سؤال بخصوص كاميرات المراقبة في البيوت..

[مواقف النجادة]

السلام عليكم ..
لي فترة و انا أشوف الناس في هالمنتدى يتكلمون عن تركيب كاميرات المراقبة .. و اللي يتكلم عن ضرورة التأسيس و اللي يتكلم عن الأسعار ..

بصراحة ما عرفت الذهنية اللي يفكرون بها..
يعني .. اذا بتراقب الخدم .. ممكن تطل طله من الباب او الدردشة و بتشوفهم..
و بعدين وين بتحط الكاميرات .. في المطبخ ؟ في الحوش؟ حذا الباب؟
و اذا جوك ضيوف سواء غرب او من الأهل .. شبتسوي؟ بتطفي الكاميرات ؟
بتخليهم يتمشون في بيتك بعبيهم و بالحجاب؟

انا الحين قاعد ابني و ما أسست للكاميرات و لا راح أركبها .. لأني احس ان ضيوفي ماراح يكونون مرتاحين اذا دشوا بيتي .. و لا انا راح أكون مرتاح اذا دريت ان هلي يزورون ناس مركبين كاميرات مراقبة في بيتهم.

ياريت اللي ركب يقول لي .. هل استفاد شي من التركيب .. و شلون تتجنب الاطلاع على أعراض الناس حتى ولو بالخطأ؟

[معماري قطري]

انا حسيت بنفس الإحساس وتساءَلت نفس التساؤل

ووصلت لشيء مهم وهو إن وضع الكاميرا على الباب الرئيسي يضمن لك معرفة شيصير قرب الباب من الخدم وعلاقاتهم مع آخرين أو تصدير مسروقات من المنزل، وهذا ما يضر أي حد يجيك لأن هذي الكيمرات منتشرة في كل مكان.

الحوش كذلك لمراقبة السائق أو أي متسلل.

الأماكن الخاصة بالضيوف ما اتوقع حد بيحط فيها كاميرات، وغرف العائلة كذلك .. ممكن في بعض الصالات أو المطابخ أو أقل شيء المطبخ الخارجي.

وألحين تكنولوجيا نقل الصورة مباشر لك على النت وين ما تكون في العالم يخليك تتطمن على بيتك وقت السفر.

[مواقف النجادة]

أشكرك اخوي معماري على الرد الكريم ..

اتفق معك ان الكاميرا على السور الخارجي و امام الباب الرئيسي ( من الخارج) مفيدة و لكن اختلف بخصوص الحوش و المطبخ .. لان هذه الأماكن يدشون فيها الضيوف خصوصا الأقارب من غير المحارم .. وليس دائماً تكون هناك فرصة لإطفاء الكاميرات .. هذا اذا كانت هناك نية لاطفائها أساسا.. و بعدين من الذي ماسك مسئولية تشغيل و متابعة الأجهزة و التسجيلات الام؟ الأب؟ العيال؟ انا أتصور ان كثير من العائلات ستسلم موضوع الكاميرات لأبناءها المراهقين بدعوى ان الام او الأب ما يعرفون حق الأجهزة..

عن نفسي ماراح اركب كاميرات في بيتي (درءا للشبهات) و أي بيت فيه كاميرات راح اطلب من هلي و بناتي انهم يتمون بعبيهم اثناء الزيارة حتى لو كان بيت اقرب الناس.

[al saad]

الشيخ انا امركب 24 كيمره بعضها مخفي في البيت تغطي البيت كامل من صالات و ممرات واصنصير وحوش وبركه سباحه ومطابخ و مواقف السيارات ومداخل البيت والنظام يسجل 60 يوم ما رجع له لا اذا صار شي ولا شكيت في شي وصدقني اكتشفت اشياء كثيرة تصير وحنى محد ولا مسافرين

الشيخ الحذر واجب وانت مش في البيت 24 ساعه لاقدر الله صار شي في البيت اشلون بتعرف بعد فوات الاوان

من ركبت النظام سفرت خدامتين ودريول بعد ما شفت العجب والبوق عيني عينك والحفلات الي اتصير في البيت واحنى برع

[مواقف النجادة]

الشيخ انا امركب 24 كيمره بعضها مخفي في البيت تغطي البيت كامل من صالات و ممرات واصنصير وحوش وبركه سباحه ومطابخ و مواقف السيارات ومداخل البيت والنظام يسجل 60 يوم ما رجع له لا اذا صار شي ولا شكيت في شي وصدقني اكتشفت اشياء كثيرة تصير وحنى محد ولا مسافرين

الشيخ الحذر واجب وانت مش في البيت 24 ساعه لاقدر الله صار شي في البيت اشلون بتعرف بعد فوات الاوان

من ركبت النظام سفرت خدامتين ودريول بعد ما شفت العجب والبوق عيني عينك والحفلات الي اتصير في البيت واحنى برع

اخوي السد أشكرك على مشاركتك و أشكرك اكثر على صراحتك ..

السؤال هو .. هل كل ضيوفك ( خصوصا الحريم ) يعرفون ان فيه 24 كاميرا في بيتك قد تكون تصورهم؟ و بعض هذه الكاميرات مخفية؟ و هل يعرفون أماكنها؟ و هل هناك ضمان انك لن تلمحهم في أوضاع غير محتشمة عند مراجعة التسجيلات لسبب او لآخر؟

و من يضمن ان جميع المنازل التي تركب ٢٤ كاميرا (بعضها في بركة السباحة) لديهم الظبط و الربط الذي يمنع تسرب التسجيلات الى المراهقين الذين في البيت و منهم الى أصدقائهم و الله اعلم الى أين بعد ذلك؟!!

قد تعتقد أني أبالغ و لكن ما نسمعه هذه الأيام ونقرأه في الجرائد .. يشفع لي تشككي و معارضتي للكاميرات داخل البيوت.

[بوعلاوي]

الاحتياط واجب ممكن يصير شي من الخدماو احد غريب

بس بشرط تكون الكاميرات مخفيه محد يحس بوجوده

[معماري قطري]

أشكرك اخوي معماري على الرد الكريم ..

اتفق معك ان الكاميرا على السور الخارجي و امام الباب الرئيسي ( من الخارج) مفيدة و لكن اختلف بخصوص الحوش و المطبخ .. لان هذه الأماكن يدشون فيها الضيوف خصوصا الأقارب من غير المحارم .. وليس دائماً تكون هناك فرصة لإطفاء الكاميرات .. هذا اذا كانت هناك نية لاطفائها أساسا.. و بعدين من الذي ماسك مسئولية تشغيل و متابعة الأجهزة و التسجيلات الام؟ الأب؟ العيال؟ انا أتصور ان كثير من العائلات ستسلم موضوع الكاميرات لأبناءها المراهقين بدعوى ان الام او الأب ما يعرفون حق الأجهزة..

عن نفسي ماراح اركب كاميرات في بيتي (درءا للشبهات) و أي بيت فيه كاميرات راح اطلب من هلي و بناتي انهم يتمون بعبيهم اثناء الزيارة حتى لو كان بيت اقرب الناس.

معاك حق مؤكد .. بس بعد فكر شيصير لو ركبت كاميرات في كل مكان وبعضها بس هيكل كيمره ما تشتغل في الأماكن اللي يتواجدون فيها الضيوف .. صدقني الخدامات بيحسون انهم مراقبين وبيخافون يسون شيء .. وهلك وضيوفك خلهم يعرفون انها بس تخويف ومب شغالة ولا يقولون للخدم.

[dream~qa]

أنا كنت ضد بس بعد ما ركبتها أرتحت كثير وندمت أني ماركبتها من زمان

ركبها وراح تكتشف شغلات كثيرة يكفي أنك راح تطمن على عيالك وبيتك

على فكرة أنا ركبتها بشكل ظاهر والخدم يشوفونها .. بس وايد شغلات تغيرت في بيتي من بعد تركيبها .

[ضوى]

جيرانا ركبوا كاميرات حتى يقدرون يشتكون على جارهم اللي مأذيهم بأوراق الشجر ، لكن جيرانهم اللي من الصوب الثاني متضايقين يقولون كاشف حوشنا وحوش الجار اللي جنبه مركب كاميرا بكل زاوية بالبيت طيب عيب جذي انت قاعد تكشف حوش جيرانك مافي اي خصوصية ولا راحة وين حق الجار عيل ؟

[nono80]

هلا اخوي انا مع الكاميرات 100 % وركبت 15 كاميرا في بيتي وبالفعل اكتشفت بلاوي من الخدم واول ماركبتهم اطلعت الاعذار اللي زوجها مريض بيموت واللي ابوها دعمته سيارة وتعال من السوالف والافلام وبالنسبه للاماكن في كل مكان وميزتها انك تطفيها في اي وقت في نقطه تصكرها وتفصل مرة وحدة ولايتسجل اي شي انا يجوني ناس وهلي وربعي علي طول اصكر كل الجهاز والحمدلله ياخذون راحتهم والبيت بيتهم ونفس ماخاف علي نفسي اخاف علي بنات الناس وانصح الكل يركب لانه راحه نفسيه حتي وانا مسافرة اشوف شنو يصير في البيت

[معماري قطري]

هلا اخوي انا مع الكاميرات 100 % وركبت 15 كاميرا في بيتي وبالفعل اكتشفت بلاوي من الخدم واول ماركبتهم اطلعت الاعذار اللي زوجها مريض بيموت واللي ابوها دعمته سيارة وتعال من السوالف والافلام وبالنسبه للاماكن في كل مكان وميزتها انك تطفيها في اي وقت في نقطه تصكرها وتفصل مرة وحدة ولايتسجل اي شي انا يجوني ناس وهلي وربعي علي طول اصكر كل الجهاز والحمدلله ياخذون راحتهم والبيت بيتهم ونفس ماخاف علي نفسي اخاف علي بنات الناس وانصح الكل يركب لانه راحه نفسيه حتي وانا مسافرة اشوف شنو يصير في البيت

من ركب لج وكم كلفوا وشكثر وقت خذ التركيب وشلون جودة الصورة .. سمعت فيه كاميرات تصور في الظلام حتى.

[captin]

ما شاء الله تجارب الاعضاء مع الكيمرات مفيدة

انا اشوف ان يكون التركيب جزئي بمعنى الأماكن العامة على المداخل الممرات الخارجية في الحوش زوايا السور , داخل البيت يمكن تكون غير مريحة للاهل وللزوار خصوصا الحريم يبون ياخذون راحتهم لين اجتمعوا في البيت يشيلون العبايات وغطاء الراس وغيرها .

من فترة يسولف لي واحد عن قصته مركب كيمرات داخل البيت في الصالة والممرات
وسافر هو واهله وخلى خدامته بيت والدته وكان كل فترة يشيك على البيت من خلال النت يدخل ويشوف اذا في شي غير طبيعي . يوم من الايام دخل وشاف التلفزيون شغال في الصالة واكل محطوط وغرشتين بيبسي .

قام اتصل حق اخوه وقال له يراقب الخدامة لانها عندها المفتاح وكل يومين ولا ثلاث ايام تروح البيت تنظف وترتب . يوم الله راد تابعوا الخدامة ولقوها فعلا تجي البيت تنظف وترتب وفي نفس الوقت يجيها صديقها وياكل وياها ويشوفون التلفزيون وينتهي الأمر على الفراش .

فعلا الكاميرات لها فوائد في عملية المراقبة ويجب أن تكون عملية توزيعها مدروسة دراسة جيدة وتغطي الغرض من تركيبها.

[nono80]

من ركب لج وكم كلفوا وشكثر وقت خذ التركيب وشلون جودة الصورة .. سمعت فيه كاميرات تصور في الظلام حتى.

هلا اخوي ركبته عند محل اذا مب غلطانه في طريق سلوي لانه زوجي اللي جابهم وتقريبا كلفني 12 او 13 وخذت وقت تقريبا 3 او 4 ساعات علي حسب تمديدات البيت وسهولتها لانه اختي تمديداتها صعبه طول شويه عندها وجودة الصورة ممتازة وفي الظلام تصور ةتشوف كل شي واضح انا ركبت في بيتي كامل ونفس ماذكرت قبل مافي تقيد او خوف لانها تتصكر وتفصل الكاميرات كامله لاتصور وتسجل ولاكانها موجودة يعني اي حد يدخل بيتي ياخذ راحته وكنها مب موجودة بس والله راحه بال وصاروا يخافون يسون اي شي ويعملون الف حساب حق اي حركه واي استفسار انا حاضرة

[معماري قطري]

هلا اخوي ركبته عند محل اذا مب غلطانه في طريق سلوي لانه زوجي اللي جابهم وتقريبا كلفني 12 او 13 وخذت وقت تقريبا 3 او 4 ساعات علي حسب تمديدات البيت وسهولتها لانه اختي تمديداتها صعبه طول شويه عندها وجودة الصورة ممتازة وفي الظلام تصور ةتشوف كل شي واضح انا ركبت في بيتي كامل ونفس ماذكرت قبل مافي تقيد او خوف لانها تتصكر وتفصل الكاميرات كامله لاتصور وتسجل ولاكانها موجودة يعني اي حد يدخل بيتي ياخذ راحته وكنها مب موجودة بس والله راحه بال وصاروا يخافون يسون اي شي ويعملون الف حساب حق اي حركه واي استفسار انا حاضرة

والله زين السعر وحق العدد اللي ذكرتيه .. انا لأربع كيمرات قال بيكلفك حول 8000 مب ذاكر بالضبط شكثر ولو زدت يزيد علي السعر وايد يتضاعف يعني .. سالفه والله.

[w.qatar]

ركبت 6 كيمرات خارجيه للحوش و عند باب البيت من برا + وحده في المطبخ + ستلايت و وصلات فالصالات و الغرف و المجالس ب 18 الف عند المسباح في طريق سلوى

[nono80]

السعر يزيد كل ماتزيدين الكاميرات لانه يسحب بالعدد في جهاز حق 6 وفي حق 12 وفي حق علي ماعتقد 15 او 16 والله ماذكر بالضبط هو يشوف البيت وينصحك بالاماكن والعدد وطبعا ما ماتزيد الكاميرات يزيد السعر والله يزيد اهم شي راحه بالي واذا طلعت اعرف شنو يصير في بيتي

[نوره88]

انا احس بيكون هوس ومرض لي مسافر وقاعد اراقاب
في دوام مخي مع الكيمرات ليش الواحد يتكل على الله واذا وقت السفر يودونهم عند اي حد قريب
والاشياء اللى عليها خوف من فلوس وذهب يسكر عليهم او يخشهم ..

في حال في شك يركب

[nono80]

لابالعكس اختي مالها علاقه بالهوس ولا المرض انا اشغلهم اي وقت ابي مب لزم 24 ساعه وبعض الاحيان ماشغلهم واذا كنت فاضيه اشوف التسجيل انا اشوفه في هالزمن ضروري وخاصه بعد مصايب الخدم سواء بروحهم او مع الاطفال