في حد عنده نفس المشكله

[الخيالة]

سلام عليكم
رفيجتي من تقريبا اسبوعين تحس بالدوخه وعدم التوازن ماتقدر تسوق السياره لهالسبب بعد وطلع في التهاب في الاذن الوسطي والحين عطوها ادوية في الاهلي وقالوا لها تسوي تصوير حق راسها واهيه خايفه ان ليش طالبين منها تصوير حق الراس وهالأعراض بسبة شنو بلضبط في حد مر عليه نفس الحالات والتشخيص كان الم في الاذن التهاب ولي يكون شي ثاني مثلا

[قلم صادق]

ما تشوف شر .. التهاب الاذن الوسطى يسبب هالعوارض وتستمر الفتره من الدوخه وعدم التوازن لمده شهر تقريبا .... خليها تروح حق الدكتور عبد العزيز الجفيري شاطر بها لحاله ...

[الخيالة]

شكرا للجميع اللي رد علي ع الخاص واللي كتب اهني يعني اشعة حق الراس عادي ؟؟؟

[ضوى]

ايه عادي حبيبتي سيتي سكان او ام ار اي انا سويت نفس هالاشعتين لاني كنت ادوخ وطلعت مشكلة في الأذن الوسطى وسووا لي عملية والحمد لله الامور طيبة حاليا

[الخيالة]

اختي ضوي لازم عملية؟ وشلون كانت العملية كم المدة واي مضاعفات عقب وهل طلعتي نفس اليوم من المستشفي؟ و وين سويتيها؟ مشكوره

[بو خليفه 123]

لا تحاتي و طمنيها هذي اعراض التهاب في الاذن تسبب خلل في توازن الجسم . سبحان الله شيء بسيط لكن يفقد الانسان توازنه

و تصوير الاشعه اجراء روتيني للتأكد انه التهاب

طمنيها و ان شاء الله خير .. بس لا تتأخر بالموضوع

مع تمنياتي لكم بالشفاء العاجل

[ضوى]

اختي ضوي لازم عملية؟ وشلون كانت العملية كم المدة واي مضاعفات عقب وهل طلعتي نفس اليوم من المستشفي؟ و وين سويتيها؟ مشكوره

ولا خذت منهم نص ساعة ، سواها لي دكتور كمال ناجي ، ولا فيها اي مضاعفات ، طلعت من السمتشفى عقب ساعتين في مستشفى الرميلة ، وكانت العملية عبارة عن تركيب انبوب ماتشوفينه بالعين المجردة بين الطبلة والامتداد الداخلي للاذن كان فيه انسداد هو اللي مسبب لي الدوخة ، اكتشفه الدكتور بالتصوير واكده بتجربة عملية بسيطة قالي سدي خشمج وطلعي الهوا ، اذا ماحسيتي بهوا يطلع من الاذن مثل لما تكونين في الطيارة توازن الضغط ، فانا مافي كان هوا يطلع من الاذن اليسار طلع من عيني اليسار وبالتالي قرر يسوي لي الاشعة وفعلا اكتشف المشكلة وسوا لي العملية

[الخيالة]

شكرا لكم ماقصرتوا
الله يشفي جميع المرضي جزاكم الله خير

[alsoq]

اختي لتهاب الاذن الوسطا يسبب عدم اتزان فالا تخاف ان شاء يخف التهاب ويرجع كل شي عادي ان شاء الله

[ضيء الامل]

الله يشفيها خلها توكل على الله وتسويها لتطمن اكثر مالها شر ان شاء الله

[شتان]

نفس حالتي ولين الحين ادور علاج معتمده على حبوب الدوار مؤقته صار لي الحين ٣ شهور ولا في تحسن خذت موعد عند حندوسه وباشوفه شيقول وان شاءالله خير
حتى الاشعه سويتها وقالوا ما في شي صراحه شي محير

[حسن الاحمد]

انا لين الحين عندي نفس المشكلة من 3 سنين راجعت الدكتور توماس في السد اكثر من مرة وقال لي اترك الجوال والتدخين لان الجوال سبب رئيسي لالتهاب الأذن الوسطى والدوخة ... اهم شي صديقتج تخفف استعمال الجوال ولما تنام تحطه بمكان بعيد عن رأسها.

[الخيالة]

شكرا للجميع اللي ردوا

بس اهيه الحين تقول حولوها قسم الأعصاب بس ماراحت للحين ليش يحولون قسم الاعصاب وتصوير الراس عشان التهاب الاذن؟

[يوسف0]

جاني هذا الشئ من زماان نسيت شنو السبب

يروح بعد فتره

مزعج جداً

[E.h]

أختي الوالده صادها هالشي دوخه مفاجأه وترجيع من غير لا تحس
راحت حق كذا دكتور وكانت تراجع في رميله قالو لها الأذن الداخليه
وعطوها حبوب وراحت تايلند سوت فحص شامل قالو لها نفس الدوحه وصرف لها حبوب تستمر عليها وهذا علاجها والملح تخففه عن الاكل قد ماتقدر والحين الحمد لله ما تجيها الأعراض مثل قبل ،وقال السبه الملح تتجمع الأملاح فالأذن ويسبب اختلال توازن للجسم

[القلم الصريح]

ارتفاع ضغط الدم يسبب دوخه ودوار فالراس ، خل تفحص الضغط

[الخيالة]

لا مب عشان الضغط الضغط اوك

ومازال مستمر الاحساس بالدوار وعدم التوازن ويقولون عشان التهاب الاذن الوسطي لين متي بيستمر حد عنده فكرة؟

[حسن الاحمد]

لا مب عشان الضغط الضغط اوك

ومازال مستمر الاحساس بالدوار وعدم التوازن ويقولون عشان التهاب الاذن الوسطي لين متي بيستمر حد عنده فكرة؟
هي للحين تستخدم الجوال بكثرة ولا استخدام بسيط ؟؟

[الخيالة]

لا ماتستخدم وايد يعني بس حق المكالمات مب متعوده 24 ساعه تستخدم الجوال

[حراير قطر]

لا مب عشان الضغط الضغط اوك

ومازال مستمر الاحساس بالدوار وعدم التوازن ويقولون عشان التهاب الاذن الوسطي لين متي بيستمر حد عنده فكرة؟

اول شي الله يشفيها ان شاء الله

ثاني شي هذا مرض واعراضه تختلف من شخص لآخر ومحد يعرف لمتى يستمر

خليها اتسوي اللي يطلبونه منها بسرعة

قبل ما يتضاعف المرض عليها

طلبات عادية على ما اظن

لا تنسين الاذن في رأس ويخوفون يتأثر

ولا تنتظر ردود الاعضاء اهم شيء صحتها ...

[الصغيره]

اعراض الاذن اي والله والله عانيت منها لحد اني ماعاد اقدر اقوم من الفراش وخفت بي شي من الامراض رحت لتومس وربي انه ممتاز ولله الحمد

واذا اسعاره غاليه خليها تروح اسامه البكري عيادة الشرطه اذا تقدر مممممتااااااز