الحديد المشغول Vs الألمنيوم المشغول

[(عبدالله)]

السلام عليكم

ممكن أحد يفيدني إيجابيات و سلبيات كل نوع؟

أنا بغيت أفصل التالي:

أبواب خارجية
مدخل الفيلا
هاندرل السلم الرئيسي (حلزوني)
هاندريل الطابق الأول المطل على الطابق الأرضي (داخلي)
هاندريل سلم الخدمة
هاندريل سلم في الحوش

رحت فن المعادن ولأن شغله كل في الألمنيوم المشغول قام يلطش لي في الحديد المشغول ويقول بعد سنة يبدأ الصدأ ولازم تصبغه من وقت لوقت.

ومحل ثاني يسوي الحديد المشغول ما مدح الألمنيوم

كلن قام يغنيلي على ليلاه

ممكن يا أصحاب الخبرة تفيدوني مشكورين وبالتالي أكون لي قاعدة على أساسها أعرف أتخذ قراراتي؟



عبدالله

[معماري قطري]

أخ عبدالله انا ملاحظ هذي المحلات يبدون بالحديد وهو الأساس وبعض القطع تجي ألمنيوم .. الحديد طبعاً معروف بالصلابة والألمنيوم الخفة ويعمر وما يصدي .. تعجبني أبواب القصور الكبيرة يركزون أصحابها على الحماية ويستخدمون الحديد كامل بدون حتى بلاستيك شبه شفاف وسريع الكسر .. والبعض يحط قطع نحاس على ما اعتقد مشكلة بطريقة حلوة تعطي جمال.

لكن تقريباً كل المنفذين يعتمدون الحديد كأساس وهم يذمون فيه لأغراض التسويق.

[خزامئ]

ممكن ذا تعرفون ايش نوع استانلس ستيل
الزين لني رحت لمحل في الصناعيه قالو لي تيواني الي عندهم
وانا ماعرف اي بلد الاحسن

[معماري قطري]

ممكن ذا تعرفون ايش نوع استانلس ستيل
الزين لني رحت لمحل في الصناعيه قالو لي تيواني الي عندهم
وانا ماعرف اي بلد الاحسن

الستانلس ستيل نوعيات حسب التركيبة الكيميائية، وكل نوع له رمز نسيت طريقته بس تقدرين تشوفين في النت .. ألحين فيه شركات يركبون حديد مشغول والخلفية قطعة ستانلس ستيل .. وعوامل كثيرة تدخل في جودة الستانلس ستيل فبعضه لماع وما يصدي كلش وبعضه شوي مطفي وبعد ما يصدي .. وأنواع أقل درجة وتصدي بعد فترة .. بعد سمك المعدن المستخدم مهم كل ما زاد يكون ثقيل ويكون ما ينطعج بسهولة ولا تأثر فيه الضربات البسيطة تشوه منظره.

[(عبدالله)]

جزاك الله خير أخوي معماري قطر

لحد الآن محتار ويبي لي بحث في الموضوع

خاصة بعد ما شفت بوابة الحوش حق جلري مصدية من الأطراف وما صار لها سنة مركبها

[ولد شرق]

السلام عليكم

ممكن أحد يفيدني إيجابيات و سلبيات كل نوع؟

أنا بغيت أفصل التالي:

أبواب خارجية
مدخل الفيلا
هاندرل السلم الرئيسي (حلزوني)
هاندريل الطابق الأول المطل على الطابق الأرضي (داخلي)
هاندريل سلم الخدمة
هاندريل سلم في الحوش

رحت فن المعادن ولأن شغله كل في الألمنيوم المشغول قام يلطش لي في الحديد المشغول ويقول بعد سنة يبدأ الصدأ ولازم تصبغه من وقت لوقت.

ومحل ثاني يسوي الحديد المشغول ما مدح الألمنيوم

كلن قام يغنيلي على ليلاه

ممكن يا أصحاب الخبرة تفيدوني مشكورين وبالتالي أكون لي قاعدة على أساسها أعرف أتخذ قراراتي؟



عبدالله

هلا عبدالله

كلمني
قايل لك قبل لاتسوي شي بدون ماتكلمني :)