لك خص او مالك خص ؟؟

[لمت اب]

أعزاءي

رأيت شخص امامك اوقف سيارته في مكان
ذوي الاحتياجات الخاصة
ونزل من السيارة الا هو نفس جسم الثور بس الثور ما يسوق سيارة
سوآءا كان هذا لابس ثوب او لابس بنطلون يعني سوآءا مقيم او مواطن

حبك لبلادك بأن تكون في احلا وصف ونظام وغيرتك وحفاضا على حقوق الغير(ذوي الاحتياجات الخاصة ) قلت لصاحب السيارة بكل أدب
يا طويل العمر هذا الموقف مخصص لفئة معينه ولا يحق لك ان تقف هنا
فقال لك :
مالك خص
هل فعلا مالك خص؟؟
ماذا تفعل ولا تقول ساتصل بالفزعه لانه سيذهب قبل حضورهم

[alsoq]

انا بما اني من ذوي الاحتياجات الخاصه اعاني من ها الشي لما اروح مستشفى حمد احصل مواقف ذوي الاحتياجات الخاصه كلها مواقفين فيها ولا سياره عليها تصريح مع الاسف الى وحد او ثنتين الباقي لا اتم ادور لحد ما يطلع احد منهم

[فــلان]

هذا الله يسلمك آخذ رقم سيارته و أتصل مباشره على مخالفات المرور و أحرر له مخالفه فوراً بدون مهاترات و أخذ وعطى عشان ممكن آقول به و آكسر عظامه ويجي علي الغلط و يروح حق ذو الإحتياجات الخاصه في هذا الموقف.

[alsoq]

المشكله ما فيه احد يدور من شرطه هناك وعلى بال ما تتصل ويجون يكون موعدك انتهى:)

[ريم الشمال]

اذا بنت لا تكلمين احد يمكن تتصلين بالشرطة افضل وتعطينهم الرقم ويخالفونه وتصورين سيارته وانه مستخدم موقف المعاقين وترسلينها للمرور
الشباب يمكن اعطيه يكلمه بشكل لطيف ولبق بس اذا شعر أن الاخ اخر همه كلامه يتصرف التصرف السابق الذكر ولا يعور راسه

[H B A]

صحيح تصرف الشخص اللي بيوقف في موقف ذوي الاحتياجات الخاصه تصرف خاطئ

بس بعد بنفس الوقت انا اشوف ان (( مالك خص ))
ماشالله عندنا المرور والفزعه ولخويا ونادر مايفرط احد من مخالفاتهم هههه

والقصد الله يسلمك .. ماتسوى عليك تكلم الشخص باحترام
ويطلع شخص غير عاقل ويغلط عليك بالرد او يقط عليك كلمه


اذا الموضوع مضايقك ممكن تتصل تبلغ المرور مابيقصرون انشالله =)

[المحاميه]

أعزاءي

رأيت شخص امامك اوقف سيارته في مكان
ذوي الاحتياجات الخاصة
ونزل من السيارة الا هو نفس جسم الثور بس الثور ما يسوق سيارة


تعبير غير لائق

بالنسبه للموضوع حلو انك تنبه الشخص ,,, هالشي يعكس روح المسؤوليه عند كل شخص اتجاه وطنه واحترامه للقواعد العامه المنظمه ..
بس هو اذا رد وقالك مالك خص .. اول شي لان منصدم من ردت فعلك وثاني شي لان اكيد لاعت جبده وهو يدور موقف وماحصل .. لان ماظن في حد حاب ياخذ مخالفه بسبت موقف

[لمت اب]

اشكر جميع من ابدا رأيه ونصحه في الموضوع
الأخ السوق شكرا على التعليق الذي اعطى الموضوع اهميه اكبر ودعم
فلان شكرا على الرأي الصحيح
ريم الشمال شكرا على الاهتمام والرأي الصحيح
hba نحن وصلنا لهذا الوضع عندما صار كل شخص يقول مالي خص
لو ان هذا السائق يعرف انه سينتقده كل من يراه لما تصرف هذا التصرف
المحامية : المحامين كله يدورون الأخطاء على الناس
لو ما هو تفكيره تفكير ثور كان ما رضى يأخذ حق غيره , وايضا اذا كلمه احد ان يتعذر باي عذر ممكن قبوله
ولا يكابر وينافخ ويتمرد
حتى لو ما لقى موقف ماله حق يوقف بموقف خطأ

[نوار قطر]

لا الصراحه مالي حق اتكلم اذا هو ما حشم نفسه ولا حشم الناس من ذوي الاحتياجات الخاصه بيحشمني انا ? واكيد بيرد علي رد وبيفشلني '' شيسوى علي اتهزأ ... المفروض تكون هناك دوريه تخالف هالنوعيه من الناس.... بس للأمانه على كثر ما اروح مجمعات ولا مره شفت حد صاف في مواقف ذوي الاحتياجات الخاصه .. دايما القاها فاضيه.. والله المستعان

[لمت اب]

الله يبارك لك في بنتك يا نوار قطر
عزيزتي اذا محد انتقد الخطأ
الخطأ راح يزيد ويستشري حتى البتان بكره بتلقينهم صافين في مواقف ذو الاحتياجات الخاصه
او مسكر الشارع ونازل يشتري من البقاله
شغله ماهي سهله لكن لازم حد يتكلم ويرفض هذا السلوك لعله يتلاشى ويختفي

[نوار قطر]

الله يبارك لك في بنتك يا نوار قطر
عزيزتي اذا محد انتقد الخطأ
الخطأ راح يزيد ويستشري حتى البتان بكره بتلقينهم صافين في مواقف ذو الاحتياجات الخاصه
او مسكر الشارع ونازل يشتري من البقاله
شغله ماهي سهله لكن لازم حد يتكلم ويرفض هذا السلوك لعله يتلاشى ويختفي
كلامك صح ومافيه اختلاف عليه يمكن كوني مره صعبه علي اتدخل في مثل هالاشياء الا اذا كان الوضع يخصني ،،مثلا كنا وافقين وواحد مسكر علينا اهني لازم اني اتدخل وبعد ماراح اتكلم له بطرش دريولي يكلمه ،، مممم يمكن وضع الريال غير اسهل في التعامل تبقى المره لها تحفظات وخطوط ما اتعداها ،،