الأيفون 5 أس يوصل متاجر فودافون وأوريدوا هالأسبوع

[أغلى البـشر]

عرف من مصادر أن خلال هالأسبوع بيتوفر الأيفون 5 أس في متاجر فوداا فون وأوريدوا وعلى الأسبوع الي بعده بيكون في محلات أبل

وبالنسبه للأسعار بتكون هي الاسعار الرسميه لأبل والأسعار تعتمد على سعة التخزين وليس اللون ويكون داعم لل 4g

ومثل ما ذكرو الأخوان أن من يومين توفر الجهاز في أتصالات الامارات بسعر 2700 درهم


والله بكافينا جشع هالتجار الي وصلو سعر الجهاز للضعف

[na9er]

حسب علمي اللون الذهبي بيكون غير متوفر, الفضي والرمادي مع باقي ألوان الفايف سي ,,

[mE mYself & i]

كلام سليم 100% خلال أيام أو ساعات بيكون متوفر في قطر والأسعار واضحه من موقع ابل

هذا رابط أتصالات - متوفر الأن
http://im32.gulfup.com/lnMd1.png

وهذا الابل استور الاماراتي - اعلنوا عنه وبيتوفر قريبا
http://im32.gulfup.com/zf2oV.png

[BuFaisal]

جزاك الله خير على الخبر

[mE mYself & i]

جزاك الله خير على الخبر

ويجزيك الشيخ

[السكين]

خبر جميل وننتظر الأسعار

[أغلى البـشر]

صحيح والأسعار واضحه من موقع أبل

وشوف الأسعار كيف قاعد تنزل في المنتدى

ولحد يستعجل ويدفع مبلغ وقدره على تلفون بعد يومين بيحصله بنص السعر

[فاضي عمل]

جشع مش طبيعي في التجار
شافو الاقبال على اللون الذهبي
ضافو السعر ياليت لو بالمعقول لا دبل والسبب اقبال الناس عليه
لاكن الواحد شيقول غير الله يهديهم وياريت يتعلمون من الاجانب الاحترافيه في جذب الزبائن

[mE mYself & i]

في الانتظار

[ah_2000]

بارك الله فيك اخوي

بالتوفيق ان شاء الله

[mE mYself & i]

التجار قامو ينزلون اسعارهم في سوق الغرافه اليوم الاسود 16 يبيعنه في محلات ب 3000 و 2950

[BuFaisal]

انا متعجب من الي يدفعون غالي مع ان مواصفات الايفون ٥ اس قريبة جدا من الايفون ٥
لو كان فيه شي يستاهل كنا فهمنا :)

متعشم خير في الايفون ٦ ان شاء الله

[بوخالد911]

جشع وطمع غير معقوووووووووووووووول


الله يهدي بعض التجاررررررر

[mE mYself & i]

اي والله

[عيد823]

أسعار المحلات خيالية ، أمس واحد من الربع شاري ال٦٤ الذهبي ب٤٦٠٠ ريال .

[مافي مثلي]

أسعار المحلات خيالية ، أمس واحد من الربع شاري ال?? الذهبي ب???? ريال .

وتلمون المحلات دام في ناس مهفه ويشترون. ليش مابعونه دبل سعره الاصلي
يعني شبيصير لين انطر ماينزل رسمي واشتريه ولا الله بياخذه اول شيء ببصير احسن واحد
من زود الفلوس والله
واخرتها يدخلك ليش الحلاق غالي وليش غلوا عصير بونص

[Qtr-]

كم سعر الايفون ٥ اس في فودافون

[honey_uk]

انا متعجب من الي يدفعون غالي مع ان مواصفات الايفون 5 اس قريبة جدا من الايفون 5
لو كان فيه شي يستاهل كنا فهمنا :)

متعشم خير في الايفون 6 ان شاء الله

هلا اخوي وين مواصفاته قريبه جدا من الايفون 5 :) الله يهداك

الجهاز البروسيسور ماله اقوى حالياً اسرع جهاز موجود بالسوق مقارنة بكل الموجود

فيه مواصفات جديده مثل قطعة الـ إم 7 و جهاز مسح البصمة
فيه كاميرا جديده بتصوير افضل

يشتغل على شبكة اوريدو الفور جي (الــ 5 مابيشتغل ابداً )
بطارية الجهاز افضل
وفي اشياء ثانيه بعد بس هاي اهمها .. انا مثلكم رائيي انه الشخص مايستعجل ويشتريه بس علشان يقول ياشباب شوفو شريت الجهاز

يشتريه بسعر معقول او يطلبه من برى او ينتظر ينزل علشان قصة الضمان وجذي اما غيره خل يحفظ فلوسه

بالنسبة للتجار انا معاهم الصراحه .. شي جديد ومش موجود بكثره وعليه اقبال هاي فرصتهم يستغلون الموضوع وهم ترى مايغصبون حد يشتري .. الكل يشتري بكيفه وهواه :) والشاطر اللي يستفيد من السالفه مهم يقول التجار فيهم جشع ومادري ايش :)

خلكم منصفين ... واللي مايطول العنب لايقول عنه حامض الا يقول الله يبارك لراعي العنب ويرزقنا بمثله ..

تحياتي

[بوحمد1]

بشروا وصل ل فودا فون واريدو ولا لسه ؟؟؟

[ثاني]

بأسعارهم أشتري تلفونين

[الاصيـل]

بشروا وصل ل فودا فون واريدو ولا لسه ؟؟؟

الايفون اس وصل فودافون وعمليه البيع راح تبدأ من بكرا بشكل رسمي

[ظل القمر]

جم سعره من فودافون

[بوخالد911]

بكم الاسعار لمختلف الأحجام
16
32
64

[ms-qtr]

تقدرون تحجزون بالنت من موقع فودافون

[قطري92]

انا قبل كم يوم شاري 4 حقي وحق الاهل 16gb

السعر 2400 للحبه ..

بعد شهرين اتوقع بيطيح سعره بشكل غير طبيعي

وبالنسبه للتجار هاي فرصتهم ومحد غاصب حد يشتري.. مثل ما قال اخونا الي مايطول العنب حامض عنه يقول..

وموفقين انشالله

[alftaan]

جزاك الله خيررررررر

[عاشق العديد]

الله لا يوفق الشركتين جعلهم يخسرون خساره كبيره تودي الى اغلاق الشركه اللهم اميـن ..

[مشـــــاعر]

الله لا يوفق الشركتين جعلهم يخسرون خساره كبيره تودي الى اغلاق الشركه اللهم اميـن ..

ههههههههههههههههههههه
هههههههههههههههههههههههههههههههههه
ليش ؟؟ شفيكك عليهم ؟؟

كيوتل يستاهلون تدعي عليهم لكن فودافون ليش :rolleyes2: ؟؟