السيد ولى امر الطالب المحترم لقد تغيب ابنكم اليوم ؟؟

[الدوحة 2010]

السيد ولى امر الطالب المحترم لقد تغيب ابنكم اليوم الثلاثاء تاريخ 29-10-2013 م
عن الدوام المدرسي برجاء التكرم بالحضور او احضار مايثبت غيابة بعذر طبي حرصا على
مصلحتة مع خالص الشكر والتقدير للتواصل مع ادارة المدرسة رقم 4459xxxx

ياريت يتم تطبيق نظام الرسائل في جميع المدارس لمعرفة غياب وتاخير الطلاب

[عاشق العديد]

الي اعرفه انه هاي موجود في نظام المدارس المستقله .. والله اعلم

[النهار]

على فكره لوالطالب طرده الاستاذ من حصه يسجل غائب لهذاليوم
حتى يحضر ولي الامر

[نوار قطر]

المفروض ان هالنظام متطبق في كل المدارس

[ام السعف]

ياااليت نشوف مثل هالمسجات ،، بنتي غابت يوم الأحد محد نشد عنها ،،
و العام غابت كم يوم ورى بعض لأنها مصخنة ولاحد نشد عنها ،،

وفي مدرسة نيوتن الطلاب لو غابوا شهر محد يرفع السماعة يسأل عنهم ،،

[بصمة قطرية]

الحمدلله مدارس عيالي يتصلون في نفس اليوم
و يسألون عن سبب الغياب ..
و يتأكدون هل ولي الأمر يعرف عن غياب ولده
و يشددون على ضروة وجود عذر طبي لغياب الطالب ..

[هامور البورصة]

مدرسة الدوحه الاعداديه والثانويه يطبقون هذا النظام ، لا ويتصلون على ولي الامر ويستفسرون عن سبب غياب الطالب ، لهم منا جزيل الشكر

[قطري سهم]

الله المستعان

[ضوى]

موجودة هالمسجات في مدارس عيالي

[نوره88]

الله يعطيهم العافيه المدارس اللى فيها النظام

[برشلوني قطر]

كثير من الاماكن صارت تعتمد ع المسجات. الصراحه

خطوه حلوه

[الدوحة 2010]

بس والله اعرف بعض المدارس لاتطبق نظام الرسائل سواء في الغياب او خروج طالب سواء بعذر او بدون

[NINA RICCI]

اتوقع المدارس المستقله بس الي تطبق هالشي ..

ياليت الخاصه بعد ..

[بوخالد911]

خطوة ممتازة

[ام السعف]

اتوقع المدارس المستقله بس الي تطبق هالشي ..

ياليت الخاصه بعد ..

بنتي في مدرسة ثانوية مستقلة،،، من العام للسنة هذي ولا مسج وصلني
او اتصال بسبب غيابها ،،

للعلم اتلقى يوميا مسجات من المدرسة بخصوص اللوائج
والاخبار والتعليمات الجديدة ،،

[لاجل QT]

يوميا نمر على الطالبات صف صف ناخذ الغياب 7:30 بالضبط

و يوميا نتصل باولياء امور الطالبات الغائبات والسؤوال عن سبب تغيب الطالبة والتاكيد على احضار العذر الطبي للمشرفة عند مباشرة دوام الطالبه

وفي طالبات يحضرون الى المدرسة متاخرات واولياء امورهم خبر خير ميدرون اذا بنتهم راحت المدرسة او لا

تخيلو اذا طرشنا مسجات اخطار ان ابنتكم غايبة وهي توها مشرفة الطالبة للمدرسة او غايبة والاهل مايدرون وااااايد تصير...شيصير عفيسة


انا افضل الاتصال المباشر افضل لتدارك سوء الفهم

والله يعينا بصراحة

[لاجل QT]

بنتي في مدرسة ثانوية مستقلة،،، من العام للسنة هذي ولا مسج وصلني
او اتصال بسبب غيابها ،،

للعلم اتلقى يوميا مسجات من المدرسة بخصوص اللوائج
والاخبار والتعليمات الجديدة ،،

انا نفس الشي لين غابو بناتي في الابتدائي ولاحد يتصل يستفسر عن سبب الغياب

والله مرتاحين فاكين عمرهم:nice:

في سجل يومي عندنا اسمة سجل الاتصال باوليا الامور للطالبات المتغيابات وتشوفة المسؤولة كل اسبوع