بحث تنفيذ "جسر المحبة" بين قطر و البحرين غدا

[رجل الجزيرة]

http://www.al-sharq.com/NewsImages//2013/10/29/87dafdab-96a9-4ff8-986e-b667b774e581.jpg
مجلس إدارة جسر قطر – البحرين يجتمع في الدوحة غدا



12:04 ص

29
أكتوبر
2013




المنامة - الشرق

كشف وكيل وزارة المالية البحريني عارف خميس عن قيام مجلس ادارة مؤسسة جسر البحرين - قطر بعقد اجتماع غدا في الدوحة، لبحث كافة الأمور المتعلقة بتنفيذ مشروع جسر المحبة بين البلدين الشقيقين.

وصرح وكيل وزارة المالية البحريني ان هذا الاجتماع المرتقب للمؤسسة يأتي في اطار النتائج المثمرة التي تمخضت عن الزيارة الأخوية لصاحب السمو الشيخ تميم بن حمد آل ثاني امير البلاد المفدى لأخيه صاحب الجلالة الملك حمد بن عيسى آل خليفة عاهل مملكة البحرين .

واوضح عارف خميس أن هذا المشروع الحيوي يعكس بجلاء عمق العلاقات التاريخية التي تربط البلدين الشقيقين على كافة المستويات وفي شتى المجالات، خاصة على مستوى القيادتين الحكيمتين.

وحول آخر التفاصيل المتعلقة بمشروع جسر المحبة، لفت وكيل وزارة المالية الى ان المشروع قد استكمل المرحلة الخاصة بالتصاميم الهندسية الأساسية وتحديد مسار الجسر بين البلدين.

http://www.al-sharq.com//Detail/news/64/أخبار/315467/بحث-تنفيذ--جسر-المحبة--بين-قطر-و-البحرين-غدا

[ROSE]

:eek2::eek2:

[Aaziz]

رررررررررردينا على طير يالي

[jassim69]

رررررررررردينا على طير يالي

بكره بتزاعلون وبكنسلون التفاق مسلسل مايخلص

[بومتعب]

انا اشوف ان طريق سلوى الساحلي قرب يخلص ورايح يربط بين منفذ سلوى الى االخبر بطول 140 كيلو فقط

يعني مافي داعي لجسر المحبة

[الشامخ]

مانبي جسر المحبه ،،، وعساهم مايسونه

[VX.R]

الله يكفينا شره.

[qatara]

نتمنا جسر مع الامارات التي قطعت بيينا وبينهم الحدود البريه

[رجل مثالي]

بكرة بتزاعلون وبكنسلون الاتفاق مسلسل مايخلص


كل سنة في أجتماع وبعده يتزاعلون وبعده أجتماع غدا

وعشااء وبعده يتزاعلون وعشاء وغدا وبعده

الى أنتهاء وفض الاتفاقيه بدون جسر وتحويله الى نفق

[همر]

يلا يا لجنة الجسر

مسقبلنا متعلق بعشاكم

قصدي اجتماعكم


نبي ندرس ماجستير :victory:

[*محمد*]

مورد من المال ما يوقف دامهم ما بدوا فيه
للحين ما بدوا والدراسات ما خلصت
حتى الي بيروح للشرقيه من قطر اقرب له عن طريق هالجسر

[قطري92]

انا اجوف لو مايفتحون الجسر ابرك
لانه بتصير سوالف مالها اخر

والله المستعان

[عزووز قطر]

اتوقع ان جسر البحرين هو أحد مشاريع مونديال قطر 2022
ودام لجنة كأس العالم قطر 2022 حطت هالمشروع في البرزنتيشن اللي قدمته للفيفا لازم تلتزم وفيه ويتنفذ المشروع قبل بداية المونديال

[البسمة العذبه]

احنا بدون هالجسر ومب مفتكين من البلاوي الي تجينا كل ويكند
هالدور يفتحون الجسر !!
لو يحولون هالمشروع بينا وبين الامارات يكون افضل

[ام ناصر1]

الجسر لين العاصمة البحرين والا بس لين جزر حوار وبعدين نعدي بلنج ....شالفايدة او مصلحتنا كقطريين منه
المصالح هي الي تحدد سبب اقامة المشاريع ...

[BoFahed]

انا اجوف لو مايفتحون الجسر ابرك
لانه بتصير سوالف مالها اخر

والله المستعان

انا اقول وانت تقول والحكومة لا تفعل ما نقول

فيه امور فيها مصلحة البلد والشعب مب مستوعبها مثلا احداث البحرين سببت ازمة امنية وخطيرة في المنطقة كلها ولولا تدخل المملكة الله يعلم ويش كان بيصير ؟؟؟ وارتفع اسعار البترول عالميا


البطالة والسكن هي اكبر مشاكل في البحرين (سنة وشيعة ) فلو الالاف البحريين اشتغلوا عندنا مثل ذكر من سنوات ورجعوا في نفس اليوم اكيد ببتحسن معيشتهم و بتستقر المنطقة كلها


احنا بشر وطبعنا نختلف بس اهم شي لازم نحترم قرار ولي امرنا الله يحفظه

[البانوش]

قال ايش ........قال .... جسر المحبة

جسر الدمار الله يكفينا شرة

جزيرة حوار وطارت ...... والجسر بيطير ان شاءالله

[عاهد بن علي]

اتمنى ان يسمونه جسر ( حمد ) تيمنآ بالشيخ حمد بن خليفه والشيخ حمد بن عيسى

[اخت السهم]

نبي جسر بينا وبين الامارات اما البحرين ماوراهم الا المشاكل

[مساهم فنان]

هذا اغطاة عروي...
خلاص ما نبيه ... دبّلت إچبودنا .. .. أخاف لو سووه مثل :
تسمع بالمعيدي خير من تراه.
المطار وسنين وإحنا نسمع عنه
والجسر وسنين وإحنا نسمع عنه ولين الحين ما حطوا. أ. ب. منه.

[مشـــــاعر]

احنا بدون هالجسر ومب مفتكين من البلاوي الي تجينا كل ويكند
هالدور يفتحون الجسر !!
لو يحولون هالمشروع بينا وبين الامارات يكون افضل


نبي جسر بينا وبين الامارات اما البحرين ماوراهم الا المشاكل

خخخخخخخخ يكون الإمارات مسكتة عاااد :rolleyes2::rolleyes2:

عسى ماينفتح هالجسر لامع البحرين ولا الإمارات :anger1:

[تلتوله]

اي ناقصين سوالف شبابنا في البحرين مو مقصرين هناك كل ويكند

[غزلان]

الجسر مابيزيد ولا بينقص كل انسان عقله براسه ويعرف خلاصه

والي يبي الشر كل الطرق سهله عنده والى يبي الخير بيحصله

ان شاء الله يكون جسر خير بين البلدين

والله يوفق

[بورصجي_جديد]

مانبي الجسر باجر والله مب من مصلحه القطرين هالجسر اولا راح كل خميس الشباب في البحرين

ويفسفسون في فلوسهم علي اقل يروحون من سعوديه بعضهم يتكيسل تكون مسافه فوق 5 ساعات لكن

اما تكون المسافه 40 دقيقه راح شباب يوميا في البحرين!!!

[شجن]

من يوم احنا صغر ونسمع باهالجسر ....

[khalid525]

انا اشوف ان طريق سلوى الساحلي قرب يخلص ورايح يربط بين منفذ سلوى الى االخبر بطول 140 كيلو فقط

يعني مافي داعي لجسر المحبة

وين بيستوي هذا الخط ؟

بصراحة بيسوي شغل بيقربنا من الدمام والظهران ، وبيفكنا من طريق الحسا الممل ،

[قطر88]

الجسر مابيزيد ولا بينقص كل انسان عقله براسه ويعرف خلاصه

والي يبي الشر كل الطرق سهله عنده والى يبي الخير بيحصله

ان شاء الله يكون جسر خير بين البلدين

والله يوفق




:nice:


والله يكتب اللي فيه الخير للجميع


ويعطيك الف عافيه ع نقل الموضوع :)

[كاتم الاسرار]

مانبي جسر المحبه ،،، وعساهم مايسونه

ان شاءالله احنا مرتاحين جذي

[وطن]

متى متى
قلي أشوفك متى

:dance




الجسر مابيزيد ولا بينقص كل انسان عقله براسه ويعرف خلاصه

والي يبي الشر كل الطرق سهله عنده والى يبي الخير بيحصله

ان شاء الله يكون جسر خير بين البلدين

والله يوفق

:victory:

[فرهود]

خليجنا واحد وشعبنا واحد .

[رجل مثالي]

احنا بدون هالجسر ومب مفتكين من البلاوي الي تجينا كل ويكند
هالدور يفتحون الجسر !!
لو يحولون هالمشروع بينا وبين الامارات يكون افضل


عادي خلهم يفتحون بينا وبين البحرين وبينا وبين الامارات ما في مشكلة

[أسد الجزيرة]

مع المشاكل الي بتصير من ورا الجسر ولكن انا ايد انه يسونه لانه ما يصير نترك البحرين لايران لازم نوقف معاها

[الفا برافو]

مع المشاكل الي بتصير من ورا الجسر ولكن انا ايد انه يسونه لانه ما يصير نترك البحرين لايران لازم نوقف معاها

ونا معاك يالأسد

[محمد الحمدان]

انشاء الله مايتم ها المشروع ماراح يجينا من وراة الا المشاكل

[الـخـالـدي]

وين بيستوي هذا الخط ؟

بصراحة بيسوي شغل بيقربنا من الدمام والظهران ، وبيفكنا من طريق الحسا الممل ،

موضوع تدخل البحرين وتطلع منها هذي بروحها بلوى مع الزحمه اللي تصير غير المشاكل اللي فيها و الحراق من الشيعة

باب يجيك منه الريح سده وستريح ولا تفكر فيه

حنى نتمنى انه مايتم حفظ لشبابنا وحفظ لأمن الدولة

وان شاء الله الاموال تستثمر في مكان ثاني اولى ويدخل استثمارات ومشاريع تعود على الدوله

وفالاول و الاخير حنا نحترم شعب البحرين ونقدره ولكن الله يصلح امورهم و السعودية مب مقصره معاهم ولا قصرت معاهم امنين نفس ماسوت قبل للي خايف عليها

[Google-QAT]

اتمني مايصير هالجسر

[مخطط قطري]

الجسر حسب ماوصلني موجل

[ظل القمر]

بالنسبة لي بناء هذا الجسر أكبر خطأ

لنعتبر يا أحباب فالبحرين فيها من المخلوقات العجيبة الغريبة

والمدعومة خارجيا

التاريخ كتاب مفتوح كم وكم وكم وكم الف جنست البحرين للأسف وهي اليوم تدفع الثمن !

فليه نفتح لهم باب على بلدنا بهذه الطريقة !

[رجل مثالي]

الموضوع يبيله دراسة تاريخيه وأقتصاديه وعلميه وأجتماعيه

[الـقـاسـي]

لا ان شاء الله مايفتحون بينا وبين البحرين جسر نبيه مع الامارات

[Abdulraman]

كلام فاضي مأخوذ غيره:(