غلاء الااسعـــــار في قطر الى اين والى متى ؟؟؟؟ [الأرشيف]

مشاهدة النسخة كاملة : غلاء الااسعـــــار في قطر الى اين والى متى ؟؟؟؟

Qt.1

28-10-2013, 05:59 AM

السلام عليكم

بصراحه غلاء الااسعار وصل لدرجه رهيبه وكبيره , كل شي صار غالي طبعا ماتكلم عن المواد الغذائيه اتكلم عن باقي الاحتياجات مثلا الملابس الااكسسوارات وغيره , الااسعار اوصلت للدبل من دون مبالغه , صرنا نشتري الشي انسافر برع انتفاجأ ان احنى دفعنا الضعف !! بصراحه شي يقهر , معلي الحمدالله الدخل الشهري للقطري تحسن وافضل من قبل لكن هالشي مايعني ان كل شي يغلى وتوصل الااسعار للحد الجنوني , وللاسف مش مره حصل معاي هالشي كذا مره , اشنري شي وبعدين اتفاجأ اني دفعت فرق كبير في السعر , اخواني نبي اقتراحاتكم لهذه المشكله الي هي ارتفاع الااسعار الي بصراحه وصل لاعلى درجاته , متاكد ان في اعضاء اصحاب اقتراحات ممتازه وممكن مناقشتها في الموضوع بانتظاركم ,,
والمايك لكــــــــــم

http://icons.iconarchive.com/icons/salleedesign/music/256/microphone-foam-black-icon.png

New Vision

28-10-2013, 06:10 AM

لين مايشبعون الهوامير وطبعا هذا مستحيل او لين يموتوووون وهذا محتمل

اقتراحي هو عمل مجلس شورى منتخب من المواطنين عشان يقولون للهوامير لا والف لاااااااا

فرهود

28-10-2013, 06:14 AM

حسب المحلات الي تروحها فيه محلات تبيع الملابس بأسعار رخيصه مثل اللولو وماكس وانصار ستي وغيرها .

ام ناصر1

28-10-2013, 06:22 AM

غلا الاسعار سببه وجود اخطاء بادارة الاقتصاد المعيشي والمحلي ....بالدولة
فيه فلوس وتقدر تشتري ...بس تحس انك منهوب ...او قول راحت بركة الفلوس ....
البعض يسمي هالسياسة عطه فلوس ونتف ريشه ...

كازانوفا

28-10-2013, 08:01 AM

من متى الطمع له حدود ..........

حسن

28-10-2013, 08:48 AM

الاسعار عندك متفاوته في الرخيص والغالي
وهذا شي طبيعي في كل دول العالم
بالنسبه للمواطن الدوله وفرت الدعم للمواد الاساسيه
من كم يوم وانا اتكلم مع واحد ممن هل الا مارات يقول عندنا كيس العيش الحكومي ب 120 ريال او اكثر على مااعتقد قلت له العيش عندنا درجه اولى وسعره 60 ريال شوف الفرق الضعف
والدوله عالجه فرق ارتفاع الاسعار بزياده الرواتب الخياليه للشعب فا ماعاد هناك مشكله
والخير بين والبطره مبينه شبابنا وكبارنا بعد والله اني اشوفهم واسمع الكثير منهم ان قيمه مخالفه سياراتهم تعيش له مئات البشر وتوصل بالالاف في الدول الفقيره
فا عندك السلع الاساسيه مدعومه اما الملابس اشياء لا تذكر وغيرها هناك اسعار مختلفه مثل ماذكرت
هذاك الاول يوم العالم ضرب ومضارب يتشرون من الحسا علشان فاين الريم وشامبو دفاف
اما الحين حتى خرايطهم يجيبونها من لندن علشان مكتوب عليها هاروتز

:victory:

حمد 2002

28-10-2013, 08:54 AM

غلاء الاسعار يدخل فيها عوامل كثيره :-

1- هل الدوله داعمه المنتج ول لا ،، عيش الحكومه داعمته الدوله = عيش التموين ب 70 ريال مادري 60 ريال والحليب والزيت :nice: ،،

2- الايجارات يعني واحد مأجر محل قيمه 20 الف شلون بيطلع تكلفه المحل والعمال ووو ،،،

3 - التاجر نفسه ،،، هل التاجر له ذمه وضمير وله ضميره وقلبه ميت :secret:

4 - الموسم والعرض والطلب

يعني الحمام العادي كان يباع بالصيف الجوز ب 20 ريال ولكن الشتاء الجوز ايوصل 60 ريال ،،
ونفس الشيء الطرادات الحين الطراد سعره ايصير غالي بسبب موسم التخيم ،،

شكرا اخوي على هذا الموضوع الرائع ،،

الزعفراني

28-10-2013, 09:15 AM

غلاء الاسعار ظاهرة عالمية .. ولها اسبابها خلال السنوات اللي مضت .. ومرتبط بعوامل واقتصاديات ومش عارف ايش .. ( يبي لنا شخص متخصص يشرح لنا هذا الارتباط ) ..

يعني لو تسأل أي شخص في العالم شخبار الاسعار عندكم بيقولك ارتفعت عن اخر 5 سنوات مثلا .. و دول منتجة حتى ..

من كم يوم اسولف مع فراش عندنا في الدوام توه راجع من بلاده اقوله شخبار بلادكم يقول كل شي ارتفع سعره عندنا بما في ذلك المواد الغذائية .. يقول كيلو الطماط كنت اخذه بـ 30 روبية اذا زاد الحين اخذه بـ 80 روبية واحيانا 100 روبية !!

فالظاهره عالمية ولها مبرراتها .

كربيتر

28-10-2013, 10:39 AM

خزامئ

28-10-2013, 10:47 AM

ليش المعيشه بس مواد تموينيه
عيش
سكر
حليب
زيت

Qt.1

29-10-2013, 08:55 AM

مشكورين شباب لردودكم الطيبه , فعلا الااشياء الااساسيه مدعومه من الدوله وماقصرو بصراحه اللهم لك الحمد , لكن انتكلم عن مشكلة رفع الااسعار في الااغراض الثانيه , ليش الااسعار جنونيه مقارنة ببلدان ثانيه مع انه نفس الغرض لكن فرق السعر كبير ؟

الزعفراني

30-10-2013, 01:23 AM

الغلاء بدأ منذ فك ربط العملات بالذهب
كل دولة تطبع الورق (عفوا الفلوس) بدون حسيب ولا رقيب مما يؤدي إلى نزول قيمة العملات وبالتالي كل شي بيرتفع.

الفلوس الي في يدنا ما لها أي قيمة حقيقة
لكن الذهب قيمته في ذاته ﻷن الله جعلها فطرة في الانسان أنه يميل الى الذهب ويشتهيه. زين للناس حب الشهوات من النساء والبنين والقناطير المقنطرة من الذهب والفضة والخيل المسومة والأنعام والحرث ذلك متاع الحياة ..

اللي اعرفه ان امريكا فقط اللي تطبع فلوس بدون ذهب مقابل لهالفلوس لذلك صارت الازمة عندهم ولا زالت .. وطبعا احتمال الغلاء اللي صاير عندنا أحد أسبابه ربط الريال بالدولار ..

khalid525

30-10-2013, 02:49 AM

اذا ما انحلت مشكلة العقارات التجارية ما راح يوقف مسلسل ارتفاع الاسعار

khalid525

30-10-2013, 02:53 AM

الغلاء بدأ منذ فك ربط العملات بالذهب
كل دولة تطبع الورق (عفوا الفلوس) بدون حسيب ولا رقيب مما يؤدي إلى نزول قيمة العملات وبالتالي كل شي بيرتفع.

الفلوس الي في يدنا ما لها أي قيمة حقيقة
لكن الذهب قيمته في ذاته ﻷن الله جعلها فطرة في الانسان أنه يميل الى الذهب ويشتهيه. زين للناس حب الشهوات من النساء والبنين والقناطير المقنطرة من الذهب والفضة والخيل المسومة والأنعام والحرث ذلك متاع الحياة ..

حتى في الازمنه الغابرة كانت تحدث موجات غلاء وارتفاع الاسعار
والذهب الان اصبح سلعة مثله مثل القصدير والزنك والشعير مثلا ،

رجل مثالي

30-10-2013, 06:28 AM