اسهمي وين راحت؟؟؟

[سهم أخضر]

السلام عليكم ورحمة الله وبركاته

ابي مشورتكم في المصيبة الي انا فيها .....

امس رحت البورصة عشان آخذ كشف حساب واول مرة اسويها وعلى وجهي خذته ولا قريته الا بالبيت ( وهنا حدثت الفاجعة ) اكتشفت ان اسهم الريان الي اكتتبت فيها مش مسجلة وانا متأكد اني شريت واكتتبت فيها لان الوالد كان معاي ونزلتله في كشف حسابه ...
هل من الممكن ان البنك ما اكتتب لي وسق طلبي سهوا .. للعلم بنك قطر الوطني.

ابي مشورتكم وين اروح وشاسوي لان مالي بهالسوالف كلش .

ومشكورين على هذا المنتدى الاكثر من رائع

[الذيب الابيض]

الله يبعد المصايب إن شاء الله بس على ماعتقد اذا في غلطة ممكن تراجع بنك قطر الوطني في الخليج الغربي وهم بيحلون المشكلة إن شاء الله

[العقيد]

ريح بالك اخوي وارجع الى البورصه وبتحصل اسهمك موجوده بس على رقم مختلف عن رقمك ..عطهم البطاقه الشخصية وهم بيطلعون رقمك الجديد الي عليه اسهمك..

[سهم أخضر]

وش تتوقع اخوي ... يردون الاسهم لي ولا يقولون المبلغ محجوز وبنرده ... ولا مادي شبيصير يوم الاحج انشاء الله بروح لهم
ومشكور اخوي على ردك السريع

[سهم أخضر]

اخوي العقيد انا يوم رحت طلعت كشف ماقالي ان عندي رقم حساب ثاني
تهقى عندي بس لازم اني اقوله؟؟

[العقيد]

اخوي العقيد انا يوم رحت طلعت كشف ماقالي ان عندي رقم حساب ثاني
تهقى عندي بس لازم اني اقوله؟؟

اي نعم اخوي انت عطيته رقمك المعتاد ..لكن صارت مع كثير تغيير ارقامهم في اسهم الريان (خبرك ربعنا كسالى) عطته بطاقتك وبتحصل أسهمك على رقم جديد ..وبشرني يوم الاحد

[سهم أخضر]

إن شاء الله اخوي العقيد

جزاك الله الف خير ريحت بالي الله يرحك دنيا وآخرة

[عتيج الصوف]

لا تشيل هم اخوي ,,نفس الشيء حصل معاي,,والله يوفقك

[الأختصاصي]

اكيد في غلط يا بالبنك او بالبورصه

[مغروور قطر]

اي نعم اخوي انت عطيته رقمك المعتاد ..لكن صارت مع كثير تغيير ارقامهم في اسهم الريان (خبرك ربعنا كسالى) عطته بطاقتك وبتحصل أسهمك على رقم جديد ..وبشرني يوم الاحد
بالفعل هذا الي حدث تأكد اخوي سهم اخضر مثل ماذكر اخوي العقيد

[سهم أخضر]

مشكورين الذيب الابيض و العقيد و عتيج الصوف و محلل شجاع و مغروور قطر
على المساعدة وجزاكم الله خير

[محمد بن حمد]

اخوي تعال تحت عند اي واحد من الربع الموجودين تحت وعطه بطاقتك الشخصيه وخله يطلع لك كشف حساب واذا ما حصلت اسهمك ساعتها تعال فوق "التسجيل المركزي" وقول لهم سالفتك

المهم اذا حصلت اسهمك يا الغالي على رقم ثاني تعال شباك رقم 2 عند واحد اسمه حسن وقوله ابي ادمج رقميني برقم واحد وعطه صورة عن بطاقتك الشخصيه واختار رقم منهم وانا انصحك تختار الرقم القديم وتحياتي يا الغالي

واذا هناك اي مشكله ثانيه عطني رقمك المساهم على الخاص وانا بساعدك ان شاء الله

[سهم أخضر]

بونورة ماقصرت اخوي
انشاء الله باشوف شصير معاي واي مشكله ادري ماراح تقصر معاي ولا الربع في المنتدى
وانشاء الله يسهلها ربنا
والشكر والتقدير للكل