الشحن من امريكا للدوحه سؤال لاهل الخبره

[New Vision]

السلام عليكم


ابي شحن شنط من امريكا للدوحه وابي الي مجرب يعطينا التفاصيل واكون له شاكر

[jassas]

اذا مافي توصيل للدوحة لازم يكون عندك بريد في امريكا
وتشحن لعنوانك الامريكي بعدها يتم الشحن للدوحة
فتح الحساب عن طريق ارامكس

[New Vision]

اذا مافي توصيل للدوحة لازم يكون عندك بريد في امريكا
وتشحن لعنوانك الامريكي بعدها يتم الشحن للدوحة
فتح الحساب عن طريق ارامكس

تسلم اخوي جساس ماقصرت

[غايه الطواش]

اخوي هذا رقم واحد اسمه تشاك انا اتعامل معاه
والرقم معطيني اياه قطر مشن وثقه

هاي رقمه الامريكي ويجون لي عندك ياخذون اغراضك 9175459402

[captin]

مرحبا أخوي للشحن من امريكا عندك أكثر من طريقة

أولا , الاشتراك بأرامكس وانشاء حساب لك في نيويورك وكل ما تطلب بضاعة تطلبها عليه
وعلى طول بتوصلك الدوحة خلال اقل من أسبوع.

ثانيا شركة World Shipping 1 أيضا شركة شبيهة بأرامكس لكن ميزتها تسوي لك صندوق وتجمع أغراضك كلها مع بعض حتى لو طلبتها من عدة مواقع وشحنها في كرتون واحد مكانها في اوهايو في أمريكا
http://www.ws1.com/

ثالثا تقدر تروح أقرب FedEx او DHL في الدوحة وتعطيهم بيانات الشحنة وتقول حق البائع يشحن عن طريقهم ولين وصلت الاغراض الدوحة تدفع انت قيمة الشحن.

بالتوفيق ان شاء الله .

[غايه الطواش]

مرحبا أخوي للشحن من امريكا عندك أكثر من طريقة

أولا , الاشتراك بأرامكس وانشاء حساب لك في نيويورك وكل ما تطلب بضاعة تطلبها عليه
وعلى طول بتوصلك الدوحة خلال اقل من أسبوع.

ثانيا شركة world shipping 1 أيضا شركة شبيهة بأرامكس لكن ميزتها تسوي لك صندوق وتجمع أغراضك كلها مع بعض حتى لو طلبتها من عدة مواقع وشحنها في كرتون واحد مكانها في اوهايو في أمريكا
http://www.ws1.com/

ثالثا تقدر تروح أقرب fedex او dhl في الدوحة وتعطيهم بيانات الشحنة وتقول حق البائع يشحن عن طريقهم ولين وصلت الاغراض الدوحة تدفع انت قيمة الشحن.

بالتوفيق ان شاء الله .

فيديكس غالين
انا شحن تكرم جوتي غوتشي من نيويورك لين دنفر ثلاث ايام عمل ب 212 دولار

[لبيبة]

الاخ طلب طريقة شحن شنط، يعني الظاهر الوزن ثقيل ولا تنفع حلول الشحن للمتسوقين مثل ارامكس وفيديكس ودي اتش ال وغيرهم.
المطلوب شحن اوزان ثقيلة او نقل اغراض من امريكا للدوحة. واتمنى تلاقي طلبك.

[الامير علاء]

اريد معرفة سعر الشحن العادي من امريكا عن طريق شركات الشحن بدون ارامكس او دي اتش ال كم تسوى اللي يعرف يفيدنا وخصوصا لو كانت اللي جايه من هناك سياره

[New Vision]

الاخ طلب طريقة شحن شنط، يعني الظاهر الوزن ثقيل ولا تنفع حلول الشحن للمتسوقين مثل ارامكس وفيديكس ودي اتش ال وغيرهم.
المطلوب شحن اوزان ثقيلة او نقل اغراض من امريكا للدوحة. واتمنى تلاقي طلبك.

بالظبط هذا طلبي وشكرا على التوضيح

[الامير علاء]

موضوع مهم جدا اللي عنده معلومه يقولها عشان بيحصل لعب كثير في شحن السيارات خصوصا وشركات الشحن يلعبوا علينا في الاسعار اللي عنده معلومه ما يخبيها لله فقط

[معماري قطري]

عند كل مطار شركات لها مكاتب شحن ويشحنون برخيص لأي مكان في العالم .. شحن جوي أو شحن بحري .. ياخذ الشحن حول شهر تقريباً ليوصل الغرض الدوحة والتأمين مهم جداً وعن طريق لويدز أو أي شركة معروفة.

مره شحنت كمبيوتر وأمنت عليه بحدود 20 دولار، ووصل مضروب الكرتون ومشقوق، وحرروا الجمارك محضر بذلك، وبالصدفة حصلت مكتب الشركة في قطر، ورحت لهم وعوضوني حول 6000 ريال .. لذلك مهم التأمين.


طبعاً ردي متأخر وايد بس للفائدة المستقبلية.

[اناقه]

السلام عليكم

اخوي بالنسبة للشحن يعتمد على حسب الولاية و على فكرة كل الاسعار قريبة جدا لاسعار الشحن عن طريق القطرية

انا تعبت و انا ادور شركات شحن الشركات سعرها زين بس مع الضرائب يطلع المبلغ خيالي فقررت اني اشحن عن طريق الخطوط القطرية فخذت الشنط معاي صراحه و كانو جدا متعاونين و اعتقد دفعت 150 او 200$ على الشنطه الوحده و الشنط كانت كبيرة ترى مش صغيرة فاعتقد لو تشحن عن طريق القطرية وايد احسن و اضمن على الاقل اذا صار اي شي خلال الشحن هم مكلفين انهم يعوضونك
للعلم: الشحن كان من نيويورك

[ka2ka2]

’’’’’’’’’’’’’’’’’’’’’ منقول من منتدى آخر والخدمة مقدمة من ارامكس "كارجون"’’’’’’’’’’’’’’’’’’’’’
نشوف فى المنتدى هنا فى منتدي التجاره الألكترونيه او منتدي التلفزيونات
كثيييير من الشباب فضلو الشراء من النت والتقارير ماليه المنتدى وأغلبها تقارير ناجحه
وما الومهم صراحه لأن الأسعار هنا ناااااار والشجع الى نشوفه من التجار ومبالغتهم بالأسعار وقل العروض هى الى دفعتنا نشتري من برا
مثلا تلفزيون فى معارض بانسونك الرياض سعره 14000 ريال ينباع فى النت مع الشحن 7000 ريال يعني وفرت تقريبا النص

لكن البعض عانى من موضوع الشحن ,,,,,,,, وغيرهم الكثير مترددين من الشراء من النت بسبب تكلفه الشحن

وهذا الموضوع كتبته لكم وهو الحل السحري لكل واحد متردد الا وهو الشحن عن طريق الكارجو

ماهو الكارجو ؟؟؟

الكارجو هو وسيله او الطريقه الى نشحن فيها الأوزان الكبيره فوق الـ 30 كيلو فى ارامكس
ويختلف من شركه لشركه مثلا DHL عندهم ما راح يشحن لك كارجو الا اذا فوق الـ 40 كيلو وفيه شركات متخصصه في الشحن بالكارجو فقط ماعلينا من هالتفاصيل خلينا ندخل بالمثال

وركز معى خلينا نقول انك بتاخذ هذا التلفزيون وبصراحه هو الأفضل حتى الأن سواء بتنظر له انه 3D أو بتنظر له انه بلازما بناء على تقييم المواقع وبناء على الى شفته فى معارض بانسونك هنا بالرياض هو الأفضل فى السوق حاليا,,,,,, عموما هذا مو موضوعنا اختيار التلفزيون هذا شي راجع لك انا بتكلم معك على الشحن وحاب أفيدك وأفيد الاعضاء الى ودهم يشترو من بري

http://www.amazon.com/gp/product/B00...=ATVPDKIKX0DER

التلفزيون سعره ياعزيزي لو حسبنا الدولار بـ 3.80 ريال ,,,,, راح يكون بـ 5320 ريال وهذا سعر أكثر من مناسب مقارنه ب جشع التجار الى نشوفه هنا

طيب بتقول لي الشحن راح يكلفك كثير وانا معك وطبيعي الوضع احنا قاعدين نتكلم عن تلفزيون خمسين بوصه ,,,وفي الحقيقه أفضل الشركات ما راح تجيبه لك بأقل من 2000 ريال لأن الوزن الحجمي له 62 باوند تقريبا 28 كيلو وشوي

فيه شي فى أرامكس وما يعرفه الكثير للأسف أن عندهم الشحنات الى فوق الـ 30 كيلو بيحسبو لك الكيلو بـ 35 ريال يعني راح يكلفك شحنه ,,,,,, لو ضربنا 28 كيلو في 35 ريال للكيلو راح يكون 980 ريال سعر معقول جداااااااا لشحن قطعه بهذا الحجم ومن أمريكا الى هنا وهالميزه ماينتبه لها الكثير خاصه الى يشحنو شحنات كبيره وتلقاهم للأسف يشحنو أكسبرس وهذا يكون مكلف اما لجهل منه او ان الموظف ما اعطاه هذه المعلومه ,,,,,,,,,, كل الى عليك الحين بعد شراء الشحنه وقبل وصولها الى بريدك فى امريكا تكلم ارامكس 920027447 ياجماعه انا ابيها (كارجو) وزنها كذا وكذا

بس المشكله ان هذا التلفزيون ما وصل الثلاثين كيلو فقط وزنه 28 كيلو وهنا عاد انت وشطارتك تكلمهم تحاول فيهم أو تشحن شي اضافي معه يزيد وزنه ما ادرى والله كيف بيكون الوضع بس حاول تكلمهم يمكن يسامحوك على الثنين كيلو الباقيه المهم انك تكلمهم قبل ان تبدأ بالشراء والا راح تعتبر تحت الـ 30 كيلو وراح تشحن لك أكسبرس أو لحلهاااااا شوي وخلي التلفزيون 54 بوصه ,,,,,,,,, الخلاصه أفضل طريقه للشحن الثقيل هى الكارجو وطبعا الحلو مايكمل عيبه الوحيد راح يطول وبياخذ له اسبوعين ,,,,, بس مو مشكله الأنتظار دامي راح أوفر صح ولا لااا

[برشلوني قطر]

انا تعاملت مع شركة تشحن الاغراض عن طريق القطريه والكيلو 4 دولار.

بس يكون الوزن يستاهل.

اما لو خذت معاك شنطه اضافيه عن طريق القطرية بيحسبون

القطعه 250 دولار.

وهذا الكلام في شيكاغو ومب عارف اذا الشركه عندها فروع ف الولايات الثانيه