بنك الوطني والقرض

[مجلان]

هل القرض ثابت او متحرك لقرض سياره ?

[الحمر]

اذا تقصد بنك قطر الوطني ابعد عنه وانت مغمض

[المجروح81]

ابعد عنه لان اتوقع نظام القروض واحد غييير ثابت
عليك بالمصرف فايدته شي بسيط اذ كان فيه دفعه

[بنت مريخ]

اذا تقصد بنك قطر الوطني ابعد عنه وانت مغمض

ليش يبعد عنه؟ ناويه أخذ قرض سياره عليه لان راتبي ينزل فيه

[رجل الجزيرة]

وحدة ماخذه قرض من بنك قطر الوطني 800 ألف والحين وصل الدين فوق المليون من 8 سنوات وهي تدفع بس الفوائد وشهريا يخصم من راتبها 11 ألف ريال والمشكلة إن الفوائد تزيد، ومن العام حولت إلى بنك ثاني.

هاه ويش رايك؟

[فرهود]

الي يبي يحارب الله ورسوله ويرتكب كبيره من الكبائر ياخذ قرض ربوي.واذا توفق يقابلني يالسياره تنقلب فيه او يدعم فيها دعمه جامده او تخبط .

[العربية نت]

اذا تبغي تقعد طول عمرك تقصد رح لبنك قطر الوطني او مايعرف ‏
بكيو ان بي ‏....‏ وانتبه لايغرونك بكلامهم الحلو واساليبهم ‏
الخداعة

[كيلو حديد]

الي يبغي يتحسف يتعامل مع بنك ربوي .

البنوك الاسلامية فايدتها ثابته

انصح اي واحد ببنك ربوي يتحول لبنك اسلامي أبرك له.

[كيلو حديد]

اذا تبغي تقعد طول عمرك تقصد رح لبنك قطر الوطني او مايعرف ‏
بكيو ان بي ‏....‏ وانتبه لايغرونك بكلامهم الحلو واساليبهم ‏
الخداعة

اسلوبهم حلو
وعروضهم مغريه
وكلامهم فتنه
و يقنعونك بغباءك وجهلك
ويحرجونك


عقب تتحسف يوم تشوفهم يسحبون تعب عمرك ولا ينقص القرض .
و تلقى عروضهم سراب و كلامهم هواء

[راعي الدتسن]

الي يبي يحارب الله ورسوله ويرتكب كبيره من الكبائر ياخذ قرض ربوي.واذا توفق يقابلني يالسياره تنقلب فيه او يدعم فيها دعمه جامده او تخبط .

بنك قطر الوطني من البنوك اللي تعطي قروض بنظام الربا.. بغض النظرر عن الخدمة اللي فوق الممتازة اللي يقدمها..

اخوي/اختي اذا تبين التوفيق فالدنيا والاخررة ابعدي عن الربا ..

[duhail535]

فرّ من الربا فرارك من الجرَب .

ستدفع أكثر بكثير مما سيقال لك وستغضب ربك عليك .

عندك بدائل : الدولي الإسلامي ، المصرف ، الريان . وعندهم سيكونون صادقين معك في المبلغ الذي ستدفعه ولن يزيد ريالا واحدا بإذن الله كما أنك لن تغضب خالقك وستكسب راحة البال ويكون رزقك حلال فيه بركة إن شاء الله .

[بنت مريخ]

صبيتو قلبي وانا ناويه أخذ سلفه سياره من الوطني
كل ماسئلت عن مصرف إسلامي مايمدحونهم

[هامور البورصة]

صبيتو قلبي وانا ناويه أخذ سلفه سياره من الوطني
كل ماسئلت عن مصرف إسلامي مايمدحونهم




تحملي تحملي تحملي تحملي والله العظيم بتندمييييييييييييييين

[duhail535]

صبيتو قلبي وانا ناويه أخذ سلفه سياره من الوطني
كل ماسئلت عن مصرف إسلامي مايمدحونهم


الأخت الكريمة ، دعي عنك كلام الناس وارضي ربك فقط . والربا يعلم الصغير قبل الكبير أنه حرب لله ولرسوله .

[عنيــــد]

البنوك الاسلامية افضل مليون مره

[Chambray]

صبيتو قلبي وانا ناويه أخذ سلفه سياره من الوطني
كل ماسئلت عن مصرف إسلامي مايمدحونهم

المشكلة ان الملكية ستكون مرهونه على البنك ..

اما البنوك الاسلامية الملكية ستكون حره . ولج مطلق الحريه في بيع السيارة اي وقت .. بعكس بنك qnb

للامانه

انا بنكي هو qnb

لكن ماعندي سلفيه معاهم
ونظام الكريدت كارد هو نظام 100%

يعني ان شاء الله اني مب داخل في اي شبهه معاهم ..

[سعود العمادي]

السلام عليكم

انا بنكي qnb

ومرتاح معاهم من ناحية المعاملة ونسبة الفايدة تعتبر الاقل في قطر

وبالنسبة للملكية الحرة للسيارة qnb من فترة سوت ان السيارة تقدر تاخذها بملكية حرة

اعطيكم مثال انا اتصلت ع بنك من فترة عشان انقل حسابي من qnb الى بنك ثاني

وقلت لهم المعلومات المطلوبة قالوا لي بناخذ مبلغ وقدره

يعني اكثر من الي موجود في qnb وانا ماعتقد في بنك اسلامي ياخذ فايدة اكثر !!!

واذا تبون القرض يمشي لاتسون تاجيل للغرض هذا واحد من الاسباب

وشكرا جزيلا

[alsoq]

اسال واحد مجرب بنك قطر الوطني
تميت اسدد لهم 7 سنوات والقرض ما نقص
فا توكلت على الله ونقلت للمصرف بعد معانها طويله

وترى كل ما تراجعهم بقلون لك الاسطوانه احنا للحين في الارباح


ما حسيت براحه اخوي الى بعد ما فارقت الربا

[وحيد-الشوق]

البعض صار عندهم الربا شيء عادي والعياذ بالله

ياخوي ابعد عن الربا وانقل راتبك من هالبنك اذا ماكنت متورط معاه قبل

معلومة البنوك الربوية فوايدها مب ثابتة اذا تذكرون وقت الازمة المالية افلب البنوك الربوية اذا مب ملها رفعت الفايدة وصارت معانا شخصيا خذنا كامري ب80 الف وبعد 3 سنين نفس المبلغ سددنا وحررنا السيارة والله حسينا بشعور وماينوصف وانا بدايتي كانت مع البنك الاهلي الملعون والحمدلله نقلت من 3 سنين ومرتاح مع المصرف ولله الحمد

[سعود العمادي]

انا كل شهر اراجعهم عشان اشوف

لكن الحمدالله اشوف الوضع ماشي

لكن اروح انقل بنك ثاني والمبلغ يزيد كني ماسويت شي

بديت من الصفر

وبعض البنوك الاسلاميه غير صادقة في الكلام مع الناس والمعاملة مب زينه

بدون ذكر اسامي

[تاجر كشخة]

تبون جهنم روحوا ماحد ماسكم ابد ويا ليت ما في أحد ينصح أحد لانه الكل عارف الحلا من الحرام

[بن موسى]

مثل ماتفضلوا الاعضاء الكرام

الهروب الهروب اقسم بالله لن يخلص القرض حتى ياخذوه اضعاف مضاعفة عسى الله مايهنيهم فيه

الشركة الاولى - ممتازة اسلامية وتعطي على الراتب من اي بنك

والتسهيلات ايضاً

[سعود العمادي]

المشكلة الواحد مايقدر يصدق البنوك سوا الاسلامية او الغير اسلامية

كلهم نفس بعض

الله يكون في العون

[Mohammed2]

أنا استغرب من اللي ياخذون قرض ويتمون سنين وسنين وماينقص

شلون؟

اصلن قانون بنك فطر المركزي لكل البنوك ان القرض مايزيد عن 7 سنوات

وثاني شي اذا جيت تقدم على قرض والموظف سوى لك الحسبه كامله مع الفايده يقول لك كم بتكون الفايده بالظبط ومتى بتخلص من القرض في التاريخ الفلاني

الناس مايلتزمون لازم يأجل ويأجل

والتأجيل يضاعف الفايده

لاتأجلون وارتاحوا

[المجروح81]

المشكلة الواحد مايقدر يصدق البنوك سوا الاسلامية او الغير اسلامية

كلهم نفس بعض

الله يكون في العون


استغفر ربك الشيخ البنك الاسلامي نظام مختلف وعليه مفتين ورقابه شرعيه

ولاتنسى هالايه دايم تذكرها قوله تعالى: ذلك، أي هذا الذي ذكر من عقابهم بأنهم قالوا إنما البيع مثل الربا، وقيل إن ثقيفا كانوا أكثر العرب ربا فلما نهوا عنه قالوا إنما هو مثل البيع. انتهى.

[سعود العمادي]

اخوي المجروح مافي شي غلط كلامي

البعض يشتكي من البنوك الاسلامية

وانا مثل ماقلت تاكدت بنفسي

والله يسهلها

[المجروح81]

اخوي المجروح مافي شي غلط كلامي

البعض يشتكي من البنوك الاسلامية

وانا مثل ماقلت تاكدت بنفسي

والله يسهلها


انا كنت في الوطني وماخذ سلفه وماتخلص وعقب نقلت المصرف خلصت السلفه وشريت موتر عن طريق المصرف باقي عليه 60 الف فقط وغيره ماعلي شي والحمدالله

عقب عرفت الفرق بين البيع الي هو نظام المصرف هو بيع السلع بسعر اغلى من سعرها الاصلي وربح ثابت ونظام الوظني الربا الي الفايده مش ثابته

[BUHASSEN]

وااله البنوك الربويه تحاول تجذب الناس يخدماتها القويه بس اول مايدشون تبدي الدوامه

الحمدلله في بنوك اسلاميه خدماتها راقيه وعاليه المستوي مثل الريان والمصرف وبروه والباقي ان شاء الله

وبالنسبه للاربا الدولي الاسلامي دايما يسوي عروض وارباحه اقل ارباح في الدوله

فالواحد يبتعد عن البنوك وحتي لو عنده شبه في النهايه سوي الي عليه وبرئ ذمته

[البرونزي]

أنا استغرب من اللي ياخذون قرض ويتمون سنين وسنين وماينقص

شلون؟

اصلن قانون بنك فطر المركزي لكل البنوك ان القرض مايزيد عن 7 سنوات

وثاني شي اذا جيت تقدم على قرض والموظف سوى لك الحسبه كامله مع الفايده يقول لك كم بتكون الفايده بالظبط ومتى بتخلص من القرض في التاريخ الفلاني

الناس مايلتزمون لازم يأجل ويأجل

والتأجيل يضاعف الفايده

لاتأجلون وارتاحوا
7 سنوات هذا القانون الجديد
قبل كم سنه كانت البنوك تعطي على 15 او 20 سنه ما اذكر كم بالضبط
والاغلبيه تظررت من هاذي العروض واعرف واحد من الربع سلفته بتخلص
سنه 2023 وهو يدفع صارله 5 او 6 سنوات

[fhd4]

اللي يبي يتحسف دنيا وآخره … ياخذ قرض ربوي …

الله يغنينا بحلاله عن حرامه

[بوخالد911]

ابعدوا عن الربا
وحاولوا التخلص منه

والله الموفق
بارك الله فيكم

[عضوو]

الربا خسران في الدنيا والآخره

[فرهود]

واحد من الربع خذ سلفه من البنك 250000ريال شرا سياره ب 180000بعد اسبوع انقلب في الكورنيش ويحلف لي انه مايدري شلون انقلب لانه كان ماشي بسرعه عاديه ودخل الدوار وينقلب على الدوار. المهم ودا الموتر التصليح وكلفه 50000 لكن الموتر بعد القلبه كل يوم وفيه عله . المهم باعه ب100الف ويشتري موتر ثاني مستعمل وبعد اسبوع كان اذا شغل المكيف يشم ريحه خايسه تطلع من المكيف لدرجة انه مايتحمل ويسكر المكيف. ودى الموتر 20مكان وماخلوا شي الا نظفوه وغيروا الفلاتر واي شي له علاقه بالمكيف غيروه وبدون فايده الريحه تمت مكانها . اضطر مع هالوضع يبيع الموتر وطبعا كان يقول للي يشتريه عن العيب الي فيه واخيرا حصل واحد رضى يشتريه منه ب70الف . طبعا بعد الي صار له عرف ان السبب هو الغرض الربوي وعلى طول راح بنك اسلامي وحول الغرض عليه والحمدلله من سنة 2010 لليوم وهو راكب موتر ماشتكى منه من يومها . للعلم الشخص الي شرا منه الموتر بوريحه وداه المغسله غسيل كامل ويقول الريحه راحت منه.


http://www.qatarshares.com/vb/showthread.php?t=379231

[قــطــريــه]

صبيتو قلبي وانا ناويه أخذ سلفه سياره من الوطني
كل ماسئلت عن مصرف إسلامي مايمدحونهم

انا اتعامل مع بنك بروه الصراحه ذوووووق

ومصرف الريان بعد ممتاز وماعليه كلام بالعكس الكل يمدحه

اما المصرف والدولي الاسلامي مشكلتهم عملائهم واجد وباليالله يلحقون على اللي عندهم

نصيحتي توكلي واختاري بنك اسلامي احسن لج ورزق وبركه

على فكره تعاملت مع الوطني ومع التجاري تعاملهم حلو وكان حدودي معاهم حساب وبطاقة سحب الي لا اكثر ولا اقل لكن لما حبيت اخذ قرض توجهت للإسلامي على طول لخوفي من الربا ومن غضب الرب وايضا لعلمي لخبثهم في التلاعب بنسبة الفائدة

[الـقـاسـي]

ابعد عن البنوك الربويه قدر الامكان انت مب ملزوم تروح لبنك ربوي نفس الخدمات او قريبه منها راح تحصلها في البنوك الاسلامية

عندك مصرف الريان عن تجربه جدا ممتاز وعندهم فروع يداومون من 9 الى 9 يعني طول اليوم
عندك بروه بعد زين
مصرف قطر الاسلامي ممتاز بس مشكلته الزحمه

في خيارات كثيره غير الربوي

[بنت مريخ]

انا اتعامل مع بنك بروه الصراحه ذوووووق

ومصرف الريان بعد ممتاز وماعليه كلام بالعكس الكل يمدحه

اما المصرف والدولي الاسلامي مشكلتهم عملائهم واجد وباليالله يلحقون على اللي عندهم

نصيحتي توكلي واختاري بنك اسلامي احسن لج ورزق وبركه

على فكره تعاملت مع الوطني ومع التجاري تعاملهم حلو وكان حدودي معاهم حساب وبطاقة سحب الي لا اكثر ولا اقل لكن لما حبيت اخذ قرض توجهت للإسلامي على طول لخوفي من الربا ومن غضب الرب وايضا لعلمي لخبثهم في التلاعب بنسبة الفائدة
مشكوره أختي على النصيحه
جزاج الله خير
بإذن بنقل لمصرف الريان

[بنت مريخ]

جزاكم الله خير على النصيحه
اليوم أسولف مع موظفه معاي تقولي كانت في بنك ربوي و سيارتها عليه و كله تخترب و الراتب تقولي مافيه بركه وعقب أنقلت إسلامي وأرتاحت وايد

[قلب صادق]

الله يوفقك اختي وبصراحة اسعدنا كلامك وانك قررتي الابتعاد عن البنكةالربوي وبارك الله في اخواني الاعضاء اللي ما قصروا وربي يسهل امورك ويوفقك ويبارك لك في الحلال ويبعد عنك الحرام

[ضوى]

اعوذ بالله من الحرام والله ماشفت الخير والبركة الا يوم نقلت بنك اسلامي ، عمري ماراح انسى سبب هدايتي الله يرزقه ويرزقها الخير وين ماكانوا والله يبارك لهم في حلالهم وعيالهم وحياتهم كلها ، اللهم امين ياااارب

[مخطط قطري]

عندي موظفين انا مسؤل عليهم وبعضهم ملتزم ومربي اللحيه الله يثبتهم استغربت من حساباتهم في بنوك ربويه ماحبيت اسالهم واسبب حرج لهم بس شفت الموضوع وتذكرتهم ياترى ليش مطوع يفتح حساب في الوطني?

[تاجر كشخة]

عندي موظفين انا مسؤل عليهم وبعضهم ملتزم ومربي اللحيه الله يثبتهم استغربت من حساباتهم في بنوك ربويه ماحبيت اسالهم واسبب حرج لهم بس شفت الموضوع وتذكرتهم ياترى ليش مطوع يفتح حساب في الوطني?

امطووووع برييييييييييده :nice:

[معماري قطري]

انا كل شهر اراجعهم عشان اشوف

لكن الحمدالله اشوف الوضع ماشي

لكن اروح انقل بنك ثاني والمبلغ يزيد كني ماسويت شي

بديت من الصفر

وبعض البنوك الاسلاميه غير صادقة في الكلام مع الناس والمعاملة مب زينه

بدون ذكر اسامي

انا هذا اللي نفرني من البنوك الإسلامية

ومن عملاء كيو ان بي الأوائل قبل لتكون فيه بنوك إسلامية وما يخليني فيه هو رؤيتي للمعاملة التعبانة من البنوك المنافسة