افتتاح فندق أنانتارا في جزيرة البنانا مطلع 2014 !!

[fhd4]

‏​منتجع وسبا أنانتارا التايلندي في الدوحه العام المقبل 2014

يجمع منتجع وسبا أنانتارا الدوحه الثقافة التايلندية من جذور أنانتارا. يقع الفندق في جزيرة على مسافه 20 كيلو من وسط العاصمه الدوحه وسط حدائق رائعة، ويتضمن 141 غرفة وفيلا تعطي معنىً مختلفاً للإقامة بجانب البحر ويتسم تصميمها بخطوط راقية وفخمة وتطل على أشجار النخيل وأحواض المياه الأخاذة.


http://i.imgur.com/SinLd7g.jpg

http://i.imgur.com/FbhIZhy.jpg

http://i.imgur.com/qdmEH6f.jpg


الموقع الرسمي للفندق:

http://www.anantara.com/doha/

[الخيالة]

محد بيستانس غير الاجانب

[بوخالد911]

خوووش والله


سمعت المكان هو جزيرة بنانا

صح؟

[نوره88]

ليش بالعكس حتى احنا بنستانس.

[بوخالد911]

اتووووقع الاسعار ناررررررررررررررر


غرفة قرقور ب 8000 ريال


والله يعيين

[fhd4]

خوووش والله


سمعت المكان هو جزيرة بنانا

صح؟

صحيح

http://www.qatarshares.com/vb/attachment.php?attachmentid=85385&stc=1&d=1382896039

[+abc]

ليش بالعكس حتى احنا بنستانس.


انتو بتدفعون من جيوبكم وبتكونون محكورين

وهم بيكونون مفتلين ومحمولين ومكفولين وياخذون الي يبونه والي مايبونه والحساب على الغرفة

[وحيد-الشوق]

محد بيستانس غير الاجانب

هذا واقعنا الأليم 💔:(

[فرهود]

محد بيستانس غير الاجانب

لانهم يعرفون شلون يستانسون

[مخطط قطري]

اللهم اني استغفرك واتوب اليك

[Mohammed2]

اللي يقول محد بيستانس غير الاجانب

ترى محد ماسكم وقالكم لاتروحون وتستانسون :)

[بوحارب]

حلو المكان لتجديد شهر العسل

[شيخ الديرة]

محد بيستانس غير الاجانب


يبدو إن من يريد إختطاف أي موضوع وتحويل مجرى الحوار، يدخل قصة الأجانب ويحقق مراده بكل سهولة.

[غزلان]

وايد حلو والبحر محليه

بالتوفيق لبلادنا قطر

[يوسف0]

شكله عجييب

و ان شاء الله الجزيرة جاهزة ماتحتاج دفان

[مابدل العادات]

هل الكلام مايجوز الصراحه الي يوافق على هاي لمشرايع مادري كيف تفكيره اتوقع سياحي 0%

ياخي انا كاسأح جاي قطر جاي اتعلم عن تاريخها وحضارتها وعاداتها وتقاليدها ومعالمها اشلون تفتح لي فندق تايلندي سياحي ؟؟!!!!!!!!!!!! يعني لهل الدرجه مافيه رجال اعمال قطريين يقدرون يفتحون نفسه واحسن ؟؟!!!

مايصير يجيك السائح قطر ويتعلم عن تايلند

[عالي الهمم]

مشروع عجيب .. وشي حلو للسياحة الداخلية

بخصوص جزير النخيل ؟!

[بو الجوري]

حلو المكان لتجديد شهر العسل

أمبيه :shy: حدك رومنسي بوحمني الكيوت http://www.cheesebuerger.de/images/midi/liebe/a034.gif

[بو الجوري]

و الله شي حلو ، بس ياريت الأسعار ما يكون مبالغ فيها

و أهم شي يخلونهـا عوايل ، مانبي نفس سالفة قراند :secret:

[وطن]

روووووووووووووز وينج
هذا اللي قلتي عنه

[بو خليفه 123]

من كم يوم مرينا عليه تفاجئت ماشاءالله لأن المشروع تقريباً 90% جاهز

و فيه مطعم كبير واجهته بتكون على الابراج

عيب السيف مابيكون فيه خصوصيه للعوائل يعني نفس سيناريو فندق شرق نفس كل مره هلي يتمون بالغرفه و اسبح عيالي في بركة السباحه و احس بالذنب لأن هلي مايقدرون يستانسون .

عكس بعض الشاليهات او الفنادق بأمكانك استئجار ما يسمى "البانجلو" او الفيلا الصغيره و تتوفر فيها بركة سباحه منها و فيها و لك كامل الحريه والخصوصيه بدون مايشوفك جارك .

, و اتمنى منهم مايخطئون خطأ شاليهات سيلين بدمج العوائل مع الشباب , الا اذا كان الهدف ان تكون غير عائليه بنقول كنك يا عبيد ماغزيت .. اقرب طياره الى دبي :)

[بو الجوري]

لأنه أسعار هالمنتجع في بوكيت تبدأ من 1500 ريال لين 4600 ريال للفيلا بو غرفتين

الله يعين كم بتكون فالدوحه :)

[ام ناصر1]

من شكله مافيه خصوصية ...

[المناعي1]

أنشالله بس ما في مسخرة و الله يرحم أيام أول كنا ناخذ أهلنا وسط الاسبوع و نستانس مع الاعيال أبعيد عن أزعاج الجت بوت و الاسكوترات........

[غايه الطواش]

سكنته بالمالديف فندق رهيب وممتاز
عاد شلون بيكون في قطر الله واعلم

[شبح الصمت]

من شكله المكان ماشاء الله

اتوقع هالمكان رآح يكون على طول فل فل في الويكند


يباله

:shy:

[بوخالد911]

و الله شي حلو ، بس ياريت الأسعار ما يكون مبالغ فيها

و أهم شي يخلونهـا عوايل ، مانبي نفس سالفة قراند :secret:


ممكن توضح

وشكرا

[be cool]

افتلاااااال

[الخيالة]

مايسوي علي كتبت ان محد بيستانس غير الأجانب صح كلامي انزين ليش في خصوصيه في المكان عشان انا وهلي نروح ونستانس ولي بس نأجر الفيلا ونقعد في الفيلا
كم مره بغينا نروح جراند حياة رحنا ومااستانسنا مليان شباب ومكس ولي خذنا راحتنا وماكملنا ورجعنا لو مسوين قسم خاص للعوائل احسن اهني نحتاج خصوصية احنا الحريم مايصير نطلع جدام خلق الله

[بو الجوري]

ممكن توضح

وشكرا

هلا بوالسمي

جراند الله يسلمك الكل يدري إنه كان على أول سنينه بس شباب
وحشره وفلل تتأجر بالشهور :) و مغازل وأغاني وكل شي

ما كان في كنترول ، كان فوووول مصخره :secret:

تحياتي قبل كتابة ذكرياتي :tease:

[ebo90]

شي ممتاز والله

[sweet qatar]

شكله يهبببل

بس ما فيه خصوصية !!

اف من الدوحة مافيها getaway يعني لازم نسافر

[alsndbad-q8]

هالجزيرة وين صايرة؟ هي الل مقابل الشيراتون اللي كان فيها منتزة قبل سنين وتم اغلاقه؟
اضافة الي ذلك انا ازور قطر سنويا واحيانا مع العائله..اسعار الفنادق عندكم غاليه صحيح بسبب قلة الفنادق يعني لو تزيد اكيد بيكون في تنافس بالاسعار.. يعني شدعوة ليله ب 80 او 86 بالدبليو مثلا؟
والسانت ريجيس ب 120 او 140 بالليله اظن هالارقام مبالغ فيها.
الموفنبيك والهيلتون 60 و75 دينار كويتي
وشكرا لكم.

[قطريه ماركه]

حلووو مثل المالديف

بس مثل ما ذكروا الاخوان اللي بيستانسون الاجانب غير المسلميين !!

[بونواف2011]

اتمنى ما يكون فيه خمر وديسكو ومفاصيخ

[ROSE]

روووووووووووووز وينج
هذا اللي قلتي عنه

اي هو هو نفسه

[الـقـاسـي]

هالجزيرة وين صايرة؟ هي الل مقابل الشيراتون اللي كان فيها منتزة قبل سنين وتم اغلاقه؟
اضافة الي ذلك انا ازور قطر سنويا واحيانا مع العائله..اسعار الفنادق عندكم غاليه صحيح بسبب قلة الفنادق يعني لو تزيد اكيد بيكون في تنافس بالاسعار.. يعني شدعوة ليله ب 80 او 86 بالدبليو مثلا؟
والسانت ريجيس ب 120 او 140 بالليله اظن هالارقام مبالغ فيها.
الموفنبيك والهيلتون 60 و75 دينار كويتي
وشكرا لكم.

بالعكس اسعار الفنادق جدا ممتازه عندنا ومناسبه انا اتضايق جدا لما اروح الكويت الاسعار غاليه جدا ومستوى الفنادق تعبان جدا

[captin]

شي حلو ما شاء الله وراح يكون اضافة
للمرافق السياحية القطرية

ولا شك راح يجتذب كافة المواطنين والمقيمين والسياح
وراح تكون هناك خيارات متعددة بدلا من الوضع الحالي
لشاليهات سيلين وبعض الفنادق اللي لها شواطىء خاصة.

[ماجد البدر]

مكان روعة نتمنى الاسعار تكون معقوله كل الشاليهات اسعارها نار ومبالغ فيها

[بونووف]

اهم شي انهم يحوطووون االبحر عن هل السكوترات والجت بوت ماينشبون حق العالم ويسوون ازعاااج

[ماجد البدر]

اهم شي انهم يحوطووون االبحر عن هل السكوترات والجت بوت ماينشبون حق العالم ويسوون ازعاااج

اي و الله صدقت الي قاعد يصير عند جزيرة السافلية شي فضيع ازعاج مابعده ازعاج

[.. الكاش ..]

مشاءالله مشروع حلو بس اتمنى يصدقون في موعدهم

[khaloody199]

والله شكله مشروع طيب

[OM_OMAR_QATAR]

اتووووقع الاسعار ناررررررررررررررر


غرفة قرقور ب 8000 ريال


والله يعيين

:telephone:

[OM_OMAR_QATAR]

هالجزيرة وين صايرة؟ هي الل مقابل الشيراتون اللي كان فيها منتزة قبل سنين وتم اغلاقه؟
اضافة الي ذلك انا ازور قطر سنويا واحيانا مع العائله..اسعار الفنادق عندكم غاليه صحيح بسبب قلة الفنادق يعني لو تزيد اكيد بيكون في تنافس بالاسعار.. يعني شدعوة ليله ب 80 او 86 بالدبليو مثلا؟
والسانت ريجيس ب 120 او 140 بالليله اظن هالارقام مبالغ فيها.
الموفنبيك والهيلتون 60 و75 دينار كويتي
وشكرا لكم.

:weeping:

[كازانوفا]

بشرونا خلص المشروع والا لااااااااااااا؟؟؟؟؟؟؟؟؟؟؟؟

[المزاجي قطر]

في الامارات واخد نفسه الي يعرف اسمه يطرشه لي علي الخاص

[بوخالد911]

هالمشروع يبيله ما بين 3 - 5 شهور

مرة مريت صوبهم بالطراد

يبيله شغل واااايد

[مرحوم قطر]

بل بل بل بل

شهلتشاؤم

ياخي محد مانعك لما يفتح تروح و تحجز و تستانس انت و ربعك ولا مع اهلك

الامور طيبه و بعدين الحمدلله من كم سنه بس جزيرة بنانة شكانة

نمر عليها بطراريدنا مرور الكرام ما عمري بندرت عندها الا مره وحده و كان بس حب اسطلاع

تحسرت على مكان حلو نفس هلجزيره مهمل و مافيه شي غير اللوه حتى صيد مافيها ولا حولها


الحمدلله شوفو الصور الحين و شوفوها من قوقل ايرث جد شي عجيب صار عندنا شي جديد و حلو وايد


الحمدلله و الشكر له

[ريتويت]

سكنته بالمالديف فندق رهيب وممتاز
عاد شلون بيكون في قطر الله واعلم

هو فقطر ولا فتايلاند؟؟؟

[كازانوفا]

هنا بقطررر

[كاتم الاسرار]

محد بيستانس غير الاجانب

صدقتي اختي والله

[Broker85]

متى بيفتح

[غالية80]

موجود نفس هالفندق في دبي وبنفس اï»»سم .. الفندق يديد وماصار له سنه

[كلاسيك قطر]

مادري هل يوجد بركة سباحة في كل شاليه ومغطية

[Mohammed2]

انا سكنت في نفس هالفندق بس اللي في دبي جزيرة النخله

الفندق ممتاز جدا واسعاره معقوله في دبي والغرف واسعه وفي غرف مع بركه خاصه لاكنها مطله على الشاطئ ومافيها خصوصيه

هذا فندق لشركه خاصه يعني الدوله مايصير تحط قانون على الفندق ان اللي ينزل فيه عوايل بس

واللي يبي هله يستانسون في البرجه ممكن تحجز في استراحات خاصه فيها برك مغطاة

الفنادق مستحيل تناسب العوايل في البرك والشواطئ

وشي حلو ان يكون عندنا تنوع في انواع الفنادق عشان محد يقول ماعندنا شي في قطر :)

ولله الحمد عندنا كل شي جميل والافضل قادم ان شاء الله

خلو نظرتكم دايما متفائلة والله يوفق بلادي الى كل خير

[Dmy Enabi]

http://www.youtube.com/watch?v=vKPi9fUcnfc
للفائدة

[هيلو كيتي]

حلوووووووووووو

..

[غايه الطواش]

هو فقطر ولا فتايلاند؟؟؟
هو سلسله فنادق ولهم افرع في كذا بلد

[للصبر اخر]

امس وصلني برود كاست عن المشروع بدءا من مواقف سوق واقف والتاكسي المائي
المكان روعه
واعتقد الافتتاح في شهر 11

[peace-qtr]

الافتتاح ب 11

بس مايندراا

ان شاءالله يكون برايفت وللعائلات بس

[بوسنيدة]

هل الفندق ملك شركة بروة

[لبتونه]

يعطيك العافيه..

[كاتم الاسرار]

محد بيستانس غير الاجانب

ههههه أي والله اختي صدقتي من يعني احنا القطريين مافي امل

[Mohammed2]

هل الفندق ملك شركة بروة

الفندق ملك لشركة تايلنديه

اسم الفندق أنانتارا