM
وين فرق نص السعر

سعره تقولين 1000 ف اللاند وبرا اللاند ب 700
يعني الفرق 300 بس .. هاي هي الفايده :ok:

سعره 1078 وبرا اللاند 650 وشكراً :)
أم محمد 90
27-10-2013, 09:24 AM
حماية المستهلك مالهم خص في الفروق بين الاسعار لنفس السلعه .. لان مبررهم هذا سوق وعرض طلب محد يجبرك تاخذ من المحل اللي يبيعه بالف ريال لان عندك فرصة تبحث عن محل ارخص وهذا اللي صار وياكم ..

حماية المستهلك لها خص اذا كان العطر مغشوش والمحل يبيعه على انه أصلي

والله ما عندي أي معلومة عن أن حماية المستهلك مالها خص ومعاك حق ان محد يجبرني ولكن نظراً لان المجمعات أكثر راحة والواحد لو بيحط فايدة بيحط 200 ريال ان كثير مو قريب النص سعر

أشكرك على المشاركة
أم محمد 90
27-10-2013, 09:25 AM
اختي ام محمد فعلا انا في رمضان خذت العطر نفسه من باري غاليري ب 940
وقبل اسبوع ب1040 ممكن توصفين لي سوق فالح وين وشنو اسم محل حميد اذا تفضلتي

في سوق فالح أخوي مقابل صرافة اللاري
تحداني
27-10-2013, 09:38 AM
انا من هواه العطورات واتابعها من زمان .. والبيت عندي نفس الشي
العطر الاصلي لايمكن ان يتنازل عن سعره ابدا ثقي من هالشي
وقد تكون اسعار المطارات هي الاصح والاجدر بالثقه
عطر لما تشترينه من المطار ابــ 1500 وتلقينه عند حميد ولا سليم اب500 ولا 700
ما اعتقد انه عطر اصلي ابدا .. حتى ان ادعى انه شراه من السلام ولا الصالون الازرق
ما اعتقد السلام والصالون الازرق يورد كل شي من الطراز الاول
وعندي معاهم امثله كثيره .. لكن الموضوع عن العطر حاليا


اذا بغيتي اتعرفين العطر الحقيقي وسعره الحقيقي
مافي الا عن طريق الشركه نفسها .. اي الشركه المصنعه وهالامر صار سهل بالنت
او عن طريق المطار

لان محلات مثل سليم وحميد .. يتعاملون مع مصانع موجوده في جبل علي بالامارات
هم لدي ما يثبت ذلك


عن نفسي كل عطوراتي من برا الدوحه
ومن المطار
حتى لو كان العطر متوفر في الدوحه
كسبانه سعر وجوده وريحه


جملك الله برضاه